Umwe mu bahoze ari Escort wa Kagame , aragaragaza ubugome bwe ndengakamere

Arashinja Perezida Kagame kwica bagenzi be

Umwe mu bahoze ari Escort wa Kagame, aragaragaza ubugome ndengakamere bwe !!
Umwe mu bahoze ari Escort wa Kagame ariwe Noble Marara ,wanahoze ari umushoferi we bagendanye igihe kirekire , aherutse kumuta hanze. Yabikoze mu nyandiko, yandikiye Abanyarwanda batuye mu Bwongereza, abereka ububi bwa shebuja.  Iyo nyandiko ye, yanageneye kopi Ikinyamakuru Umuvugizi.

Uyu musirikare, yatangiye  anenga Kagame.  Avuga ko ari umuntu gito, warangwaga no gukubita abasirikare be  barimo Gen   Kabarebe.   Bakiri mu ishyamba, nawe ntiyamureberaga izuba. Yigeze kumukubita   kubera ko atitabye icyombo cye . Anagaragaza ko  atatinyaga gukubita  n’umugore we Jeanette. K’uburyo we byari urukozasoni  yamukubitiraga  mu ruhame imbere y’abasirikare. Asobanura ukuntu Kagame yategetse abasirikare gukubita bagenzi babo, kugeza aho umwe muri bo agiriye muri “Coma” kubera ko  icyo gihe bari bahaye lift umwe mu bakajorite witwa Captain Leandre, wari uje kubasura.

Anasobanura uburyo ubwicanyi bwa Kagame atari ubwa none. Aho yerekana uburyo Kagame yagiye abategeka guhitana bagenzi babo, yaba mu ishyamba cyangwa nyuma yaho. Sgt Noble Marara asobanura uburyo babategetse gutega igisasu cyo mu bwoko bwa Land mine, kwica Col Ndugutei Steven. Icyo gihe  byari muri 1993 na 1994 . Icyo gisasu  cyaturikanye  imodoka yari itwaye Col Ndugutei I Kinihira,  ariko Imana ikinga akaboko .

Sibyo gusa,  mu nyandiko ye avuga ko umwe mu basirikare bagenzi be atashatse kuvuga izina kubera impamvu z’umutekano, yategetswe na none  kujya kwica Lt Col  Karangwa, bakoresheje igisasu cya Land Mine.  Abaza Maj Masumbuko wari wabimutegetse ko imodoka bagombaga  gutega igisasu ari iya officer mugenzi wabo,  Musumbuko amusubiza ko babizi, ko amabwiriza yaturutse ibukuru. Bityo imodoka itegwa  igisasu n’abajepe ba Kagame, iba ihitanye Lt Col Karangwa gutyo, babeshya abasirikare bakuru bagenzi babo ko yahitanywe n’umwanzi.

Yatangarije Ikinyamakuru Umuvugizi, uburyo mu w’I  1997, Perezida Kagame atararaga iwe. Yakundaga kurara kwa Nyirabukwe cyangwa kwa muramu we . Ubundi  bakarara mu muhanda wa Kinyinya batinya ko Kagame yakwicwa. Ibi byaje kurangizwa no gutuma Abajepe ba Kagame na none kujya kwica Maj Birasa.  Avuga ko abo bajepe batumwe kumwica,   baje gusanga Maj Birasa yagendanye na Capt Eddy .  Babategetse  ko bose babarasira icyarimwe, ari nako byaje kugenda. Bari bayobowe na w01 Mugabo John, ubu waje kugorerwa  ipeti rya Major.  Nawe  yari yahawe amabwiriza  na Lt Col Silus Udahemuka, wari uyoboye urwego rwa maneko, mu basirikare bashinzwe umutekano wa Kagame “Abajepe”.

Ikindi yasobanuye neza, ni urupfu rwa Col Stephen Ndugutei alias Karisoriso. Yerekanye ko  Perezida Kagame ubwe, yategetse Brig Gen Dr Rutatina kuba yapanga uburyo bamwica. Bityo yaje  guterwa urushinje rw’ uburozi, agiye kwivuza bituma apfa amarabira.  Yaguye  muri Afurika yo hepfo, nyuma yo kuva mu Rwanda yatewe urwo rushinje rwarimo uburozi. Nyuma y’urupfu rwe, n’abaganga basuzumye umurambo wa nyakwigendera, basanze yarishwe n’uburozi. Ariko ntacyo babikozeho  kubera ko bari bazi neza icya mwishe.  Icyakurikikiyeho,  bihutiye  gushumuriza amabanki kugurisha n’utwo yari yasigiye imfubyi,  nazo ubu  zirimo kwangara muri Uganda.

Twabibutsa ko  Col Ndugutei ariwe wari umusirikare wari ushinzwe ibikorwa by’intambara “Operations commander” yatumye Kagame agera k’ubutegetsi. Nyamara Kagame we  yiberaga ku Mulindi ,Mbarara hamwe na Kampala, avugira ku maradiyo yivuga ibigwi byabaga byarwanywe n’uwo nyakwigendera hamwe n’abagenzi be akomeje kwica uruyongoyongo, kugeza  magingo aya. Bimwe mu bintu byagiye biranga abasirikare bakuru bagiye bicwa mu buryo nka buriya nka Ndugutei na Late Kayitare, ni uko  Kagame yagiye akwepa kubashyingura n’ubwo bari ibyegera bye.

Yasoje  inyandiko yatwoherereje adusaba kuyigeza ku Banyarwanda. Agaragaza uburyo hagati ya 1995 na 2001, Perezida Kagame yakoresheje amafaranga arenga miliyari kubaka inzu mu kibanza cya Nyakwigendera Habyarimana mu Kiyovu, akanga gutura I Kanombe, hari  hagenewe abayobozi b’igihugu. Yahubatse inzu  ifite plan imwe niya perezida Gadhafi.  Asobanura ko ari Perezida Gadhafi wamuhuje n’abashinwa, bamufashije kubaka uwo mutamenwa utaraswa. Wubatswe ugana mu kuzimu.  Ifite etaje eshatu zigana mu kuzimu. Icyo irusha iya Gadhafi ni uko ifite ibirahuri bya burende.Ifite ibyumba bigera kuri magana abiri. Agaragaza ko  n’ubwo iyo  nzu bivugwa ko ari State House, ariko mu  by’ukuri ni inzu ya Kagame ku giti cye.  Inubatswe mu mazina ye (Kagame) k’uburyo umuntu uwo ariwe wese uzamusimbura, agomba kuzagana Kanombe, ahateganyijwe inzu y’umukuru w’igihugu.

Mu gihe twasohoraga iyi nyandiko ye, twifuje kuvugana yaba na leta y’u Rwanda cyangwa ambasade y’u Rwanda y’aho Marara Noble atuye mu Bwongereza,  kugira ngo twumve icyo babivugaho, ntibyadushobokera

Johnson, Europe.(umuvugizi)