Aba kandida 2 batawe muri yompi muri Uganda
NB: Ku mugoroba wo kuri uyu wa kane taliki ya 09/07/2015, aba banyepolitiki bombi bari batawe muri yombi baje gufungurwa n'igipolisi cya Uganda! Museveni we aracyafite umutima wo gufungura abanyepolitiki yafuze!
Uwahoze ari ministre w’intebe, Amama Mbabazi, yafatiwe i Jinja, igihe yari mu nzira ajya kubonana n'abamushyigikiye mu mujyi wa Mbale.
Ejo igipolisi cya Uganda cyari cyasohoye itangazo, kivuga ko Mbabazi ataremererwa gukoresha amanama, n'ubwo ngo yari yabibamenyesheje. Mbabazi yifuza kwiyamamaza mu ishyaka riri ku butegetsi rya NRM abereye umuyoboke, mu matora ya mbere yo guhitamo umukandida w’ishyaka ku mwanya w’umukuru w’igihugu cya Uganda, Museveni nawe akaba ashaka gukomeza kuba umukandida rukumbi w’ishyaka rya NRM.
Undi watawe muri yombi ni colonel Kizza Besigye, wigeze kwiyamamariza kuba umukuru w’igihugu cya Uganda incuro eshatu zose. Besigye nawe yatawe muri yombi yari agiye gutangiza inama ya mbere yo kwiyamamaza nk’umukandida w’ishyaka abereye umuyoboke rya FDC.
Uwufasha Besigye yabwiye BBC ko bamujyanye mu gasho ka polisi kari hafi yo mu rugo rw’aho atuye. Bwana Besigye nawe ari guhatana n’uwahoze ari umugaba mu mukuru w’igisilikare cya Uganda, general Mugisha Muntu, k’uzahagararira ishyaka rya FDC mu matora yo mu 2016.
Besigye na Mbabazi bompi bari inshuti magara za hafi za perezida wa Uganda Yoweri Museveni, ubu umaze ku butegetsi imyaka 30.
BBC Gahuza