Umwaku wa Kagame Paul watashye muri Arsenal !
Ntabwo bisanzwe! Kuri uyu wa gatandatu mu masaha ya nyuma ya saa sita ikipe ikundwa cyane n'abanyafurika benshi yo mu Bwongereza yitwa Arsenal yatsinzwe ibitego 5 kuri 1 n'ikipe yo mu Bwongereza ya Liverpool ! Ibyo ntibyari bisanzwe ko ikipe y'Arsenal itsindwa bene aka kageni cyane ko muri iyi minsi yagaragaje ko ihagaze neza kuko yari ikomeje kuba ku isonga mu irushanwa ryo mu cyiciro cya mbere mu gihugu cy'Ubwongereza!
Umwaka ushize perezida Paul Kagame w'u Rwanda yateranye abagambo n'umutoza w'iyi kipe y'Arsenal ariwe Arsene Wenger kubera ko iyo kipe yarimo igaragaza intege nke! Paul Kagame yabwiye umutoza wiyo kipe ko agomba kwegura kuko ikipe ye idahagaze neza, uwo mutoza Arsene Wenger (umufaransa) yasubije Kagame Paul ko adashobora kwegura mbere y'uko Kagame yegura kuko yazambije igihugu cyose cy'u Rwanda! Iryo terana ry'amagambo ryatewe ni uko Paul Kagame yari amaze kugaragariza abantu bose ko ari umufana udasanzwe w'ikipe y'Arsenal! Abafana benshi b'Arsenal batangiye kugira ikibazo cyo guhuza ubufana na Paul Kagame uzwiho ibikorwa by'iterabwoba no kuba umuntu uzwiho ubwicanyi bukabije, ibyo bikaba byatera umwaku!
Ubu rero Arsenal yanyagiwe n'ikipe ya Livarpool sinzi niba Kagame yakongera kugira icyo avuga kuko nawe yanyagiriwe muri Congo yihishe inyuma y'umutwe wa M23/RDF maze uwo mutwe wiruka amasigamana amaguru adakora hasi uhungira muri Uganda no mu Rwanda! Arsene wenger aramutse avuze ko Kagame Paul atera umwaku ntiyaba abeshye kandi natanabivuga abafana b'Arsenal bo bazabivuga!
Kanda aha wirebere uburyo Arsenal yanyagiwe na Liverpool kuri uyu wa 8/02/2014!
Ubwanditsi