SGT SASITA watumwe kwica abapadiri bashinze leprophete no guhitana impunzi z'abanyarwanda mu Bufaransa arimo yihishahisha muri NORMANDIE (Le Havre) !
Amakuru agera kukinyamakuru inyenyerinews,aturuka ahantu hizewe mu rwego rwa DMI ruyobowe na general Dr.Rutatina wasimbuye col Dan Munyuza ubu wagororewe kuyobora urwego rwo hanze bita NSS nyuma yo kugerageza kwica General Nyamwasa Imana igakinga akaboko.Iki gihembo yagihawe nyuma yo gutinyuka kwica General Nyamwasa aho yari mu buhungiro muri Afrika yepho.Twabibutsa ko yasimbuye General Jack Musemakweri wari uyoboye urwo rwego igihe kitari kinini ugereranyije n’ n'igihe abandi bayoboreye uru rwego rw’Ubutasi bamara.Akaba yarahawe kuyobora DMI nyuma yo kuva kwiga Masters mu Bwongereza mw’Ishami rya physcology.Akigera mukazi yakiriwe na Major Kakira wari ushinzwe ibikorwa bya Operations.
Yatangiye akora ubu maneko bujyanye n’umwuga yaramaze kwiga muri ibyo bihugu by’Iburayi,ariko abazi imikorere ya perezida Paul Kagame na FPR bivugwa ko yagiye yoherezwa ahantu henshi mu bihugu byo hanze ngo agiye kwiga ariko mu byukuri ahubwo yarabaga agiye gushinga za network za maneko. Kugirango babashe kumenya ibikorwa byose by’Impunzi bikorerwa muri ayo mahanga kuko igihe cyose Paul Kagame ahora y’Ikanga ubusa kuko azi neza ibyo yakoze,General Musemakweri nibwo yatangiye gushyira mu bikorwa ibyo yize byose; nyuma yaje gukurwaho ikizere mu gihe General Kayumba Nyamwasa yahungaga kuko General Jack Musemakweri atashoboye kugaragaza ko ari kuruhande rwa perezida Paul Kagame,maze ahita yirukanwa muri ibyo biro.
Uyu col Dan Munyuza amaze gushyikira umwanya wa DMI yahise ashyira mu bikorwa ibyo perezida Paul Kagame yifuza kuko yaramaze kumenya intege nke za perezida Paul Kagame,perezida abonye ashyize mu bikorwa ibyo amwifuzaho ndetse abonye ko nibura ko yanagerageje kurasa General Kayumba nubwo kuba atarapfuye atari ikibazo cya col Munyuza ari Ikibazo cy’Abarashe bagahusha.Nyuma yaho General Nziza yabwiye Col Dan Munyuza ko hari umuntu mu burayi ukora akazi neza kandi ko ashobora kuba yabafasha kuroga no kwica abatavuga rumwe na leta y’Ikigali,uwo ntawundi yavugaga ni SANO Alias SASITA nibwo ya mubwiye amateka ye ni imirimo yakoze mu gihugu cya Uganda ukuntu SGT SASITA Jean Bosco, wahinduye amazina ye, akiyita Sano David, ndetse akaba na nubu agenda ahindura amazina aho ageze hose.
Uwo Sano David ashinzwe kuroga, kurasa abatavuga rumwe na Kagame, abahagarariye amashyirahamye atabogamiye kuri Leta, asscociation zose z' abanyarwanda, abafite akazi gakomeye, abacuruza mu Bufaransa, cyane cyane abaganga, abahoze ari abategetsi bakuru, abasilikari bakuru bo kwa Habyarimana bose, akoresheje uburozi, nyuma yo kwihisha inyuma y 'inshoreke z' abakobwa aryamana nabo akabaha amafaranga atubutse dore ko nabo atabagwa nabi, ayo mafaranga ayohererezwa na col Dan Munyuza afatanije na General Jackson Nziza uri hafi kwipfira azize icyago cya « SIDA », ariko akabeshya abantu ko arwaye Cancer, aribyo bimuhesha uruhushya rwo guhora mu mahanga ngo agiye kwivuza.
Mu byukuli, General Jackson Nziza yitwaza ibyo bita « valise diplomatique », zuzuyemo amafaranga, akayashikiriza Sasita Jean Bosco alias Sano David, ushinzwe gukora recrutemment hirya hino kw’Isi kugira ngo haboneke abantu bazarasa abo twavuze hejuru.
Ubundi yirirwa yisunga abahungu bakomoka Kosovo, ngo baze bamugurire imbunda za Masotera, Mines antipersonnels na grenades zo gutera abatavuga rumwe na Kagame. Abafite uburyo bwo kubigeza kuri za Polisi na OFPRA ikinyamakuru inyenyerinews cya sabaga ko bakwiye guhita babimenyesha inzego zibishinzwe, iriya réseau cyangwa se network y' aba Nazi ba Kagame ishaka gushinga imizi i Buraya, cyane cyane mu gihugu cy’U BUFARANSA no mu BUBIRIGI, bihishe inyuma ya za Ambassade ikamenyekana.
Uwo Sasita alias Sano, ngo yahawe n' inshingano zo kwica abihayimana bose bari hanze, cyane cyane abashinzwe urubuga rwa Le Prophète, akoresheje umupadiri wataye ikanzu ukomoka ku Byangabo-BUSOGO, wanga abahutu urunuka, akaba akotanira muri survice yivuye inyuma, abatamuzi uwo SANO muzarebe neza, asa na Kagame, uretse ko we ari inzobe cyane, akaba akiri na muto, afite hafi imyaka hagati ya 45-48,akaba afite mwene wabo wo kwa Gahane na Makoni wigeze kuroga abapadiri ba Paroisse ya Busogo. Inkuru zituruka mu nzego za DMI na NSS zirahamya ko Kagame yiteguye gutanga ibyo atunze byose, akazapfa yisasiye abanyarwanda bose bazi gusoma no kwandika ibi bikaba bihura na bwa buhanuzi bwa Majeshi Leon aho avuga mu buhanuzi bwe ko BNR izahura nakaga kuko abazayikoramo nyuma y’Intambara aba directeur bazaba bafite amashuri atandatu kandi abazaba bafite Degree bazajya bakora muri za ministeri ebyeri ngo kuko ntabakozi babanyarwanda bazaboneka kuko perezida Paul Kagame azaba yarabisasiye.
Ibyo abigirira ko abona inzego z' ubutasi z' IBURAYI zatahuye neza ko ariwe wahanuye indege yari itwaye Nyakwigendera Prezida Habyarimana na Ntaryamira wari watowe n’Abaturage bo mu gihugu cyo mu Burundi,kugeza aya magingo abarundi bakaba badashobora kurega Urwanda ngo babaze impamvu umukuru w’Igihugu cyabo icyo yaba yarazize. Kandi ko amategeko yose yo guca umutwe Kiliziya Gatolika, atsembatsemba abasenyeli barenze batandatu, n’abapadiri barenga 100, bwari uburyo bwo kubuza amahanga kuzamenya gahunda zapanzwe na Kagame kuko azi neza ko i Vaticani, ifite ubutasi burenze imipaka yose, kandi ko buri Mukristu wese aba ari umukozi wa Vatikani, mukurwanya ikibi, akamagana imigenzo mibisha.
Murarye muri menge, mumenye abo muganira nabo, ababasura abaribo, cyane cyane muteze ubwega kuri uriya Sasita alias Sano David, ushinzwe guhuza ibikorwa bigayitse byo gutsemba abahutu n' abatutsi bose badapfukamira Kagame.Ibuye ryamenyekanye, ntiriba rikishe isuka, kandi amasengesho yanyu, kwizera Impuhwe z' Uhoraho nta buryarya, bizabafasha guhashya uriya mwanzi mubisha.
Byaruhanga I (Inyenyerinews)