RWANDA: Abana b’abakene babujijwe kwiga bagiye gushirira ku icumu mu ntambara Kagame arwana muri Congo

Urugamba muri Congo rurakomeye hagati y’ingabo za Kagame n’abasilikare bashyigikiye  Général Nkunda ndetse na FDLR, amakuru ava ahantu hanyuranye kimwe nayo mu giye gusoma hasi aha , arerekakana ko mu Rwanda Kagame agiye kumarira ku icumu urubyiruko rw’abakene!  Ikibazo kiriho ubu mu Rwanda ni uko abana benshi ubu batagishoboye kwiga , bakaba barasigaranye n’ababyeyi babo mu macumbi y’imirenge kuko amazu menshi yasenywe na Leta ya kagame ngo ni nyakatsi kandi ubwo bakaba bakomeje kugira ibibazo bikomeye by’inzara n’ubukene! Birumvikana ko abenshi ari abana b’abahutu kuko abana b’abatutsi barihirwa na FARG n’indi miryango ndetse ubu leta ya Kagame ikaba irimo itegura umushinga wo gusaba umusanzu buri munyarwanda wese kugirango abana b’abacikacumu bazige kaminuza bose nizo mumahanga!

Ikibabaje kurushaho ni uko abana b’abahutu bose bagiye gushirira ku icumu , bagiye gushorwa mu ntambara y’amatiku n’ubugome muri Congo ngo barimo barwanya Nyamwasa n’abo bafatanyije! Byahe byokajya ko ahubwo ari amayeri yo kwiba umutungo wa Congo no kwica uwitwa umunyarwanda wese (umuhutu n’umututsi) wahungiye muri Congo ngo n’interahamwe! Byumvikana gute ko igihugu cyabura amafaranga yo kwigisha abana bacyo, kikabona amafaranga yo kwigisha igisilikare urubyiruko rwose  uhereye ku myaka 18 no gushora intambara muri Congo?  Ubu ni ubundi bwicanyi bukomeye kandi bupanze kuburyo burasiga bworetse igihugu!  Abanyarwanda mugomba kuba maso mukarwanya iyo migambi mibisha kuko ntawundi uzabarengera:

Amakuru agera ku kinyamakuru inyenyerinews aturuka mu nzego z'ubutasi za Leta y'u Rwanda avuga ko Leta ya Kagame irimo kwandika abasore bose uhereye kubafite imyaka 18 kujya hejuru  mu mirenge yose igize igihugu kandi binyujijwe mwitorero ry’igihugu; ngo ikigamijwe nukubajyana mu mahugurwa ya gisirikare kugirango babashe kuzatera ingabo z’u Rwanda  mu bitugu ziri ku rugamba mu gihugu cya Kongo.

Amakuru ikinyamakuru inyenyerinews gikesha bamwe mu basirikare bakomeje guhunga igisirikare cya RDF, aravuga ko ibigo ingabo z'u Rwanda zitorezagamo aribyo Gabiro School of Infantry na Nasho Training Wing imirimo yabyo igiye kwimurirwa ku Kirwa cya IWAWA. Ibi ngo bitewe  n’uko barimo kwandikwa abasore bagomba kwinjira mu gisirikare cya RDF. Ibi byo kwandika abagomba guhabwa imyitozo ya gisilikare bigomba gukorwa kubasore bose babishaka batabishaka bakazahita boherezwa ku kirwa k’IWAWA  kugirango abo bazaba bajyanyweyo batazabona uko batoroka  kandi ngo bikazanaborohera kujyana abo bana babanyarwanda ku rugamba muri Congo kuko ari hafi yaho.

Tubibutse ko ikirwa cya Iwawa giherereye muri kiyaga cya  Kivu, leta ya Kagame ikaba yaragikoresheje cyane mu gufungirayo abasirikare cyane cyane abo yari kumwe nabo mu rugamba  FPR yitaga urwo kubohoza u Rwanda guhera muri za 1990. Hakaba nanone hazwiho kuba Leta ya Perezida Kagame yarahakoreye ibikorwa binyuranye bijyanye byubwicanyi bw’abana bafatiwe mu mujyi wa Kigali ngo ni inzererezi cyangwa ngo nta kazi bagira mu mujyi.

Mugihe Leta ya Perezida Kagame ikomeje kwandika abajya mu gisirikare muri buri murenge wo mu Rwanda, benshi mu basore bamaze kwandikwa ngo binjire mu gisilikare cya RDF mu gihe ubu amakuru menshi akomeje kuvuga ko abasirikare benshi ba  Kagame bakomeje guhunga igihugu uruvunganzoka bahungira mu bihugu bihana imbibi n'u Rwanda. Abo ikinyamakuru inyenyerinews cyashoboye kuvugana nabo, basobanuye ko ngo ntampamvu babona yo gusubira muri Congo, ngo kandi batakaje abavandimwe babo benshi cyane mu cyo bise Congo ya mbere na Congo ya kabiri.

Bakomeje babwira  ikinyamakuru inyenyerinews ko ngo mu byukuri babona ko Leta ya Kagame igeze mu marembera, bigatuma babona ko abanyarwanda bibumbiye mu cyo bise "intore", bashobora kuzakurikiranwa nkabahoze mu cyahoze cyitwa "interahamwe'. Akaba ariyo mpamvu ngo bahisemo iyubuhungiro.

Byaruhanga I  inyenyerinews