Rwanda: Paul Kagame yahindutse urwenya ku banyamahanga akaba abereye urujijo abanyarwanda!

Publié le par veritas

Uyu mubano uzatugeza kure!

Uyu mubano uzatugeza kure!

Umunsi umwe,Karugarama wigeze kuba ministre wa Kagame ushinzwe ubutabera yagiranye ikiganiro n'abanyamakuru ba radiyo mpuzamahanga y'abongereza "BBC Gahuzamiryango"; muri icyo kiganiro abanyamakuru basabye Karugarama gusobanura neza itegeko ry'ingengabitekerezo. Karugarama ntiyabiciye kuruhande, yavuze ko iryo tegeko ridasobanutse bityo rikaba rigomba kuvugururwa. Karugarama yagize ati: "Leta ishyiraho amategeko adasobanutse, ntabwo nayo iba isobanutse" akomeza agira ati" ntabwo ushobora guhana umuntu ngo n'uko yatekereje"! Iryo jambo yavuze ryamubyariye akarambaraye kuko Kagame yahise amwicaza, anamubuza kuzongera kuvuga kugeza ubu akaba agicecetse!
 
Nyamara kuvugisha ukuri ntibyica umutumirano, ibyo Karugarama yavuze ni ukuri ntabwo leta ya Kagame isobanutse kuburyo n'ibyemezo ifata bidasobanutse ndetse bimwe muri ibyo byemezo bikaba bitangiye kubera inkomamashyi zigaragiye Kagame urujijo! Kimwe mu byemezo bikomeje gutera urujijo ndetse bikaba bitangiye kuzana imvugo ivuguruzanya iranga abagize agatsiko kari k'ubutegetsi i Kigali ni umubano utagira amakemwa uri hagati ya Paul Kagame na Perezida Emmanuel Macron w'igihugu cy'Ubufaransa!
 
Ubwo Kagame yakirwaga na Macron mu ngoro ya perezida w'igihugu cy'Ubufaransa (Elysée) i Paris ku italiki ya 23/05/2018, Perezida w'Ubufaransa yavuze ko azashyigikira Madame Mushikiwabo ku mwanya wo kuyobora umuryango w'ibihugu bivuga igifaransa, Kagame nawe arabishimangira! Kuva ubwo abanyarwanda n'abafaransa baguye mu gihirahiro kuko nta bindi bisobanuro bahawe ku bibazo bimaze imyaka irenga 25 ibyo bihugu byombi bimaze bitavugaho rumwe! Paul Kagame ashinja abafaransa kuba barashyigikiye leta y'abahutu yakoje jenoside y'abatutsi ndetse agashinja ingabo z'ubufaransa kuba zarakoze jenoside  y'abatutsi mu Rwanda! Kubera iyo mpamvu Kagame yahise asenya inzu ndangamuco y'abafaransa i Kigali ndetse aca n'ururimi rw'igifaransa mu mashuri y'u Rwanda! 
 
Abafaransa nabo bashinja Paul Kagame ko ariwe wakomye imbarutso ya jenoside mu Rwanda, ubwo yahanuraga indege ya Habyarimana Juvénal yarimo na Perezida w'Uburundi Cyprien Ntaryamira ku italiki ya 6/04/1994 ndetse hagapfamo abafaransa bari abadereva b'iyo ndege, ikirego cyo kuburanisha abagize uruhare mu ihanurwa ry'iyo ndege kiri mu nkiko z'Ubufaransa! Umubano utagira amakemwa wa Macron na Kagame ukaba ushaka kurenza uruho rw'amazi kuri ibyo bibazo byose maze ibintu bigakomeza nk'aho ntacyabaye, ese bizashoboka? Ibihe biri imbere nibyo bizaduha igisubizo!
 
Hagati aho, ikipe y'igihugu cy'Ubufaransa y'umupira w'amaguru ikaba igomba gukina umukino wa nyuma y'igikombe cy'isi mu gihugu cy'Uburusiya, ikazahura n'ikipe ya Croatia! Ku mbuga nkoranyambaga hakaba hatangiye gutambukaho amabaruwa abayobozi b'u Rwanda bari kwandikira abayobozi bo mu nzego z'ibanze babasaba kuzazana abaturage bayobora bakazabereka umupira w'ikipe y'igihugu cy'Ubufaransa! imwe muri izo  baruwa zandikirwa abayobozi iragira iti:" nejejwe no kubandikira iyi baruwa mbatumira mu mukino wa nyuma w'igikombe cy'isi uzerekanwa na RBA kuri stade Ubworoherane ku cyumweru taliki ya 15/07/2018 guhera saa munani z'amanywa..." Iyo usomye iyo baruwa ugirango ni u Rwanda ruzakina!
 
Ni ubwa mbere igihugu cy'u Rwanda gikoresheje ikigo cya leta (Televiziyo y'u Rwanda) mu gushishikariza abaturage kureba umukino w'ibihugu by'amahanga noneho bafana igihugu cy'Ubufaransa dufitanye amasinde ya jenoside atararangira! Abanyarwanda bakaba bakunda Ubufaransa kurusha abafaransa nyirizina! Abantu benshi baribaza ikihishe inyuma y'uru rukundo rudasanzwe rw'igihugu cy'ubufaransa mu gihe leta ya Kigali yahamagariye abanyarwanda inshuro nyinshi ibasaba kwisuka mu mihanda bakigaragambya bamagana kandi batuka abafaransa babita abajenosideri, none ubu iyo leta ikaba iri guhamagarira abanyarwanda kujya kogeza abafaransa no kubakomera amashyi! Ibi nibyo bita "kwivuruguta"!  Ibibazo abantu bibaza ni byinshi:
 
1)Ese Paul Kagame yemera ko yabeshyeye abafaransa ndetse akanabaharabika abita abajenosideri? Niba abyemera se yabisabiye imbabazi?
2)Ese abafaransa bemeye ko ari abajenosideri bakaba barasabye imbabazi z'ibyaha bakoreye abanyarwanda ndetse bagatanga n'icyiru? Ibyo bikaba aribyo bitumye tubanye neza bigeze aha?
 
Ibisubizo by'ibi bibazo byombi ntabwo birabonerwa igisubizo, kubwira abanyarwanda ngo nibajye gukomera amashyi abafaransa bifatwa nko kubagira ibicucu, ariko uru ni n'urugero rwiza rw'uko abirirwa biruka inyuma ya Kagame azabihakana isoni zikabakora! Ese Ibuka ihora ivuza induru kubafaransa izajya kubogeza? Nitabikora se izahanwa ko utazafana abafansa azahanwa? Ibi byemezo by'iyi leta ya Kagame ntabwo bisobanutse bityo nayo ikaba idasobanutse nk'uko Karugarama yabivuze!
 
Abantu benshi usanga bari kuvuga bati "uwazanyereka igihe leta ya FPR Kagame izahirima uko ibintu bizaba bimeze"! Ibi byemezo bya Kagame ni kimwe mu bimenyetso byerekana ihirima rya FPR, bishatse kuvuga ko ibintu byose bizaba ari urujijo n'akajagari! Mu gihe Kagame yabeshyaga abazungu ko azava kubutegetsi, yavugaga ko aramutse ahinduye itegeko nshinga yaba yasaze! None yarabikoze!! Ibyo byose yabirenzeho ararihindura maze akomeza kugundira ubutegetsi. Ibi bikaba byerekana ko Kagame yivugiye ubwe uko ibitekerezo bye bizafatwa naguma ku butegetsi! Kubera ibyo binyoma byose urubyiruko rwo muri Amerika rusigaye rwirirwa rusetsa abantu rusubiramo amagambo Kagame yavuze! Kagame akaba yarabaye igikinisho cy'abanyarwenya!
 
Nyuma y'iki gikombe k'isi n'uyu mubano wa Kagame na Macron udasobanutse, abanyarwenya b'abafaransa nabo babonye intero y'icyo bazavuga, Kagame agiye kuzaba igikoresho cyiza mu gutanga urwenya kuburyo bazamukina bigatinda!
 
Pour être informé des derniers articles, inscrivez vous :
Vous aimerez aussi :
Trump et la redéfinition des frontières américaines : un plan controversé.
Trump et la redéfinition des frontières américaines : un plan controversé.
Ibaruwa y'impuruza ya «MRD ya Rubanda» muri Loni ku itegurwa rya jenoside mu Rwanda na FPR-Kaga
Ibaruwa y'impuruza ya «MRD ya Rubanda» muri Loni ku itegurwa rya jenoside mu Rwanda na FPR-Kaga
La Cour Africaine des Droits de l’Homme jugera le Rwanda pour violations des droits humains en RDC.
La Cour Africaine des Droits de l’Homme jugera le Rwanda pour violations des droits humains en RDC.
Le Burundi quitte la mission AUSSOM en Somalie pour redéployer ses troupes en RDC.
Le Burundi quitte la mission AUSSOM en Somalie pour redéployer ses troupes en RDC.
Abasilikare b'inkotanyi n'abigihugu cy'Uburundi bararebana ay'ingwe ku mupaka uhuza ibihugu byombi
Ubufaransa : Igikombe cy’isi cyateye ibyishimo igihugu cyose mu buryo butigeze bubaho!
Commenter cet article
I
Ingwe
16/07/2018 12:22
Bite ko abanyarwanda bali kwigishwa nk'ingwe yali intagatifu nyuma ikaba mahuma igonda ijosi. <br /> Mbese iyo abategetsi bagatsiko baligisa abantu bibwira ko ; abasigaye bo bataziga kubikorera izi mahuma zibye ubutegetsi zikaba zamaze abaturage !
Répondre
N
NYABIMATA: A BUSH WAR
16/07/2018 10:52
FROM NYABIMATA/NYUNGWE FOREST<br /> RWANDAN BUSH WAR HAS STARTED WITHIN RWANDA<br /> <br /> Dear Brother ,<br /> <br /> Our lives have taken different directions but our fates are more intertwined than ever.<br /> <br /> We did not choose to be born Rwandan , it was assigned to us by birth along with the heavy duty of having to honor our motherland with courage at every challenge we would face.<br /> <br /> We have sacrificed so much , we have lost so many friends , we have endured betrayal and injustice but we have never betrayed our conscience.<br /> <br /> We did not set off with the intention of making enemies , but we have made enemies because we decided to commit no crime against our conscience .<br /> <br /> Dear Brother ,even though we are far apart with you there and me all the way here ,it warms my heart that you still remember the promise we made to our country. We committed ourselves to tell her truth . We pledged our lives to her.<br /> <br /> To this day ,we can proudly say that we have not failed our country.<br /> <br /> You asked me if the way to get along was to go along with those in power and of course my answer is no . We cannot go along with what we know is wrong in every way .<br /> <br /> And we cannot sit back and expect things to change all by themselves.<br /> <br /> We must arm ourselves with courage again and go confront the tyrant.<br /> <br /> We shall overcome . Perhaps we will die on this front , but if we do, we will have died trying to open the door to the promise land,to the Rwanda so many died for before us .<br /> <br /> I cannot forget these powerful words by Jack Canfield : “Everything you want is on the other side of fear.”<br /> <br /> Let us therefore be brave and daring ! Rwanda deserves no less than our fortitude.
Répondre
G
GUIDELINES
16/07/2018 13:30
Please give us all necessary details because we are hungry of peace.
K
Kalisa
16/07/2018 10:24
Indege ya Habyara Falcon 50 yari itwawe n'abafaransa 3, abaderevu babiri na mécanicien umwe. Umucamanza Bruiguere yatanze mandat d'arret ku bantu 9 ntabwo ari 40, abo 40 nibo bashakishwa n'ubucamanza bwa Espagne. Ntabwo ari byiza ko umunyamakuru nka Amiel Nkuliza yemeza ko génocide yahitanye abatutsi 1.000.000 nta barura ryigeze rikorwa. Umunyamakuru agomba gukora recherche ku buryo atayobya abantu.
Répondre
K
Kalisa
16/07/2018 10:24
Indege ya Habyara Falcon 50 yari itwawe n'abafaransa 3, abaderevu babiri na mécanicien umwe. Umucamanza Bruiguere yatanze mandat d'arret ku bantu 9 ntabwo ari 40, abo 40 nibo bashakishwa n'ubucamanza bwa Espagne. Ntabwo ari byiza ko umunyamakuru nka Amiel Nkuliza yemeza ko génocide yahitanye abatutsi 1.000.000 nta barura ryigeze rikorwa. Umunyamakuru agomba gukora recherche ku buryo atayobya abantu.
Répondre
K
Kalisa
16/07/2018 10:24
Indege ya Habyara Falcon 50 yari itwawe n'abafaransa 3, abaderevu babiri na mécanicien umwe. Umucamanza Bruiguere yatanze mandat d'arret ku bantu 9 ntabwo ari 40, abo 40 nibo bashakishwa n'ubucamanza bwa Espagne. Ntabwo ari byiza ko umunyamakuru nka Amiel Nkuliza yemeza ko génocide yahitanye abatutsi 1.000.000 nta barura ryigeze rikorwa. Umunyamakuru agomba gukora recherche ku buryo atayobya abantu.
Répondre
B
BYUMBA POLITICS: MU RWANDA kagome azagira ibibazo
16/07/2018 09:51
Ubundi muli politics iyo ushaka ko abaturage batuza ntibatere ibibazo ugomba kubaha ibintu 2 by ingenzi aribyo: 1/ icyo barya bose,bakarya bagahaga,ntibahangayikishwe nuko baza kuburara 2/ kwidagadura kuko bibarangaza: reka bajye gusenga; reka bajye muri za film, reka bajye gukina umupira,reka bajye kuri a social media(whatsap,internet,…) bavuge icyo bashaka cyose kuko bibaruhura mu mutwe wabo. Iyo ibyo batabibonye byanze bikunze haba ikibazo niyo waba ufite ingabo zingana iki. Niyo wabakanga ute. MU RWANDA mbona hari ikibazo kuko buri gihe usanga hari ikintu cyitwa gukanga ngo injiji,ngo ubugoryi,interahamwe,umwicanyi,haduyi….ngo twarabubakiye amazu. Harya mu RWANDA ibibazo by’inzara bihari ntibizwi? ahaaaaa. MU RWANDA,abategetsi bashatse bareka bya bintu bita amarangamutima! Bagakemura ibibazo mu mizi KUKO BYANZE BIKUNZE hazaba ikiobazo.
Répondre
V
viki
16/07/2018 08:02
@ Niyonzima Jean de Dieu<br /> <br /> Urakoze cyane kuri izo nama utanze zijyanye n'ukuntu hari jenoside igomba gukorerwa abahutu ba Ruhengeri na Gisenyi iri gutegurwa.<br /> Abanyarwanda bizeye ko abayobozi b'Ishema Party nka Nadine Kasinge na Thomas Nahimana baza gushaka Trump n'abandi bayobozi ba Amerika ndetse n'itangazamakuru rya Amerika bakabaha ayo makuru, babasaba n'inkunga yihuse mu guhagarika iyo jenoside no kugeza imbere y'ubutabera abari kuyitegura.<br /> <br /> Andi mashyaka yo nta cyizere abanyarwanda bayafitiye. Nta kuntu warwanya jenoside na apartheid biri gukorerwa abahutu mu Rwanda mu gihe ufatanya n' abagambanyi bashyigikiye ayo mahano. Abahutu bakora ayo makosa yo gufatanya n'abagambanyi ni FDU n'urubyiruko rwa Jambo. Ikosa riremereye bahora bakora ni ugutinya kuvuga ku mugaragaro ko abahutu bakorewe jenoside, ngo banasabe ko abakoze iyo jenoside bahanwa. Kandi impamvu ibitera nuko bihaye gukorana n'inyenzi zo muri RNC.
Répondre
N
Niyonzima jean de Dieu
16/07/2018 03:26
Nasomye ikinyamakuru cy' inkotanyi, aho Mushikiwabo yemezagako umubano w' Urwanda ni ibindi bihugu arai ntamakemwa ko ikibazo gihari ariFDLR , ishobora gukoreshwa nibyo bihugu mu guhungabanya umutekano w' Urwanda.Ibyo uyu mugore yavuze usanga ari ukwivuguruza gukomeye, yemeza ko ntakibazo bafitanye ni ibindi bihugu, ariko ko bakeka ko bimwe muribyo byakuririra kuri FDLR maze bigahungabanya umutekano wu Urwanda. FPR yAGIZE ITURUFU KUBESHYA kUBURYO NONEHO ITAKIMENYA UKURI kUKO UKRI KURI BO ABA ari ibinyoma. Ikindi cyantangaje ni uburyo FPR ishyize imbaraga mukurwanya FDLR kandi hari abandi bamaze kudekarara intamabara ku mugaragaro, ariko ugasanga FPR ihanze amaso za Rubavu na Musanze , ndetse yibutsa ko ni bibeshya gato izakubura abari bararokotse genocideyo muri 97-98 ikozwe na FPR ibinyujije muri Kayumba. Abaturage batuye hariya bashyobora guhunga iki ni igihe kuko Muhizi yabibiye ibanga ribateganirijwe. Ingabo za Sankara nazo zitonde kuko ukurikije uko Muhizi yabwiye Abanya Rubavu bigaragara ko Genocide yakozwe mu majyaruguru ariyo ireigutegurwa mu majyepfo nk' uburyo bumwe bwoguhagarika no guca intege izo ngabo zatangiye akazi. Abashyinzwe politiki uyu ni umwanya wo gutabariza abo baturage mu bwira amahanga aho FPR iGEZE ITEGURA Genocide ya gatatu mu gihugu. iyi Genocide yo izaba igamije gutsemba abaturage b'Aabahutu, Abatutsi ba Abanyiginya ,ndetse na bandi inkotanyi zikunze kuvuga ko badasobanutse . mURI OPERTIONZA gISILIKARE Muzibuke kureba strategies za bafasha kudashyira mu kagaga ubuzima bw'Abaturage, Imana Iri mu ruhande wri inzira karengane byange bikunde ukuri kuzatsinda.
Répondre
R
Rukundo
16/07/2018 01:07
Aliko ntawandusha amakuru arambwira aho iwacu.org cg ikazeiwacu websites aho zahereheye ? <br /> Mbaye mbashimiye ku makuru mutugezaho. Hali ubwo atuvura stress zino aha. Courage veritas info.
Répondre
N
Nibyo
15/07/2018 20:34
https://m.youtube.com/watch?v=b2L5ciRMRdc
Répondre
B
Burya kutiga biragatsindwa ! &amp;
15/07/2018 19:15
Emmanuel Macro yabaye Igisuguti cya kagome.<br /> <br /> Icyongereza cyarakamye hasigaye igifransa. Kutiga biragatsindwa.
Répondre
N
Niyoyita
15/07/2018 15:34
@ Gakuba Phibert<br /> <br /> Uvuze ukuri 200% . Maze igihe kirekire ndeba inkozi zibibi kwisi nasanze Abatutsi bari mubambere , byagera kubanyamerika bikaba agahebuzo. Ushaka kumenya abagome karemano, abicanyi karemano,- Ruharwa, abarozi karemano, abarimbuzi bakora ibizira byangwa n'Imana ihoraho ni Amerika. Byongeye twibuke abateretse inkotanyi kubutegetsi ikigali mu Rwanda ni Amerika. Mbese ubwo bugone bwose bwinkotanyi bakoze guhera 1990 kugeza uyu munsi kandi bakomeje gukora Genocide mu Rwanda no muri Congo ni ukubera iki badakurikiranywa ninkiko mpuzamahanga ?<br /> Harya ngo keretse bishe bagatsemba - tsembaho abahutu babanyarwanda bagahanagurwa kwikarita yisi? <br /> Imana niyo iri hejuru ya byose ariko yaraturemye iduha byose ngo tubikoreshe niba abahutu badakoresheje ibyo Imana yabahaye bazashira nkudushwilili bicwe barimburwa kubera ubwenge buke cyane.<br /> <br /> Note: Abahutu bagira ubwenge bwo mwishuli no mubuzima bwose busanzwe ariko ntibareba kure nagato.
Répondre
C
Cuminicyenda
15/07/2018 12:56
Ariko se mwa NTORE, nzirikana ko muri mwe harimo abantu bazi ubwenge kandi banareba kure.<br /> <br /> Gushingira politique ku KINYOMA no KWICA uzamuye agatwe, mwumva iyo politiki izatugeza muri CUMINICYENDA?<br /> <br /> Interahamwe zarishe nibyo, ariko na none, RPF ntabwo yari iri gusoma bibiliya. Ibyo byose byabaye ku manywa y'ihangu. Nabitwikiraga ijoro, bamenye ko satellite zabibonaga zikoresheje rayons infra-rouges.<br /> <br /> Twakwiganye Abarundi, ibibazo byose tukabishyira ku meza. Aho guhora duhunahuna, ejo yari Letazunzubumwe, uyu munsi ni France, Belgique ho sinakubwira, ni mu ndiri yacu.
Répondre
Z
Zuzu
15/07/2018 12:35
Hagati y'abahutu n'abatutsi, abazi ubwenge ni bande?<br /> Ahantu hose abahutu bigana n'abatutsi, abahutu ni bo baba aba mbere mu ishuri. <br /> Mu gihe cy'ibizamini, abatutsi buri gihe bahora binginga abahutu ngo babakopeze.<br /> Umunyarwanda w'umuhanga cyane witwa Banyaga na we ni umuhutu.
Répondre
G
Gakuba phibert
15/07/2018 14:58
Zuzu ahubwo wkwibaza uti hagati y'abahutu n'Abatutsi imfura ni bande? Kuko ubwenge bwo mu ishuri bo nti ba bufata nk'ubwenge, . Ibyo bita ubwenge ni ubugizi bwanabi b'uburyo bwose . kuroga, kwiba , gusambana, kubeshya, uburiganya, ubusambo, kugira isoni nke, ubwibone, agsuzuguro, ubugambanyi, ubushotoranyi, ubucakura, ni ibindi byinshi bibi bitagaragara mu bahutu. Ibyo nibyo bita ubwenge cg se ubuhannga
R
RWANDA irahakwa kuli FRANCE?
15/07/2018 11:32
Kuwa 06 Mata 1994, ubwo perezida Habyarimana yicirwaga mu ndege yari imuvanye i Dar-es-salam muri Tanzaniya, iyo ndege yari itwawe n’Abafaransa bane: abapilote babiri n’abakanishi bayo babiri. Nyuma y’iyo mpanuka imiryango y’abo bafaransa bayiguye mo, yahise itanga ikirego kugirango irebe ko yahabwa impozamarira. Inyungu zishingiye kuri politiki ya ba mpatsibihugu, ari na bo bafatanyacyaha muri icyo gikorwa, zatumye kugeza uyu munsi iyo miryango itagira icyo ibona. <br /> <br /> N’ubwo na yo yari izi neza ko iyicwa ry’abakuru b’u Rwanda n’Uburundi aba ba mpatsibihugu bari babifitemo uruhare, imiryango ya perezida Habyarimana na yo yaboneyeho, itanga ikirego, kugirango na yo irebe ko yabona kuri izo mpozamarira. Ni bya bindi ngo uhiriye mu nzu ntaho adapfunda imitwe.<br /> <br /> Ikigo (compagnie) cy’indege ya Falcon 50 yaguye mo aba perezida b’u Rwanda n’Uburundi, ndetse n’abari babaherekeje, cyaje gusuzuma ikirego cy’iyi miryango, cyiyemeza kwishyura izo mpozamarira, ariko zemererwa gusa umuryango wa perezida Habyarimana n’uwa mugenzi we Ntaryamira. Amafaranga yo kwishyura imiryango y’abo bakuru b’ibihugu bombi yaje kunyuzwa muri sosiyete y’ubwinshingizi yo mu Rwanda (Sonarwa), nyamara ubutegetsi bwa FPR-Inkotanyi bwanga ko ayo mafaranga ahabwa abafasha ba ba Nyakwigendera.<br /> <br /> Kutemera ko ayo mafaranga y’impozamarira ahabwa umuryango wa Habyarimana n’uwa Ntaryamira, nta kindi byari bihatse uretse urwango ubutegetsi bwa FPR-Inkotanyi, na Paul Kagame uyiri ku isonga, bwari bufitiye abaperezida bombi, baturukaga mu bwoko bw’abahutu. By’umwihariko uwari visi perezida w’u Rwanda, Paul Kagame, mu biganiro bitandukanye yagiranye n’itangazamakuru mpuzamahanga, yakunze gusubiza abanyamakuru ko ntacyo yagombye kwicuza ku rupfu rwa Habyarimana, ngo kuko yari yaramuhejeje mu buhungiro imyaka irenga 30.<br /> <br /> N’ubwo ubucamanza bw’Ubufaransa na bwo bwari buzi neza ko iyicwa ry’abayobozi b’u Rwanda n’Uburundi ryari rishingiye ku mpamvu za politiki ya ba mpatsibihugu, bwiyemeje kwakira ikirego, ndetse bwemeza, nyuma y’amaperereza yabwo, ko ihanurwa ry’iyo ndege ryakozwe n’abakomando ba FPR-Inkotanyi.<br /> <br /> Umucamanza Jean-Louis Bruguière, mu mwaka wa 2006, ni bwo yahise asohora inzandiko zo gufata abasirikare bakuru b’u Rwanda bagera kuri 40, yemezaga ko bagize uruhare mu ihanurwa ry’iyo ndege nyamara, nk’uko nabivuze haruguru, inyungu za ba mpatsibihugu zabyitambitse mo, ntihagira n’umwe ufatwa kugirango ashyikirizwe inkiko.<br /> <br /> <br /> Major Rosa Kabuye iruhande rwa shebuja Paul Kagame<br /> <br /> Urugero rufatika ni urwa Colonel Roza Kabuye, na we wari ku rutonde rw’abashakishwa n’ubucamanza bw’Ubufaransa, waje gufatirwa ku kibuga cy’indege i Frankfort mu Budage, iki gihugu kigahita kimwohereza mu Bufaransa, kugirango abe ari ho ajya kubarizwa, nyamara ya mpatsibihugu, ikomeje gukingira ikibaba abicanyi ba FPR-Inkotanyi, yakoresheje igitugu cyayo Roza Kabuye ahita arekurwa.<br /> <br /> Nyuma y’imyanzuro y’umucamanza w’Ubufaransa n’ibazwa rya Roza Kabuye ubwo yari yashyikirijwe Jean-Louis Bruiguière, Leta ya FPR-Inkotanyi yahise ihembera umujinya n’ubundi yari isanganywe ku gihugu n’abayobozi bakuru b’Ubufaransa, ishakisha ibirego yagereka ku Bufaransa, ari bwo yaguye ku kinyoma cy’uko Abasirikare b’Abafaransa bahoze mu kiswe «Zone Turquoise», ngo bagize uruhare mu gushyigikira Leta y’u Rwanda yatsinzwe ndetse no gushyira mu bikorwa génocide yo muri 94, ngo yenyegejwe n’iyo Leta. Ni muri urwo rwego raporo Mucyo yahise isohoka, ndetse ishyira ahagaragara urutonde rw’amazina y’abo basirikare b’Abafaransa bahoze muri «Zone Turquoise» ku Kibuye n’i Cyangugu.<br /> <br /> Leta ya FPR-Inkotanyi yaje kubona ko ibi birego Leta y’Ubufaransa itabihaye agaciro, ihindura umuvuno, ari bwo yahise isesa burundu umubano wayo n’Ubufaransa, umubano wari ushingiye kuri za ambasade. Ingaruka z’uwo mujinya w’umuranduranzuzi zabaye ko ambasade y’Ubufaransa mu Rwanda ifungwa, iy’u Rwanda na yo mu Bufaransa ikaba imeze nk’aho itagikora, dore ko ambasaderi Kabare, uyihagarariye i Paris, asa n’aho yibera i Kigali.<br /> <br /> Si ibyo gusa kuko Leta ya FPR yakurikijeho kwirukana ururimi rw’igifaransa mu mashuri no mu nzego zose za Leta, abakize n’abakigishaga mu mashuri mato, mu yisumbuye no muri za kaminuza, ibahindura ba mayibobo, abafite uburyo baratorongera, abandi bajya kwihingira ibirayi iyo mu majyaruguru y’u Rwanda.<br /> <br /> Kubera ko umwanzi atajya ahuga na rimwe, Leta ya FPR-Inkotanyi yabonye ko ibyo gukenesha no gutorongeza abaminuje mu rurimi rw’igifaransa bidahagije, ikurikizaho gufunga ikigo ndangamuco cy’u Rwanda n’Ubufaransa (Centre culturel franco-rwandais), na byo ibonye ko Leta y’Ubufaransa ntacyo biyibwiye, iza noneho kugisenya burundu. Ndibutsa ko icyo kigo cyari gifite uruhare runini mu kwimakaza umuco n’ururimi rw’igifaransa mu Rwanda, ndetse no gufasha abahanzi n’abanditsi mu kwamamaza ibihangano byabo.<br /> <br /> Nta mwanzi, nta n’umukunzi ubaho muri politiki<br /> <br /> Nyuma y’uko umwanzi w’ejo hashize ahindutse noneho inshuti y’uyu munsi ya Leta ya FPR-Inkotanyi, iyi politiki y’umukino w’injangwe n’imbeba yatangiye kuvugisha amangambure imitwe myinshi y’abanyarwanda, cyane cyane abo Leta ya Kagame yari yarashyize mu mutwe ko Ubufaransa bwagize uruhare rudasubirwaho muri génocide yakorewe abatutsi. Aba mbere bari baramize bunguri iyo vanjiri ni abacikacumu ba génocide yo muri 1994. Kubera igitugu cya Leta ya FPR-Inkotanyi, aba basaga n’abemejwe ku ngufu ko icyatumye imiryango yabo ishira ari uko abafaransa ngo bashyigikiye ingoma ya Habyarimana, ngo yagize uruhare mu kubatsemba.<br /> <br /> <br /> Perezida w’u Rwanda, Paul Kagame n’uw’Ubufransa Emmanuel Macron<br /> <br /> Emmanuel Macron, umaze igihe gito atorewe kuyobora Ubufaransa, arasa n’aho ari we nyirabayazana w’iyi politiki y’injangwe n’imbeba iri hagati y’u Rwanda n’Ubufaransa. Isesengura ry’abantu batandukanye rirerekana ko uyu mukuru w’igihugu ukiri mutoya, ugereranije n’abamubanjirije, ashaka kwerekana ko agatotsi kabaye hagati y’ibihugu byombi nta ruhare yakagize mo, nyamara abandi basesenguzi bakerekana ko ahubwo politiki y’Ubufaransa ntaho ihuriye n’iy’umuntu ku giti cye, ko ahubwo ishingiye ku nyungu za politiki ibihugu byombi, Ubufaransa n’u Rwanda, bihuriyeho.<br /> <br /> Abavuga ibi bemeza ko Ubufaransa, nk’igihugu cyubashywe kandi gikomeye ku isi, kirimo kurwana intambara yo kudashyirwa mu majwi n’agahugu kangana urwara nk’u Rwanda, karega icyo gihugu ko iyicwa ry’abatutsi barenga miliyoni rigomba kubazwa Ubufaransa.<br /> <br /> Aba na none bemeza ko u Rwanda na rwo rufite inyungu z’uko ruramutse rwiyunze n’Ubufaransa, ubucamanza bw’icyo gihugu bwahagarika ishyirwa mu bikorwa rw’impapuro zo gufata abagize uruhare mu guhanura indege yaguye mo abaperezida babiri, uw’u Rwanda n’Uburundi. Iyi dosiye ikaba ihangayikishije ubutegetsi bwa Kagame, dore ko na Carla del Ponte, umushinjacyaha wigeze gukurikirana abaregwa icyaha cya génocide, bafungiye Arusha muri Tanzaniya, yigeze gutangaza ko biramutse bigaragaye ko abasirikare ba Kagame ari bo bahanuye indege ya Habyarimana, ibyitwaga icyaha cya génocide byagombye guhindura inyito.<br /> <br /> Abakurikiranyweho icyo cyaha, bafungiwe Arusha no mu yandi magereza atandukanye, bemeza ko iyo indege ya Habyarimana itaraswa n’ingabo za FPR-Inkotanyi, nta génocide yo gutsemba abatutsi ngo yari kubaho ukundi.<br /> <br /> Isesengura ry’abagize igice cya gatatu rishingiye ku banyamategeko. Aba berekana neza ko, n’ubwo ikibazo cy’ihanurwa ry’indege ya Habyarimana gishingiye ku mpamvu za politiki ya ba mpatsibihugu, bidakuraho ikirego cyangwa icyaha gikurikiranyweho abakigize mo uruhare, ubari ku isonga akaba ari perezida Kagame, ugikingiwe ikibaba n’ubudahangarwa (immunité), ikibaba cy’uko akiri umukuru w’igihugu.<br /> <br /> Ngaho aho iyi politiki y’umukino w’injangwe n’imbeba isa n’aho izingiye, cyane cyane nyuma y’uko minisitiri w’Ububanyi n’amahanga w’u Rwanda atangaje ko aziyamamariza umwanya w’umukuru w’umuryango mpuzamahanga w’ibihugu bivuga, bikanateza imbere ururimi rw’igifaransa (Francophonie). Iyi politiki ikaba inageze ku rwego rwo hejuru kuko madame Louise Mushikiwabo aherutse gushyigikirwa kuri uwo mwanya na perezida w’Ubufaransa uriho muri iki gihe, Emmanuel Macron.<br /> <br /> Ni nde wungukira cyangwa uhombera muri aya macenga ya politiki?<br /> <br /> Byumvikane neza ko abungukira muri aya macenga ari hagati y’ibihugu byombi ari ibi bihugu ubwabyo. Niba u Rwanda rwemeye ko umubano mubi rwari rufitanye n’Ubufaransa usubukurwa, bivuze ko rwabeshywe ko gukurikirana abahanuye indege bivuyeho, bityo inzandiko – ibyo abarundi bita imitahe (mandats) – Jean-Louis Bruguière yari yaratanze, umucamanza wamusimbuye akazisubiza mu kabati.<br /> <br /> Ubufaransa na bwo bufite inyungu muri aya macenga kubera ko umubano mubi bwari bufitanye n’u Rwanda ushingiye kuri za ambasade, uzasubukurwa. Ambasade y’Ubufaransa i Kigali, yari imaze igihe ifunze, izongera gufungura imiryango; inzu ndangamuco y’u Rwanda n’Ubufaransa, yari yarafunzwe mbere y’uko isenywa, na yo izongera yubakwe; igifaransa kizongera kwigishwa mu mashuri yo mu Rwanda, n’indi mishinga Ubufaransa bwari bufite mo inyungu yongere itange akazi ku bafaransa bazaza kuneka abayobozi bakuru b’u Rwanda.<br /> <br /> Abazahombera muri iyi politiki y’umukino w’injangwe n’imbeba na bo ntibazabura: imiryango y’abafaransa bane, bari batwaye indege Falcon 50, bakanayigwa mo, ikirego cyayo kizaba gipfuye ubusa. Abanyarwanda n’abarundi baguye muri iyo ndege, nabo kwishyurwa bizaba bitakibaye.<br /> <br /> Abarokotse génocide yo mu Rwanda, bari barabeshywe na Leta ya FPR ko ari Ubufaransa bwayikongeje, bazabura ayo bacira n’ayo bamira. Niba Ubufaransa bwari kuzagezaho bugatanga impozamarira kuri iyo miryango – dore ko ubutegetsi bwa Kagame ari cyo bwifuzaga – nta n’urumiya buzaba bugitanze.<br /> <br /> Umuzimu ngo arira ku munyagasani<br /> <br /> Uretse izi nyungu z’ibihugu byombi, nta n’uwabura gukeka ko abanyarwanda bari barabuze icyo bakoresha igifaransa bari barize muri za kaminuza zo mu Rwanda no hanze, noneho bazakibyaza umusaruro. Bashobora kuzubikira imbehe abavantara bari buzuye muri za minisiteri no mu bigo byigenga, bavugaga ibyongereza bari baratoraguye mu mihanda y’i Kampala, aho bazungurizaga uducogocogo, amagi n’ubunyobwa.<br /> <br /> Aba kububikira imbehe Kagame ntacyo bimubwiye kuko icyo areba ni inyungu ze n’abemera kutazibangamira. Kuri we, utaribye igihugu muri iyi myaka 24 ishize, biramureba. Izi nyungu n’ubwo zazakubita hasi igihwereye mu gihe kizaza, Kagame azaba yarakuye mo aye. Nubwo yazasabwa kuyasubiza, si kimwe n’utaragize agira icyo abona. Aho gupfa wishwe n’inzara, wapfa uhaze, nubwo zose ari imfu.<br /> <br /> Politiki iciriritse ya Leta ya Kagame<br /> <br /> Itangazo ryashyizwe ahagaragara na Leta y’u Rwanda mu ntangiriro z’iki cyumweru, rirasaba buri munyarwanda, yaba ukunda umupira n’umuturage utazi iby’umupira w’amaguru aho bigana, kwamamaza ikipe y’Ubufaransa izakina ku cyumweru, taliki ya 15 kamena 2018. Ni mu mukino wa nyuma w’igikombe cy’isi, uzahuza ikipe y’Ubufaransa n’iy’igihugu cya Korowatiya (Croitie).<br /> <br /> <br /> <br /> Iyo umuntu urebera kure politiki mpuzamahanga akoze isesengura ry’aya macenga ya politiki, usanga ririmo ya politiki y’inyungu ibihugu bikennye biba bitegereje ku bihugu bikomeye byo ku isi. Biteye isoni ko Leta ya FPR-Inkotanyi yari yaranze urunuka igihugu cy’Ubufaransa, ubu noneho igeze aho igikorera iyamamaza (publicité) kitigeze kiyisaba.<br /> <br /> Gutegeka abaturage ngo bave mu mirimo yabo bazajye kogeza ikipe y’Ubufaransa, ishobora no gutsindwa – kuko byose bishoboka, n’ubwo tutayibyifuriza – biteye isoni, yewe biranagayitse. Uretse no kuba bigayitse, birimo isura ya politiki iciriritse y’abayobozi b’u Rwanda, ya politiki isuzuguritse yo gusaba uwo wimye.<br /> <br /> Guhatira abaturage kujya kogeza ikipe y’Ubufaransa simbona icyo u Rwanda rubyungukira mo ku bijyanye n’umubano rurimo gushakisha ku ngufu hagati y’ibihugu byombi. Ibi bisa na bimwe byo ku ngoma ya gihake, abasurushefu bapfukamishaga umuja bakamukubita ibiboko umubiri wose, bugacya uyu azindukira iwe kumukamira inka no kumuhingira imishike, azi neza ko atazahembwa. Aba baja n’abagaragu ngo babyitaga gufata igihe k’uwo bahatsweho.<br /> <br /> Ni koko u Rwanda rurimo guhakwa ku Bufaransa, nyamara ubuhake bugira uko bugenda; guhakwa binasaba ubwenge umuntu yagombye gukoresha k’uwo ahakwaho. Guhakirizwa ku Bufaransa ngo bukureho inzandiko zo gufata abicanyi b’ingoma iriho ubu mu Rwanda, ntibyagombye kunyuzwa mu gushyigikira ikipe y’umupira w’amaguru, cyane cyane binyujijwe ku muturage utazi uko uwo mukino ugenda, wa muturage utaranigeze amenya icyo Ubufaransa bwaba bwarapfuye n’ubutegetsi bwa FPR-Inkotanyi.<br /> <br /> Inyungu Ubufaransa n’u Rwanda bafite muri aya macenga ya politiki, kuzitirira umuntu, bigaragara mo kurindagiza rubanda cyangwa se ibitekerezo bigufi by’abagize ubutegetsi bwa FPR-Inkotanyi na kizigenza wabo, ari we Paul Kagame.<br /> <br /> Icyihishe inyuma y’izi nyungu n’amacenga ari hagati y’ibihugu byombi, abanyarwanda n’abafaransa bashobora kuzagifatisha amaboko abiri.
Répondre
G
GUHUNAHUNA: kagame asigaye ahunahuna muri FRANCE
15/07/2018 10:47
kagome asigaye ajya guhunahuna muri FRANCE wa muigani wa wa Mucongomani kabarebe
Répondre