Rwanda : FPR irimo gutegura génocide y’impinja bavugako zabyawe n’abagore batewe inda na FDLR !
Mu mateka y’isi génocide (jenoside) ya mbere yabaye ku isi yabereye i Betelehemu ubwo umwami Herode yabwirwaga inkuru y’uko havutse umwana w’umuhungu Yezu Christu uzaba umwami. Bitewe n’uko Herodi atari azi uwo umwana uwo ariwe, yatanze itegeko ko hicwa abana bose b’impinja z’abahungu kugirango n’uwo mwana uzaba umwami nawe azicwe muribo !Ngiyo génocide Dusingizemungu wa FPR arimo gutegura mu Rwanda yo kwica impinja zose z’Abahutu ngo bitewe n’uko banyina bagiye kwiteza inda muri FDLR !
/image%2F1046414%2F20250308%2Fob_6c2e12_images-q-tbn-and9gcr34pg53id9lhkos4p-c)
Mu kiganiro kivuga kuri virusi «y’ingengabitikerezo ya génocide» ikomeje kwibasira urubyiruko rw’Abahutu yagejeje ku nteko inshingamategeko ya FPR ; Bwana Jean Pierre Dusingizemungu umuyobozi wa Ibuka yavuzeko mu ngendo bakoreye mu turere dutandukanye tw’u Rwanda, yabonye amakuru yemezako abagore baturiye uturere twegereye imipaka bajya kwiteza inda muri FDLR, Dusingizemungu yagize ati : «hari ikindi twabonye hamwe namwe cyane cyane ku mipaka, aho usanga hari abagore bambuka umupaka bakajya gukora icyo badusobanuriye bise KWITEZA AGASHINGE, ngo bikaba bisobanura kujya kwiteza inda hakurya mu bantu ba FDLR kugirango babone icyororo!»
Uyu Dusingizemungu yasobanuye kandi ko hari umwana w’imyaka 12 ufite ingengabitekerezo ya génocide yo kureba mu kiganza cy’umuntu akamenya niba ari umuhutu cyangwa umututsi! Dusingizemungu kandi yavuze ko urubyiruko rw’u Rwanda ruri munsi y’imyaka 25 rufite ingengabitekerezo yo gukoresha muri telefoni zarwo SIM card zo mu bihugu by’amahanga kugirango rushobore gukurikirana ibiganiro bya Gen.BEM Habyarimana, Thomas Nahimana na Padiri Fortunatus Rudakemwa bibacengezamo ingengabitekerezo ya génocide ntacyo rwikanga !
Iyo usesenguye neza imvugo ya Dusingizemungu ushobora kwibwirako ari urwango rwamusaritse gusa rutuma atekereza nk’umuntu udafite ubwenge, urangwa n’ubugome; nyamara iyi mvugo ye ihuye neza neza na politiki ya FPR-Inkotanyi yo gushyira amacakubiri mu Banyarwanda bakaryana bityo bigatuma bacikamo ibice bidashobora guhuza ngo byamagane ibibi bakorerwa n’ubutegetsi bwayo. FPR itonesha agatsiko gato k’Abatutsi kugirango irakaze Abahutu, bityo mu gihe cyose igeze mu bibazo, ikumvisha Abatutsi ko batagomba kuyamagana kuko ubutegetsi bwayo nibuvaho Abahutu bakajya ku butegetsi bazihorera, bakabica !
Rwanda: Abatutsi bagomba kwibaza bakisubiza: Ese intambara za Kagame ni izo kubarengera cg ni izo kubicisha no kubangisha abandi? Ikibazo Théogène Rudasingwa abazwa ku ntambara za KAGA mu karere k’ibiyaga bigari, ntabwo kigarukira mu biyaga bigari gusa, isi yose irakibaza! pic.twitter.com/7w3RELkTmB
— VERITASINFO (@veritasinf) March 3, 2025
Kubera intambara abicanyi ba FPR bashoye ku gihugu cya Congo (RDC) mu izina rya M23; ubu bakaba bari gushinjwa ibyaha ndengakamere by’ubwicanyi barimo bakorera abakongomani, amahanga akaba ari gufatira u Rwanda ibihano by’ubukungu bizagira ingaruka zikomeye cyane kubanyarwanda ; Inkotanyi ziri gukoresha abantu bameze nka Jean Pierre Dusingizemungu kugirango bashyire iterabwoba ku banyarwanda ry’ingengabitekerezo ya génocide kugirango batagira ubumwe bwo kwamagana ubutegetsi bwa FPR bugiye kubicisha inzara n’ubukene kubera intambara bashoye kuri Congo.
Ibi bisobanuro bya Dusingizemungu ku ngengabitekerezo ya génocide byuzuye ubuswa bwinshi no kwivuguruza ku buryo ntacyo bishobora kubumarira uretse gutanga ibimenyetso bizoroshya imanza mu gihe cyo kubaburanisha! Niba hashize imyaka 30 nta bwoko buriho mu Rwanda, amazina umuhutu n’umutsi babizanye bate kandi bitakibaho mu Rwanda ? Ese abagore bajya kwiteza inda muri FDLR ni abo mu buhe bwoko? Ese umututsi ntagira ingengabitekerezo ? Ese ibiganiro byo kumbuga nkoranyambaga bikurikirwa n’Abahutu gusa ? Ese gukoresha SIM card za telefone z’amahanga bikorwa n’abahutu gusa ? Umututsi aramutse ayikoresheje byo babyita iki ?
FPR-Inkotanyi irarushywa n’ubusa, niyemere imanike amaboko kuko Abanyarwanda batazayibabarira kandi igihe cyo kuva ku butegetsi kwayo kikaba cyegereje ! Abanyarwanda bitegure kwinjira mu bindi bihe bishya bitarimo FPR !
Veritasinfo.