Abatutsi benshi bavanyeho FPR amaboko!!!

Iyo usesenguye uko ibintu byifashe muri iki gihe mu (situation actuelle) Rwanda, ukagereranya nuko byari bimeze juste inkotanyi zifata ubutegetsi ku ngufu muri 1994, usanga abatutsi benshi baritandukanije na FPR-inkotanyi, ndetse abo twaganiriye kandi bari bayikomeyemo nabandi bazi gusesengura ibya politiki nyarwanda, bemeza ko abatutsi benshi cyane bayivanyeho amaboko burundu kubera imyifatire mibi cyane ya Kagame n´akazu ke kagizwe nabantu batarenze 20!!!!

Igitangaje ni uko usanga abahutu b´inda ndende ari bo basigaye bakubita inkoro hasi imbere ya FPR iri mu marembera, nayo ikaba yarabonye ko byayikomeranye igahita ibasamira hejuru, ndetse ubuyobozi bwa FPR ntibunazuyaza mu gushikisha abahutu bahoze ari intagondwa z´interahamwe ibaha byose ariko ngo bayiyoboke, aha twakwibutsa bya bindi bya " come and see" aho Kagame yikoreye interahamwe kabutindi zamaze abantu nka camarade na Ngabitsinze akaruhuka ari uko azigejeje i kigali zigahabwa ibyubahiro muri RPF zikanayoboka, nubwo aho ziri ubu ntazi niba izo nkotanyi zo hejuru zizazivugira!

usanga abatutsi ubu bari mu rujijo no mu cyoba gikaze kimwe nk´abahutu giseseka, cyane cyane abitwa abaSOPECYA batangiye kongera kwibanira n´abahutu bari basangwannywe mbere ya 1994, batinya RPF ko yabagirira nabi ngo ibakeka ko bayirwanya bakaba banaha amabanga yayo abandi banyarwanda bayirwanya bari hanze no mu gihugu (muri underground), mu mahanga ubu nibo bahahungira usanga iburayi n´amerika abanyarwanda baziriyo abatutsi ari 90% ( uretse ko nyine ninabo bashobora gusohoka kubera amikoro abahutu batagira, ndetse na za visas nibo zihabwa gusa),abashaka kuva mu Rwanda bagiye gusura inshuti n´abavandimwe benshi baba bafite ubwoba ngo sinzi niba Leta ya FPR izatuma nsohoka,ngo itwumvira za telefoni kuko idukeka ko twaba twarabaye aba Kayumba/Karegeya,...

Ubu rero abatutsi batereye umugongo RPF bayivanaho amaboko, maze abahutu bamwe bameze nk´impyisi ijya kurya inyama zimisigazwa intare iba yahaze ikazisiga zuzuyemo amayezi, usanga aribo bakataje mu rwanirira FPR, ngabo muri za diasporas bakotana kurusha abahimbye INKOTANYI, ngabo muri  ba maneko bakora za raporo kuri bene wabo bakiyongeraho n ‘ibinyoma byinshi by’ibintu bitigeze biba kugirango barengere umugati bahabwa,nibo barimo gufungisha bene wabo babanye muri za FAR bamaze iminsi babungera kuri ambassade aho bahabwa imishandiko y´amayero (€) kugirango batange ubuhamya bwuzuye ibinyoma kuri bene wabo (en échanges des faux témoignages) maze ibyo binyoma bigashyikirizwa za INTERPOL nizindi polices ziburayi baba bapfunze ifaranga ( polices occidentales corrompues), ngabo mu mahanga basigaye babunza imirizo barahindutse nka CALL BOYS bagatahira ibyo byo gushimisha iyo mirizo yabo ariko batanze benewabo, niyo mpamvu ubucamanza bwo hanze iyo butangiye gusuzuma ayo ma dosiye y’amahimbano basanga nta kirimo , imeze nka dosiye ya gacaca bagahita bakubita hasi!abo bahutu kandi bari muri za Local defense baramerera nabi bene wabo n´ubukana budasanzwe ngo berekane ko ari inkotanyi,bagasenya amazu bigatinda…ngabo mukuvugira FPR ko nta genocide yakoze muri Zaire muri  1996, ngabo imidigi yabo bayishyize imbere bikoreye amajigo baririmba Kagame banamwogeza bemeza ko abandi bamurwanya ari IBIGARASHA.

Nyamara umunsi byatunganye uzasanga bikoreye ibihanga bavuga ngo shahu burya narazinekaga, ngo burya nari undercover wiriya groupe y´abatutsi mwafatanyije guhirika FPR,n´ibindi bitabapfu bazaba batubwira!

(Ku ifoto yo hejuru murabo Rucagu Boniface arimo agira inama Perezida Kagame)

inyandiko ya Antoine Kanobana