Rwanda : Kwica abatutsi bikomeje gukoreshwa nk’intwaro yo gushimangira leta ya Paul Kagame !
Kuwa kane taliki ya 13 Mata 2017, umunsi wo gusoza icyumweru cy’icyunamo cya 23 ; nibwo inkuru y’incamugongo yasakaye ku mbuga nkoranyambaga no mu binyamakuru byo mu Rwanda, ko umubyeyi witwa Iribagiza Christine ufite imyaka 58 yishwe n’abantu bataramenyekana bamusanze iwe mu rugo ruherereye mu murenge wa Niboye mu karere ka Kicukiro. Uyu mubyeyi Iribagiza Christine akaba yaragarutse mu Rwanda mu mwaka w’2007 avuye mu gihugu cy’Ububiligi, asize umwana umwe w’umukobwa wiga mu Bubiligi akaba afite imyaka 26. Madame Iribagiza Christine yakoraga umurimo w’ubwubatsi kandi akaba yari murumuna w’umugore w’umunyepolitiki witwa Mbanda Jean uba mu gihugu cya Canada, uherutse gutangaza ko ashaka kuziyamamariza umwanya w’umukuru w’igihugu cy’u Rwanda mu matora ateganyijwe muri kanama 2017.Baca umugani mu kinyarwanda ngo : «ntawe uyoberwa umwibye, ahubwo ayoberwa aho amuhishe ». Abanyarwanda bazi imikorere y’ubutegetsi bwa FPR Inkotanyi, bemeza ko muri iki gihe nta muntu numwe mu Rwanda ushobora gutinyuka kwica undi ku manywa yihangu ngo bishoboke, n’umusazi wabigerageza yahita afatwa atararenga umutaru ! Urwego rw’igipolisi rukorera leta (DMI cyangwa CID) nirwo rwonyinye rufite ububasha bwo kwica abantu mu Rwanda ntihagire urabukwa! Amahanga yose amaze gusobanukirwa ko, jenoside yabaye mu Rwanda yatewe na Paul Kagame kugirango afate ubutegetsi bwose mu Rwanda, kandi akomeze kubugundira nta nkomyi. Bamwe mu batutsi bacitse ku icumu mu Rwanda bazi neza ko, akaga bahuye nako katewe n’inyota y’ubutegetsi ya Paul Kagame yatumye akoma imbarutso ya jenoside yabakorewe! Kugirango abo batutsi n’ayo mahanga bakomeze gushyigikira ubutegetsi bwa Paul Kagame, biba ngombwa ko imitwe ya gipolisi ishinzwe kurwanya abanzi ba let aya Kagame, yica abacitse ku icumu bityo abatutsi n’amahanga bagakomeza kubwirwako na leta ya Kagame ko interahamwe zigifite umugambi wo kurimbura ubwoko bw’abatutsi!
Nyamara bizwi neza ko interahamwe zatsinzwe burundu mu mwaka w’1994, ariko iyo bibaye ngombwa kugira ngo FPR yigarurire imitima yabatutsi, ejo batazatinyuka kuvuga ko Paul Kagame yabishe ndetse akanabicisha, hakorwa igikorwa cyo kwica bamwe muribo nk’uko Iribagiza Christine yishwe, icyo cyaha kikagerekwa ku bahutu! Bidatinze igipolisi cya Paul Kagame kigiye gufata abahutu kibatere ibikwasi ku bugabo maze bahite bemera ko bafite ingengabitekerezo ya jenoside ndetse ko aribo bishe Iribagiza Christine ; bityo amahanga n’abatutsi bakomeze kwemera ko abahutu bagifite umugambi mubisha wo kurimbura abatutsi, ariko Paul Kagame agakomeza kubarinda! Uretse no gukoresha urupfu rw’abatutsi muri politiki, ingabo za FPR zakoresheje ubu buryo mu kurwana intambara n’ingabo za leta ya Habyarimana Ex-FAR kuva mu 1990-1994 ! Inkotanyi zambaraga imyenda y’igisilikare cya Ex-FAR, zigacengera mu giturage zikica abatutsi, abaturage bakavuga ko bishwe n’abasilikare ba Ex-FAR ! Ubu buryo bwo gusiga icyasha uwo muhanganye ku rugamba, inkotanyi zikaba zarabukuye kwa Museveni muri Uganda kuko bwakoreshejwe mu ntambara yo kwirukana Obote ku butegetsi muri Uganda (Soma uko Didace Gasana abisobanura)! Kubera akababaro urupfu rwa Christine rwateye abantu, byatumye umwe mu basomyi ba facebook agira icyo aruvugaho, yagize ati :
IRIBAGIZA Christine ungana na Maman umbyara! Kuba uvukana n'umugore wa Depite Jean Mbanda Umukandida ku mwanya wa Perezida, ntibisobanurako wagombaga kwicwa rubi gutya! Wavutse 1959 na Muyaga iragutinya, ukurira muri Repubulika nk’abandi Bose! Kagame avugako ntawarya umuleti atamennye amagi, aguteza network Commando n’interahamwe urazirokoka. Araguhiga ngo akwice uramutoroka ujya i Burayi! Kuri we (Kagame) ngo uri umututsi ku mazuru, ku mutima ukaba umuhutu! Kagame, ngo niba Habyarimana avuga ko ikirahure cyuzuye kandi akaba atabeshya, ngo we azabanza amene amagi arimo abone aho asuka andi! Yayaya! Bwarakeye biraba! Aguteza ibitega, agushyiramo uruhereko uzana imari yawe ngo wubake urwakubyaye, ugabanye ubushomeri burembeje Rubanda! Agukurikije Karegeya umugabo w’imico myiza, agukurikije Inyumba Aloysia, umugore wingeso nziza. Agukurikije umwami Kigeli, agukurije Bertin Makuza, Jean De Dieu Mucyo, Rwabukumba, Rwigara, Gasakure, Nzamwita Toy, umuyobozi w’agaciro fund, umuyobozi w’ ikigo cya statistique n’inka y’imbyeyi yari ikuriwe!
Bakwishe nabi amaraso aca mu mazuru. Mureke twirengagize amazuru, twiyemeze kuguhorera! Bakwishe wifumbase mu gituza, utagira gitabara! 1959 uvuka wariye icyondo cy'u Rwanda, ujya i Burayi urarugendana, ugarutse i Rwanda urarugaruye! Aya mabere ucigatiye niyo yatwonkeje, twonka u Rwanda rwa cya cyondo wariye uri umwana, kimwe duteraho imyaka ikera, kimwe twororeraho tukabona amata! Barakwishe, ariko usiga ukoze ikimemenyetso cyo guhuriza amaboko mu gituza, iburyo n’ibumoso ubikuye k’umutima! Natwe twihuze tubikuye kumutima! Duhigire kuza guhanagura aya maraso bakuvushije basuka kubutaka bubyara Nkongwa na Kirabiranya biduteza inzara ya «Warwaye ryari » na «Nzaramba»!
None rubyiruko mwariye icyondo igihe mwabaga mukambakakamba, mumenyeko mugendana u Rwanda! Rubyiruko mwonse amabere y’abanyarwanda mumenye ko mwonse u Rwanda! Muhaguruke dutabare u Rwanda ubu uha amata rukaruka amaraso! Kagame atumazeho imyaka, atumazeho amatungo, atumazeho ababyeyi! Aho kubaho mupfukamye mwiyemeze gupfa mwemye!
RIP IRIBAGIZA Christine impfubyi usize turazisengera!
Célestin Uwimana (facebook)