Kagame Paul arimo atoza umutwe w'abateroriste bazajya guhungabanya umutekano mu bihugu by'amahanga ! !!

Publié le par veritas

050-kaga-terroriste.pngUrubyiruko rugera kuri 300  rwatangiye imyitozo ya gisirikare mu kigo cy’i Gako kuri uyu wa gatanu taliki ya 22/07/2011. Abarugize bakaba baturuka mu bihugu boherejwemo kwiga bigera kuri 19, birimo Uganda,Tanzania, Amerika n’Uburayi.Iyo mihango yari yitabiriwe na Perezida Kagame, Minisitiri w’uburezi na Gen James Kabarebe wigishaga urwo rubyiruko ububi bw’abatavuga rumwe na Kagame, anabasaba gufatanya na Leta mu kuyibera ba ambasaderi beza.

 


Umwe muri abo basore yasabye perezida Kagame kubatera inkunga, bakabona uburyo bwo kurwanya abatavuga rumwe na we baba muri Amerika. Uwo munyeshuri yatanze urugero rwa bagenzi be baturuka mu miryango y'urubyiruko yahoze mu ishyaka rya MRND. Bamwe mubahoze muri  iyo miryango bakaba banenga Leta ya Kagame ku mugaragaro. Abinyujije kuri ambasaderi w’u Rwanda muri Amerika, James Kimonyo, Perezida Paul Kagame yabemereye inkunga yo gushinga ihuriro ryitwa «Nothern American Student Movement» bazajya bahuriramo mu bikorwa byo guhashya bagenzi babo b’abanyeshuri baturuka muri iyo miryango.

 

 

Indi nkunga Kagame yemereye urubyiruko rwari aho, ni iyo kurufasha gushyiraho za «twitter» hamwe n’irindi tumanaho rugomba gukoresha nk’imiyoboro yo kuvugira Leta ye aho bazaba bari hose, ubwo bazaba barangije iyo myitozo izaba igizwe n’amasomo ya gisirikare na politiki. Nubwo Kagame yatangije ijambo rye ameze nk’umuntu urimo kwigisha umuco, ibyari ijambo byaje guhindukamo ibitutsi. Nk’uko bisanzwe, yifashe ku gahanga yibasira abatavuga rumwe na we n’abamunenga, ubwo yabahinduraga ibicucu, ibikeri, «foolish», imburamukoro, n’abaswa. Yakoresheje umugani utabaho mu kinyarwanda, agira ati: «Urusaku rw’ibikeri ntirubuza inzovu kunywa amazi». Ngizo inyigisho zo gukunda igihugu Perezida Kagame yagejeje kuri abo banyeshuri, na bo bamukomeraga amashyi buri kanya, baseka ibidasekeje, byo kumugusha neza.

Ikindi cyagaragaye muri izo ngando zo koza ubwonko aba bana, ni uko kimwe cya kabiri cy’urubyiruko cyari uruturuka mu bihugu bya Uganda na Tanzania. Ibi bihugu byombi bikaba ari byo Leta ya Kagame ifitemo inyungu zikomeye, bityo uru rubyiruko rukaba rugomba kuba ijisho ry’iyo Leta muri ibi bihugu byombi. Ukuba maso kw’izi ntumwa za Kagame kukaba na none kuzateza umutekano muke ku batavuga rumwe na we batuye muri ibi bihugu byombi. Undi mubare munini w’abitabiriye iyi myitozo ya gisirikari, ni uw’abaturuka mu bihugu bya Amerika n’Uburayi.


Perezida Kagame yanibasiye abaterankunga bahora bamusaba kugira icyo ahindura mu miyoborere ye, ubwo yavugaga ko aba bagera aho bakamusaba guhindura n’ibyabananiye iwabo. Mu kwitotomba kwe, aba bamushyiraho igitutu ngo abicisha kubikiriza gusa «Yes, sir», ahasigaye akikomereza urugendo. Kagame yasabye urwo rubyiruko kwiga kwirwanaho, ntibazabe ingaruzwamuheto y’abo banyamahanga.

Abajijwe ku bafungwa bazira ko bari mu ngabo z’umwami, Perezida Kagame yashubije ko izo ngabo atazizi, ko u Rwanda rutagira umwami, ko ruyobowe na perezida. Yanagarutse ku wo yise Kigeli, avuga ko atari we wamukuye ku bwami, ko yagiye no kumwishakira ubwe akamunanira, ubwo yamugezagaho icyifuzo cye cyo gutaha nk’abandi banyarwanda. Umwami Kigeli ngo yamushubije ko azataha ari umwami, ibi Kagame akaba atabikozwa, kuko nta bihanga bibiri bikwirwa mu nkono imwe. Kagame yasabye abari aho bose kudakoreshwa n’abo barwanira umwami, ngo cyeretse niba bashaka kwiyahura.


Mu bitabiriye izi ngando z’intore, barimo n’abanyeshuri baturuka mu gihugu cya Suwede. Ubwo iyi myitozo yabaga, maneko wa ambasade y’u Rwanda i Stockholm, Evode Mudaheranwa, yarimo na we gutoza urundi rubyiruko rugize itorero ry’abanyarwanda muri Stockholm. Ibi na byo bikaba bitanga amarenga y’ibizaba mu minsi iri mbere kubera ko uru rubyiruko rwibumbiye mu matorero ari rwo ruzajya rukoreshwa mu guhiga abatavuga rumwe na Kagame.

Perezida Kagame yanabajijwe ku bijyanye na nyakatsi zasenyewe abaturage mu gihe bari batarabashakira aho begeka umusaya. Yahise yamagana uwo mwana wari umubajije icyo kibazo, amubwira ko agomba kwirinda ibihuha bihwihwiswa hirya no hino. Yamusobanuriye ko «nyakatsi basenye n’ubundi zari inzu zitabaho, zari zisanzwe ziva», kandi ko ngo na zimwe mu mpanvu zatumye zisenywa «byari uko hari bamwe mu baturage batashakaga kubaka inzu nyazo, bagahora bimukira mu bihugu bituranye n’u Rwanda, cyane cyane ku mupaka w’Uburundi». Kagame yabwiye abari aho ko abanyarwanda bagomba guhitamo gutura mu Rwanda, cyangwa bakimukira mu Burundi.

 
Kagabo, London.(umuvugizi)

Pour être informé des derniers articles, inscrivez vous :
Commenter cet article
U
<br /> <br /> mugwaneza, uribeshya cyane. ndahamya ko mu mutima wawe uhamya ko urubyiruko rwo murwanda rukunda Prezida kagame. ibyo urimo urakora, n'ugoresha uburenganzira bwawe bwo kuvuga icyo ushaka, uvuga<br /> ibyo utemera.<br /> <br /> <br /> mungando za leta twigiramo byinshi, harimo uburere mbonera gihugu, icyerekezo igihugu cyacu kirimo kugirango dufatanye hamwe nk'urubyiruko mukurwubaka, nibindi byinshi umuntu atabasha kurondora.<br /> ibyo ntagihugu nakimwe kitabikora, ndetse naho wagiye gupfunda imitwe, birahaba.<br /> <br /> <br /> ndakugira inama y'uko wajya uvuga ibyagirira abantu akamaro.<br /> <br /> <br /> umunsi mwiza!<br /> <br /> <br /> <br />
Répondre
M
<br /> <br /> Murwanda ibintu byarahindutse, urubyiruko nirwo Rwanda rwejo, niyo mpamvu hagomba kubaho ingando zibigisha<br /> Uburyo baba abaturarwanda beza. Mur’ayo muhugurwa bigiramo ibintu byinshi bigamije kubagira abaturarwanda babereye urwanda.<br /> <br /> <br />  <br /> <br /> <br /> Turashimira leta yacu idahwema mukudushakira ibyiza, Imana ikomeze itwungure ubumenyi n’ubushishozi kugirango<br /> tubashe kubaka Igihugu cyacu, arinako tucyubakira kumusingi itazabasha kujegajezwa n’umuntu wese.<br /> <br /> <br />  <br /> <br /> <br /> <br />
Répondre
M
<br /> <br /> Biratangaje kubona ukuntu mubabazwa cyane nibifiitiye igihugu akamaro, ubwo mubona ar’aho imigambi yanyu<br /> izagera? Mumenye ko  abakunzi ba perezida  Kagame hamwe n’urwanda baragenda biyongera ,ubwo mubona muzahungira he? imigambi yanyu yo gushaka kubiba umwuka mubi<br /> mubanyarwanda ntabgo izashoboka.<br /> <br /> <br />  ko mbona amahanga atabaroheye, umunsi mwatahuwe muzahungira he? akanyu kashobotse, nirirwa mbabwira ngo<br /> mutahuke none dore, Abanyarwanda benshi barimo kurushaho kumenya ibyiza by’urwanda .<br /> <br /> <br /> <br /> Njye rero nabagira inama yo gukunda Igihugu cyanyu, mukareka kugisebanya, kuko interahamwe zarishe, kandi amaraso zamenye  azazita kugasi,. Murahaga<br /> hurberger,  mwarangiza mukarengerwa  kuri Kagame, ese mwirengagije ko ari we n’ingabo ze babashije guhagarika jenoside kugeza na nubu akaba agikomeje<br /> kutugezaho ibyiza byishi mu igihugu cyacu.<br /> <br /> <br />  <br /> <br /> <br /> Gusa turakwihanangirije, rekeraho gukomeza gutuka umuyobozi w’igihugu cyacu ari nako unadusubiza inyuma<br /> mw’iterambere. Nakugira inama yo gusaba imbabazi, kuko ubugome bwawe butazagira aho bukugeza.<br /> <br /> <br /> <br />
Répondre
P
<br /> <br /> Mu gihe Kagame yegeranya intore ze ngo zice benemugabumwe (Rubanda rwa Knyarwanda), mureke natwe urubyiruko twese abadashyigikiye akarengane adukorera dushyire imbaraga mu kwishyira hamwe<br /> tumurwanye dukoresheje inzira y'amahoro " Non violence".<br /> <br /> Nimugire amahoro!<br /> <br /> <br /> <br />
Répondre
E
<br /> Njye umukwabu wabereye i kamembe narawucitse. Kuko nanjye bari bantwaye ngo ni uko bansanganye bote z'icyatsi ngo ni aza gisirikare kandi twarazihawe n'uruganda. Yewe iyo ntagira umupolisi umwe<br /> wabaye i GIHEKE nari ngiye pe!<br /> <br /> <br />
Répondre
V
<br /> <br /> Bwana ,<br /> <br /> <br /> Ubwanditsi bwa Veritasinfo bwifuje kukwandikira bugushimira kandi bugusaba ko niba bishoboka ko watugezaho amakuru arambuye kuri uwo mukwabu wabereye i Kamembe kuwa gatanu taliki ya 22/08/2011<br /> kugira ngo tuwutangaze! turashaka cyane cyane kumenya amazina y'abantu bafatiwe muri uwo mukwabu n'aho bafungiwe ni uburyo bafashwe! watwandikira kuri iyi adresse : info@veritasinfo.fr<br /> <br /> <br />  <br /> <br /> <br /> Komera<br /> <br /> <br /> <br />
K
<br /> <br /> Kagame ahinduye abana bacu ibyihebe!! Ejo amahanga azaba abahiga nk'Al quaida!! ubu se abanyarwanda barabona ibi ari ubuhoro! Ngo nibagende bice ibikeri!! Iri n'ishyano!<br /> <br /> <br /> <br />
Répondre
N
<br /> <br /> mubanze mumbabarire kuba ntari mperutse kubaganiriza n'ukubera akazi kenshi ntbwo ari ukubatererana.ejo kuwa gatanu le 22/07/2011 mu mujyi wa kamembe habaye umukwabu udasanzwe,muruyu mukwabu<br /> hafashwe urumogi,kanyanga,indaya na za mayibobo ngo n'isasu rimwe rya karacinikov!ariko icyari kigamijwe sibyo byafashwe ahubwo n'abantu bafashwe kuko batavuga rumwe n'agatsiko koko hafashwe<br /> umubare utari mucye!abafite ubushobozi mutabare cyangugu nahubundi iraza guterwamo itabi nkuko general ibingira yabivuze!tugire ubumwe na demokarasi.<br /> <br /> <br /> <br />
Répondre
M
<br /> <br /> Yooo! Uku gushakisha urubyiruko aroha mu muriro wo kurngera inyungu ze bihise binyibutsa ko Kadhafi arimo ahamagarira urubyiruko rwa Libye kwiyandikisha mu gisilikare kuko abo yari afite bari<br /> kumushiraho bamucika abandi bapfa! kagame se we abona aba bana bazamukorera iki batikoreye!! Ese aba bana ahubwo acecekesha baramutse bamuhindutse yajyahe ko atababyaye!!<br /> <br /> <br /> Tubitege amaso!<br /> <br /> <br /> <br />
Répondre