Ubushinjacyaha n’AgDF : Martin Ngoga yinjiye mu mukino wo kurimanganya izuba riva ! (leprophete.fr)

Publié le par veritas

ngoga.pngNa none birongeye biragaragaye ko ikigega AgDF kitagenewe gufasha Leta mu kurangiza inshingano zayo bitewe n’uguhagarikwa kw’imfashanyo u Rwanda rwahabwaga n’amahanga ! Ko Ubushinjacyaha buhabwa amafaranga yo gukoresha buri mwaka hakurikijwe ingengo y’imari ya Leta, muri iki gihe bukaba bwari bukwiye kugira ibibazo byo kubona ayo bukoresha nk’izindi nzego za Leta : amafaranga angana na miliyoni ijana (100.000.000fr) butanzeho umusanzu buyakuye he ? Ese ubushinjacyaha bukuru bw’u Rwanda bwaba bukora umurimo w’ubucuruzi ngo tuvuge ko ariya mafaranga bwayungutse ? Iyi mikino abategetsi bacu barimo ni bwoko ki ?

 

1.Uyu musanzu ubushinjacyaha buteye AgDF usobanura iki?

 

A) Igisobanuro cya mbere gishoboka


 
 

(1)Uyu musanzu ni baringa, ni uburyo bwo guha Umushinjacyaha ijambo ngo atambutse ubutumwa bugenewe abaturage.


(2)Ni uburyo bwo gutera abaturage igipindi ngo bagire ngo iki kigega gifite ireme maze buri muturage, amashyirahamwe, za Kiliziya …bumve ko batagomba gusigara inyuma bataroshye amamiliyoni muri kiriya kigega kitagira indiba !


(3)Ni uburyo bwo kwemeza abaturage ku ngufu n’iterabwoba rugeretse , ko iki kigega kitagenewe gukungahaza Agatsiko konyine!


(4)Ni ikinyoma cyambaye ubusa!


B)Igisobanuro cya kabiri gishoboka


 
 

Koko ubushinjacyaha bwatanze ziriye miliyoni ijana Martin Ngoga avuga!

 

Bishatse kuvuga ko kiriya kigega gikomeje kuba icyanzu cyo gusohora amafaranga mu isanduku ya Leta nta nkomyi kugira ngo ashyirwe mu kigega azajya asohokamo ntawe urabutswe! Ni uburyo bwo gusahura umutungo wa Leta !


Ariko na none bivuze ko inzego za Leta zitagishishikaje Agatsiko ! Niba Martin Ngoga atanze amafaranga angana kuriya, ubushinjacyaha buzakoresha iki umurimo wabwo ? Bivuze ko inzego zikorera abaturage zigiye guhagarara , hakiberaho ikigega AgDF cyonyine! 


Uko wagoragoza kose, hari ikibazo gikomeye kidahabwa igisubizo !

 

2. Icyerekana ko Martin Ngoga yinjiye mu mukino w’amanyanga ni iki?

 

Arabeshya rubanda izuba riva ngo Abanyarwanda bagire icyizere ko umutungo urimo(AgDF) ntawuzawugira uwe cyangwa ngo awukoreshe ku nyungu ze bwite,”


 
 

A) Nyamara disi Martin Ngoga ntiyerekana icyo ayo mafaranga ateganirijwe gukora! Or, le point est là: aha niho hagomba gusobanuka !

 

Ariya mafaranga AZAKORESHWA MU YIHE GAHUNDA ? Leta nta burenganzira ifite na mba bwo kwaka abaturage amafaranga yabo bwite itabasobanuriye icyo igiye kuyakoresha kuko ibyo byaba ari ubujura n’ubwambuzi, bikaba bikwiye gufatwa nka « banditisme étatique » !

 

Icyo gihe abaturage bashyira mu gaciro bakwanga kubishyigikira ndetse babishobora bagahaguruka bakarwanya ayo mabandi !

 

Igihe.com yasabwe gutangaza ibi : “ Ubushinjacyaha Bukuru buratangaza ko bugiye gushyira ingufu mu kurinda umusanzu ushyirwa mu kigega “Agaciro Development Fund”, bukaba busaba Abanyarwanda kutagira impungenge (???)z’uko uwo musanzu wazakoreshwa mu byo utagenewe”.

 

Kugeza n’uyu munsi nta mutegetsi n’umwe uratubwira neza icyo iki kigega kimaze n’icyo aya mafaranga atangwa n’abaturage (n'inzego za Leta !! mu GAHATO n’ICYOKERE bidasanzwe  azakoreshwa !  Kuki badatobora ngo babivuge ku mugaragaro? Ni uko se Abanyarwanda ari injiji cyane ku buryo batakumva ibyo bisobanuro ?

 

B) Martin Ngoga ntiyerekana uzacunga kiriya kigega.

 

Arabeshya ngo : “Turatanga umusanzu muri iki kigega, tunagerekeho uwo kukirinda dufatanyije n’izindi nzego zibishinzwe....” . Izo "nzego zibishinzwe"nizo Abanyarwanda twese dukeneye kumenya! Ninde mu by’ukuri ushinzwe gucunga kiriya Kigega ngo tumumenye kandi tuzamubaze ibisobanuro ku micungire yacyo  ?


Ntabwo ari Minisiteri y’Imari kuko nayo isabwa gutangamo umusanzu ! None se gicungwa na nde ? N’Umubitsi wa FPR? Kuki nta we utinyuka kubisobanura?


Igisubizo kiragaragara: icyo Agatsiko gashaka gukoresha ariya mafaranga ntigisobanutse, kizwi n’abazayarya bonyine! Ni ukuvuga Intare:  Paul Kagame!

Niba ariko bimeze, Intarebatinya natunyuke abe intwari abivuge, rubanda ibimenye, irire yihanagure, ubuzima bukomeze !

 

Umwanzuro


Abaryantibahage  baribuke ko ibya rubanda bitaribwa buheriheri ! Amaherezo uwabiriye abyita ibye arabirutswa! Martin Ngoga aramenye umuriro yigeretse ku mutwe, ubwo yiyemereye ko ashinzwe gucunga ariya mafaranga avuye mu cyuya cy’amaraso ya rubanda: nibura tumenye izina ry’umuntu umwe ushobora kuzabibazwa !  Urabe wumva mutimamuke wo mu rutiba!

Ahasigaye, abagize Agatsiko nibatyaze amenyo baryoherwe ! Martin Ngoga azishyura fagitire.

 

Padiri Thomas.

 

 

Ngaho isomere icyo gipindi cya Martin Ngoga hasi aho :

 

 http://www.igihe.com/amakuru/mu-rwanda/ubushinjacyaha-uzashaka-kuzana-akaboko-karekare-ku-mafaranga-ya-agdf-ararye-ari-menge.html

 

 

 

Pour être informé des derniers articles, inscrivez vous :
Commenter cet article
I
<br /> Evode Uwizeyimana na Patrick Ndengera alias Tite Kayijamahe ni abagambanyi.<br /> <br /> Maze iminsi nsoma messages zagiye zandikwa na Evode na Ndengera nyuma yaho basezeye mu ishyaka RDI ariko ibi<br /> bitekerezo bahitisha munyandiko zabo bigaragaza neza ko aba bahungu bombi koko ari abagambanyi.Ubugambanyi bwabo rero bukaba bushingiye mbere na mbere mukumena amabanga y'ishyaka RDI.Kuba<br /> barahisemo gusebya Muzehe Twagiramungu Faustin ubwabyo ntabwo byari ikibazo nubwo bidahwitse ariko kuba birirwa bamena amabanga y'ishyaka cg y'umunyapolitiki Muzehe Twagiramungu Faustin<br /> bigaragaza neza ko bari mumugambi wo gusenya.<br /> Iyo urebye nk'inyandiko za Evode Uwizeyimana n'amagambo amusohokamo bituma nibaza niba uyu muhungu uretse gusebanya<br /> niba hari uburere agira?Ubu se koko uretse ko abanyarwanda bagize amahirwe agahunga nibyo yandika akaba abyandika m'ururimi aba canadiens batumva babyumvise ntibakeka ko bahaye ubuhungiro umusazi<br /> bagira ngo n'umuntu?Niba koko Leta ya Kigali yarirutse kuri Evode yarahemutse kuko bagomba kumujyana Indera kuko bamwibeshyeho bagira ngo ni umuntu kandi ari umurwayi.<br /> <br /> Ndengera Patrick we afite ikibazo kihahamuka rituruka kukuntu inkotanyi zishe murumuna we bahagararanye .Nubu rero iyo<br /> abonye umuntu wo muri FPR agira ngo niwe uje kumurokora kandi nyamara aribo bahitanye umuvandimwe.<br /> <br /> Ibi rero ngo Evode Uwizeyima na Patrick Ndengera babikora bagamije gutesha agaciro Ishyaka RDI cg Muzehe Twagiramungu<br /> .Rwose abantu ntibacike intege kuko vision ishyaka na Faustin bafitiye abanyarwanda ni iyubaka .Ni igarura ihimire ni Ituze mubanyarwanda bityo naba bahungu barwaye bagashobora<br /> kuvuzwa.<br /> FPR yo aba basore ntacyo izabapimira,uretse kubateranya n'abandi banyarwanda kandi bwarakeye biraba.<br /> Ubundi se iyo birirwa baseka Faustin ngo akaora politiki yo gufungwa cg kwicwa ubundi abanyapoltique bo muri afrique<br /> babona ibyabo biganisha he?Ubundi muri afurika iyo uvuze ukuri urafungwa utafungwa ukicwa.Ingero rero zirahari kandi kubwinshi.Nicyo Muzehe Faustin Twagiramungu yavugaga kandi niko biri.Niba bo<br /> bafite indi nzira ya politique nibabe abagabo nabo bashinge ishyaka ryabo.Ariko nkurikije umitekerereze yabo ishingiye k'uburwayi n'ihahamuka bibarimo ntawabagana cg ngo babitinyuke.Mboneyeho<br /> gusaba amashyaka ya opposition yihutira gushakisha abayoboke ko mbere yogushyira mu ishyaka Evode na Ndengera bagomba kuvuzwa.Babyirengagije bazirengere ingaruka zabyo.<br /> <br /> Amagambo yabo yabavanye m'uruhando rw'abanyapolitiki.<br />
Répondre
G
<br /> Padi, uteye ahaginda pee! Kandi... cela n'empeche pas les caravannes de passer<br />
Répondre