Lt Gen Fred Ibingira yatanze amabwiriza yo gufungira Lt Col Sarto Bahenda mu kirwa cy’Iwawa!!

Publié le par veritas

054-Lt_Gen_F_Ibin.pngAmakuru agera ku kinyamakuru Umuvugizi aturutse mu rwego rw’ubutatsi rwa Kagame, yemeza ko Polisi imaze guhabwa amabwiriza y’uko Lt Col Sarto Bahenda ajyanwa gufungirwa mu kirwa cy’ahitwa Iwawa. Nk’uko umwe mu bakorana n’inzego z’ubutatsi za Kagame utarashatse ko tumuvuga kubera impamvu z'umutekano we yabidutangarije , urwego rw’iperereza rwa Polisi “Special Intelligence” rumaze guhabwa amabwiriza na Lt Gen Ibingira, y’uko Lt Col Sarto Bahenda yajyanwa gufungirwa Iwawa.

 
Ibingira yabitegetse nk’umugaba mukuru w’ingabo z’inkeragutabara”reserve force”. Ni ukuvuga ingabo zacyuye igihe zifashishwa igihe bibaye ngombwa. Kandi Lt Col Bahenda yagiye mu butumwa bw’akazi muri polisi akuwe mu nkeragutabara.

 

Ayo makuru atugeraho yemeza ko nyuma y’aho itangazamakuru rigeragereje gutabariza Lt Col Sarto, polisi yahisemo kumwimura imukura muri gereza yayo ibarizwa mu mujyi wa Kibungo. Bamushyize mu ivatiri y’umweru yamujanye kumufungira ku biro bya special Intelligence i Gikondo, ahakunze kwitwa kwa Gacinya.
Kubera ko maneko wa polisi ACP Kalisa yari mu ruzinduko rw’akazi mu Bushinwa, byabaye ngombwa ko Komiseri wa polisi CGP Gasana, yohereza umupolisi witwa Kanyamihigo, kugirango afatanye n’umunyamabanga wihariye wa ACP Kalisa witwa Muhizi Stephen mu guhata ibibazo Lt Col Sarto. Bamubazaga ikirego bamurega aricyo: "kuba yaba aziranye na Gen Kayumba cyangwa RNC" .

Ayo makuru atugeraho yemeza ko nyuma y’iryo bazwa, basanze Lt Col Sarto Bahenda ntacyo azi ku bijyanye na Gen Kayumba. Ibyo byabaye ngombwa ko abo bapolisi bashinzwe idosiye ye, bamubaza niba ashobora kwemera gukorera igihugu. Bahise bamugezaho ubutumwa bari bahawe na CGP Gasana bw’uko abafasha kuzashinja Gen Kayumba hamwe n’abagenzi be, ko baba bafite imigambi yo guhungabanya umutekano w’igihugu.

Kubera impamvu z’umutekano we, byabaye ngombwa ko Lt Col Sarto Bahenda abyemera. Ariko kugeza ubu polisi iracyafite ikibazo cy’uko uwo musirikare Sarto akomeje gushakishwa n’umuryango we. Bivugwa ko uhangayikishijwe n’ubuzima bwe kubera ko asanzwe ari umurwayi. Kubera izo mpamvu zo kumushakisha byatumye haturuka amabwiriza ibukuru, ahabwa Gen Ibingira ko akura Lt Col Sarto Bahenda kuri gereza yo kwa Gacinya akajyanwa gufungirwa mu kirwa cy’Iwawa. Byakozwe kugira ngo yaba umuryango we, itangazamakuru ,imiryango iharanira uburenganzira bw’ikiremwamuntu, batazashobora kumenya ibimubaho, kuzageza bamuzanye mu nkiko gushinja abatavuga rumwe na Kagame naramuka adapfuye.

Lt Col Sarto Bahenda yafunzwe ku itariki ya 13/05/2011 ageze ku kibuga cy’indege I Kanombe. Byakurikiye uguhagarikwa igitaraganya ku kazi ko kurinda amahoro muri Haiti. Byakozwe n’inzego z’ubutatsi za Kagame ku itariki ya 09/05/2011, zihawe amabwiriza na Lt Col Nyakarundi. Wabeshye ko agiye guhabwa amabwiriza y’akazi mu Rwanda.

Bamwe mu bapolisi twavuganye nabo babarizwa muri Haiti, badutangarije ko nta kundi guhitamo Lt Col Sarto afite, uretse kwemera kugaraguzwa agati n’inzego z’ubutasi za Kagame. Akemera agakoreshwa gushinja ibinyoma yabyanga zikamwica. Izo nzego z'umutekano zaranzwe no kumena amaraso y’ abanyarwanda baturutse muri Kongo. Barimo Mzee Semadwinga Denis wishwe urw’agashinyaguro ku Gisenyi bamukase umutwe. Emeritha Munyeshuri umubyeyi w’imyaka 55 warasiwe k’umupaka wa Goma mu mpera z’umwaka ushize. Kagwa Andre Rwisereka bacyegese ijosi. Hari na Kayitesi Beatrice kugeza ubu abavandimwe be bakaba batarashobora kubona umurambo we kugirango nibura bawushyingure mu cyubahiro .

 

(Ifoto iri hejuru ni ya Ibingira)


Johnson, Europe.(umuvugizi)

Pour être informé des derniers articles, inscrivez vous :
Commenter cet article
B
<br /> <br /> Mubyiza Milliyoni urwanda tugira, mwaracanganyikiwe nezaneza mubura na kimwe muvuga ahubwo mukora akazi ko guharabika, guhimbahimba, kubeshya kuko ukuri ko murakuzi neza pe.<br /> <br /> <br /> Urwanda dukore byiza, ishyari ribice, muzajya hehe koko nibyiza biracyari byinshi.<br /> <br /> <br /> <br />
Répondre
S
<br /> <br /> jyewe rwose amanjwe yanyu ngo n'amagambo bimaze kungera ahantu. Niba mwarabuze akazi mwazaje urwanda rukabaha imihanda mugacukura ko rwabahemba. Guhora muvuga ubusaaaa, mubona ariyo business<br /> yunguka, waaapi kabisa. Afande Ibingira ibyiza yakoze ndabizi sha ureke mwe muhimbahimba gusa.<br /> <br /> <br /> Ishari ryo rizatuma mwiyahura ngirango. Babaronge mwange, nuwabaha iki, abanyarwanda bagomba kutabitaho kuko nta cyiza na mba rubatezemo<br /> <br /> <br /> Mugire Amahoro<br /> <br /> <br /> <br />
Répondre
K
<br /> <br /> Sha uyu type IGINGIRA yamennye amaraso yabacu, akoraera impunzi ibintu bibi cyane mu kitwaga gikongoro,yishe abantu batagira ingano za cyangugu hose, nuko nyine muri FPR amaraso y'abahutu<br /> ntacyo avuze kuyamena, ariko IMANA yo mu ijuru izabimubaze hamwe nabandi bose basesa amaraso yabanyarwanda ntacyo bishisha. Ariko ayanjye yo ntayo muzamena mu Izina rya YESU! Rwanda waragowe !<br /> sogokuru yigeze ambwira ko kuva kera wategetse ninkoramaraso gusa!!! koko tuzakura hehe umuyobozi udafite amaraso mu biganza bye? Reka tugumye twambaze Imana izabikora!<br /> <br /> <br /> <br />
Répondre
U
<br /> <br /> Inkuru z’ibihuha  nkizi  turazirambiwe, wagirango uyumwanditsi ahemberwa kuvuga ibinyoma. ariko icyo<br /> namubwira n’uko,  ikinyoma ukirisha rimwe gusa.<br /> <br /> <br /> Ikinyoma kirenze ibindi byose, ni icy’uko lt col Sarton ngo baba baramuhoye kuba yaravuganye na Kayumba. Icyo n’ikinyoma, Lt col Sarton yazize imyitwarire ye mibi yamuranze aho yari mubutumwa<br /> Hayiti, kugeza ubwo UN ubwayo imwirukana. Ntabgo rero  yari kugera mu Rwanda ngo bareke ku muhana, kuko byagaragaye ko ya sebeje Igihugu.<br /> <br /> <br /> Kubashaka kumenya icyo Polisi y’igihugu ibivugaho, mufungure iyi  website : http://jkanya.free.fr/<br /> maze  mufungure page iriho Audio, muzahasanga title igendaye n’iyinkuru.<br /> <br /> <br /> Umunsi mwiza!<br /> <br /> <br /> <br />
Répondre