Rwanda : Paul Kagame abifashijwemo n’ibiro by’ubutasi by’abanyamerika CIA nibo bakomye imbarutso ya jenoside mu Rwanda mu 1994!

Publié le 5 octobre 2017 par veritas

Ingabo z'Amerika zikorana n'abakwije jenoside mu karere kose!

Ikibazo cyo guhanura indege yarimo perezida Habyarimana Juvénal na Cypriani Ntaryamira w’Uburundi n’abo bari kumwe bose ku mu goroba wo ku italiki ya 6 Mata 1994, icyo gikorwa k’iterabwoba akaba aricyo cyabaye imbarutso ya jenoside mu Rwanda mu 1994, gikomeje kubera Paul Kagame nka « ka gapfunyika ka kabutindi »! Nyuma y’aho ikinyamakuru cya «jeune Afrique», cyanditse inkuru ivuga ko abacamanza bo mu gihugu cy’Ubufaransa bari gukora iperereza kuri iyo ndege, bashoboye kubaza incuro zirenga 2 umutangabuhamya wagizwe ibanga, uba mu gihugu cy’Ubwongereza, uwo mutangabuhamya akaba yaremereye abo bacamanza ko ari mu itsinda ry’abantu bahanuye iyo ndege batumwe na Kagame, ndetse ku giti cye akemeza ko ariwe watwaye ibisasu byahanuye iyo ndege akabigeza mu gace byarasiwemo ; bibaye ubwa mbere ibinyamakuru byo mu gihugu cy’Uburusiya byandika kuri jenoside yo mu Rwanda !

Ikinyamakuru cyo mu gihugu cy’Uburusiya cyitwa « Sputnik news » kizwiho kuvuga amakuru aba yatanzwe n’ubuyobozi bukuru bw’icyo gihugu, cyanditse inkuru ishimangira ko Paul Kagame perezida w’u Rwanda muri iki gihe, ariwe wakomye imbarutso ya jenoside mu Rwanda mu mwaka w’1994 abifashijwemo n’ibiro by’ubutasi bya Leta zunze Ubumwe z’Amerika CIA ! Iyo mbarutso ikaba yarakomwe ubwo Kagame yahanuraga indege yarimo perezida Juvénal Habyarimana na mugenzi we w’Uburundi Cypriani Ntaryamira ! Ikinyamakuru «Sputnik news » gishimangira ayo makuru gihereye ku nyandiko y’ikinyamakuru cyo mu Bwongereza kitwa « Guardian » kimwe n’ubuhamya bunyuranye butangwa n’impuguke nyinshi zisobanukiwe na politiki y’akarere k’ibiyaga bigari by’Afurika!

Ikinyamakuru «Sputnik news» cyemeza ko ubutegetsi bwa Perezida Bill Clinton n’umuryango we by’umwihariko aribo biyemeje guteza umudugararo mu karere k’ibiyaga bigari,kugira ngo igihugu cya Leta Zunze Ubumwe z’Amerika gishobore kwigarurira ako karere kose cyane cyane muri gahunda yo kugera ku bukungu bw’amabuye y’agaciro menshi anyuranye ari mu butaka bwa Congo !Inzira Amerika yakoresheje mu kwigarurira ako karere, ikirukanamo abafaransa ari ukugatezamo intambara yifashije Paul Kagame wize ibya gisilikare muri Amerika n’igihugu cya Uganda! Amerika kandi yifashishije igihugu cya Uganda kuko kuva kera Uganda ikoreshwa n’Amerika mu bikorwa byo kugenzura Afurika yo hagati. Mu gihe inkotanyi zagabaga ibitero ku Rwanda guhera mu mwaka w’1990, intwaro zose inkotanyi zakoreshaga zatangwaga n’Amerika, ikazinyuza ku gihugu cy’Ubugande!

Ikinyamakuru « sputnik news » cyemeza ko Kagame akoresha jenoside yo mu Rwanda mu nyungu za politiki zo kugundira ubutegetsi no gusahura ubukungu bwa Congo, Amerika na Kagame akaba aribo bashinze imitwe y’itwaje intwaro muri Congo kugirango icyo gihugu gihore mu kajagari maze Kagame abone uko asahura amabuye y’agaciro y’icyo gihugu akayanyuza ku byambu byo mu bihugu by’Afurika y’iburasirazuba, akagemurirwa amasosiyeti yo mu gihugu cy’Amerika ! Iyo ntambara yo muri Congo ikaba imaze kwica abaturage b’abakongomani barenga miliyoni 6 ! Muri gahunda yo gucecekesha abanyarwanda n’abanyamahanga mu ruhare rwa Kagame muri jenoside y’u Rwanda, ni uko iyo havuzwe ikibazo cy’ihanurwa ry’indege, Paul Kagame avuga ko uvuze icyo kibazo wese aba akoze icyaha cyo « gupfobya jenoside» ! Ikinyamakuru « sputnik news » kivuga ko Kagame ashobora kuvuga amagambo yose ashatse kuri jenoside ariko akaba adashobora gutinyuka kuvuga ikibazo cy’ihanurwa ry’indege yabaye imbarutso y’iyo jenoside !

Kanda hano usome iyi nkuru kuburyo burambuye kuri « sputnik news »