Rwanda: Ese ni ukuri ko umwaku wa Paul Kagame watashye kwa Félix Tshisekedi uyobora Congo?

Kuri uyu wa kane taliki ya 10/10/2019 indege itwara ibikoresho bya gisilikare by'ingabo za Congo yaburiwe irengero! Itangazo ry'ikigo gishinzwe iby'indege muri Repubulika Iharanira Demokarasi ya Congo rivuga ko iyo ndege yari itwaye imodoka itamenwa n'amasasu kimwe n'ibindi bikoresho bishinzwe kurinda umutekano wa perezida wa Congo "Félix Tshisekedi". Mu gihe iyo ndege yaburirwaga irengero kuri uyu wa kane, Tshisekedi n'umugore we "Denise" bari mu rugendo rw'akazi mu mujyi wa Beni uri muri Kivu y'amajyaruguru.

Iyo ndege yahagurutse ku kibuga cy'indege cya Goma kuri uyu wa kane taliki ya 10/10/2019 ku isaha ya 13H32 z'amanywa,igomba gukora urugendo rw'amasaha 3 kugirango igere i Kinshasa. Ikigigo gishinzwe iby'ingede muri Congo kivuga ko iyo ndege yabuze ku byuma bya radar nyuma y'iminota 59 ihagurutse. Ibinyamakuru mpuzamahanga binyuranye byemeza ko iyo ndege yari irimo abantu umunani ariko umwirondoro wabo ntabwo watangajwe. Ku mbuga nkoranyambaga amakuru ariho yemeza ko iyo ndege yaguye mu ishyamba ry'inzitane rya Congo riherereye mu karere ka Ituri kandi ko abari bayirimo bose kimwe n'umushoferi wa perezida Tshisekedi bitabye Imana! Radiyo mpuzamahanga y'abongereza "BBC Gahuzamiryango" ivuga ko abantu bari muri iyo ndege ari 8 bagizwe n'abaderevu n'abakozi bayo 4 hamwe n'abandi basivili n'abasilikare bane.

Abakurikirana amakuru ya politiki yo mu karere k'ibiyaga bigari, bemeza ko abo basilikare 4 batavuzwe umwirondoro wabo aribo Tshisekedi yifashishaga mu bikorwa byo gutegura igitero agomba kugaba ku mpunzi zirenga ibihumbi 500 by'abanyarwanda bari mu burasirazuba bwa Congo mu ntara za Kivu zombi. Iyo ndege yakoze impanuka akaba ariyo ingabo za Tshisekedi zitwa FARDC (Forces Armées Rwandaises Dans le Congo) zakoreshaga cyane mu kuzana ibikoresho bya gisilikare muri gahunda yo kwica impunzi.  "Veritasinfo" yabonye gahunda y'ibikorwa ingabo za Congo zifatanyije n'iz' AFRICOM za leta z'Ubumwe z'Amerika yo kurimbura impunzi z'abanyarwanda mu burasirazuba bwa Congo; iyo ndege yakoze impanuka ikaba yakoreshwaga cyane muri iyo gahunda! Muri iyo gahunda yo kurimbura impunzi hateganyijwemo inama izahuza abakuru b'ingabo z'ibihugu bya : Congo, u Rwanda, Uburundi na Uganda hiyongereyemo MONUSCO nAFRICOM izabera i Goma ku mataliki ya 24 na 25/10/2019 kugirango banononsore gahunda yo kwica impunzi z'abanyarwanda.

Mbere y'uko iyo nama yo gukora jenoside iba, habonetse ikimenyetso cy'uko abasilikare bakuru Tshisekedi yakoreshaga muri uwo mugambi bitabye Imana baguye mu ndege nayo yakoreshwaga muri iyo gahunda ya ruvumwa! Abakurikiranira hafi ubuzima bwa Kagame bakaba bemeza ko umwaku Kagame yagiye atera abandi ba perezida nawo watangiye kugera kuri Tshisekedi bahereye kuri iryo zimira ry'iyo ndege. Abemera ko Kagame atera umwaku bahera ku ngero nyinshi, muri izo twavu izi zikurikira :

1.Paul Kagame ni inshuti magara ya perezida wa Gabon , Ali Bongo. umunsi umwe, ubwo barimo baganira, Kagame yaramwongoreye undi nawe atega ugutwi, mu minsi mike yakurikiyeho, ubwonko bwa Perezida Ali Bongo bwahise buturika, kugeza ubu akaba yarabaye ikimuga; ntagishobora kuvuga neza cyangwa se ngo ashobore kugenda.

2.Umunsi Paul Kagame yasuraga Perezida w'Ubufaransa, Emmanuel Macron akamukora mu ntoki  taliki ya 23/05/2018 nibwo havutse ikibazo cy'inshuti ya Macron yitwa Benella wakoze icyaha cyo gukubita abamagana Macron mu myigaragambyo! Kugeza na nubu icyo kibazo kikaba cyarabaye icyasha kuri Macron. Ubwo Macron yongeraga gukora Kagame mu ntoki mu nama ya francophonie ari nayo yashyizeho Mushikiwabo ku buyobozi bw'uwo muryango taliki ya 9/10/2018, nibwo i Paris hahise hatangira imyigaragambyo y'abafaransa bambaye udupira tw'umuhondo (gilets jaunes) bamagana politiki ya Macron na nubu rukaba rugeretse.

3.Ministre w'intebe wa Israël Netanyahu yasuye Kagame ndetse bafatanya gahunda yo kuzana abanyafurika baba muri Israël mu Rwanda, ariko kuva yakora mu ntoki za Kagame , uwo mu ministre w'intebe wa Israël yahise atangira kugira ibibazo, ubu arashinjwa ibyaha bya ruswa we n'umugore we, ishyaka rye rikaba rimaze gutsindwa amatora kabiri kose!

4.Umwami w'igihugu cya Maroc , Mohammed IV nawe yagiranye ubushuti bw'akadasohoka na Kagame ariko kuva yamukora mu ntoki yahise agira ibibazo; uwo mwami yahise atandukana n'umugore we none ubu afite uburwayi bushobora kumuhitana.

5.Ku italiki ya 26/01/2018 i Davos mu gihugu cy'Ubusuwisi, Bwana Donald Trump uyobora Leta Zunze Ubumwe z'Amerika yabonanye na Kagame amukora mu ntoki, kuva icyo gihe Trump yahise atangirana n'ibibazo byo ku mwirukana ku buyobozi bw'Amerika kandi na n'ubu birakomeje kuburyo ari icyasha gikomeye cy'ubutegetsi bwe.

Aha dutanze ingero nke cyane muri politiki, tugiye kureba no kubandi bantu bamamaye nk'abahanzi hanyu bakazima bitewe no kwamamaza Kagame wakumirwa! Ni murebe ikipe y'Arsenal mu Bwongereza,iheruka gutwara ibikombe Kagame atarayifana, Kizito Mihigo yaririmbye Kagame ko ari intare maze ahita amutera ijanja, Uwilingiyimana Théogène bita Bosebabireba, yaririmbye Kagame avuga ko akunzwe kurusha whatssapp, uko ahagaze ubu murabibona...

Uyu mwaku wa Kagame urindwa amabi kuburyo Museveni yamaze kuwutahura, mbere yo guhereza Kagame akaboko abanza kugapfuka cyangwa akanywa amasubyo! Kagame nawe ngo yameye ko atera umwaku kuburyo asigaye ategeka abaministre bashya ahaye imyanya kuzana umuryango wabo kugirango bifotozanye hamwe maze basangire umwaku we bityo bazamugwe inyuma!!

Ese wowe wemera ko umwaku ubaho? Niba utawemera tubwire impamvu aba bantu bose bakozweho na Kagame bahura n'ibibazo! Icyakora perezida wa Congo we arababaje kuko umwaku wa Kagame azawuheka wenyine kuko abakongomani benshi bamagana Kagame kuko yabahekuye kandi akaba abikomeje!

Veritasinfo