Tony Blair ntiyagaragaye mu nama y'abapfumu ba Kagame muri Amerika !

Abaministre nyabo ba Kagame Paul twakwita abapfumu be bateraniye muri Amerika, abo bapfumu b’abazungu nibo bayobora mubyukuri u Rwanda naho abaministre mubona mu Rwanda ni abagaragu babo! Muyandi magambo aba bazungu baba mu idini rya gihanga ry’abazungu ryitwa illiminati twagereranya n’abapfumu mu kinyarwanda. Abo ba illiminati ntibita kuri demokarasi kandi bemera umuntu ukoresha uburyo bwose akica abantu benshi agamije gukuraho imipaka y’ibihugu kugira ngo amaherezo isi izagire umuyobozi umwe !

Inkuru igezweho ni uko Kagame Paul yakoresheje inama y’abo baministre be mu gihugu cy’Amerika , abo baministre bakaba bagizwe n’abanyamahanga bo mu idini rya Illiminati. Ubusanzwe Tony Blair niwe ministre w’intebe w’iyo nama y’abaministre b’abapfumu ba Kagame ariko kuva Kagame Paul yatererwa amase n’amagi mu Bwongereza byatumye Tony Blair ukomoka muri icyo gihugu atangira kwiheza !

Abanyarwanda babaye nka ya nkingi ya Mbonabihita, baricecekeye,bakomeje kwicwa n’inzara naho umutungo wabo ukajya kugaburirwa ba Rugigana biyise abajyanama ba Kagame. Mubyukuri aba bajyanama ba illiminati b’abanyamahanga bicaranye na Kagame ngo barakora inama ni ba rusahurira mu nduru kandi nibo batwitse akarere kose k’Afurika y’ibiyaga bigari basahura umutungo ugize ako karere ! Gupfa kw’abanyafurika ntacyo kubabwiye kuribo kuko bijyanye n’uko idini ryabo ribibemerera !

Mu nama zikomeye bagiriye Kagame ni uko bamusabye gufata uburasirazuba bwa Congo akabazanira amabuye y’agaciro ashoboka ari muri ako karere, bizeza Kagame ko bagiye kuzana inganda zimaze kuba nyinshi mu gihugu cy’Ubushinwa n’Ubuhindi bitewe ni uko zanduza ikirere bakazishinga mu Rwanda noneho ibicuruzwa bizaba bivuye muri izo nganda bikagurwa n’abaturage b’ibihugu by’Afurika y’iburasirazuba (Rwanda, u Burundi, Uganda, Kenya na Tanzaniya) hiyongereyeho igihugu cya Congo. Aba bazungu bijeje Kagame Paul ko ntawe uzamuhungabanya muri uwo mugambi wabo wo kwigarurira ibihugu by’Afurika no gukora ubwicanyi burimo za jenoside !

Iyi nama y’abaministre yaba illiminati ba Paul Kagame yahuye n’ibibazo bikomeye 2 basuzumiye muri Amerika ariko bakaba barabiburiye umuti. Ikibazo cya mbere kijyanye n’uko muri iyi minsi Paul Kagame atakigemura amabuye y’agaciro menshi bitewe ni uko ibirombe yayakuragamo ubu bisigaye bigenzurwa n’ingabo za Congo, n’ubwo Kagame yahawe ibikoresho bihagije by’intambara akanakoresha n’amayeri menshi yo kurwana abinyujije muri M23, ingabo za Congo zishyigikiwe n’ingabo za ONU zirimo ingabo zavuye mu gihugu cy’Afurika y’epfo na Tanzaniya zamubereye ibamba ! Iki kibazo k’intambara ya Congo no gutakaza ibirombe by’amabuye y’agaciro bihangayikishije aba bazungu cyane ko na Ministre Andrew Mwenda yananiwe guhindura ishusho ya Kagame mu mahanga kuko yahindanye cyane ! Ministre w’intewe Tony Blair we yahisemo kuba yihishe kuko afite ubwoba ko nawe azaterwa amase n’amagi nka shebuja Kagame !

Ikibazo cya kabiri nacyo kitoroheye aba bapfumu ba Kagame ni ukuzana inganda mu Rwanda,ibyo bikaba byaratewe ni uko u Rwanda ari igihugu gito ,kidakora ku nyanja kandi kitabanye neza n’abaturanyi ! Ubushotoranyi bwa Kagame kuri kikwete bwababereye ikibazo cyane ko Kagame atarashobora gutsinda urugamba yashoje muri Congo, u Rwanda rufite ikibazo cyo kubona ibiribwa ruzatungisha impunzi ziri kuva muri Tanzaniya, inganda ziva muri Aziya zije mu Rwanda zishobora guhomba kuko ntabaguzi bahagije kubera imiterere y’u Rwanda n’imibanire mibi n’ibihugu birukikije ! Kuri iki kibazo cy’ubuto bw’igihugu Kagame yakinze mu maso abapfumu be icyemezo ibihugu bya kenya , Uganda n’u Rwanda byafashe byo gushyiraho urupapuro rw’inzira rumwe kubanyamahanga baje muri ibyo bihugu ariko ibyo ntibihagije kugira ngo inganda zishobore kubona abaguzi cyane ko n’intagondwa z’abayisilamu zo mu gihugu cya Somaliya zisa niziyemeje gusibira amayira akarere kose !

Niba Kagame adashoboye kugaruza ibirombe by’amabuye y’agaciro byo muri Congo,agakubitiraho ko ashobora kugira byo kwakirwa nabi muri Kagameday i Toronto muri Canada nk’uko byamugendekeye mu bwongereza, mu nama y’aba bazungu b’abapfumu itaha hazaboneka mbarwa !

Ngarambe Valens