Ubwongereza: Itegeko rya "Rishi Sunak", ryo kohereza abimukira mu Rwanda rigiye kunyura mu kigeragezo cy'amatora!!
Guverinoma y’aba-Conservateurs (ishyaka rifite amatwara atsimbaraye kubya cyera) ya "Rishi Sunak" yifuzaga gukumira abimukira bifuzaga kujya mu Bwongereza hakoreshejwe itegeko ryo kubatera ubwoba; iryo tegeko rikaba rigamije kwirukana ibihumbi by’abasaba ubuhungiro muri icyo gihugu bakajyanwa mu Rwanda.
/image%2F1046414%2F20240527%2Fob_70f014_6f137cb-57cc5db84fe94f7dbb36ee11f2cfc1.jpg)
Inkuru mbi kuri iryo tegeko ni uko abimukira barenga 10,000 bageze mu Bwongereza nyuma yo kwambukiranya Inyanja ya Manche (inyanja iri hagati y'Ubwongereza n'Ubufaransa) kuva uyu mwaka wa 2024 watangira. Umubare w'abasaba ubuhungiro mu Bwongereza ukaba wararushijeho kwiyongera cyane ku buryo budasanzwe uyu mwaka n'ubwo muri Mata hatowe itegeko ryo kwirukana abasaba ubuhungiro binjiye mu Bwongereza mu buryo butemewe n'amategeko, bakajyanwa mu Rwanda. Iryo tegeko rikaba ryari rigamije gukumira abimukira basaba ubuhungiro muri icyo gihugu.
Uwo mubare w’abambukiranya Inyanja ya Manche bajya mu Bwongereza ni wo mubare munini w'abimukira washoboye kugerwaho kugeza ugereranyije n'indi myaka yashize; uwo mubare wiyongereye muri icyo kigero mu gihe igihugu cy'Ubwongereza cyatangiye ibikorwa byo kwiyamamaza mu matora y’abadepite ateganyijwe kuba ku italiki ya 4 Nyakanga uyu mwaka. Kwinjira mu gihugu cy'Ubwongereza mu buryo butemewe n'amategeko kw'abo bimukira ni cyo kibazo gikomeye kiri muri iyi gahunda yo kwiyamamaza yatangijwe ku mugaragaro na Minisitiri w’Intebe "Rishi Sunak" ku wa gatatu w'icyumweru turangije.
/image%2F1046414%2F20240527%2Fob_f0ad71_images-q-tbn-and9gcq5agujx7w79zsiiwepr)
Uyu ministre w'intebe akaba yari yarasezeranyije Abongereza ko "agiye gushyira mu bikorwa gahunda zihutirwa zo guhagarika burundu abimukira binjira mu Bwongereza banyuze mu nzira zitemewe n'amategeko"! Guhagarika abo bimukira byaramunaniye, yitabaza itegeko naryo akaba yaratinye kurishyira mu bikorwa kuko rinyuranyije n'amategeko agenga igihugu ndetse n'amategeko mpuzamahanga agenga ubuhunzi; kugirango yikure muri iryo hurizo Sunak akaba yitabaje amatora y'abadepite kugirango niyongera kugirirwa icyizere agatorwa azashobore gushyira mu bikorwa itegeko ryo kohereza abimukira mu Rwanda nta nkomyi!
Nubwo bimeze gutyo, kuwa gatanu w'icyumeru gishize, amato atanu yageze mu majyepfo y'Ubwongereza arimo abimukira 288 baje gusaba ubuhungiro mu Bwongereza, iyi mibare y'abimukira bari muri ayo mato ikaba yaratangajwe na ministeri y'ubutegetsi bw'igihugu y'Ubwongereza kuwa gatandatu w'icyumweru gishize! Aba bimukira bashya binjiye ku butaka bw'Ubwongereza bakaba baratumye umubare w'abimukira bose bamaze kwinjira mu Bwongereza kuva uyu mwaka w'2024 watangira ugera ku 10170! Abenshi muri abo bimukira bakaba bava mu bihugu by' Afghanistan, Iran, na Turukiya. Ugereranyije n'umwaka ushize w'2023, uyu mwaka umubare w'abimukira binjiye ku butaka bw'Ubwongereza wiyongereyeho 35%!
Guverinema ya Sunak yifuzako hagomba gukoreshwa itegeko rikumira aba bimukira binjira mu gihugu banyuze mu nzira zitemewe n'amategeko bagera ku bihumbi bakajyanwa mu Rwanda kugirango bitere ubwoba abandi bose bashaka kunyura izo nzira kugirango bagere mu Bwongereza! Ishyaka ry'Aba-Labour ryo rivugako rizakuraho iyo politike yo kwirukana abimukira niriramuka ritowe. Ishyaka ry'Aba-Labour (ishyaka ry'abakozi) rifite amajwi arenga 20 % mu matora y’ibanze aherutse kuba mu Bwongereza kurusha aba-Conservateurs. Ishyaka ry'Aba-Labour rivugako kohereza abimukira bari mu Bwongereza mu Rwanda bizatwara amafaranga menshi cyane Ubwongereza, bityo iyo politiki bakaba bazayikuraho kuko idatanga umusaruro.
/image%2F1046414%2F20240527%2Fob_b9bd90_1800x1251.jpg)
Keir Starmer, umuyobozi w’abatavuga rumwe na Leta kandi ushobora kuzaba Minisitiri w’Intebe ukomoka mu ishyaka rya "Labour" yagize ati "Guverinema ya Sunak yaratsinzwe kuko yananiwe kugenzura imipaka y'igihugu cyacu"! Ishyaka Labour kandi rivuga ko abimukira ari benshi cyane mu Bwongereza, iryo shyaka rikaba ryarasezeranyije Abongereza ko rizashyiraho ingamba zihamye zo kurwanya iterabwoba no guhangana n’imitwe y’abakoresha ubwambuzi mu kwinjiza abimukira mu Bwongereza banyuze mu nzira za magendu!
Hakunzwe kuvugwako abantu benshi bashyigikiwe na Kagame bagira umwaku wo gutsindwa amatora, twizereko uyu Sunak azatsinda amatora kugirango umushinga w'ubucuriza bw'impunzi asangiye na Kagame uzashobore kujya mu bikorwa; kuko bitagenze gutyo Kagame nawe ubwe yaba yitera umwaku!! Tubihange amaso!
Veritasinfo