Rwanda: Ku mugaragaro leta ya Paul Kagame yiyemeje gukwiza iterabwoba ku isi ryo guhiga impunzi no kuzicecekesha kuri interineti(update)!
Umuvugizi wa polisi ya Kagame Jean Bosco Kabera
Ku nkuru iri hasi aha twabagejejeho itangazo rivugwa ko ryatanzwe n'igipolisi cya Kagame, ariko ku rubuga rwa "twitter ya polisi y'u Rwanda", hashyizweho ubutumwa bwamagana iryo tangazo, igipolisi cy'u Rwanda kikaba kivuga ko kitandukanyije n'iryo tangazo, ubwo butumwa bukaba buteye butya:
"Polisi y'u Rwanda iranyomoza kandi yamaganiye kure abantu bayiyitiriye mu itangazo rifutamye ryakwirakwijwe ku mbuga nkoranyambaga. Tuboneyeho kandi gusaba abantu bose kutariha agaciro".
Ubwanditsi bwa "veritasinfo" bukaba bumenyesha abasomyi bayo ko iryo tangazo n'ibirikubiyemo bifatwa nk'ibihimbano ariko ukuri kw'ibitekerezo bivugwa muri iyi nkuru by'uko leta ya Paul Kagame yohereza intasi zayo mu bihugu binyuranye kujya kwica impunzi zayihunze kubera ko zinenga igitugu cy'ubutegetsi bwa Paul Kagame ari ukuri kwambaye ubusa, kuko polisi ya Kagame yabeshyuje ko atariyo yanditse iryo tangazo ariko mubyukuri ntiyabeshyuje ko leta ya Kigali itica impunzi izisanze mu bihugu zahungiyemo!
"Ingeso mbi ntirara bushyitsi koko!" Kuri uyu munsi wa gatatu taliki ya 16/01/2019 urukiko rw'igihugu cy'Afurika y'epfo ruratangira kumva ubuhamya bw'abantu bavuga uko leta ya Paul Kagame yishe Patric Karegeya. Abicanyi bashinjwa guhotora Karegeya leta ya Paul Kagame ikaba ibabitse mu Rwanda kandi ikaba idashaka ko bagezwa imbere y'ubutabera. Itangazamakuru mpuzamahanga rikaba rivugako "Patrick Karegeya" ari " Khashoggi w'u Rwanda", iyicwa rye rikaba rigereranywa n'iyicwa ry'umunyamakuru Khashoggi wo mu gihugu cy'Arabiya Sawudite.
Mu gihe ubutabera bw'Afurika y'epfo bwatangiye gusuzuma ibimenyetso by'uburyo leta ya Kagame yica impunzi zayihunze, niko igihugu cya Uganda gikomeje gufata intasi za leta ya Kagame zinjira muri icyo gihugu zifite umugambi wo kujya guhiga impunzi z'abanyarwanda zahahungiye ngo zibice! Leta ya Kagame ikaba imaze kugaragaza amafaranga itanga ku mpunzi zicwa! Umuvugizi w'igipolisi cy'abicanyi ba Kagame "CPGB KABERA akaba yashyize ku karubanda itangazo ryo guhiga impunzi z'abanyarwanda zahungiye mu bihugu by'amahanga zitinyuka gutanga ibitekerezo byazo ku mbuga za interineti zinenga ubwicanyi bwa Paul Kagame. Muri iryo tangazo, igipolisi cya Kagame kikaba kiyemeza kuzatanga igihembo cyo kwica impunzi itavuga neza ubutegetsi bwa Kagame gihwanye na miliyoni zirenga 8 zo mu mafaranga y'u Rwanda (8710000 FRW ahwanye n'amadolari 10000)! Ntabwo kandi ari ukwica izo mpunzi gusa ahubwo ni imiryango yazo yasigaye mu Rwanda igomba kwicwa!
Ubutegetsi bwa Paul Kagame buhora bwohereza intasi mu bihugu bikikije u Rwanda (Uganda, Tanzaniya, Uburundi na Congo) kujya kwica impunzi z'abanyarwanda bahungiye muri ibyo bihugu ndetse zikica n'abaturage b'ibyo bihugu zibashinja gucumbikira abanyarwanda; ibihugu by'Uburundi na Uganda bikaba byarafashe ingamba zo gufata izo ntasi za Kagame zicengera ibihugu byabo zigamije ibikorwa by'ubugizi bwa bakazisubiza mu Rwanda! Ibyo ariko ntibibuza leta ya Kagame gukomeza kubeshya amahanga ko ibangamiwe n'ibihugu by'abaturanyi kandi impamvu nyamukuru ari uko ibyo bihugu byamaze gutahura ko leta ya Kagame ikora ibikorwa by'iterabwoba ku butaka bwabyo nk'uko umutwe w'Ali Shabab uhora ugaba ibitero muri Kenya! Abo bicanyi ba Kagame yohereza nk'intasi mu bihugu by'amahanga nibo bishe abanyarwanda b'impunzi bahungiye muri Kenya barimo Set Sendashonga, Théoneste Lizinde na Gafirita ndetse n'abandi benshi ariko Kenya ikaba ntacyo yakoze ngo ikumire ubwo bwicanyi bwa Kagame. Afurika y'epfo yo yateye intambwe yo gushaka kumenya uburyo izo ntasi za Kagame zakoresheje mu kwica Patric Karegeya! Twizere ko ibimenyetso bizava mu rukiko rw'Afurika y'epfo bizatuma ibindi bihugu bifata ingamba zo kwirinda abo bicanyi ba Kagame!
Itangazo ry'igipolisi cya Kagame rije rikurikiye icyifuzo cy'umwicanyi Sezibera ushinzwe ububanyi n'amahanga kwa Kagame wasebye leta Zunze Ubumwe z'Amerika inkunga yo guhagarika "Radiyo Itahuka" ivugira kuri interineti! Igihe igihugu cy'Arabiya Sawudite kicaga umunyamakuru Khashoggi, amahanga yose yarahagurutse yamagana icyo gikorerwa cy'ubugome cyo gushaka gucecekesha abanenga ubutegetsi bw'Arabiya Sawudite ndetse ibihugu bimwe bifatira ibihano icyo gihugu ariko Kagame we kuva cyera yakomeje kwica impunzi azihora ko zinenga ubutegetsi bwe amahanga yose aricecekera none bigeze n'aho leta ya Kigali ishyiraho ikiguzi cyo kwica impunzi kuko zivuga ukuri kw'amakosa ya leta ya Kagame! Igitangaje ni uko Kagame yica n'abavandimwe b'impunzi zahunze igihugu ngo kuko zamunenze nk'uko itangazo ry'igipolisi cye ribivuga!
Abanyarwanda bose, aho bari hirya no hino ku isi, basabwe kwamagana ubu bwicanyi n'iterabwoba rishyirwa ku mpunzi kubera ibitekerezo byazo! Ni ngombwa ko impunzi z'abanyarwanda zegera leta z'ibihugu zahungiyemo zikabamenyesha ubu bwicanyi bwa Kagame kandi zigafata ingamba zo guhangana n'izi ntasi Kagame aha amafaranga kugirango zibahitane.Niba Kagame yarashoboye guhindura ibiragi abanyarwanda bose bari imbere mu gihugu, bizamugora cyane gucecekesha impunzi zamuhunze ziri hirya no hino ku isi. Ni ngombwa ko amashyaka ya polisitiki ndetse n'imiryango itari iya politiki iri hirya no hino ku isi ihuza abanyarwanda, ifata gahunda yo gusobanurira leta zinyuranye zo ku isi iri tangazo ry'ubwicanyi bw'impunzi ryatanzwe n'igipolisi cya Kagame.
Dore uko itangazo rya polisi ya Kagame ryo kwica impunzi :
