Paul Kagame afunguye irindi duka mu Rwanda ryo gucuruza impunzi z'abanyafurika!

Publié le par veritas

Ibumoso n'impunzi z'abanyafurika zagizwe abacakara mu gihugu cya Libiya naho iburyo n'abana b'abanyarwanda Kagame yagize abacakara akaba yarabafungiye ku kirwa cya Iwawa!

Ibumoso n'impunzi z'abanyafurika zagizwe abacakara mu gihugu cya Libiya naho iburyo n'abana b'abanyarwanda Kagame yagize abacakara akaba yarabafungiye ku kirwa cya Iwawa!

[...Hazabaho isubiranamo ry'abiyicaje ku ntebe. Hazabaho inzara, agahiri n'agahinda no kwiyahura. Hazabaho urwicyekwe yewe n'umwana azatinya se na nyina. Hazabaho amarira yuzuye intango ku bari mu bihome, hazabaho ibisahiranda birya akaribwa n'akataribwa..... Ayo magambo yavuzwe na Magayane yasohotse mu kinyamakuru "Kanguka" mu mwaka w'1989; ariko iyo witegereje ubuzima abanyarwanda babayemo muri iki gihe, ugirango aya magambo yavuzwe ejo!]

Uretse kunyerezwa no kuburirwa irengero bimaze kumenyerwa mu Rwanda, imirambo y'abantu batazwi ikomeje gutoragurwa hirya no hino ku misozi yo mu Rwanda, nta muntu n'umwe mu Rwanda ukigirira undi ikizere n'ubwo baba bava inda imwe! Inkotanyi nazo hagati yazo zirishishanya, zishishanya ibinyoma, zirarogana... Abanyarwanda bari kwicwa n'inzara ya "Nzaramba" ariko abitwa abayobozi ntibashobora kubatabara kuko bavuze ko hari inzara mu gihugu bahita bajyanwa muri gereza bagashinjwa icyaha cyo gusebya igihugu! Leta yashyizeho uburyo abaturage bazajya banekana hagati yabo, umukuru w'igihugu ahora ari kuzerera mu mahanga, agashimishwa n'uko hari impunzi y'umunyarwanda yishwe n'intore ze! Imipaka y'igihugu irafunze yose! Abanyarwanda bategetswe guhinga igihingwa kimwe kandi imbuto zacyo zikava muri Amerika (OGM), kenshi ibyo bihingwa bikaba bitera uburwayi bwa kanseri... Ibyo bibazo byose n'ibindi ntavuze nibyo bituma urubyiruko ruri kwiheba, rugasanga igisubizo ari "ukwiyahura"!!

Hejuru y'ibyo bibazo byose abanyarwanda bafite, Paul Kagame we ari gucuruza akababaro yabateye kandi akomeje kubatera! Ubucuruzi bw'akababaro k'abanyarwanda nabwo ni ukurya akataribwa. Dore uko ubwo bucuruzi bwa Kagame buteye:

1.Nyuma y'umwaka w'1994, Paul Kagame yafashe ibisigazwa by'imibiri y'abanyarwanda (abatwa, abahutu n'abatutsi) bishwe muri jenoside yatangijwe nawe kandi akanayikora ubwe, abishyira mu mazu yubakishije ibirahure ari hirya no hino mu gihugu yiswe "inzibutso". Umunyamahanga wese ukandagije ikirenge mu Rwanda, bahita bamujyana kuri izo nzibutso; ministre wa Kagame yavuze ubwe ko izo nzibutso zinjiza amafaranga menshi bitewe naba mukerarugendo baza kuzisura!

2.Iduka rya kabiri Kagame yashinze ni ubucuruzi bw'amabuye y'agaciro asahura muri Congo kuva mu mwaka w'1996 ubwo yagabaga ibitero muri icyo gihugu. Ubwicanyi bwa jenoside yakoreye impunzi z'abahutu muri Congo kimwe na miliyoni zirenga 6 z'abakongomani yishe, abazungu akorera kandi asahurira ayo mabuye y'agaciro babuhaye umugisha! Amafaranga akura muri ubwo busahuzi bw'amabuye y'agaciro ya Congo ayakoresha mu guhiga no kwica impunzi z'abanyarwanda zamuhungiye mu mahanga mu bihugu binyuranye no gutangamo ruswa mu miryango mpuzamahanga no mu itangazamakuru kugirango bakomeze kumukingira ikibaba!

3.Butike ya gatatu Kagame yashinze ni iyo kubyaza umusaruro inkotanyi. Kagame yohereza ingabo z'inkotanyi mu gikorwa cya Loni cyo kubungabunga amahoro hirya no hino ku isi. Buri musilikare akaba agenerwa na ONU umushahara ungana n'amadolarira ibihumbi 3 ku kwezi, Kagame akamuha amadolari 200 gusa ku kwezi andi asigaye akayifunga akajya kuyagabana n'abazungu bamuha ibyo biraka.

4.Kuri uyu wa mbere taliki ya 9/09/2019, Paul Kagame yafunguye irindi duka mu Rwanda ryo gucuruza impunzi z'abanyafurika ziri mu gihugu cya Libiya zishaka inzira yo kugera ku mugabane w'Uburayi. Kuri iyo taliki mu gihugu cya Etiyopiya, uhagarariye leta ya Paul Kagame ari kumwe n'umunyamabanga mukuru w'umuryango w'Ubumwe bw'Afurika, yashyize umukono ku masezerano yagiranye n'ishami ry'umuryango w'abibumbye ryita ku mpunzi UNHCR wo kwakira impunzi z'abanyafurika zigera ku bihumbi 30 ku butaka bw'u Rwanda. 

Izo mpunzi zikaba zizatangira ku gera mu Rwanda mu minsi iri mbere, hakazajya hoherezwa impunzi 500 kugeza igihe umubare w'impunzi ibimbi 30 wuzuriye. Izo mpunzi zizoherezwa mu Bugesera ariko amakuru "veritasinfo" ifite ni uko impunzi nyinshi zizoherezwa mu mahoteli ari hirya no hino mu Rwanda yabuze abakiriya noneho umuryango w'ibihugu by'iburayi UE ukajya utanga ubukode kuri ayo mahoteli! Harateganywa kandi kuzohereza izo mpunzi mu midugudu imwe nimwe igiye kubakwa hutihuti mu masambu y'abanyarwanda, bakazayamburwa ku ngufu bakajya kugwa kugasi! Umuryango w'ibihugu by'ubumwe bw'Uburayi UE ukaba wariyemeje kuzatanga amafaranga menshi kuri izo mpunzi z'abirabura kugirango zijye mu Rwanda kuko abazungu batifuza ko abanyafurika bakomeza gukandagiza ikirenge ku mugabane wabo bagize ijuru ryo ku isi!

Nk'uko Kagame abigenza ku basilikare b'inkotanyi boherezwa mu butumwa bw'amahoro, umuryango w'Ibihugu by'ubumwe bw'Uburayi UE uzajya wohereza amafaranga yo gutunga izo mpunzi badashaka ko zigera iwabo , noneho Kagame akaba ariwe uzajya acunga ayo mafaranga akazigenera agomba kuzitunga andi akayifunga! Abazungu babonye Kagame ari umukozi mwiza ushobora kubakiza abirabura akabafungira mu Rwanda byaba ngombwa akabica, kuko kuribo urupfu rw'umwirabura ntabwo rubabuza gusinzira! Kagame ariko ashobora kuzagira ikibazo cy'uko izi mpunzi z'abanyafurika zishobora kutazemera kuguma mu Rwanda zigakora ibishoboka byose zikamuhunga zigakomeza gushakisha inzira izigeza Iburayi! Igihugu cya Isirayeli cyohereje impunzi z'abanyafurika mu Rwanda maze mu minsi micye, za mpunzi zoherejwe mu Rwanda zifatirwa mu gihugu cy'Ubudage! Ibyo byarakaje Isirayeli cyane bituma n'amashyaka atavuga rumwe na leta iriho muri icyo gihugu yamagana iyo gahunda yo kohereza impunzi mu Rwanda, isoko riba ripfuye gutyo! Ni izi mpunzi zizava muri Libiya zishobora kuzatoroka mu Rwanda zikagera Iburayi kuko iyaba zashakaga kujya mu Rwanda ziba zararugiyemo ntawe uzibihatiye!

Gucuruza impunzi z'abanyafurika bishobora kubyarira Kagame amazi nk'ibisusa!

Nubwo Kagame ari kubara amafaranga menshi azahabwa n'umuryango w'Ubumwe bw'uburayi ndetse agakomeza no guhabwa icyicaro mu nama y'ibihugu by'ibihangange ku isi (G7) kuko ari umugaragu mwiza, iki gikorwa cyo gushakira indonke ku mpunzi z'abanyafurika gishobora gutera Kagame ibibazo. Dore bimwe mu bibazo bishobora kubangamira uyu munshinga:

1.Leta zunze ubumwe z'Amerika ntabwo zishyigikiye ko impunzi ziri muri Libiya zishaka kujya mu mugabane w'Uburayi zoherezwa mu Rwanda. Umugambi wo kohereza izo mpunzi mu Rwanda wakomeje kugirwa ibanga n'abanyaburayi ariko amaherezo ibinyamakuru byo muri Amerika biza kuwushyira ahagaragara. Amerika ikaba ibabazwa n'uko Uburayi buyinenga ku mugambi wo kubaka urukuta rukumira impunzi zijya muri icyo gihugu none Uburayi bwo bukaba buri kwirukana impunzi zibuhungiramo zivuye muri Afurika zikajya gufungirwa mu Rwanda!

2.Impunzi ubwazo zishobora kutemera kuba mu Rwanda! Mu rwego rwo kubeshya abazungu, Kagame yavuze ko azakira impunzi ziri muri Libiya zikomoka mu gihugu cya Etiyopiya na Somaliya ngo kuko zisa n'abanyarwanda bo mu bwoko bw'abatutsi (les Hamites)! Birazwi neza ko mu ntambara y'inkotanyi yo mu 1994 Kagame yarwanishije abarwanyi akuye muri Somaliya no muri Etiyopiya, amaze kubohoza u Rwanda, abo basomaliya n'abetiyopiya yashatse ko baba mu Rwanda ariko birabananira basubira iwabo! Ntabwo isura gusa ishobora gutuma umuntu akunda igihugu, Kagame yibwiraga ko kuba abasomaliya n'abetiyopiya bafite isura isa n'abatutsi bo mu Rwanda bizatuma bemera kuba mu Rwanda, nyamara kubera ikibazo cy'ururimi n'umuco abo basomaliya n'abetiyopiya bananiwe kuba mu Rwanda; none se izi mpunzi zahagurutse iwabo zishaka kujya Iburayi zizemera kuba mu Burayi bw'i Kigali? Ni ukubitega amaso!

3.Isura nziza Kagame yari afitiwe n'abanyafurika bamwe bamwibeshyagaho ihise ihindana! Bigiye kugaragarira buri munyafurika wese ko Kagame ari igikoresho cy'abazungu cyaje kubarimbura! Ibihugu byose by'Afurika byamaganye imyitwarire y'ibihugu by'iburayi bidashaka kwakira abanyafurika babihungiramo nyamara abazungu bo bakaba bidegembya ku mugabane w'Afurika nta nkomyi; kuba rero Kagame yiyemeje gushyigikira umugambi w'abazungu wo guheza abanyafurika bizamuteranya n'ibihugu byinshi by'Afurika, kuburyo agomba gufatwa nk'ingambanyi.

4.Kwakira impunzi z'abanyamahanga zishaka kujya Iburayi bishobora kuzakurura ijisho ry'imiryango mpuzamahanga irengera uburenganzira bw'ikiremwamuntu ikamenya ubwicanyi bukorerwa mu Rwanda n'akarengane abanyarwanda bahura nako.

Twarangiza tuvuga ko kwakira izi mpunzi z'abanyamahanga mu Rwanda nta kintu na gito bizakemura ku bibazo abanyarwanda bafite baterwa n'ubutegetsi bubi bwa Paul Kagame bityo urugamba rwo ku rwanya iyo ngoma ngome rukaba rugomba gukomeza kandi bizatuma abanyarwanda bamenya ko amahanga ntacyo azabamarira kuko yifatanyije n'ubahamba ahubwo bakazarushaho kunga ubumwe no kwishakira ibisubizo ubwabo!

Ese aho gukunda ifaranga rivuye ku mpunzi z'abanyamahanga ukica abaturage bawe byo si ukurya akataribwa?

veritasinfo

Pour être informé des derniers articles, inscrivez vous :
Vous aimerez aussi :
France: Charles Onana condamné pour contestation du génocide des Tutsis -Une décision historique du tribunal de Paris.
France: Charles Onana condamné pour contestation du génocide des Tutsis -Une décision historique du tribunal de Paris.
Ifatwa ry’Umujyi wa Damas muri Siriya: Ese iherezo ry’ubutegetsi bwa Assad ni intangiriro y’igihe gishya mu karere?
Ifatwa ry’Umujyi wa Damas muri Siriya: Ese iherezo ry’ubutegetsi bwa Assad ni intangiriro y’igihe gishya mu karere?
Les accords de Luanda: un piège pour la RDC?
Les accords de Luanda: un piège pour la RDC?
Mozambike : ubwicanyi bw’abaturage bikozwe n’igisilikare bwakuruye imvururu zikomeye mu murwa mukuru wa Maputo!
Mozambike : ubwicanyi bw’abaturage bikozwe n’igisilikare bwakuruye imvururu zikomeye mu murwa mukuru wa Maputo!
Migrants : l'exemple rwandais
Rwanda : Iterambere rya leta y’agatsiko rigamije « ikuzo » ryayo gusa, rigaheza umuturage !
Commenter cet article
@
@kanyarwanda
14/09/2019 09:05
Wowe wiyita kanyarwanda wari ukwiye kwiyita kanyenzi kuko ibyo uvuga byose werekana ko uri umucengezamatwara ya Muvoma nshya!!<br /> Werekana mbese ko muvoma nshya ari ntamakemwa kandi ejo usimbutse muri ubwo bwato watangira kutubwira amabi atagira ingano!!<br /> Abeshi bemezako:<br /> 1. Kiboko irakyariho<br /> 2. Ubwigenge ntabwo kuko ubu habaho uzi gucinya inkoro<br /> 3. Imirimo yagahato irakyariho(shiku) gusa yahinduriwe izina yitwa T.I.G kandi ikorwa nubwoko bumwe iyo bitaba ibyo na na Ibingira barimbuye Kibeho (genosidi) bagahanagura mwakabaye mwarabashyize muri T.I.G<br /> 4.Amashuri uvuga ko afunguye kuri bose siko biri !!bamwe bagomba guterurwa kuva primary kandi bigira ubuntu. Abandi no kurangiza primary ntibishoboka kuko ntanuwemerewe korora itungo kumusozi ngo arihire abana be. Abahindutse za mayibobo bagomba gutwikirwa muri za ruhurura kuko mubabona nkumwanda atari abantu!!<br /> 5. Veritasinfo ni urubuga rwa bose(nawe urimo) ahubwo niho honyine abantu bagaragaza ikibari ku mutima batikanga kuko mumvaho bahita bakumanika!<br /> 6.Buri gihe kigira intwari zakyo . Intwari ubona nkintwari ni nkabimwe byabarundi bagira bati ntawe uvugana indya mu kanwa! Ibiryo wicayemo nibyo bitakwemerera kuvuga ukuri. Nyamara naho mwahisha ukuri dore nabana barakubona( ex: Diane kandi siwe gusa)<br /> 7.Ushaka kwerekana ko u Rda mwarugize paradizo!! Siko bimeze kuko ahubwo abarurimo barira amarira yuzuye intango kandi rwabaye igihugu kyurwijekwe aho numwana atizera nyina numugabo ntiyizere umugore we!! <br /> 8. Buri muntu agira ibyiza nibibi. Buri muntu ashobora kugaragaza imbaraga mu bintu bimwe akagira imbaraga nke mu bindi( strength and weakness)!!<br /> Ingoma zababanjirije ntizari izabamalayika ariko niyo yanyu si shyashya!!!! Mu mateka yigihe kizaza sinzi niba ariyo izibukwa nkiyabaye nziza cg nkiyahujije abantu bose kurusha izindi!!!!<br /> Hazibazwa ibibazo bikurikira<br /> A.Ni iyihe ngoma yamennye amaraso meshi kakahava???<br /> B.Ni iyihe yarushije izindi gutoteza no gupyinagaza<br /> C. Ni yihe abantu bahunze cyane<br /> D.Ni iyihe yarushije izindi kunyunyuza<br /> E.Ni iyihe yarushije izindi ikinyoma<br /> F.Ni iyihe yagiranye ibibazo byinshi namahanga?<br /> G. Ni iyihe yarushije izindi guhombya no gusenyera abaturage?<br /> H.Ni iyihe yarushije izindi gukurikirana abayihunze no kubatsinda i mahanga??<br /> I.Ni iyihe yarushije izindi gupfusha(kwica)abantu benshi mu gihe yamazeho??<br /> J.Ni iyihe yeshe agahigo mu gutandukanya amoko??<br /> Etc....Ibyo bibazo bizerekana ukuri kuko amateka ntabeshya!!
Répondre
K
KANYARWANDA
13/09/2019 10:15
KURI NTAMAHWEMO. Ikigaragara Ni uko uri umukiga wari warashyizwe ku ibere na Leta ya HABYALIMANA kuko uramuvugira cyane nk'aho nta kibi yigeze akora. Ikosa HABYALIMANA yakoze ntabwo Ari coup d'Etat yo muri 1973, ntabwo yakoze contre révolution nk'uko ubivuga Koko ariko impamvu utanga wemeza ko ibyo HABYALIMANA yakoze Atari contre révolution Ngo ahubwo ari Revolution mvugurura muco ntabwo tubyemeranywaho kuko waba ubeshye cyane Kandi jya wibuka ko Atari wowe munyarwanda urusha abandi ubwenge. Ntabwo HABYALIMANA Koko yakoze contre révolution nk'uko ubivuga kuko nta révolution yigeze ibaho mu Rwanda, ahubwo HABYALIMANA yakoze icyo bita Coup d'Etat. Impamvu yakoze iyo coup d'Etat Ni uko Gregoire KAYIBANDA yari afitanye amakimbirane na Mobutu Seseseko noneho Mobutu akiga amayeli yo kuvana ku butegetsi KAYIBANDA yitaga un Petit President civile sans lunette. Nibwo yatumije HABYALIMANA Juvenal muri Zayire bahurira I Gbadolite banoza umugambi wo gukuraho KAYIBANDA cyane cyane ko Mobutu yumvishaga HABYALIMANA ko adakwiye kuyoborwa n'umusivile Kandi Ari umusirikare, icyo gihe igihugu cy'ubufaransa cyashakaga kwigarurira ibihugu byinshi byo muri Afrika kugirango gisahure umutungo wa Afrika, cyashyigikiraga umutegetsi wese wifuzaga gukora coup d'Etat muri Afrika ariko akemerera abafaransa kubaha ubwisanzure bagakora ibijyanye na Business yabo yo kwiba imitungo ya Afrika. ( Ndababwiza ukuri ubufaransa iyo butagira imitungo bwibye muri Afrika buba Ari igihugu gikennye nk'ibindi byose) Niyo mpamvu abafaransa bakoreshaga abacanshuro barimo uwitwaga Bob Denard mu guhirika ubutegetsi badashaka muri Afrika. Ni muri urwo rwego HABYALIMANA yiyegereje abafaransa ngo bazamufashe kubuza ababiligi kumurwanya kuko bo Bari bashyigikiye Kayibanda. Ibi rero NTAMAHWEMO avuga Ngo HABYALIMANA yakoze révolution mvugurura muco ni ibintu mwahimbye byo kuzakinga mu maso abaturage b'abanyarwanda, bari biganjemo Injiji nyinshi zitashoboraga gukora isesengura (analyse politique) cyane cyane ko abenshi nta n'amakuru babaga bafite ahagije ku bintu birimo bikorwa. Cyakora Koko ibyo HABYALIMANA yakoze ntabwo Ari contre revolution Kuko nta revolution yigeze ibaho mu Rwanda. Biriya mwise Ngo Ni revolution y'abahutu yo muri 1959, ntabwo Ari revolution y'abahutu bararengana ahubwo Ni uburyo bushya abakoloni b'ababiligi badukanye bwo gukomeza gukoloniza u Rwanda ( Le Neo Colonialisme) bitwaje ibyiciro Bari barashyize mu banyarwanda bakabyita amoko. Ubutegetsi bwa cyami ntabwo bwigeze bworohera abakoloni b'ababiligi. Hari Amateka menshi yahishwe abanyarwanda kugirango batamenya ukuri ahubwo bajye bahora bamirishwa bunguri ibinyoma Ngo bya za revolution y'abahutu yo muri 1959. Nta revolution y'abahutu yigeze ibaho Kuko iyo ibaho, nyuma ya 1959 abanyarwanda biswe abahutu 95% bari guhita bavanwa mu bucyene butagira izina Bari barimo icyo gihe ariko siko byagenze. Ababiligi nibo bateguye biriya byiswe revolution yo muri 1959 bafata Kayibanda wari umwanditsi muri Kinyamateka bamubwira ko agomba gushinga ishyaka ryitwa Parmehutu rirwanya ubwami maze amakosa abakoloni bakoreye u Rwanda bakayagereka ku bwami. Iyo Ni strategie bita mu gifaransa (La projection) Impamvu abakoloni barwanyije ubwami mu Rwanda Kandi nabo (Ababiligi) barayoborwaga n'umwami, Ni uko ubwami nabwo bwabarwanije cyane Kuva bakiza mu Rwanda. Ingabo z'umwami zitwagaI INDUGARUGA zari zarashinzwe n'umwami Rutalindwa afatanije n'abadage ziyobowe na BISANGWA bya BIGOMBITURI zarwanije ubwami bbikomeye Ingabo z'abakoloni b'ababiligi ariko birangira BISANGWA yiyahuye kuko yabonaga Ababiligi bagiye kumunesha agafata icyemezo cyo kwiyahura Aho kuzitwa ingaruzwamuheto. Kuba Ababiligi bararwanijwe n'Ingabo z'umwami MUSINGA ntibyabashimishije ndetse bihutiye kuzisenya bakimara kwigarurira u Rwanda. Amakimbirane hagati y'ubwami bw'u Rwanda n'ababiligi atangira uko. Hari byinshi umwami YUHI Musinga atumvikanyeho n'ababiligi bakigera m Rwanda, nko gusenya Ingabo z'u Rwanda, gukoresha abanyarwanda imirimo y'agahato, kubakubita ikiboko, gufata abahutu n''abatutsi bakabyita ubwoko, kubuza abo nashyize mu bwoko bw'abahutu kujya mu ishuli no guhatira abanyarwanda kujya mu madini ya gikirisitu Kandi bafite imyemerere yabo Bari basanganywe. Ibi byose byatumye Ababiligi bahirika MUSINGA ku bwami bamwohereza Kuba muri Congo ahitwa MOBA Ari naho yaguye. Bamusimbuje umuhungu we MUTARA III Rudahigwa Uyu nawe atangira gusaba ubwigenge bw'u Rwanda, abwira Ababiligi ko bakwiye kubavira mu gihugu bahaha u Rwanda ubwigenge. Ibi ntibyabashimishije kuko nawe bahise bamwicira i Bujumbura mu mwaka wa 1959. Ntabwo rero Ari Kayibanda wasabye be mbere ubwigenge kuko we ntiyigeze anabusaba ahubwo we ngo yaharaniraga ko ubwami buvaho. Ariko ibi Ni ibyo yabaga yatumwe n'ababiligi kugirango byitwe ko Atari abakoloni bavanyeho ubwami ahubwo Ari abanyarwanda biyita abahutu. Nta n'umuhutu wari watumye Kayibanda kumuvuganira. Ibi abakoloni b'ababiligi babiteguye neza kuko amakosa bakoreye u Rwanda bayikuyeho bayagereka ku bwami bw'u Rwanda. Iyi Ni strategie bita mu gifaransa (La projection). Abakoloni ntabwo nabo Bari abana, kuko uwo mushinga wabo wo guhirika ubwami basanze batawushobora bonyine bahitamo gukoresha abanyarwanda bari bafite inyota y'ubutegetsi nka KAYIBANDA maze natangira kuvuga ko baje kuvuganira ubwoko bw'abahutu bwakandamijwe, ko Ababiligi ntacyo batwaye ko ubwami aribwo bubi. Nyamara Kandi ibyo bitwaje ngo by'ubwoko bw'abahutu n'abatutsi ntabwo mu Rwanda rwa mbere y'umwaduko w'ababiligi byari amoko, ahubwo byari ibyiciro by'ubukire. Iyo wabaga ufite Inka ziri hejuru y'icumi witwaga umututsi kuko Inka nicyo cyari ikimenyetso cy'ubukire. Iyo wabaga ufite inka ziri munsi ya 10, witwaga umuhutu (Umucyene). Bivuze ko washoboraga Kuba uri umuhutu Uyu munsi ejo wagira Inka nyinshi igahinduka umututsi et vice versa washoboraga Kuba ufite Inka nyinshi Uyu munsi ejo zikagushiraho ukitwa umuhutu. Ntibishoboka ko umuntu yahindura ubwoko bwe niyo mpamvu Kuba umuhutu Cyangwa Kuba umututsi mu Rwanda rwa mbere y'umwaduko w'ababiligi bitari ubwoko. Ababiligi nibo babihinduye amoko muri 1921 bazana ikoranabuhanga Ngo ryo gupima amazuru, n'amabinga maze uwo basanze afiite amazuru abwataraye, n'amabinga ndetse n'amabondo n'impfundiko Ngo ubwo uwo Ni umuhutu ukomoka muri Tchad!!!. Naho uwo basanze afite izuru rirerire Ari muremure afite n'uburanga ngo ubwo uwo Ni umututsi ukomoka muri Etiyopiya. Nyamara amoko yari asanzwe Ari mu Rwanda si abahutu si abatutsi ahubwo bari, Abazigaba, Abega, Abanyiginya, Abagunga, Abenegitore, Abaforongo, Abasinga.... Yageraga kuri 18. Ibi rero byo muri 1959 ntabwo Ari revolution yari ishingiye ku moko nk'uko NTAMAHWEMO abivuga ahubwo Ni amayeli abakoloni b'ababiligi bakoresheje yo kubeshya abo bise abahutu ko bigaranzuye ingoma ya cyami ngo bakaba babonye Repubulika. Nyamara sibyo kuko bo Bari bagamije kubeshya abanyarwanda ko babahaye ubwigenge bwa nyirarureshwa ariko bagasigaho abantu bazakomeza Kuba ibikoresho by'abakoloni nka Kayibanda. Ni nacyo gituma iyo Kayibanda yabaga yugarijwe n'ibitero by'Inyenzi ( Abanyarwanda bari barahunze ubutegetsi bwa gikoloni) ababiligi nibo bahitaga baza kwirwanira n'Inyenzi. Kubera kp ubutegetsi bwa KAYIBANDA bwari bwaragiyeho bishingiye kuri ibyo binyoma niyo mpamvu butarambye ninayo mpamvu butigeze bugira icyo bumarira n'abo bwiyitiriraga abahutu. Nyuma ya Coup d'Etat ya HABYALIMANA ikosa rikomeye yakoze Ni ukudacyura impunzi z'abanyarwanda zari zarahunze ubwicanyi bwakurikiye revolution ya Kayibanda n'ababiligi. HABYALIMANA yabwiraga izo mpunzi ko u Rwanda Ari ruto ko zitabona Aho zitura ko zikwiye kuguma iyo zagiye ngo ahubwo zigashakirayo ubwenegihugu bwaho. Ibyo ntabwo byari byoroheye abanyarwanda b'impunzi babaga mu mahanga kuko bagirirwaga ivangura mu mashuli mu mirimo bazira gusa ko Ari abanyarwanda. Ndetse muri 1982 President wari uriho muri Uganda Milton Obote yirukanye abanyarwanda bose babaga muri Uganda abohereza mu Rwanda, binjiye mu Rwanda maze Inzirabwoba n' abajandarume bajya kubatangirira ku mupaka wa Kagitumba babajyana mu ishyamba rya Nasho bababwira ko batagomba kuvuga ko Ari abanyarwanda ngo babibwire abazungu bo muri HCR. Babategetse ko bagomba kuvuga ko Ari abagande kugirango bahite babasubiza muri Uganda kuko batabashaka mu Rwanda. Banababwiye ko uzibeshya akavuga ko Ari umunyarwanda akaguma mu Rwanda, bazamujugunyana n'ibika bye mu kiyaga cya Nasho agahinduka ibiryo by'ingona. Niko byagenze, abo banyarwanda Uganda yari yarirukanye babonye n'igihugu cyabo cyibamaganye bahitamo gusubizwa Uganda ku ngufu, maze batangira gutotezwa n'ubutegetsi bwa Obote Ari nayo mpamvu bitabiriye ku bwinshi urugamba rwo kurwanya Obote rwari rumaze gutangizwa na MUSEVENI. Aya Ni Amateka adashidikanywaho ko MUSEVENI iyo atagira abanyarwanda ngo bamurwanirire Atari kuzapfa afashe UGANDA. President wariho muri Tanzaniya ntako atagize ngo agire inama HABYALIMANA ko akwiye gucyura impunzi ariko avunira ibiti mu matwi. Papa Yohani Pahulo wa 2 ntako atagize ngo abwire HABYALIMANA ko akwiye gucyura impunzi ariko avunira ibiti mu matwi. Uko kwinangira kwa HABYALIMANA no guteza imbere amacakubiri ashingiye ku moko mu Rwanda, Aho wasangaga mu mpampuro zemewe za Leta nk'indangamantu, ibyemezo by'amavuko... Harabaga handitsemo ubwoko bwahawe umuntu. Amacakubiri ashingiye ku turere ndetse no kwikubira ubutegetsi bwari bwarihariwe n'abo mu nzu ya HABYALIMANA gusa. Ibyo byose nibyo byaje gutuma mu kwezi kwa 10 / 1990 abanyarwanda bibumbiye mu mutwe wa FPR INKOTANYI batangiza urugamba rwo kubohora u Rwanda izo ngoyi zose. Ku ikubitiro INKOTANYI zahuye n'ibibazo bitoroshye Aho Uwari umuyobozi w'urugamba Major General Fred Gisa RWIGEMA ku munsi wa 2, yarasiwe n'Inzirabwoba mu Mutara ahitwa Nyabwishongwezi. Nyuma y'umunsi umwe nanone hapfuye abandi bayobozi babiri bakomeye n'Inkotanyi aribo Major BAYINGANA na Major Chris BUNYENYEZI. Inzirabwoba za HABYALIMANA zahise zitangira kwigamba ko zitsinze urugamba nyamara Paul KAGAME wari Major icyo gihe yahise Ava muri Amerika igitaraganya kuza kuyobora urugamba rwasaga n'urutangiye gukomera. Iyo aza Kuba Ari umunyabwoba nawe yari kwigumira muri America kugirango nawe Inzirabwoba zitamuhitana. Nyamara siko byagenze kuko yaraje atangiza urugamba rushyashya rwo kurwanya umwanzi akoresheje ubuhanga bugezweho bwa gisirikare, nyuma y'imyaka 4 gusa aba abohoye u Rwanda. Ubutegetsi bwari buriho bwatsinzwe nabi cyane kuko bwatsinzwe bumaze gukorera abanyarwanda biswe abatutsi genocide. Ibi bikaba byaratumye batsindwa uruhenu kuko n'ibihugu byari binabashyigikiye byatewe ipfunwe n'amahano bakoreye isi yose muri rusange. Ibisigisigi by'abari muri Ubwo butegetsi bw'abajenosideri nibyo usanga bikunda kujya kwihisha inyuma y'imbuga nkoranyambaga nka veritasinfo zikandikaho ibitekerezo bijyanye na propagande yabo yo gukomeza guhanyanyaza ngo barebe ko iturufu yabo y'amacakubiri ashingiye ku moko yagaruka mu Rwanda. Ariko ibingibi abanyarwanda benshi ntibakibyitayeho kuko babonye neza ko iyo Politike y'amoko icyo yabagejejeho Ni ugushorwa mu byaha bakurikiranwaho n'isi yose, Ni ukubashora mu buhunzi butuma bahora bakwepa ubutabera. Mu gihe nyuma y'aho Inkotanyi zibohoreye u Rwanda, nyakatsi yaracitse mu gihugu hose, rubanda nyamwinshi ifite umuriro w'amashanyarazi ku buryo mu mwaka 2024 buri munyarwanda wese azaba afite umuriro w'amashanyarazi, imihanda mu Rwanda itarajyamo kabulimbo Ni hafi ya ntayo, nta mwana ukimwa ishuli kubera ubwoko bwe ubu umwana wese abona ishuli hagendewe ku bushobozi bwe, umunyarwanda aragenda mu gihugu hose atikanga ko Hari uri bumuhohotere amuziza ubwoko cyangwa akarere akomokamo. NTAMAHWEMO rero jya uba umunyakuri ureke gukoreshwa n'amarangamutima. Cyangwa se nawe uri muri na banyarwanda bahishwe amateka bigatuma batamenya ukuri ahubwo bakumva ibinyoma bya Muvoma gusa.
Répondre
N
NYETERA: TRUE TUTSI
13/09/2019 04:55
Burya ABATUTSI bari mu Rda mugihe cy ubwicanyi nambere yaho; Mwari mukwiye GUSHIMA KIMANI.<br /> <br /> Ngo bashyizeho ishuli ry ABATUTSI bitaga APACOP(simzi niba byandikwa gutyo. Guda kuba KINANI yarabyemeye TOM NDAHIRO KADAHUMEKA Natubwire ISHULI ABAHUTU bamaze gushinga!<br /> Mwiyumvire ikiganiro na DENISE NYETERA.<br /> <br /> ABATUTSI BEZA BARACYARIHO URUKE UBUBWA NKA RWABUJINDIRI NA NDAHIRO.<br /> <br /> <br /> https://youtu.be/wbtPHZs9esI<br /> <br /> <br /> https://youtu.be/wbtPHZs9esI
Répondre
@
@MUKASINE
12/09/2019 21:49
Abahtu se barihe ko bashiriye ku icumu ryinkata(majosi)<br /> Bake batokotse bajugunywe mu muriro utazima(gereza) kandi ni nkikyaha kinkomoko nutafite ikyaha bagihimba<br /> Amazu yose gusenywa andi kubohozwa<br /> Abacitse ku icumu baratorongeye i mahanga babakurikiza za ntore zikoreye amarozi namasasi nudufuni kereka Imana nikinga ukuboko naho ubundi abahutu zarabamaze( udufuni, urusolo, mabuso,utuzi twa munyuza, imigozi,imifuka, ibyobo, inzuuzi ,kwanduza abahtu Sida,etc...ababirokotse ni mbarwa)<br /> WARUZIKO iyo inyenzi zivuga abantu ziba zivugira abazo gusa???<br /> Iyo zivuze ngo uwo mwana ko asa nuwo mu bantu dii??ziba zivuga ko abattsi aribo bantu gusa!!!!<br /> Sinagyaga mbyemera nabyemejwe nibyo ba ibingira bakoreye i kibeho!!!!<br /> Isi yikoreye abagome!!
Répondre
K
Ka
12/09/2019 20:56
Nimwihangane hasigaye akanya gato Sankara na La Forge Bazeye bagiye gufata u Rwanda, maze iriya gahunda u Rwanda rwihaye yo gutanga umusanzu mu gucyemura ibibazo by'abanyafurika barohama mu nyanja bajya iburayi iburizwemo. Twizeye ko nibamara gufata u Rwanda bazabwira abanyarwanda gutera ikirenge mu cy'abanyafurika yepfo birirwa bica abanyafurika bagenzi babo batari ba kavukire bo muri Afurika y'Epfo. Karamira azabibafashamo abigishe uko bica ikiremwamuntu bakoreshe ntamponganoyumwanzi kuko afite ubwenge buhanitse bwo kuyikoresha, bizanatuma napfa tuzasigara tumwibuka nk'intwari yagiriye akamaro abanyarwanda kuko yabigishije gukoresha ntamponganoyumwanzi azanabirage abamukomokaho bizabateza imbere.
Répondre
N
NTAMAHWEMO
12/09/2019 18:03
Kuli Bwana Gahutu Remy<br /> <br /> Mbanje kugushimira reply yawe kuli comment napostinze munsi ya article "Rwanda:Mesure d'exclusion..."Kubera juguli z'ubuzima sinabashije guhita ngusubiza ngo dukomeze dusangire ijambo.<br /> <br /> Ubusanzwe ntacyo njya nkemanga kuli za comments zawe kuko zikugaragaza nk'umuntu dusangiye uru rugamba rwo kwijujuta kuko kwibohora mbona bikili kure.Kwibohora bili kure nk'ukwezi kuko niba abagomba kwibohora batazi cyangwa batumvikana ku bwoko bw'ingoyi baliho,no kuyica bizaruhanya.Ngirango ni KIZITO ulilimba ngo Iyo utazi iyo uva ntumenya iyo ujya.Iyo process uvuga u Rwanda rulimo igomba kuba ali mal parti.<br /> <br /> Ni mal parti kuko iyo wanditse,umaze gutakereza,nta buhubutsi,cyangwa amatakira ngoyi ngo:<br /> <br /> "Revolisiyo ya 1959 yakurikiwe na contre-revolution yo muri 1973 yakozwe na Rutemayeze Habyrimana wumvishije ko hari UDUHUTU (abanyenduga) n' ABAHUTU (Abakiga). Yewe no muri France habaye contre-révolution, aho bamwe mu bayikoze yabahitanye. Ingaruka z'umurage wa Kinani, na nubu riracyakurikirana abahutu. Urugero: ntushobora kubona Leader Abakiga n'abanyanduga bahuriyeho. Kuko umukiga, abanyanduga ntibamwemera, naho ununyaduga (cyane cyane Gitarama, Butare) abakiga ntibamwemera",mpita numva ntazanagaruka ku mbuga zigikorerwamo politiki nk'iyi yagombye kuba yaracyuye igihe aho abanyarwanda barenga million 11,bongeye gusubira mu Buretwa,Imilimo y'agahato badahemberwa,guhezwa mu byiza by' igihugu byose,kwicishwa inzara,ikiboko ,agafuni,na kalashinikovu,guhindurwa ubwoko bw'abagenocidaires babyara abagenocidaires de generation en generation.<br /> <br /> Iyi Karinga yagarutse niyo CONTRE-REVOLUTION kuko yagaruye ibibi rubanda yali yalipakuruye.Coup d'Etat ya Habyarimana,yali revolution morale(MVUGURURA MUCO) yali igamije mu by'ukuli (dushyize ku ruhanda amarangamutima)UBUMWE,AMAHORO,N"AMAJYAMBERE kandi yali yabigezeho iyo Inyangabirama,zashyize inshishi mw'isose ntiye umugani wa wamukobwa uherutse kwiyahura.Birababaje ko hali abanye politiki bapfuye kandi baraharaniye revolution sociale yo muli 1959.Birababaje aliko kurutaho kuba abasigaye tutarabashije kubungabunga revolution bavunikiye ijoro n'amanywa.Ni ho mpera mvuga ko bisa n'uko REVOLUTION YO MULI 1959 twayikorewe ,bikaza kutunaniye kuyikomeza ubu tukaba twarasubiye mu bucakara.Ngarutse kuli extrait ya comment yawe,dore muli make ibyo tutemeranyaho:<br /> 1)Imvugo ngo system u Rwanda ifite iyo igana sinyemera kuko nta revolution yikora.Gutegekesha abaturage imbunda,byabayeho,biliho kandi bizabaho cyane cyane iyo abo baturage bananiwe kurenga ibyo bapfa bidafite ishingiro nka regionalisme,ethnisme,religionisme,etc..Iyo abaturage,bamaze kubohoka,bishyira,bizana,ibibazo bindi biba byoroshye gukemura.Babikemulira muli za institutions democratiques biyumvisha neza ko nta juru liba kw'isi.Imvugo ngo Habyarimana ni Rutemayeze iragayitse.Ihita yerekana ko abali kw'ibere ku ngoma ya Kayibanda bagumanye inzika.Muli propaganda yabo baca abanyarwanda mo ibice:UDUHUTU(abanyenduga),<br /> n'ABAHUTU(abakiga).There you go.Ubwo ibyo guharanira revolution baba babirengejeho uruho rw'amazi.Baba baciliye icyanzu umwanzi.Uwo mwanzi nawe si umwana arakomeza agakurura imigozi( les ficelles).<br /> 2)Kwita ifata ry'ubutegetsi kwa Habyarimana CONTE-REVOLUTION nabyo simbyemera kuko ntiyagaruye ingoma ya Cyami n'ibibi byayo.Ushobora guteza ubwega uvuga ngo ngo ubutegetsi bwa Habyarimana bwali nka monarchie kuko bwali mu maboko y'agatsiko kiswe AKAZU.<br /> ,Habyarimana akaba yaravugirwaga n'ingoma nk'umwami=Culte del la Personalite...).Ibi kwaba ali ukumukabiliza kuko nta bubi bukabije namubonyeho kandi yafashe ubutegetsi nkuze,nzi gukora analyse politique comparative.Ntabwo yali nka Bokasa tout de meme, Idi Amini Dada,Kerekou,etc.Yakoraga effort kugirango abanyarwanda batere imbere mu bufatanye no mu bwubahane,basaranganya uducye bafite kandi byaragendaga.Yemeraga critiques kandi agasaba ko ibisubizo byashakwa mu mahoro abantu badashenye.Sindiho mwamamaza ,yaranigendeye,gusa buli gihe mba nanga ko ukuli kwatsikamirwa.<br /> 3)Sinakubuza kugereranya Revolution Francaise na revolution Rwandaise n'ubwo ku bwanjye mbona bidasa.Uko nabyize izo revolutions zombi ziratandukanye kubazikoze n'impamvu bazikoze.Revolution francaise yatewe n'inzara ikabije,yakajijwe n'ibihe bibi byagabanuye umusaruro bituma igiciro cy'umugati kizamuka cyane.Yakozwe na Tiers- Etats( 98% ya population).Urabona ko yali mobilisation presque totale.Hali n'izindi mpamvu bien sur mais iziali zikaze ni izo.Revolution nyarwanda yo muli 1959 yali hagati y'amoko.Ubutegetsi bw'umwami n'amabi bwakoreye 85%y'abaturage bo mu bwoko bw'abahutu bwavanyweho ku ngufu.Abatutsi babangamiye ibyiza bya revolution kuko bayifashe nka MUyaga yabatwaye ubutegetsi ikanabirukana mu gihugu.<br /> <br /> Birumvikana ko izo revolution zitagereranywa.N'izitwa contre revolutions mu Bufransa zabaye nyinshi aliko ntizigeze zigarura ibyanzwe na ba revolutionnaires ba mbere nkuko byagenze muli 1990-1994 mu Rwanda.Impamvu ndakeka ko ibyo mu Rwanda biba buli igihe bihanganisha za groupes ethiques ou regionaux not abashaka guhindura imiyoborere rusange.C'est ca la difference et la complication.<br /> <br /> Byaba byiza rero tutiranije ibintu kandi tukilinda gushyira amaranga mutima no kubogama bigendana kugirango tuzabashe gusenyera ku mugozi umwe.Ikibazo kiga-nduga rwose nikive mu nzitizi dufite kuko ali umwenda wanduye wali waranamesewe muli famille igihe Habyarimana yahaga impozamalira abiciwe ababo nyuma ya coup d'etat yo muli 1973.Kuzikura akaboze ni ugufata abanyarwanda bababaye en otage.Kujya kwifata na FPr ngo aha barahima Abakiga ngirango birasekeje n'ubwo binababaje.Bisa no kujya gusaba uwo wimye.No kuvuga ngo nta mukiga wakwemera umu leader w'umunyenduga et vice versa ni propaganda yali ikwiye kuba iya FPR.Sinzi niba Gahutu Remy atali umwe muli babandi batwihishemo.Mon frere aliko ntikubabaze niba ngukekeye ubusa.Ndabiterwa ni uko mu rugamba tulimo tugomba gusha ibisubizo,not kubyongera.Icyakorwa kuli iki kibazo par example ni ukwamagana buli muhutu wese uguma gutsimbarara ku bya kera bityo akadindiza ubwiyunge kuko aho niho tugomba kujya mbere yo gutekereza ikigomba gukulikira ali cyo cyo KWOBOHORA.Inzigo ijye rubaga.Simbonye umwanya wo gukosora amakosa ashobora kuba yancitse.Turongera.
Répondre
G
Gahutu Rémy
13/09/2019 11:10
kuri nta @NTAMAHWEMO<br /> <br /> Nimbona umwanya nzafata igihe ngusubize. Ariko nagira ngo nkubwire ko iyo umuntu afite indwara kugira ngo ayikire ugomba d'abord kwemera ko urwaye, muganga agakora diagnostique hanyuma akakuvura.<br /> <br /> Kuri Habyarimana, icyambere izina Rutemayeze ryavuzwe na Kayibanda mbere yuko bamukorera coup d' état, aho yagize ati: twarahinze, turabagara, none ba Rutemayeza nabawira iki... Ntabwo ari jye warihimbye. Iyo aba arijye warihimbye, ntabwo byari kugira uburemere nkubwo rifite ubu. Siniriwe mvuga Kinani (akazina Habyarimana yihaye ubwe)<br /> <br /> Kubyo navuze kuri Leader abanyenduga n'abakiga badashobora kumvikanaho ni ubushishozi bwanjye nikoreye, aho abantu baba bari mu ishyaka rimwe batandukana kubera umurage Kinani yadusigiye. Nshobora kuba nibeshya kuko seul les imbecilles ne se trompent pas, ariko wamfasha umpaye example y' umuntu izo sosiyete zombi zihurijeho, zivuga ngo uriya twamukurikira. Entre nous abakiga n' abanyenduga bumvikanye njye byanshimisha, byanakwihutisha impinduka. Ese wowe iyo wumvise abanyeshyamba barwanya Kagame bacitsemo ibice bibili, cyangwa amashyaka (exemple FDU), wumva biterwa ni iki ? Uzajye Bxls ujye mu banyarwanda, uzumva icyo nkubwira. Cyangwa ujye mu mihango yo kwibuka Habyarimana, cyangwa Kayibanda. <br /> <br /> Ikindi numvise ngo Kayibanda yarandikye Habyarimana amusaba nibura kutavanho MDR kuko azaba asenye Esprit y' abahutu. Sinzi nimba aribyo, ariko kuba Habyarimana wari membre wa MDR asenya iryo shyaka kuri njye ni ikimenyetso ko Habyarimana yashakaga gusiba revolution ya 1959, akayisimbuza ibyo wise Revolution morale. Nari mu Rwanda kugeza 1994, kandi nzi ukuntu abanyenduga, cyane cyane abanyagitarama baribayeho. Ukuntu uwo bitaga Macinya yayoboye minsitere y' uburezi. Siniriwe mvuga igisoda.
S
SEZIBERA
12/09/2019 14:07
SEZIBERA ngo azajya GUHEREKEZA MUGABE? Polo Digitateri YATINYE ko azabazwa ibyo akorera muri kariya karere. UMWICANYI GAHINI YIFUNGIYEHO IMIPAKA none agiye kuzana IMPUNZI LIBIYA bazarwaniramuri kariya KADOMO. Mbababajwe na Rubanda.<br /> <br /> Ariko buriya RUKOKOMA yarakwiye cg NAHIMANA Kuduserukira aho kohereza SEZIBERA.<br /> <br /> <br /> <br /> <br /> =Urutonde rw'abakuru b'ibihugu n'abahoze bayobora ibihugu bazajya gushyingura Pres Robert Mugabe rwamenyekanye =<br /> <br /> Kagame ko atagaragara?????????????<br /> <br /> LIST OF WORLD LEADERS EXPECTED TO ATTEND MUGABE FUNERAL<br /> <br /> SEPTEMBER 11, 2019<br /> <br /> Zimbabwean government official has released a tentative list of world leaders who are expected to attend former President Robert Mugabe’s funeral.<br /> <br /> Below is the initial list of expected guests:<br /> <br /> Ghana – President Nana Akufo Addo, Former President John Mahama, Former President Jerry Rawlings & Former President John Kufuor.<br /> <br /> Zambia – President Edgar Lungu, Former President Kenneth Kaunda, Former President Rupiah Banda & Former President Guy Scott.<br /> <br /> South Africa – President Cyril Ramaphosa, Former President Jacob Zuma & Former President Thabo Mbeki.<br /> <br /> Lesotho – King Letsie III<br /> Malawi – President Peter Mutharika<br /> Chad – President Idriss Deby<br /> Botswana – President Mokgweetsi Masisi & Former President Festus Mogae.<br /> <br /> China – President Xi Jinping Former President Hu Jintao<br /> Mozambique – President Filipe Nyusi, Former President Armando Guebuza & Former President Joaquim Chissano.<br /> India – Prime Minister Narenda Modi & Former President Pranab Patil<br /> Equatorial Guinea – President Obiang Mbasogo<br /> Togo – Faure Gnassingbe<br /> Namibia – President Hage Geingob, Former President Sam Nujoma & Former President Hifikepunye Pohamba.<br /> <br /> DRC – President Felix Tshisekedi & Former President Joseph Kabila.<br /> Congo Brassaville – President Denis Nguesso<br /> Angola – President Joao Lourenco & Former President Jose Dos Santos<br /> Brazil – Former President Dilma Rousseff<br /> Tanzania – President John Magafuli, Former President Jakaya Kikwete & Former President Benjamin Mkapa.<br /> <br /> Cameroon – President Paul Biya<br /> South Sudan – President Salva Kiir<br /> Nigeria – President Mohammadu Buhari & Former President Olusegun Obasanjo<br /> Belarus – Alexander Lukashenko<br /> Kenya – President Uhuru Kenyatta & Former President Mwai Kibaki.<br /> Cote Divoire – President Alassane Ouattara<br /> Uganda – President Yoweri Museveni<br /> President<br /> Malaysia – Former Prime Minister Najib Razak<br /> Singapore – President Halimah Yacob<br /> Cuba – Former President Raul Castro<br /> Liberia – President George Weah & Former President Ellen Johnson Serlief<br /> <br /> (Source: The Independent Observer).
Répondre
B
BYAKOMEYE KWA RWABUJINDIRI
12/09/2019 12:26
GEN. RUSAGARA byose yabirangije:<br /> <br /> NGO YAKUBISWE URUSHYI AZIRA KO YAKOZE AMASENGESHO N ABAHUTU!!!! BIRATANGAJE ariko NTIBINATANGAJE.<br /> <br /> Ubu GUSENGANA NA HUTUS NI ICYAHA! IJURU RY ABATUTSI rizaba RITABDUKANYE N IRYABAHUTU! HELL IS HELL! <br /> <br /> Dore uko ABATUTSI basenga (ndabara mumadini yose UZABARIRIZE UBU NIKO BIMEZE I RDA, Abayobozi bose bariho babahutu= HASI. INTERAHAMWE! Hose kugeza aho ushobora kujya muri EGLISE NTUSANGEMO ONE HUTU! Munyomoze.<br /> <br /> Dore:<br /> <br /> DATA W'ABATUTSI GUSA(abahutu nta MANA bagira), Izina ryawe ryubahwe....URUBABARIRE IBYAHA BYACU nkuko TUTABABARIYE INTERAHAMWE - HUTUS....Ibindi mwuzuze.<br /> <br /> Mumbabarire nahereye kubyo RUSAGARA yavuze ko GUSENGANA N ABAHUTU ARI ICYAHA unakubitirwa!!<br /> <br /> Mumbwire aho TUGANA namwe!<br /> <br /> https://youtu.be/_iHBNIAbqtc<br /> <br /> <br /> https://youtu.be/_iHBNIAbqtc
Répondre
.
.
12/09/2019 12:22
Ibihugu biragwira nukuri kw'Imana.<br /> <br /> Gen Rusaga barimo kumushinja ko ngo yavuze ko museveni ari umusirimu.<br /> N'akumiro pe. U rwanda rwagendesheje n'impamo ya Mungu abafite icyo gukora mwagikora mugatabara abavandimwe banyu bakomeje kugirwa ingaruzwa muheto.
Répondre
.
.
12/09/2019 12:10
Kagame nareke Thomas atahe nagera mugihugu bamushinje ko ariwe wishe wamupadiri mugenziwe wiciye muri nyungwe.
Répondre
.
.
12/09/2019 12:09
Thomas Nahimana yatutse president ko ngo ari akagabo kihagararaho.<br /> Thomas Nahimana arimo guhamagarira rubanda kwivumbura no kugumuka.<br /> Ubu se kagame yamuretse agataha bagahita bamushinja icyaha cyo gusuzugura ubutegetsi no kugumura abaturage?
Répondre
.
.
12/09/2019 11:51
Ariko kuki kagame arimo kubuza thomas nahimana gutaha yamuretse akinjira yamara kugera mugihugu akabona kumucecekesha burundu ntituzongere kumwumva?
Répondre
M
MUKASINE
12/09/2019 11:38
KAGAME YATEJE IMBERE ABATUTSI NAHO ABAHUTU ARADUTINDAHAZA KANDI BIRIGARAGAZA ,KU MUHANDA WA GISENYI RUHENGERI ABATUTSI BAHATUYE BAJE MU RWANDA BATURA MUMASHITINGI UBU NIBO BATUYE MUMAZU MEZA BABIKESHA UBURYAMIRANE BWAZANWE NA KAGAME KUKO BURI RUGO NIBURA RUBA RUFITE UMUNTU UKORERA LETA (UMUSIRIKARI ,UMUPOLISI,UMUKOZI W,UMURENGE ,BAGITIFU NIBO BONYNE BABWEMEREWE ...) NANYARUTARAMA IBENGERANA ITUWE N,ABATUTSI GUSA ,NIYO URI MU MUGI WA KIGARI IMODOKA IHENZE YOSE IBA ITWAWE N,UMUTUTSI ARIKO MUCYARO NTA BATURAGE WABONA BAVURUYE AMAZU YABO KUKO BATEYE IMBERE NKUKO INYENZI ZITUBESHERA .
Répondre
G
Gahutu Rémy
12/09/2019 10:40
Veritas iragira iti:<br /> <br /> "4.Kwakira impunzi z'abanyamahanga zishaka kujya Iburayi bishobora kuzakurura ijisho ry'imiryango mpuzamahanga irengera uburenganzira bw'ikiremwamuntu ikamenya ubwicanyi bukorerwa mu Rwanda n'akarengane abanyarwanda bahura nako."<br /> <br /> Nagira ngo mbwire Veritas ko ikosa abanyarwanda bakora nuko bibwira ko Abazungu batazi Kagame uwo ariwe. Bityo ugasanga bahora bata igihe bashaka kwumvisha ko Kagame ari Kabutindi... <br /> <br /> Uretse no kumenya ko ari Génocidaire, ahubwo bamukingira ikibaba ndetse bakanamufasha kugira ngo akomeze ibyo arimo. Ibyo abazungu bakora ni légitime kuko Kagame arengere inyungu zabo. <br /> <br /> Ariko niyo yaba atarengera inyungu zabo, sinzi ko hari umunyafurika ufite ikibazo na Poutine (perezida wo muri Rusiya) kubera ko yica Ukrainien, akica abarwanya Assad wo muri Syria. Sinzi nimba hari umunyarwanda ufite ikibazo na Al Quaida, Etat islamique, Taliban bahora bica Abanyaburayi. <br /> <br /> Kagame ni ikibazo cyacu kuko atwica, yatunyaze igihrugu. Ibyo adukorera ntawutabizi. Inyenzi zihora hano kuri Veritas, Nduhungirehe, Rucagu na Bamporiki bose bazi icyo Kagame aricyo. Kwirirwa ubabwira icyo Kagame aricyo mbona ari uguta igihe.<br /> <br /> Ingufu zo kwibohoza zigomba kuva muri twe, kandi tubishatse twabigeraho ntawudufashije. Sudan, Tunisie, babigezaho nta sasu barashe.
Répondre
T
TRUE
12/09/2019 12:34
Abatutsi batarenze 400000 bakoze Revolution y imbunda 1990 irakunda. Ariko abshutu 11.000.000 Ubwoba butumye ABANA BABO POLO ABAGWINGIZA(Kugwingira) ntawukoma keretse INGABIRE, RUKOKOMA, PADIRI na RUSESABAGINA.<br /> <br /> Nkibaza aho abandi bagiye ngo bavuge AKARENGANE KABO.
J
joe
12/09/2019 09:47
izi mpunzi Kagame azaziha ikiraka cyo kwica anbanyarwanda abeshyere RNC.. Izi mpunzi nizishaka kubura umutwe Kagame azazirasa urufaya. Muzabaze izo mu Kiziba !
Répondre
K
Kalisa
12/09/2019 09:08
Ibya Kagame ntibizoroha. Ubu se Kagame yibagiwe ko ari we ufite ubucucike bwinshi bw'abaturage kuri Km2 muri Afrique yose? Izo mpunzi se azazishakira akazi atashoboye kubonera abaturage be dore ko ubushomeri bunuma. Cyakora hari aho yababonera akazi: kubashyira mu gisirikare ku ngufu akabohereza kurwana muri RDC cyangwa akabajyana kwica abanyagihugu.
Répondre
W
WAGITOYE
12/09/2019 12:17
Ababa basore BAGIYE KWIGISHWA UBU TERRORISTE MAZE BAKWIZWE ISI YOSE. Kuko BAVUMBUYE INTORE bibwira ko aba ntawuzabavumbura.<br /> <br /> ARIBESHYA ABA NIBO BAZAMURYA NAREBA NABI.<br /> <br /> Bazoherezwa ku isi yose munsi ya HCR naba MPATSE IBIHUGU maze AMARASO AMENEKE.<br /> <br /> Ba RUKOKOMA ba RUSESABAGINA ba KAYUMBA muve munzira. RWABUJINDIRI RURYA NTIRUHAGE AGIYE KURYA AKATARIBWA!!<br /> <br /> MBISWA, Abatutsi INDA YASUMBYE INDAGU!<br /> <br /> SEZIBERA