Rwanda : Leta ya Paul Kagame yemeye ko yarashe impunzi z’abakongomani ! Ariko se yazihoye iki?

Impunzi z’abakongomani zivuga ururimi rw’ikinyarwanda zo mu nkambi ya Kiziba (Kibuye) ziri mu kaga gakomeye cyane muri iyi minsi! Izo mpunzi zigizwe n’abaturage b’abakongomani leta ya FPR Kagame yita ko ari abo mu bwoko bw’abatutsi. Zimwe muri izo mpunzi ziva mu ntara ya Kivu y’amajyaruguru (Masisi na Rucuru) naho izindi zikava muri Kivu y’amajyepfo (abanyamulenge). Iyo nkambi ya Kiziba ikaba irimo impunzi z’abakongomani barenga ibihumbi 17! Kubera imibereho mibi izo mpunzi zibayemo kimwe n’akarengane zikorerwa n’ubuyobozi bwa leta ya Kagame, byabaye ngombwa ko izo mpunzi zikora imyigaragambyo ku biro by’ishami rya Loni rishinzwe impunzi HCR biri i Karongi (Kibuye). Izo mpunzi zasabaga ko zifashwa gutaha zigasubira mu gihugu cyazo cya Congo cyangwa se zigashakirwa ikindi gihugu zijyanwamo kitari u Rwanda aho gukomeza kwicwa urubozo n'inzara! Aho kugirango ibibazo by’izo mpunzi bishakirwe ibisubizo, Kagame yategetse inkotanyi ze kurasa izo mpunzi! Ubu muri iyo nkambi amarira ni menshi! Ese kurasa izo mpunzi bizakemura ibibazo zifite? Ni iyihe mpamvu yatumye hafatwa icyemezo cyo kurasa izo mpunzi huti huti?

Imitungo y’izi mpunzi iri muri Congo yigaruriwe n’abasilikare b’inkotanyi

Kuwa kane taliki ya 22 Gashyantare 2018, Paul Kagame yafashe icyemezo ndakuka cy’uko impunzi ziri mu myigaragambyo ku biro bya HCR i Karongi zisubizwa mu nkambi ya Kiziba ku ngufu, impunzi zanze gusubirayo zikaraswa, kandi abayobozi b’impunzi b’iyo nkambi bagafungwa ndetse n’inkambi yose ikagotwa n’abasilikare b’inkotanyi kugirango hatagira impunzi nimwe ishobora kuyisohokamo, ibyo niko byagenze. Icyo cyemezo cyo gufungira impunzi mu nkambi akaba ari uburyo bwo gufata abasore n’inkumi bose bazirimo bashobora kwivumbura ku butegetsi bwa Kagame; nyuma yo gukura urwo rubyiruko muri iyo nkambi, hemejwe ko ruzajyanwa ahantu hatazwi! Amakuru aturuka mu baturage baturiye inkambi ya Kiziba aremeza ko inkotanyi za Kagame ziri guhigisha uruhindu abasore b’impunzi bihishe mu misozi ikikije inkambi ya Kiziba!

Paul Kagame afite impungenge z’uko izo mpunzi z’abakongomani zishobora gusubira muri Congo zikirukana abasilikare b’inkotanyi boherejwe gutura mu masambu y’abo bakongomani bashyizwe mu nkambi mu Rwanda, bityo umugambi we wo kwigarurira intara ya Kivu ukaba urapfubye! Mu mwaka w’1995, Paul Kagame yateguye umugambi wo kwigarurira intara za Kivu zombie abifashijwemo na leta y’Amerika ndetse n’igihugu cya Israyeli. Kugirango uwo mugambi ugerweho neza ni uko mu ntambara yo kwirikana Mobutu ku butegetsi, abaturage b’abakongomani bavuga ururimi rw’ikinyarwanda bo mu bwoko bw’abatutsi, basobanuriwe neza ko bagomba guhungira mu Rwanda kandi abana babo bagashyirwa mu gisilikare cy’inkotanyi, mu gihe intambara izaba irangiye , abo baturage bakazahabwa igihugu gishya (Leta ya Kivu) bazaba bayobora ubwabo kandi bafite n’igisilikare cyabo (abana babo bari mu nkotanyi).

Uko abo baturage b’abakongomani (abatutsi) bahungiraga mu Rwanda niko inkotanyi zicaga abandi bakongomani bo muyandi moko! Ubu Kagame akaba afite umuhigo wo kwica abakongomani barenga miliyoni 6! Imitungo (amasambu) yasigwaga n’abo bakongomani b’abatutsi bahungiraga mu Rwanda Kagame yayoherezagamo abasilikare b’inkotanyi (gutura muri ayo masambu) kugirango bajye gutegura uburyo bazigarurira intara za Kivu noneho ibintu nibimara gutungana impunzi z’abakongomani zizajye zabona gusubira muri Kivu zombi zihasanga abategetsi bushya bw’inkotanyi zigize abaturage ba Kivu! Hashize imyaka igera kuri 22 intara za Kivu zombi zitarigenga ngo zihinduke igihugu, uko gutegereza igihe kirekire akaba aribyo bitangiye kurambira impunzi z'abakongomani b'abatutsi Kagame yashyize mu nkambi mu Rwanda! Mu gihe impunzi z'abatutsi zakurwaga muri Congo niko FPR Kagame yinjizagamo abandi banyarwanda (inkotanyi) kujya gutura muri Congo; ibyo na Madame Depite Brigitte Tuyishime yarabibonye (Kanda aha wumve ikiganiro abisobanuramo).

Abasilikare Kagame yohereje gutura muri Congo bibumbiye mu mitwe ya RDC, CNDP...M23"  bishe abakongomani benshi kandi bakomeje na nubu kubica (Laurent Nkunda, Mutebetsi, Bosco Ntaganda…) ariko ntibarashobora  guhinduramo intara za Kivu zombie igihugu cyigenga! Kagame rero afite impungenge z’uko impunzi z’abakongomani nizisubira muri Congo zizasubirana imitungo yazo zikirukana inkotanyi yoherejeyo kandi zitararangiza akazi zahawe, bityo umugambi wo guhindura intara za Kivu zombi igihugu cyigenga ukaba urapfubye! Ikibazo gikomeye ni ukumenya igihe Kagame azakomeza gufata ku jisho impunzi z’abakongomani cyane ko zitangiye kumushyira hanze ko yazibeshye ndatse akazambura n'inka zari zifite zikaba zarazizanye mu Rwanda. Ubwo impunzi z'abatutsi zavaga za Masisi na Rucuru zazanye inka nyinshi, bazituza mu ishyamba rya Gishwati, nyuma Kagame aza kwambura izo mpunzi inka zazo kuko bazishinjaga kwangiza ishyamba rya Gishwati! Nyuma yo kuzambura izo nka, Kagame yashyize izo mpunzi mu nkambi ya Kiziba aho zigomba gutungwa na HCR. Muri icyo gihe abana b'izo mpunzi b'abasore Kagame yabashyize mu ngabo zinkotanyi akaba aribo yaje kohereza muri Congo bakora umutwe wa M23! Birushijeho kuba umwaku kuko Kagame atangiye no kurasa izo mpunzi ku manywa y'ihangu!

Impunzi z’abakongomani zirashinja Kagame kuzikorera jenoside!

Kubera agahinda n’uburakari impunzi z’abakongomani zatewe n’urupfu rw’abantu babo inkotanyi zarashe, uwo mujinya watangiye gutuma izo mpunzi zishyira hanze amabanga y’ubwicanyi zizi kuri Kagame! Umwe mu mpunzi y’umukongomani uri mu nkambi ya Kiziba yanyujije ubutumwa ku mbuga nkoranyambaga asobanura ko ubwicanyi bwakorewe abakongomani bo mu bwoko bw’abatutsi i Mudende (mu Rwanda) no mu Gatumba (mu Burundi) bwakozwe n’inkotanyi za Kagame zari zibihishemo! Ubwicanyi bw’i Mudende, Kagame abugereka ku bahutu (nterahamwe) naho ubwicanyi bwo mu Gatumba bugashyirwa ku gatwe k’umunyepolitiki w’i Burundi Agathon Rwasa, none ko abakongomani ubwabo batangiye kuvuga ko ubwo bwicanyi bwose bwakozwe n’inkotanyi za Kagame bakabigira ibanga, aho Kagame ntiyaba agiye gushinjwa jenoside 3!

Ubwicanyi Kagame akomeje gukorera impunzi z’abakongomani mu nkambi ya Kiziba bushobora kuzamubera agahwa mu kirenge kuko ubwicanyi bwose yakoreye abanyarwanda yabuboneraga ibisobanuro by'uko ari kwica abajenosideri. Izi mpunzi z’abakongomani si abahutu, ni Kagame ubwe wazizanye mu Rwanda, abana babo yabashyize mu gisilikare cye bamwe bicirwa mu ntambara z’urudaca Kagame yagiye ashora ku gihugu cya Congo none abarokotse muribo ari kubagira impfubyi abicira ababyeyi n'abavandimwe yashyize ku gasi! Ntabwo izi mpunzi z’abakongomani zikora politiki mu Rwanda! Kagame azasobanura ko impamvu yica izo mpunzi ari iyihe? Ni kuki atareka ngo izo mpunzi zisubire mu gihugu cya Congo? Birazwi ko abarwanyi ba M23 Kagame yabashyize mu gisilikare cy'inkotanyi bamaze gutsindwa muri Congo kandi abo barwanyi ni abana b'izi mpunzi z'abakongomani Kagame ari kurasaho; ese aba bana bazakomeza kurebera uko ababyeyi n'abavandimwe babo bakomeza kwicwa? Ese Kagame yaba agiye kwikiza abo barwanyi ba M23 bari mu ngabo ze akabohereza gupfira muri Congo mu ntambara ya nyuma yo gufata Kivu zombi cyangwa azabashyira mu bigunira abohereze muri Rweru?

Umuvugizi w’igipolisi cya Kagame yavuze ko ngo impunzi batazirashe amasasu asanzwe ko ahubwo ari imyuka iryana mu maso!! None se iyo myuka ica abantu amaguru ni bwoko ki? None se impunzi avuga ko zapfuye zishwe ni iki? Ikinyoma nk'icyo ashobora kukibeshya abazungu bafatanyije na Kagame umushinga wo gushanyaguza Congo ariko ntigishobora gufata impunzi z'abakongomani zarashwe kandi zihanganye nawe! Kagame afite impungenge z'uko impunzi z'abakongomani zishoboye gusubira iwabo muri Congo, zishobora kwisuganya zikifatanya n'abakongomani yiciye kumara maze zikamwishyuza ibibi byinshi yazishooyemo! Amaherezo ariko niko bizagenda kuko agatinze kazaza ni amenyo ya ruguru! 

Kanda aha wumve uko impunzi y’umukongomani izobanura uburyo Kagame yabakoreye jenoside !

Veritasinfo