Rwanda-FDLR: ubuhamya bugaragaza ko FDLR ari Rwara Rubundikiye mu mashyamba koko! Ni iki Kagame Paul asigaje gukora uretse gutegereza urwaje?

Kugeza ubu ntabwo abantu barumva buryo abasilikare ba FDLR babaho n’uburyo barokotse ! Ese abo basilikare bameze bate ? Ese barwanye bate ? Ubu se batekereza bate iby’intambara barwana ? Umusilikare wa FDLR Nzeyimana Jovanis aratugezaho ubuhamya burambuye kubyerekeranye n’ibibazo byinshi abantu bibaza kurugamba FDLR irwana n’uburyo abasilikare bayo babaho!

Abasilikare ba FDLR bakomeje uburyo n’imikorere ijyanye n’igisilikare cy’u Rwanda cya mbere y’umwaka w’1994. Imvugo n’imyambaro ntibyahindutse , imyitozo y’ubushobozi bwa gisilikare byariyongereye ! Muri FDLR amashuri ya gisilikare arahari kuva ku musilikare muto kugeza ku musilikare wo mu rwego rwo hejuru! ESO na ESM biracyariho! Iyo ukurikiranye ubuhamya bwa Nzeyimana ubona ko umusilikare wa FDLR ufite ipeti rya Caporal afite ubushobozi bungana n’ubwa Colonel wo mu ngabo z’inkotanyi; n’ikimenyimenyi ni uko uwitwa SOKi wari Caporal mu ngabo za FDLR wigometse akaza kwicwa n’ingabo z’inkotanyi zakwije hose ho zishe Colonel!

Ingabo za FDLR zirwana n’ingabo z’inkotanyi, iza Congo n’iz’amahanga yose ariko zarabananiwe. Igihugu cy’Amerika n’ubwongereza byakoze uko bishoboye ngo birwanye FDLR itsindwe burunde ariko byarananiwe , iyo ubajije Bill Clinton na Tony Blair impamvu bashyigikira Kagame kandi ateza umutekano mucye muri Congo bagusubiza ko Kagame afite ikibazo gikomeye cyo kurwanya FDLR ! Niba se amahanga yarananiwe ,ibihugu by’ibihangange bikananirwa, ikizakurikiraho ni iki?

Kuva aho perezida wa Tanzaniya atangiye igitekerezo cyo gusaba u Rwanda, Uganda na Congo gushyikirana n’imitwe irwanya leta  z’ibyo bihugu , u Rwanda rwateye hejuru ngo aciye inka amabere ! Tanzaniya yasubije ko nta kundi byagenda kuko u Rwanda rwananiwe gutsinda FDLR, ubu mu nkuru nyinshi zitangazwa n’ibinyamakuru mu Rwanda usanga buri gihe bavuga ko hari ibihugu bifasha FDLR! None se ko bizwi ko amahanga yose afasha leta ya Paul Kagame kurimbura FDLR ikaba yarananiwe nyuma y’imyaka 20, barasakuza ngo bigende bite? Ubu noneho ikinyamakuru igihe.com kiri gutera hejuru ngo Zimbabwe yiyemeje guha intwaro n’imyitozo ngo abarwanya leta y’u Rwanda! None se Zimbabwe yaha FDLR iyihe myitozo ko yifitite amashuri ya gisilikare?

Ni mwiyumvire uko umusilikare wa FDLR avuga inzira zikomeye banyuzemo maze buri wese yifatire umwanzuro! Abasilikare ba FDLR ni abasore bakomeye kandi bazi icyo bakora, ijisho ry’undi ntirikurebera umugeni. Iyi video imaze iminsi 4 gusa itangajwe ! Kanda aha:

http://www.youtube.com/watch?feature=player_embedded&v=2_XoJFA2bxM 

Ubwanditsi