Rwanda: Muri gereza afungiyemo ya Mageragere, Umunyamakuru Robert Mugabe ari mu kaga gakomeye!
Guhera kuwa mbere w'iki cyumweru turimo taliki ya 8 Nyakanga 2019, ubutegetsi bw'abicanyi b'i Kigali bwatangiye ibikorwa byo kwica urubozo imfungwa zifungiye muri gereza ya Mageragere. Umwicanyi ruharwa witwa CSP KAYUMBA yakuwe muri gereza yo ku Gisenyi yoherezwa kuyobora gereza ya Mageragere ifungiyemo abanyepoliki benshi, maze ahambwa ubutumwwma bwo kwica urubozo imfungwa zihafungiye. Ubu tubagezaho iyi nkuru hamaze kwicwa imfungwa zirenga 16 n'inkomere zirenga 200 zasatuwe imitwe!
Uwo mwicanyi ruharwa CSP KAYUMBA yabanje gufata icyemezo cyo kwicisha imfungwa za Mageragere inzara, ubwo akaba ari uburyo bumwe abanazi bo kwa Hitlet mu Budage bakoreshaga bica abayahudi babaga bafungiye mu bigo bagombaga kwicirwamo (camps de la mort). Abafungwa bo muri gereza ya Mageragere bagerageje kugaraza mu mutuzo akarengane bakorerwa maze umwicanyi CSP KAYUMBA ategeka abacunga gereza gukubita ku buryo bukomeye imfungwa yose igerageje kugaraza akababaro kayo, ku buryo mu ijoro ryo kuwa mbere honyine hakubiswe imfungwa zirenga 3000, hapfa abanyororo 7 abandi 500 barakomereka naho kuwwa kabiri hakaba harishwe abanyororo 9.
Amakuru y'ubwo bwicanyi bwo muri gereza ya Mageragere bwashoboye kugera mu itangazamakuru mpuzamahanga, ubwo umunyamakuru wa "radiyo mpuzamhanga y'Abanyamerka VOA" ikoresha ururimi rw'ikirundi n'ikinyarwanda yashoboraga kuvugana n'umwe mu mfungwa zifungiye muri gerereza ya Mageragere, uwo munyamakuru wa VOA akaba yaririnze gutangaza umwirondoro n'amazina y'imfungwa yavuganaga nayo kubera ikibazo cy'umuteka wayo. Ibisobanuro byatanzwe n'uwo munyururu nibyo byatumye isi yose imenya ubwicanyi buri gukorerwa muri gereza ya Mageragere!
Ayo makuru y'ubwo bwicanyi amaze kugera hanze, umwicanyi CSP KAYUMBA yahise atanga amabwiriza yo gufata umunyamakuru Robert Mugabe ufungiye muri iyo gereza, maze atangira gukubitwa inkoni nyinshi no gukorerwa ibindi bikorwa bibabaza umubiri; abo bicanyi bayoboye gereza ya Mageragere bakaba bashinja umunyamakuru Robert Mugabe ko ariwe wavuganye n'umunyamakuru wa radiyo y'Abanayamerika VOA, maze akagaragaza akaga imfungwa zimo! Umunyamakuru Robert Mugabe yatangiye gukubitwa n'abo bicanyi kuva kuwa mbere taliki ya 8 Nyakanga kugera kuwa gatatu taliki ya 10 Nyakanga 2019 kuburyo ubuzima bwe butifashe neza na gato!
Twabibutsa ko umunyamakuru Robert Mugabe ariwe watinyutse bwa mbere kwamagana igikorwa cyo kwica itegeko nshinga mu mwaka w'2015 mu ngingo yaryo y'101 ivuga ko nta muntu ugomba gukora manda z'imyaka 7 zirenze 2! Icyo gihe Robert Mugabe yagiraga ati: "Niba mushima ko Kagame yakoze ibikorwa by'indashyikirwa muri manda 2 yemererwa n'itegeko nshinga, ibyiza ni uko yava ku butegetsi agishoboye, aho kumwongerera indi manda izatuma avaho ari ikigwari kuko azaba atagishoboye kuyobora"! Mugabe yibwiraga ko ikinamico ryo kugundira ubutegetsi riri gukorwa n'intore zishaka kugumisha Kagame ku butegetsi, ntiyamenya ko ari Kagame ubwe uri gukoresha iryo kicamico nk'uko yari amaze kubyumvikanaho n'nkomamashyi ze zo muri FPR!
Uko kuvugisha ukuri k'umunyamakuru Robert Mugabe niko kwamukururiye ibyago bikomeye byo guharabikwa no gukorerwa itekinika ryo guhimbirwa ibyaha by'uko yasambanyije abana bityo babona uburyo bwo ku mubika muri gereza ya Mageragere, none abicanyi barabona ibyo bidahagije ahubwo bakaba bagomba no kumwambura ubuzima bwe! Intera ubwicanyi bwa Kagame n'inkotanyi ze buri gufata mu Rwanda muri iki gihe, biragaragara ko leta ya Kagame izahirima mu gihugu hasigaye miliyoni 3 gusa z'abaturage bityo Kagame akaba ageze ku ntego ye yo kugabanya umubare w'abaturage benshi batuye u Rwanda, akawugeza kuri miliyoni 3 zari zituye u Rwanda mu mwaka w'1960 kuko uwo mubare w'abaturage ariwo u Rwanda rufitiye ubushobzi bwo gutunga, ibyo Kagame akaba yarabibwiye umunyamakuru w'umwanditsi w'ibitabo wo mu gihugu cya Leta Zunze Ubumbwe z'Amerika!
Abanyarwanda nibakomeza kwituramira imbere y'ubu bwicanyi bwa Kagame, bazarimbuka bose!
veritasinfo