Rwanda : Umwicanyi wa FPR wishe Ndasigwa Landouard n’umuryangowe acumbikiwe n’Amerika (USA) !

«Burya ngo ntawe uyoberwa umwibye, ahubwo ayoberwa aho amuhishe » ! Nyuma y’aho bamwe mu bahoze ari abasilikare ba FPR bemereje ko indege ya perezida Habyarimana Juvénal yarashwe na bamwe mu basilikare ba FPR taliki ya 6 Mata 1994, iraswa ry’iyo ndege rikaba ariryo ryabaye imbarutso ya génocide mu Rwanda ; Bwana Kazigaba André nawe wabaye umusilikare wa FPR, ashyize ahagaragara amakuru y’abasilikare ba FPR bishe umunyepolitiki Ndasingwa Lando n’umuryango we ! Ikibabaje ni uko umwe mu basilikare ba FPR warashe Ndasingwa Lando akingiwe ikibaba na FPR ndetse akaba atuye muri Leta Zunze umwe z’Amerika (USA) ari kumwe n'umuryango we nta nkomyi !

Nkuko Kazigaba abisobanura mu buryo burambuye ku rubuga rwa youtube « ISUBYO RADIO TV », umunyepolitiki Ndasingwa Lando n’umuryango we bishwe n’umusilikare wa FPR witwa « Kabutura Regis alias Simba » ari kumwe  na « cpl Serwadya », Bwana Kayumba Nyamwasa akaba ariwe wahaye amabwiriza yo kwica Ndasingwa Lando wari perezida wa PL abo bicanyi, akaba yarishwe mu ijoro ryo kuwa 6 rishyira taliki ya 7 Mata 1994! Bwana Kazigaba agira ati « mu minsi ishize hari uwambwiye ngo kabutindi Nyamwasa Kayumba ngo hari uwo yibarishijwe nkana, ngo ariko koko, ngo Lando yaba yarishwe n’abasilikare ba RPF ? Noneho rero amazimwe ni ashire … abishe Lando babayeho kandi baridegembya» !

Amakuru mashya Kazigaba azanye muri iki gihe, ni uko atanze umwirondoro wuzuye w’abishe umunyepolitike Ndasingwa Lando, abagize uruhare bose mu rupfu rwe n’uburyo yishwemo ndetse n’uruhare rw’igihugu k’igihangange cya Leta Zunze Ubumwe z’Amerika mu gushyigikira abicanyi ba FPR ! Kuba umwicanyi ruharwa « Kabutura Regis alias Simba » atuye muri Amerika, akongera akavayo akajya mu mutwe wa M23 kwica abacongomani, nyuma Inkotanyi zikamuhamagaza i Kigali, akazavayo asubira muri Amerika, bishimangira ku buryo budasubirwaho ko Amerika ariyo iha amabwiriza FPR yo kwica abanyarwanda n’abaturage bo mu karere k’ibiyaga bigari ! Kuvuga ko FPR ibeshya amahanga sibyo, ahubwo Abanyamerika nibo babeshya amahanga ku ruhare rwabo mu mahano ya génocide yabaye mu Rwanda kandi agikomeza !

Ni gute Amerika yakoresheje imbaraga zayo zose mu kwica, gushimuta, gufata no gufunga abahoze ari abayobozi ku butegetsi bwa Habyarimana Juvénal ariko ikananirwa gufata nibura Inkotanyi imwe yakoze ubwicanyi mu Rwanda no muri Congo ? Ni uko se Amerika (USA) nta makuru ifite ko Inkotanyi zarimbuye imbaga? Abanyarwanda nibo bagomba kwifatira icyemezo cyo kwirengera kandi bakamenya ko ibihugu bikomeye by’i Burayi n’Amerika ntacyo bishobora kubamarira ahubwo ko byabarimbura bose bagashira kugirango uruhare rwabyo mu bwicanyi bwayogoje akarere rutagaragara! Iyaba Amerika itari kumwe n’Inkotanyi mu bwicanyi zikora nibura igihugu nka Canada cyari gutinyuka kubaza iby’urupfu rw’umuturage wacyo (umugore wa Lando) wishwe na FPR !

Hasi aha ni mwumve ku buryo burambuye ikiganiro cya Kazigaba kigaragaza abaishe Ndasingwa Lando :