RDC: Intambara Congo irwana na M23 irimo imbaraga za Illuminati !

Iyo witegereje neza uko intambara iri mu gihugu cya Kongo iteye ,ubona neza ko hari imbaraga zitabonwa n’abari kuyirwana zirinyuma yayo kandi zifite ububasha ! Izo mbaraga ni zazindi zigaragara muri rya dini ry’abazungu ryitwa « Illuminati ». Ntabwo ari ugukura abantu umutima cyangwa guca intege,ariko ibintu bigaragara ku rugamba birerekana ko Kongo ifite imbaraga itabona irwana nazo kandi zigoye kuzitsinda. Bisanzwe bizwi ko iyi si iyoborwa n’imbaraga za Illuminati, zigaragazwa n’ubuhangange bw’igihugu cya Leta Zunze ubumwe z’Amerika (USA) ndetse buri muperezida w’Amerika akaba ari nawe mukuru wa Illuminati ku isi. Ahandi illuminati igaragaza imbaraga ni mumuryango w’abibumbye loni (ONU) ;kuburyo uwo muryango udashobora kuvuguruza imbaraga za Illuminati, ku kibazo k’intambara ya Kongo ,turabagezaho iyi nkuru yerekana neza ko illuminati ariyo iri gukora intambara muri Kivu, dore uko iyo nkuru igaragaza izo mbaraga :

Twumvise ijwi ry’uburakari riturutse i Goma : Umunyamakuru ukorera mu karere k’imirwano yari i Munigi akurikiranye ingabo za Kongo FARDC zari zigabye igitero mu birindiro by’umutwe wa M23. Uwo munyamakuru yiboneye n’amaso ye ingabo za Loni (Monusco) ziri kuzitira amayira zikoresheje ibimodoka bya amatanki ya gisilikare kugirango ingabo za Kongo FARDC zidashobora gutambutsa intwaro zabo n’amasasu ngo zishobore kugaba igitero kuri M23.

Undi muntu wari aho ibyo byabereye yatubwiye ko abaturage bagoswe n’umutwe wa M23 bahise bahaguruka batangira gutera amabuye ingabo za Loni zafungiye amayira ingabo za Congo ; ingabo za Loni zimaze kubona ko abaturage bazimereye nabi zahise zifungura amayira ingabo za Kongo ziratambuka. Ingabo za Loni zikaba zarafungiye amayira ingabo za Kongo kuko zashakaga kubahiriza icyifuzo k’intumwa y’umunyamabanga mukuru wa Loni Madame Mary Robenson, ngo ushaka ko leta ya Kongo ihagarika intambara, igashyikirana n’umutwe wa M23 kugira ngo basuzumire hamwe uburyo inyeshyamba z’uwo mutwe zinjizwa mu ngabo za Kongo ; icyo gitekerezo kikaba kidashyigikiwe n’ingabo za Kongo ndetse n’abaturage barambiwe guhora mu ntambara z’urudaca aho inyeshyama zinjizwa mu gisikare k’igihugu nyuma zikitwara nabi zikivumbura zikongera zikica abaturage !

Nyuma y’icyo gikorwa cyo kuzitira ingabo za Kongo ngo zitajya kurwanya M23,ubu haravugwa iperereza ku ngabo za Kongo riyobowe n’ingabo za Loni , ngo iryo perereza riri gushakisha abasilikare ba Kongo ngo bacunaguje imirambo y’inyeshyamba za M23 zaguye kurugamba ngo kandi n’abakuru b’izo ngabo zacunaguje imirambo nabo bakaba bagomba guhanwa ! Ibyo kandi bikaba byabanjirijwe n’amakuru yavugwaga kuri uyu wa kane mu gitondo ko umuyobozi w’imirwano mu ngabo za Kongo uri ku rugamba mu bice bya Goma yahamagajwe i Kinshasa na Perezida Kabila , bigatuma abaturage bigaragambya ndetse n’abasilikare bamwe bagatangira kuva kurugamba , ako kaduruvayo katumye ingabo za Kongo zigabanya umurego mu gukurikirana umwanzi uretse ko umuyobozi w’intara ya Kivu y’amajyaruguru yatanze itangazo avuga ko iyo nkuru yo guhamagaza umuyobozi w’imirwano ari ibihuha by’umwanzi !

Abantu benshi bakunda kunegura ingabo za Kongo, ngo ni abaswa, ngo zigira ubwoba , ngo ni abo kubyina gusa n’ibindi byinshi, none zigaragaje ubutwari kurugamba ! Umwanzi nyawe zihanganye nawe ahita yigaragaza ! Mubyukuri ntabwo Kongo iri kurwana na M23, irimo irwana n’imbaraga za Illuminati, ziriya mbaraga ni zo ziri kohereza amatanki ya gisilikare kujya kubuza ingabo za Kongo kujya kurwanya umwanzi. Harya izi ngabo za Loni sizo zahawe ubutumwa bwo kurwanya imitwe yitwaje intwaro mu burasirazuba bwa Congo na M23 irimo? Niba se Kongo ishaka kurwanya uwo mutwe wa M23 izo ngabo za loni zikayitambika imbere zizaba zikirwanyije iyo mitwe? Igisubizo buri wese arabonera ibi bibazo kiramwereka ko Kongo iri kurwana n'izindi mbaraga zitari izo ibona !

Kuba Kabila yahamagaje uyoboye imirwano abaturage bakigaragambya bigahindurwa ibihuha ,buriya nawe si we, wabona ziriya mbaraga za Illuminati ziri gutegeka ingabo za Loni kubuza ingabo za Kongo kurwana, arizo ziri gusaba Kabila guhindura bariya basilikare bitwaye neza kurugamba ! Ntabwo byazatangaza abantu mu minsi mike iri imbere tubonye ingabo za Kongo zitaye urugamba zikiruka bitewe ni uko zabuze amasasu ! Illuminati azi ubwenge cyane, Kongo ntigira uruganda rukora intwaro, wazabona illuminati ategetse abagurisha intwaro kutaziha Kongo ! Biramutse se bigenze gutyo Kabila yabigenza ate ? Ni uguhita ategeka abasilikare be kwiruka kugira ngo badashira !!

Muri make ngibyo ibibazo abanyafurika bo mu karere k’ibiyaga bigari tuzira. None se ntimuzi ko M23 yasatuye abagore inda ndetse amashusho agakwira isi yose ? Loni se yavuze iki? Ntimuzi se ko mu kwezi kwa cumi n’abiri 2012, M23 yishe abasilikare ba Kongo ikabarambika mu muhanda bagashenguka ikajya ibanyuzaho amakamyo ya gisilikare? Kandi icyo gihe n’ingabo za Loni (Monusco zari kumwe nayo) kuki nta perereza Loni yakoze?

Muri make ngizo imbaraga za illuminati zigiye kurimbura abirabura bagashira ! Kandi mu mugambi wa Illuminati kwica abantu benshi ndetse no gukora jenoside bizamura umuyoboke wayo mu ntera !

Abashaka gusobanukirwa na illuminati :bakanda aha bakisomera

Abashaka gusobanukirwa n’inkuru y’uko loni yabujije ingabo za Kongo kurwanya M23: bakanda aha bagasobanukirwa.

Kalinijabo

Umusomyi wa Veritasinfo