Rwanda day London 2013: Umunsi wo gushimira Tony Blair uherutse kubyara muri batisimu Paul Kagame mu idini rya illuminati !

Uhoraho ati : « Wakoze ibiki ? Amaraso ya murumuna wawe wamennye, ngaha arantabariza mu gitaka. Ubu ngubu ubaye ikivume kubutaka, bwo bwasamye ukabwuhira amaraso ya murumuna wawe. Nuhinga ubutaka ntibuzongera kukurumbukira ; uzahora uri inzererezi yangara ku isi. (intangiriro 4 ;10-12)» Aya magambo ya bibiliya ntawabura kuyabwira Kagame Paul, we wabaye nyirabayazana y’amahano yabaye mu Rwanda none ubu akaba yarayagejeje no mu gihugu cy’abaturanyi cya Congo ; umutimanama we ntugituma agira aho arara , asigaye yihisha abamubaza ibyo yakoze ! Umugabo ubwira isi yose ko yubatse u Rwanda rukaba nk’Uburayi ariko buri mwaka akajya gusembera mu bihugu bikomeye ngo arizihiza Rwanda day ! Kuki se atayizihiriza mu Rwanda ayo mahanga n’abo banyarwanda baba iyo gihera bakaza kureba ibyagezweho mu Rwanda ndetse n’ayo madovize bazanye akinjira mu gihugu ? Biratangaje cyane kubona abanyarwanda bari kwicwa n'inzara, bakarwara amavunja umukuru w'igihugu wakagombye kubacungira na duke batanze mu kigega cy'Agaciro akaba agiye kutwinezezamo no kutubyinira mu rugo rwabandi Ibwotamasimbi! Aho kuba Paul Kagame akomeje kuzerera mu mamahanga none ubu akaba yarihaye no  guhindura idini akajya muri illuminati,si umuvumo w’abo yishe umukurikiranye ?

 

Nk’uko amakuru ari mubinyamakuru binyuranye abivuga, Paul Kagame aritegura kubahiriza ibirori bidasanzwe mu gihugu cy’Ubwongereza byahawe akazina ka « Rwanda day London 2013 », kuwa gatandatu taliki ya 18 gicurasi 2013. Uko kwigaragaza kudasanzwe kwa Paul Kagame ku mugabane w’Uburayi kwateye amatsiko abantu benshi mu gihe yari amaze iminsi yihisha ibibazo bikomeye biri mu gihugu cye.Ababikurikiranira hafi bemeza ko ibyo birori byo mu bwongereza byateguwe muri gahunda yo gushimira Tony Blair uherutse kubyara muri batisimu Paul Kagame mu idini rya gipagani ry’abazungu ryitwa Illuminati.

 

Paul Kagame yagiye yihunza ibibazo bikomereye u Rwanda kandi yateje,akajya kwitabira imigenzo n’imiziririzo y’idini yaba sekibi yitwa illuminati. Ingero zigaragaza uko kwihisha ni uko mu kwezi kwa Werurwe 2013 ubwo inyeshyamba za M23 zasubiranagamo, igihugu cy’Amerika cyasabye Paul Kagame gufata Bosco Ntaganda akamushyikiriza urukiko ; Kagame amaze kubona ko bimukomereye yahise asimbukira muri Amerika ; yumvise ko Bosco Ntaganda yageze muri Ambasade y’Amerika, Kagame Paul ahita asimbukira mu gihugu cya Mexique (aho yarimo abonana naba illuminati).

 

Kugira ngo Bosco Ntaganda yoherezwe i La Haye, byabaye ngombwa ko umunyamabanga mukuru wa ONU Ban-Ki Moon ahamagaza Kagame mu gihugu cya Mexique akaza muri Leta zunze Ubumwe z’Amerika kubuyobozi bukuru bwa ONU kugirango yemere imbona nkubone ko atazabangamira ijyanwa rya Bosco Ntaganda mu rukiko mpuzamahanga mpanabyaha. Nkaho yagahitiye mu Rwanda avuye muri Amerika, Paul Kagame yahitiye kwa prezida Sassou Nguesso (Congo Brazza) nawe wabaye umuyoboke wa illuminati kugirango amukorereho imihango yo gutuma agera i kigali amahoro.  

 

Mumpera z’ukwezi kwa Mata 2013, intumwa y’umunyamabanga mukuru  w’umuryango w’abibumbye mu karere k’ibiyaga bigari Madame Mary Robinson yafashe gahunda yo gusura ibihugu byashyize umukono ku masezerano yo kugarura amahoro muri Congo no mu karere k’ibiyaga bigari muri Rusange, kugira ngo arebere hamwe n’abayobozi b’ibyo bihugu uburyo bari gushyira mu bikorwa ayo masezerano ; Kagame Paul yahise afata urugendo rwo kujya i Los Angeles muri leta zunze Ubumwe z’Amerika kubonana n’abayobozi bakuru b’iyi si muby’ubutunzi bibumbiye mu muryango witwa ILLUMINATI. Kagame Paul akaba yaravuganiye kuri telefoni n’intumwa ya loni, ikimara kugera i Kigali ; kuko byagaragaye ko u Rwanda aricyo gihugu cyahise kica ayo masezerano mu ikubitiro !

 

(Ifoto: imwe mu mihango ya gipagani abazungu bakoreraho Kagame)

 

Mumigenzo ikorerwa mu ibanga rikomeye y’idini rya gipagani rya illuminati niho Paul Kagame yazamuwe mu ntera , ava kurwego rw’abo bita Franc-maçon, agirwa illuminati, akaba yarabyawe muri batisimu na Tony Blair, wigeze kuba ministre w’intebe w’igihugu cy’Ubwongereza, ubu akaba ari umujyanama wa Paul Kagame.Kugira ngo umuntu ajye mu rwego rwa illuminati agomba kuba yemera amategeko yayo yo gukorera mu ibanga rikomeye hagamijwe gukuraho imipaka y’ibihugu byo ku isi, kuvuga ururimi rumwe ku isi, kugira ifaranga rimwe ku isi no gukora icyo umuntu ashatse nta tegeko rimubuza ! Kugira ngo izo ntego illuminati izigereho yemera ko hagomba gukoreshwa uburyo bwose burimo intambara, kwica abantu benshi harimo na jenoside, kwica abayobozi b’ibihugu batemera intego za illuminati kandi byose bigakorwa mu ibanga rikomeye !

 

Twifashishije inyandiko zasohotse mubinyamakuru binyuranye, twifuje kubagezaho ibisobanuro kuri illuminati, noneho buri wese ayoborwe n’umutimanama we wo kumenya niba koko Paul Kagame yujuje ibyangombwa byo kuba yaremerewe gushyirwa mu rwego rwa Illuminati ruyobora ibikorwa byinshi kuri iyi si !

 

ILLUMINATI NI IKI ? ESE KOKO ISI IYOBORWA NA ILLUMINATI ?

 

Ubusanzwe tuzi ko ibihugu byacu biyoborwa n’abaperezida, ba minisitiri b’intebe, abami cyangwa ibikomangoma. Gusa benshi mu banyabwenge bemera ko ukuri kuri ukubiri : hari uko tubona, hari n’uko tutabona, akenshi ukanasanga uko tutabona ari ko kwa nyakwo.

 

(ifoto: ikirango cya illuminati)

 

Buri muntu wese kuri iyi si aba afite abamukunda, abamwanga, abifuza ko ajya mbere, abamukuriye cyangwa we akuriye. Gusa abantu benshi baracyibaza bati “ese iyi si iyoborwa nande ?” Abanyamadini bavuga ko isi iri mu maboko ya Satani, ariko igihe kikaba kizagera uwayiremye akayisubiza. Gusa ikigaragara ni uko ibibera ku isi byose hari ababa babiri inyuma kandi hari inyungu bagamije. Muri abo bakunze kuvugwa, abaza imbere ni Illuminati.

Aha ndabanza kubamenyesha ko kubivugaho bitavuze ko mbyemera cyangwa ntabyemera, icyo ngamije ni ugusubiza ibibazo bamwe batubajije bashaka kugira icyo bamenya ku bivugwa. Ibivugwa kuri Illuminati hari benshi babitera utwatsi, bakabyita ibyahimbwe n’abo bita conspiracy theorists, ni ukuvuga ababona ko mu kabaye kose ku isi haba harimo ubugambanyi bw’abantu runaka.

Illuminati ni iki ?

Kuvuga kuri Illuminati ni ibintu bitoroshye byasaba kwandika ibitabo kandi n’ubundi byarakozwe, ndetse bimwe na bimwe twarabisomye, cyane cyane The 13 Satanic Bloodlines of Illuminati cya Fritz Springmeier na Cosmic Trigger : the Final Secret of The Illuminati cya Robert Anton. Kugirango umenye Illuminati kandi, bisaba kuba uzi ibindi bintu byinshi byerekeranye n’udutsiko tw’ibanga (secret societies), bityo bikaba biri bunsabe kugenda nsa nk’utandukira gato ngende mvuga kuri utwo dutsiko tundi.

Ubundi Illuminati biva ku ijambo ry’ikilatini illuminatus bivuga ‘umurikiwe’ cyangwa ushagawe n’urumuri, illuminati rikaba riri mu bwinshi (pluriel, plural). Abantu bose bavuga amateka ya Illuminati bemeza ko ari agatsiko k’ibanga (secret society) kashinzwe na Adam Weishaupt wari umwarimu muri Kaminuza ya Ingolstadt muri Bavière (Bayer) mu Budage, hari tariki 1/5/1776.

 

Uwo mugabo yari asanzwe ari mu muryango wa Freemasonry (Franc-maçonnerie) uyu ukaba ari umuryango n’ubu ukiriho, uhuza abantu batandukanye bahuriye ku ibanga ubwabo bazi bonyine, gusa ikizwi nuko badasenga Imana, ahubwo bemera uwo bita Umwubatsi Mukuru w’Isi (Le Grand Architecte de l’univers). Ibi abakristu bakaba babifata nko gusenga Shitani. Icyo twababwira nuko Freemasonry idashingiye ku idini, kuko habamo abakristu, abayisilamu n’abo mu yandi madini.

 

Abantu bo muri Freemasonry barakundana cyane, kandi usanga bafite imyanya ikomeye mu bihugu byabo, ndetse yewe bamwe mu bayobozi bo muri Afurika bari aba Freemasons (Franc-maçons) ; urugero ruri hafi ni nyakwigendera Omar Bongo Ondimba wayoboraga Gabon, benshi mu bayoboye Afurika y’epfo mu gihe cya Apartheid n’abandi ubu bakiri ku butegetsi.

Adam Weishaupt rero nawe yari asanzwe muri Freemasonry kandi n’abantu bavugwa muri Illuminati ubu usanga bari ku rwego rwo hejuru muri Freemasonry. Imyemerere y’uwo mugabo yari iyo abemera Imana muri iki gihe twakwita iya gipagani kuko yari umuhakanyi (atheist) wa mbere, akaba kandi umuntu wemera ko umuntu agomba kugendera ku mitekerereze ye, atitaye ku yandi mategeko niyo yaba yitwa ko ari ay’Imana. Yakoraga kandi ibikorwa by’ubukonikoni (magic), ubupfumu (yes, n’abazungu barabikora) n’ibindi bidasanzwe. Urwo rwego rwa Illuminati rwaje gucibwa muri Bavière, biba ngombwa ko bakorera mu bwihisho kugera muri za 1970, n’ubu bakaba bagikora.

Illuminati no gusenga Shitani

Haba kuri internet, mu binyamakuru cyangwa mu bitabo bitandukanye, usanga amadini ya gikirisitu, cyane cyane ay’abarokore (evangelists) akunda kuvuga kuri Illuminati nk’igikoresho cya Shitani. Ibyo babihera ko Illuminati yashinzwe isa nk’isimbura imico ya gipfumu no kuramya Imana z’abaromani n’abagereki. Muri iyo mico dusangamo ibikorwa abakirisitu bazira cyane nk’ubusambanyi bukabije burimo kuryamana ku bantu bo mu muryango umwe (inceste), gutanga imibiri y’abantu ho igitambo, ubwicanyi bw’indengakamere, gufata ku ngufu impinja, kurya abantu no kunywa amaraso yabo n’ibindi. Usangamo kandi kwemera ibimenyetso bimwe na bimwe nk’izuba, ukwezi, imibare imwe n’imwe nka 3, 7, 11,13, 32,33, n’umubare utitiza bamwe ariwo 666… Iyo mibare bayigenderaho mu buzima bwabo bakoresheje kalendari, horoscope n’ibindi. Ibi byose rero ku bakirisitu bifatwa nk’imihango ya gipagani.

 
(Idolari ry’Amerika ririho ibimenyetso byinshi cyane bya Freemasonry, kandi n’aba Illuminati bakoresha :Ibyo ni ijisho rimwe (The Eye of Horus, ariko hari abavuga ko ari irya shitani) na pyramide)

 

Ikindi abakristu baheraho bavuga ko ba Illuminati baramya Shitani ni iryo zina nyine illuminati (abamurikiwe) mu gihe irindi zina rya Satani ari Lucifer (ufashe urumuri). Inyigisho yabo kandi ivuga ko buri muntu agomba kuba nyamwigendaho, agakora ibyo ashatse byose. Muri make niwiba cyangwa nusambana ukumva urabyishimiye ubwo bizaba ari byiza ; ibi bikaba bitandukanye n’abemera Imana bavuga ko itandukaniro ry’icyiza n’ikibi rikubiye mu mategeko 10 y’Imana ku bakirisitu cyangwa muri Qor’an ku bayisilamu.

Ibindi bimenyetso bya Illuminati ni nk’ijisho rimwe (The Eye of Horus, ryarindi riri ku idolari), igishushanyo cya pyramide (kiri ku idolari ry’Amerika n’ahandi), mpandeshanu (pentagone), mpandeshatu (triangle), mpandesheshatu (hexagone) n’ibindi… Idolari ry’Amerika ririho ibimenyetso byinshi cyane bya Freemasonry, kandi n’aba Illuminati bakoresha : Ibyo ni ijisho rimwe (The Eye of Horus, ariko hari abavuga ko ari irya shitani) na pyramide

Intego za Illuminati

Intego ya Illuminati ni imwe rukumbi : gukuraho icyitwa ubutegetsi bwose kuri iyi si, abantu bakabaho uko bashatse, nta mipaka, nta bihugu. Hakabaho guverinoma imwe, ifaranga rimwe, ururimi rumwe, mbese hakavaho ibitandukanya abantu byose. Ibi bintu ubyumvise gutya wahita uvuga ko ari byiza cyane ahubwo bikwiye gushyigikirwa, ariko uburyo bakoresha kugirango bizagerweho (intambara, jenoside, inzara, indwara zidakira,...) ni bubi cyane ku buryo byaba byiza tugumye uko turiho ubu.

Bivugwa ko intego ya mbere ya Illuminati yabaye ishingwa rya Leta Zunze ubumwe z’Amerika, dore ko Illuminati yashinzwe tariki 1/5/1776, USA isinya ubwigenge tariki 4/7/1776. 

 

Abandi bantu bakomeye bari muri illuminati bayobora iyi si :

 

Abahanga bavuga ko abantu bakeka ko iyi si iyoborwa na Loni cyangwa ko ibihugu byacu biyoborwa na ba perezida bibeshya cyane. Mu by’ukuri hari inzego zitandukanye zigena ibyiza n’ibibi bigomba kuba kuri iyi si kandi zikabigeraho. Nizo zizamura ibiciro zikabimanura, nizo zigena uburyo indwara ziyongera cyangwa zigabanuka, nizo ziteza ibyago zikanatabara… Izo nzego zigizwe n’abantu bari mu myanya ikomeye muri iyi si, kandi bakora ibyo zateganyije. Urwego rukuru muri zo ni Illuminati.

Muri Illuminati hagiye harimo abantu benshi bakomeye bagiye bari mu nzego n’udutsiko dutandukanye, aba mbere bakaba aba Freemasons. Gusa aba Freemasons ni benshi no mu Rwanda barahari nta kabuza, ariko muri Freemasons habamo inzego (degrees). Ugeze ku rwego rwa 33 aba ari umuntu ukomeye cyane wamaririje mu buhanga bw’umwijima.

Mu ba Freemasons bamenyekanye harimo : Omar Bongo Ondimba (wayoboye Gabon), Ali Bongo (umungu wa Bongo niwe Musenyeri wa freemason muri Afurika yo hagati),Denis Sassou Nguesso (uyobora Congo-Brazzaville), Idriss Deby (Tchad), Gnassingbé Eyadema (wayoboraga Togo), Paul Biya (Cameroun), Blaise Compaoré (Burkina Faso), Silvio Berlusconi (minisitiri w’intebe w’u Butaliyani), Adam Weishaupt washinze Illuminati, abami benshi b’u Burayi baba abahise n’ab’ubu, abaperezida benshi b’Amerika, Harry, Samuel na Jack Warner (bashinzwe Warner Bros. isohora films nyinshi ureba), abanditsi bakomeye mu mateka n’abandi benshi cyane.

 

Uretse Freemasonry, hari abandi benshi bakomoka mu tundi dutsiko tw’ibanga. Aha havugwa cyane nka Skull and Bones yashinzwe mu 1832 muri kaminuza rurangiranwa ya Yale muri USA. Iyi Kaminuza ibarirwa mu zikomeye, ikaba yarizemo abayobozi bakomeye muri Amerika nka Bill na Hillary Clinton, ba Bush bombi n’abandi benshi. Abagize Skull and Bones bafite imihango bakorera mu nzu yabo yitwa The Tomb (imva) iri muri iyo Kaminuza, ibyo bakora ni ibanga ariko abahageze bavuga ko habamo ibikorwa by’ubupfumu, gutura ibitambo, kuvuga amabanga yabo yose (ibibi bakoze, abagore baryamanye n’uko byagenze n’ibindi).

 

Abagize Skull and Bones (bita Bonesmen) bagirana igihango gikomeye kandi bakaziyemeza gufatanya igihe cyose. Niyo mpamvu ubwo Bush na John Kerry bahatanaga ku mwanya wa perezida muri 2004, abantu bamwe bavugaga ko uzatorwa wese ari kimwe kuko bombi bari aba bonesmen. Skull and Bones yahaye Amerika abayobozi benshi cyane harimo abaperezida 3 (William H. Taft, George Bush na George W Bush), abasenateri, abajenerali n’abacamanza batabarika.

Inzego zifata gahunda y’icyerekezo cy’isi ntabwo ari Loni, FMI (IMF) na Banki y’isi nk’uko mwabikeka, ahubwo ni imiryango imwe n’imwe igizwe n’abantu bake kandi iterana mu ibanga :

(ifoto: Hillary Clinton na Rick Warren bari mu bagize Council on Foreign Relations)

 

-Council on Foreign Relations (CFR) : ni ikigo cy’ubushakashatsi mu byerekeye ububanyi n’amahanga. Ibivugirwamo ni ibanga rikomeye. Isuzuma ryakozwe ryasanze ½ cy’Abayobozi bakuru mu nzego z’ubutegetsi muri Amerika bari muri CFR ! Muri bo harimo Obama n’abamubanjirije (Jimmy Carter, ba Bush, Clinton), abasenateri benshi (Mc Cain wari ’uhanganye’ na Obama n’abandi), abanyapolitike,abadipolomate,abajenerali, abarimu muri kaminuza, abanyamakuru bakomeye, impuguke zitandukanye, abanyamadini (nka Rick Warren, etc), ibyamamare (Angelina Jolie), n’abandi benshi barenga 4000. 

 

-Bildeberger Group : ni itsinda rihuriramo abanyemari, abanyapolitiki, abanyamakuru n’abandi bantu benshi bakora mu nzego zitandukanye zo ku isi. Ibiganiro bagira biba ari ibanga ariko bigira ingaruka nyinshi mu buzima bwacu. Mu bagize iyo group harimo ibikomangoma n’abami b’i Burayi, n’abandi bibikomerezwa bitandukanye byo ku isi. Bo bavuga ko mu biganiro byabo babonera ibisubizo ibibazo byo ku isi, ariko bimwe mu bisubizo batanga ubwabyo biba bigenewe kubyara ibindi bibazo… 

-13 Satanic Bloodlines : ni imiryango 13 yo ku isi ifatwa nk’iyifitemo amaraso avanze y’abantu n’ay’abadayimoni. Ni imiryango ifite ubukire buhambaye, ubutegetsi kuri iyi si ku buryo bakora icyo bishakiye. Muri yo harimo famille ya Astor, Bundy, Collins, Freeman, Kennedy (ikomokamo John F Kennedy, Robert F Kennedy na Senateri Ted Kennedy bose bitabye Imana), famille ya Li (yo mu Bushinwa), Onassis, Reynolds, Russell, Van Duyn, Rockefeller (famille y’abaherwe bo muri Amerika, ni benshi kandi bamwe muri bo ni aba milliardaires ariko ntiwabasanga ku rutonde ruzwi rwa Forbes), Rotschild (famille y’abayahudi ikomeye cyane i Burayi, bivugwa ko utubanki twose two ku isi badufiteho ububasha, harimo n’iyo wowe ubitsamo. Bivugwa kandi ko ½ cya zahabu yo ku isi ari iyabo).

(ifoto :Abaperezida 4 bafitanye isano : Bush Sr, Obama, Bush Jr na Clinton)

 

Kuri iyo miryango hiyongeramo Merovengian ukomokamo abami bose b’i Burayi kuva mu mwaka wa 800 nyuma ya Yezu (imiryango y’abami yirirwa ishyingirana ngo bagumane amaraso yabo) ! Iyi famille niyo ikomokamo Lincoln, Bush, Obama, Bill na Hillary Clinton, Dick Cheney, Princess Diana, John Kerry, Brad Pitt, Marilyn Monroe, Céline Dion n’abandi benshi mwamenya mukumirwa…

 

Muri make muri abo bose bavuzwe haruguru hari abafite ibitekerezo bya gikomunisiti, hari n’aba capitalists. Harimo abemera Imana n’abatayemera, harimo aba republicans n’aba democrats, harimo abazi ko barimo n’abatabizi, abitwara neza n’abitwara nabi, ariko intego yabo ni imwe: kugira isi nk’igihugu kimwe, bakazayitegeka kuko aribo banyabwenge b’ikirenga (illuminati). Muri bimwe mu bitekerezo bafite harimo kugabanya umubare w’abatuye isi hakoreshejwe intambara, jenoside, indwara, inzara, imitingito (yes, habaho imashini itera imitingito ikomeye) n’ibindi ngo kuko basanga ku isi hari abantu benshi barya badakora. Ibyo kandi bazabigeraho kuko byose ari ibyabo : amafaranga, ubutaka, ikirere, amashuri, amadini n’ibitangazamakuru (AFP, AP, Reuters, BBC, RFI, CNN, New York Times, Washington Post, etc)

Iyo si izayoborwa n’umuntu umwe ukomoka mu muryango w’umwami Dawidi (niwo Yezu akomokamo, ninawo aba Merovingian’s bakomokamo). Aba Kristu umuntu nk’uwo tumwita Antichrist kuko azaba avuga ko ari Kristu (dore ko bazaba banahuje amaraso). Abasenga nimusenge...

 

 

KUKI KAGAME PAUL AHOZA MU KANWA IKORANABUHANGA N’ITERAMBERE ? DORE ICYO ILLUMINATI IBIVUGAHO !

 

Tubwizanyije ukuri, iterambere ni ryiza peee ! Nta muntu utakwishimira kuvugana n’abe bari mu bilometero amagana n’amagana atagombye kwambuka imigezi no kurenga imisozi itabarika. Ariko se... ikoranabuhanga riramutse rikoreshejwe mu nzira zitari nziza byabyara iki ?

 
Guhuriza Isi munsi y’ubuyobozi bumwe : Ikimenyetso cy’inyamaswa ? Ibyahishuwe 13:16-17

Ibi ni incamake ya bimwe mu byo twabakusanyirije hirya no hino. Ni umugambi ugomba kujya mu bikorwa byanze bikunze. Ni umushinga wo guhuriza hamwe isi mu nsi y’ubuyobozi bumwe. Watangiriye muri Leta Zunze Ubumwe za Amerika (USA) mu myaka ya za 50 (1950).

 
Biciye mu bayobozi ba Leta Zunze ubumwe z’Amerika, hari umugambi wo guhuriza abantu b’isi yose munsi y’ubuyobozi bwabo, bakagendera ku mahame yabo, bagakunda ibyo bakunda, bakambara ibyo bambara, bakarya ibyo barya. Iyi guverinoma nshya igamije gukontorola no kugenga buri muntu aho ari hose. Umugambi w’abayoboke ba Church of Satan n’abambari babo (Illuminati n’andi ma Secret Societies).

Wishidikanya ! Gukurikirana umuntu ni ibintu byoroshye cyane kugeza ubu : wifashishije amakuru ari muri banki, ku mbuga za interneti n’ahandi hatandukanye. Isi irasa n’umudugudu muto cyane kubera ikoranabuhanga n’iterambere rigezweho.No mu Rwanda irangamuntu Kagame yashyizeho zikozwe mu ikoranabuhanga rya illuminati (carte d'identité biometrique)!

Ibi byatangiye gushyirwa mu bikorwa : abayobozi b’ibihugu bikomeye, mbere na mbere USA bafashe icyemezo cyo gushyiraho indangamuntu zidasanzwe : utwuma dutoya cyane tw’ikoranabuhanga (micro-puces éléctroniques), tuzajya dushyirwa hamwe mu hantu hatatu ku mubiri nyirubwite yihitiyemo :Ku kiganza inyuma,murutoki cyangwa ku gahanga.

 

Aka gakoresho kazaha uburenganzira abayobozi bwo gucunga buri wese ugafite. Amakuru yose amwerekeyeho, aho ari, icyo ari gukora, icyo ari kuvuga, niba aryamye, ... buri kimwe cyose, no kuba yahanagurwa ku ikarita y’isi (kwicwa) igihe icyo aricyo cyose, ibi byo birumvikana. Gukontorola bizajya bikorwa hifashishijwe za satellites zabugenewe.

Si amakabyankuru : Igihugu cya Nouvelle Zélande (New Zealand) cyatoranyijwe kubanziriza ibindi muri iyo gahunda y’indangamuntu nshya zitagaragara ku maso. 

Mbese aho wari uzi ko mu mwaka wa 2006, abana b’impinja bagera ku bihumbi 15 batewemo bene turiya twuma bakivuka ? Mu gihugu cya Australia, buri muntu wese ukora mu rwego urwo ari rwo rwose rwa banki, igisilikare yategetswe gukoresha buriya buryo bushya bw’indangamuntu.

Kuri gahunda hateganyijwe gukurikiraho igihugu cya USA, hanyuma Israel. Nyuma ya Israel, hazaba hatahiwe ibihugu byo ku mugabane w`u Burayi. Abaturage baho bamenyereweho kutemera ibije byose, ariko aka gakoresho kari katangiye gukoreshwa mu minsi yashize ubwo hari ikibazo cy’ibicurane by’ingurube, uwahabwaga urukingo wese yagashyirwagamo ku bushake cyangwa atabizi. Hari mu rwego rwo gukurikirana abafashe inkingo cyangwa abatarazifata, ariko nyuma buri muntu wese azagaterwamo ku ngufu. 

Niba utizera ibyo tuvuga, hinyuza wigerere ku mbuga za internet zitandukanye. Aha tuvugira muri Amerika byatangiye mu mwaka wa 2007, bitangirira mu rwego rw’ubuvuzi ari uburyo bwo gukurikirana abarwayi ku buryo bworoheje, ariko ubu gukoreshwa mu nzego z’umutekano biri gutangira.

Impamvu ziza ku isonga mu gukundisha abaturage ubu buryo bushya, ni icungwa ry’umutekano wabo : ngo umuntu ugafite ntiyashimutwa ngo ahere, cyangwa igihe yaba yayobye, byaba byoroshye kumufasha.

 

Isosiyete ya "Applied Digital Solution, Inc. n’agashami kayo "Verichip" niyo ishinzwe gukwirakwiza iri koranabuhanga. Mu mwaka wa 2007, iyi sosiyete yaje mu myanya ya mbere mu masosiyete yagaragaje gutera imbere mu buryo bwihuse kuko yahawe ikiraka na Leta ya Amerika cyo gukora bene turiya dukoresho dukwiriye abaturage bose.

Ikindi, kariya kuma ntikagoye kugashyira mu mubiri, ntibibabaza na mba, nta n’igihe bitwara. Ni ngombwa gusobanura ariko ko nyuma yo guterwamo akantu nka kariya, umuntu aba yatakaje agaciro ke: aba yabaye igicuruzwa, kuko kazaha buri muntu nimero yihariye idasa n’iy’undi (uko bigenda mu mangazini cyangwa za Supermarkets nini). Ubu buryo bwitwa code bar mu rurimi rw’igifaransa, nk’uko twabivuze buri muntu azahabwa iye ku giti cye ku buryo kumutandukanya n’abandi ari nk’ako kanya. 

 

Icyo abantu batazamenya ni uko kukinjizamo bishoboka ariko kugakuramo bizaba bidashoboka: kugerageza kugacomora mu mubiri bituma kimwe mu bikagize, ikinyabutabire cya Litsiyumu (lithium) gisakara ku mubiri. Abazi ibya Chimie bahise bumva ingaruka zirimo: ubushye n’uburibwe bukabije, aho kiriya kinyabutabire kigeze.

 
Murabitekereza ho iki ?

 

UMWANZURO

 

Hari abantu benshi bibaza impamvu Kagame Paul akunda kujya muri Amerika iyo asumbirijwe, ngira ngo igisubizo bakibonye , aba agiye kuraguza mu idini ye ya illuminati no gutanga raporo yaho agejeje gahunda yo kwica abantu benshi no gukuraho imipaka y'ibihugu (Congo)! Burya rero mu gihe abantu baba basakuza cyane bati kagame ni umwicanyi, wamaze abantu, kuri we aba ari ukumwamamaza mu idini ye!

 

Kubera imyemerere ya Illuminati inyuranye cyane ni ya gikristo, abantu benshi bakunze kuvuga ko illuminati ari idini rya shitani! kandi koko birashoboka , nawe se wabonye idini ishimira umuntu ngo ni uko yishe abantu benshi? Bitewe ni uko ba illuminati aribo ba nyiri ububasha muri iyi si , niyo mpamvu uzabona nta rwego na rumwe kuri iyi si ruzatunga agatoki Kagame Paul, n'ababigerageje bahita babacecekesha !Gusa rero Imana ihora ari Imana kandi ngo Ihora ihoze , kubera amaraso aba ajejeta kuri ntoko zaba illuminati, usanga bahora bagendana ubwoba kuri iyi si! Bush yatinye kugera muri Canada kubera amaraso yamennye muri Irak, Kagame Paul ahunga igihugu ke kiza cyane iyo abashyitsi bagisuye kugira ngo batamubaza ibyo akora cyangwa akajya gukorera iminsi mikuru mu rugo (igihugu) rw'abandi asize iwe , iki akaba aricyo gihano Imana yahaye Gahini ! kandi ngo hagowe uzakubita mu kico cya Gahini (Kagame) ngo kuko ariwe uzatwara imivumo ye !!

 

 

Iyi nkuru mwayiteguriwe n’ubwanditsi bwa veritasinfo yifashishije inyandiko zasohotse mu binyamakuru binyuranye !