DANGER : Umusaza witwa Hakizabera Christophe arenda guhabwa uburozi buturutse i Kigali !(www.leprophete.fr)

Ndasaba abashinzwe Urubuga www.leprophete.fr ko batangaza iyi nkuru: Nsanze abantu baganira ibintu bikomeye, numva ndamutse mbicecetse naba mbaye ingambanyi maze nanjye Imana ikazambaza amaraso y'inzirakarengane.

Icyo kiganiro cyakorwaga n'abantu babiri bo mu ncuti za hafi z'umugabo witwa Bernardin Ndashimye, ngo ukubutse mu butumwa mu Bufaransa.

Uyu mugabo Bernadin yabwiye izo ncuti ze ko yahagurutse i Kigali afite ubutumwa bwa Perezida Kagame ubwe.

I. Aremeza ko Perezida Kagame yamusabye kujya gushaka Christophe Hakizabera no kumubwira ibi bikurikira:

(1) Dosiye yo guhanura indege ya Habyarimana imereye nabi cyane ubutegetsi bw'i Kigali, ku buryo bose bategereje ko wa mujuji witwa Trevedic nasohora raporo ye ishinja Kagame n'abantu be, amahanga azaherako abahagurukira, bagafatwa cyangwa se bakaraswa nk'uko byagendekeye Kadafi.

(2) Kubera ko Christophe Hakizabera ari umwe mu BATANGABUHAMYA batatu bakomeye(babiri muri bo barangije kwicwa !) iriya dosiye ishingiyeho , ngo aramutse yivuguruje, Kagame ubwe yazamugororera bitavugwa.

II. Bityo rero, Christophe akaba asabwa :

(1) Kwandika, agasinya, avuguruza ubuhamya yari yaratanze, akerekana ko abari babumuhaye (ses sources) atari abantu bo kwizerwa mbese nka Abdoul Ruzibiza.

(2) Kwemera gutahuka mu Rwanda cyangwa se akihitiramo ikindi gihugu cya Afurika ajya kwiberamo ubundi agafatwa neza !

III. Nyamara dore uko ibintu biteganyije mu by'ukuri:

Christophe Hakizabera namara kwivuguruza, akabisinyira, umusore babana mu nzu witwa Felix RUSATSI (atuye Anfreville, La Mi-voie) azahita amushyirira uburozi mu biryo maze umusaza aryame ubutazakanguka! Ngo ni ukugira ngo atazongera akisubiraho, akavuga uko Inkotanyi zamuhatiye kwivuguruza! Ngo umuti ni uko agomba gupfa rugikubita.

IV. Felix Rusatsi ni muntu ki ?

(1)Ni umusore waje mu Bufaransa asaba ubuhungiro kuko yari amerewe nabi mu gihugu.

(2) Ubu asigaye yigaragaza hose nk'Inkotanyi y'amarere mu gihe bizwi ko bene wabo benshi bafungiye jenoside hano mu Rwanda.

(3) Ni umuntu uhorana ishyari, akarangwaho udutiku tunyuranye, akivanga cyane mu buzima bw'abandi agamije kubagirira nabi, abo yahemukiye ntibagira ingano!Bashobora kubihamya.

(4) Ni umusore ufite irari ridasanzwe ry'ifaranga ku buryo atazuyaza kugambanira mugenzi we aramutse abona ko yahakura utudorari.

(5)Agamije kurebwa neza n'ubutegetsi bwa hano i Kigali kugira ngo wenda buzafungure bene wabo, n'ibintu bya mukuru we byafashwe na Polisi y'u Rwanda azashobore kubisubirana.

(6) Kugeza n'uyu munsi Felix Rusatsi abana na Christophe mu nzu imwe(Anfreville), ndetse bakaba basangira twinshi kugera no kuri Frigo, ku buryo kuzamushyirira kabutindi mu turyo cyangwa mu kayoga ari ikintu kimworoheye cyane.

(7)Afite ishyaka rikomeye ryo KUGURISHA Christophe.

V. Si ubwa mbere FPR igerageza kwica Christophe Hakizabera

Taliki ya 22 Ukwakira 2009, saa saba z'amanywa , Christophe yatumweho igisumizi cyitwa TAMAZ kiramunihagura umusaza yenda kuvamo umwuka! Yakijijwe n'ukuboko kw'Imana gusa, yewe n'ubu aracyarwaye ubumunga bw'izo nkoni ! Bigeze mu rukiko uwo mwicanyi yakinnye ikinamico yihindura umurwayi wo mu mutwe, urukiko rwa ROUEN ntirwashobora kumenya ku buryo bweruye abari bamuhaye ubwo butumwa !

Ubu noneho Christophe bamupangiye urupfu ku buryo budasubirwaho, niba ntagikozwe ngo atabarwe. None se yakwirinda ate umwicanyi wo mu mbere ?

Umwanzuro

(1) Christophe Hakizabera(imyaka 63 y'amavuko) ararye ari menge. Akwiye kwihutira kwishingana mu nzego z'umutekano z'igihugu cy'Ubufaransa kuko ubuzima bwe buri mu mazi abira.

(2) Akwiye kwimurwa mu maguru mashya akareka gukomeza guturana n'umugera amajanja.

(3)Turashingana Christophe Hakizabera: yapfa ejo cyangwa ejobundi azaba azize inda mbi ya bariya Bahutu bombi: Bernardin Ndashimye na Felix Rusatsi. Amaraso ye azabahame, kandi bazayaryozwe.

(4) Falix Rusatsi akwiye guhita afatwa agatabwa muri yombi n'inzego z'ubutabera agasobanura neza uwamuhaye ubutumwa bwo guteza umutekano muke mu Bufaransa , igihugu kimucumbikiye.

(5) Intore zitari nke zoherejwe mu butumwa aho iwanyu mu Bulayi, abarwanya ubutegetsi bw'i Kigali, muramenye ko ishyamba atari ryeru ! Hano i Kigali hari ubwoba bwinshi, nta cyo ubu butegetsi bwacu butakora ngo bwirwaneho, burebe ko bwakongera kumara kabiri! Ntihakagire uvuga ngo ntiyaburiwe. Tugire amahoro twese.

J.M. Nsanzurwimo, KIGALI.