Rwanda: «Gahunda ya kirimbuzi ya FPR Kagame yo mu mwaka w’2016 yiswe « umwaka wo gutaha amakwe ! »

Publié le par veritas

Abana nk'aba b'abanyarwanda b'impunzi bavugisha ukuri nibo Kagame agiye kumarira ku icumu!

Abana nk'aba b'abanyarwanda b'impunzi bavugisha ukuri nibo Kagame agiye kumarira ku icumu!

[Ndlr : Abanyarwanda baca umugani ugira uti : «umuntu asiga ikimwirukaho ariko ntashobora gusiga ikimwirukamo» ! Amakuru «veritasinfo» yagejejweho n’umwe mu bakozi bakora mu biro bya Paul Kagame, arashimangira ukuri kuvugwa muri uwo mugani wa kinyarwanda : Leta  ya FPR Kagame muri iki gihe ihanganye n’ibibazo yikururira ubwayo, bikayizanamo akajagari no guhuzagurika muri gahunda zayo yihaye! Uwo mukozi yamenyesheje «veritasinfo» ko mu gihugu cyose cy’u Rwanda hagaragara ubwoba no kwishishanya biterwa n’ibibazo bikomeye biri mu gihugu ariko abaturage bakaba badashobora gutinyuka kugira icyo bavuga kuri ibyo bibazo kubera iterabwoba ubutegetsi bwa FPR Kagame bubashyiraho kugirango baceceke! Nyamara ibyo bibazo ntibiteye ubwoba abaturage gusa kuko n’abayobozi bakuru uhereye kuri perezida Paul Kagame kugera hasi bafite ubwoba! Igisubizo abayobozi bakuru batanga kuri ibyo bibazo biterwa n’ubuyobozi bubi akaba ari ukwica abantu benshi bashoboka baketsweho gutekereza kuburyo bunyuranye na Paul Kagame, ubwo bwicanyi bugakorerwa imbere mu gihugu no hanze yacyo! Dore ubwo buhamya ntacyo duhinduyeho:]
 
Nihaye amazina ya Habinshuti Gonzag kubera ikibazo cy’umutekano wanjye, nkaba ndi umukozi muri perezidansi ya Repubulika y’u Rwanda, nkaba nganira n’abantu benshi banyuranye bigatuma menya amakuru y’ibintu byinshi bibera mu gihugu bitewe n’umwanya nkoramo. Nsoma ibinyamakuru byinshi byandikirwa imbere mu gihugu n’ibindi byandikirwa hanze yacyo. Ndi umuyoboke wa FPR inyuma gusa nk’uko abanyarwanda benshi bameze ariko ku mutima ishyaka ryanjye akaba ari uko u Rwanda n’abanyarwanda bagira umutuzo bakareka gukomeza guhangayikishwa n’ibibazo bikuruwe n’abategetsi bikunda ubwabo.
 
Nkaba nifuje kunyuza iyi nyandiko yanjye mu kinyamakuru cya «veritasinfo» bitewe n’uko mbona abanyarwanda benshi aricyo kinyamakuru cyo hanze bakunda gusoma cyane, kandi inyandiko zinyuramo zikaba zitarimo ibitutsi cyangwa amakabyankuru n’ubushotoranyi! Amakuru mbabwira aha ni ayo nahagazeho cyangwa se nabwiwe n’abayahagazeho ndashobora gutangaza amazina yabo kubera umutekano wabo! Mbabazwa cyane ni uko abanyarwanda bari hanze y’igihugu bafata abanyarwanda bene wabo bari imbere mu gihugu nk’abanzi cyangwa se maneko za FPR Inkotanyi kandi nyamara twese turi abavandimwe! Kuba bene wacu bari hanze twe tukaguma mu gihugu ntabwo bidushimisha, cyane ko natwe aho turi tubaho mu bwoba bwo gufungwa cyangwa kwicwa ku isaha iyo ariyo yose, niyo mpamvu nsaba abanyarwanda bose bari hanze kujya bazirikana abanyarwanda bari mu gihugu.
 
Iki gihugu cy’u Rwanda kiyobowe mu buryo bw’amayobera : Hari abayobozi bazwi bari mu nzego z’ubuyobozi bakora akazi ka buri munsi, ariko abo bayobozi bakaba bafite abandi bayobozi nabo bari mu myanya yabo ariko batazwi, abo bayobozi bombi batanga raporo mu rwego rukuru rw'igihugu (Perezidansi) ariko raporo zimwe zikajya ku bakozi bazwi izindi zikajya kubatazwi. Raporo zitanzwe n’abo bakozi batazwi ni nzego zisanzwe z’ubuyobozi nizo zihabwa agaciro cyane kurusha izitanzwe n’abayobozi bazwi. Ibi mbibabwiye kugira ngo mwumve akaga abanyarwanda barimo, baba ari abirirwa basakuza cyane bavuga hose ko bakorera FPR cyane kurusha abandi cyangwa se ari umuturage utazi iby’ubuyobozi aho biva n’aho bigana, ingaruka z'iyi mikorere zibageraho bose kimwe.
 
Abo bayobozi batazwi kandi bafite n'ububasha budasanzwe nibo bagiye gutuma FPR yose ihirima kandi n’abaturage benshi bakabigenderamo. Muri uru Rwanda twirirwa duhanganye n’ibibazo twikururira ubwacu kandi ibyo bibazo biba bikomeye cyane, umugabo witwa David Himbara wabaye umujyanama wa Perezida Paul Kagame yabisobanuye neza n’ubwo njye mbona abantu benshi bataramwumvise, Himbara yagize ati : «Gukorera leta  ya Paul Kagame biravuna cyane, kandi umusaruro uvuye muri ako kazi ntugaragara kuko abantu bakora akazi kenshi ko guhangana n’ingaruka z’ibyemezo bifutamye Paul Kagame aba yafashe ubwe, ingaruka zabyo zikavuna abakozi kuko zigira uburemere bukomeye kurusha gukora akandi kazi gasanzwe» !
 
Gahunda y’ «Umwaka wo gutaha amakwe » :
 
 
Iyo ni gahunda yafashwe na rwa rwego rw’abayobozi batagaragara ba FPR, ikaba  igiye gushyirwa mu bikorwa kuko Kagame yamaze kuyemeza. Iyo gahunda ikaba igamije kugirira nabi abanyarwanda b’impunzi bari mu bihugu  binyuranye byo ku isi ariko ikaba izibanda cyane cyane ku mpunzi ziherereye mu bihugu by’Afurika y’amajyepfo aribyo : Malawi, Mozambike, Afurika y’epfo na zambia. Naganiriye n’umusilikare umwe wa RDF uri muri iyo gahunda ansobanurira neza uko «Gahunda y’umwaka wo gutaha amakwe» iteguye n’impamvu iyo gahunda yashyizweho, nsanga ibyemezo bifatwa n’abayobozi ba RPF bicuramye cyane kandi bikaba bizagira ingaruka zikomeye kuriyo ubwayo no kugihugu nta muntu usobanukiwe !  Uwo musilikare yansobanuriye ko iyo gahunda ari iyo gushimangira « manda ya gatatu ya Paul Kagame » izatangira mu mwaka w’2017.
 
Uwo musilikare yansobanuriye ko maneko za Paul Kagame zazengurutse mu gihugu cyose cy’u Rwanda ndetse no hanze yacyo, zisanga abanyarwanda batazemera ko Kagame aguma ku butegetsi nyuma y’umwaka w’2017, ndetse ko ibihugu bikomeye bishobora kuzatera ingabo mu bitugu abaturage bazivumbura ku butegetsi bwa Kagame nyuma y’umwaka w’2017. Maneko za Kagame zasanze abatutsi bibumbiye mu ishyaka rya RNC, abenshi muribo bakaba baherereye mu bihugu byo muri Afurika y’amajyepfo aribo bafite ubukana bukomeye cyane mu kurwanya manda ya Paul Kagame yo mu mwaka w’2017.
 
Abo batutsi bo muri RNC bari hanze nibo bakangurira abandi batutsi bari imbere mu gihugu babumvisha uburyo bazarwanya manda ya gatatu ya Paul Kagame. Maneko za Kagame zikaba zaravumbuye ko abatutsi b’imbere mu gihugu batangiye kurwanya Kagame bakoresheje propaganda yo kumvikanisha ko Umwami Kigeli V Ndahindurwa agomba gutaha mu Rwanda nk’umwami! Abajyanama ba Kagame basanze abatutsi b’imbere mu gihugu bari kugenda bacengeza mu mitwe y’abandi batutsi izina ry’umwami bitwaje ubuhanuzi, bakagenda bavuga ko Kagame naguma k’ubutegetsi nyuma y’umwaka w’2017 u Rwanda ruzaba rugushije ishyano, bityo kugira ngo ayo mahano ahagarare umwami akaba agomba gutaha mu gihugu amahoro akabona kuboneka! 
 
Uwo musilikare yambwiye ko Maneko za RPF zasanze abahutu bose bari mu Rwanda baryamiye amajanja mukuzarwanya manda ya gatatu ya Paul Kagame yo mu mwaka w’2017. Maneko za RPF zasanze abahutu bo mu Rwanda bari abayoboke b'ishyaka rya MDR ndetse n’abandi bari muyandi mashyaka mbere y’umwaka w’1994 bagirana ibiganiro bya rwihishwa n’abayoke b’ishyaka rya RDI Rwanda Rwiza riyobowe na Bwana Faustin Twagiramungu baherereye mu bihugu by’Afurika y’amajyepfo ndetse no mu mashyamba ya Congo.
 
Maneko za RPF zasanze abahutu bo mu Rwanda baramize bunguri ibitekerezo bya Twagiramungu kandi bakaba bajijisha ko bakunda Paul Kagame! Twagiramungu akaba arushijeho gutera ikibazo Paul Kagame kuko ari hanze y’u Rwanda, akaba azwi n’amahanga kandi n’abanyarwanda benshi bakaba bamukurikira, ibyo bikaba bishobora kuzaba ikibazo gikomeye cyane mu mwaka w’2017 mu gihe Twagiramungu yahamagarira abaturage kurwanya manda ya gatatu ya Kagame! Kuba Twagiramungu afite impunzi zemera ibitekerezo bye ziri mu mashyamba ya Congo nacyo ni ikindi kibazo kirushijeho gutera impungenge  Paul Kagame !
 
Kubera urwo rusobekerane rw’abahutu batishimiye leta  ya Paul Kagame n’abatutsi bayirwanya kandi abo bose bakaba bari imbere mu gihugu no hanze yacyo ; abajayanama ba Paul Kagame bamugiriye inama yo gaca intege abo bantu bose baba abari imbere mu gihugu n’abari hanze yacyo; iyo gahunda niyo yiswe « Umwaka wo gutaha amakwe ». Kugira ngo iyo gahunda igende neza no kwishishanya biveho; abahutu bari imbere mu gihugu nibo bazajya baneka abahutu bene wabo batemera ubutegetsi bari imbere mu gihugu no hanze yacyo, n’abatutsi baneke abandi batutsi batemera ubutegetsi bari imbere mu gihugu no hanze yacyo.
 
Amatsinda yo kurwanya abahutu n’abatutsi batemera manda ya gatatu ya Kagame yo mu mwaka w’2017 yamaze gutegurwa, abazoherezwa hanze bazajya babanza kugirana ubushuti n’abo basanzeyo, mu gihe bazaba bamaze kugirana ikizere akaba aribwo babona uburyo bwo kubica nta nkomyi bakoresheje uburyo bwose bubashobokeye: imbunda, uburozi, impanuka y’imodoka… Uyu musilikare wa RPF yambwiye ko ayo matsinda yoherejwe kugirira nabi abanyarwanda nayo azaba agenzurwa n’andi matsinda azoherezwa rwihishwa kugira ngo arebe ko ibyo babatumye gukora babikurikiza kandi ushatse kumena ibanga nawe bahite bamwica!
 
Icyo cyemezo cyo kugenzura aboherejwe gukora ubwicanyi cyafashwe hakurikijweko hari abantu boherejwe mu gihugu cy’Ububiligi kwica abanyepolitiki barwanya leta  ya Paul Kagame mu mwaka w’2013, bamara kuhagera bagahita baka ubuhungiro bwa politiki muri icyo gihugu bakamena amabanga yose babahaye! Nk’uko nabibasobanuriye, iyi gahunda ntabwo izwi n’urwego na rumwe rw’ubuyobozi bw’igihugu cy’u Rwanda ahubwo yateguwe na rwa rwego rukorera mu kinyegero kandi rufite ububasha, Paul Kagame ayiha umugisha, gusa rero ingaruka z’iki cyemezo zizaremerera RPF n’igihugu cyose kandi abitwa ko ari abayobozi bazabazwa aya mabi yose kandi batarayagizemo uruhare; gusa ntibizabatangaze ko hari n’abayobozi bakomeye bazicwa bakekwaho kurwanya manda ya gatatu ya Paul Kagame!
 
Uru ni urugero rumwe mbagejejeho rw’icyemezo giteye ubwoba rugaragaza uburyo u Rwanda ruyobowe, uyu mushinga uzatwara ubuzima bw'abantu n'umutungo utagira ingano w'abanyarwanda, abanyarwanda bari hanze n’abari imbere mu gihugu bakaba bagomba kumenya imikorere y’ubuyobozi bwa leta  ya RPF bityo bakareka kwitana ba mwana, bashinjanya kuba ikitso ngo kuko wasigaye mu gihugu cyangwa uri hanze yacyo, ahubwo abanyarwanda nibamenye aho ibyemezo bibagirira nabi bifatirwa maze bafate ingamba zo kwirinda!
 
Biracyaza.
 
Habinshuti Gonzag
Kigali- Rwanda
Pour être informé des derniers articles, inscrivez vous :
Commenter cet article
@
Ngo Kayumba yakubwiza ukuri?????????????????? Rekera aho twakumvishe twumvishe uwo uri we wikwirirwa uvunika.<br /> Ariko umenya inyenzi zikibeshya ko abahutu b'ubu bakimeze nk'abo muri 1990 bamiraga bunguri ibyo zirirwaga zibabeshya byose.
Répondre
U
Uravuga ukuri : "ngo azabaze Kayumba, di!"<br /> Oh! :<br /> 1/ Igihe cyose babajije Nyamwasa uko yateye itabi mu Rwerere, Buberuka, Kigezi, Bufumbira ... Bugarura no mu Gahunga k' Abarashi, wigeze wumva hari icyo asubiza?<br /> 2/ Wigeze wumva n' IRI RIMWE GUSA Faustin Lt Gen. avuga nabi Système APR-RPF? Ryari?<br /> 2/ Ahubwo njye mbaza uti : "ni ryari Dr Théo Rudasingwa na bagenzi be bariya ba Ngarambe na Musonera (Masozera?) bandagaje Lt Gen Kayumba Nyamwasa, ariwe Faustin, mu bwicanyi bwe" MAZE NGUSUBIZE!<br /> 3/ Wigeze wumva n' IRI RIMWE RY' UMUTI, Umuhuzavikorwa wungirije wa kabiri wa RNC, asaba imbabazi abanyarwanda kubera amakosa ye akiri Chef d' Etat Major Inter-Armes wa RDF n' ugihe yicaga agakiza agitegeka RWASÛR YA APR? NEVER!<br /> 4/ None ngo "Kayumba", "Nyamwasa",...<br /> 5/ Murampamagarire wa mugabo utunze radiyo IJWI RYA RUBANDA, yongere ankarangire uyu mujenerali abantu bacyambika impeta za gisoda cya "Rugano-Mukenke Royal Military Academy", kuko byongeye kudutera ikirezirezi : <br /> MUSABYIMANA Simewoni, WAGIYE HE? URI HE? "NYAMWASAOSE" WARAYIKIZE?
K
Uyu Mbonyingabo arababeshya cyaneee!Ngi uzakubwira ko ahunze ubutegetsi azaba abeshye?!!!Noneho Kagame ni umutagatifu nta bantu yica?Nina ataragera mû muryango wanyu ngo abanze yice bamwe anarigise abandi abagize amahirwe abafunge ruriye abandi rutabibagiwe!Na général Kayumba niko yavugaga akiri mû gihugu ariko umubajije yakubwira ukuri uko ibintu bimeze mû Rwanda.Banyarwanda mwese murumve imbuzi,dore umugambi wa Kagame wamenyekanye.
Répondre
S
Ongera usome neza urasanga Mbonyingabo yavuze "umuturage usanzwe, utabarizwa mu nzego z' ubutegetsi..." ; uwo niwe avuga ko nakubwira ko ahunze ubutegetsi azaba akubeshya...
S
Hari umuntu watanze ubusobanuro bwo kuraguza ku mutwe ushize.<br /> Sinzi niba ushaka kutubwira ko ziliya miliyoni13 Kagome yishe ari uko zaragulijwe .<br /> Ntimukabuze abanyarwanda kubaho ; kwitabara no guhunga bibaye ngombwa ngo mubateze impanuro namasengesho . Imana ifasha uwifashije ; yahaye buri wese ubwonko bwo gutekereza . Nizeye ko mu bwicanyi butaha Gatindi Kagome yivugiye ; ko nta munyarwanda uzongera gusyeturwa nkikimonyo! Niyo bagira imbunda barasa muzabihambeho ntihazagire uwongera kwicwa bunyamaswa . <br /> Nka biliya byabaye bica umuzunguzayi ; dasso umwishe akadefila akagenda ! Ubundi mu gihugu gitegekwa na ba gahini nkiki cyacu uwishe yagombye kugenda mu isandiku imwe nuwo yishe . Uburenganzira twatswe nibisambo tuzabwisubiza dufatanye urunana.
Répondre
S
Isomo rya mysticisme (suite) :<br /> Ngo "ziriya miliyoni 13 Kagame yishe, ni uko zaraguzaga?"<br /> YES!<br /> Biriya bisobanuro natanze ni ibirebana n' UMUNTU UMWE KU GITIKI CYE ; ariko na none BIKORA NO KU BUZIMA BW' IGIHUGU, BW' UMUGABANE W' ISI, KU ISI YOSE NO KURI COSMOS YOSE ; ahubwo wowe, mbere yo kubihinyuza kuko utazi imukorere y' ayo mategeko, banza ubaze cg ushakishe kuri internet, nusanga mbeshya ubone kuza kunyomoza. Kandi ureke kubivanga no "KUTIRWANAHO KW' ABAHOHOTERWA" : sinigeze nsaba abantu ngo nibabakubita urushyi ku itama ry' iburyo, bazatege n' iry' ibumoso ; oya, urambeshyeye rwose! Ahubwo ufite ikibazo kuko uri gushora abantu mu mirwano, wowe n' abawe mwibereye ikantarange murya inkarange z' abazungu! Umutware nyawe atwara abo ayobora abikoreye ku mutwe, apana, mu bigambo gusa! Jya kubibabwirira imbere yabo kandi niba utabishoboye ubareke bazi uko bazirwanaho.<br /> Muri spiritualité, igihugu ni nk' umuntu : kigira esprit igishinzwe, kigira imigisha iyo kiyobotse Imana Nzima yagihanze, kikagira imuvumo iyo kirirwa kimenera amaraso za nyabingi ngo aha kirashaka kumenya kazaza kayo! Ahubwo LES ECOLOS bagombye guhaguruka bakabamagana kubera guhohotera inkoko bagaburira nyabingi (ugomba kuba wababajwe n' uko nikomye nyabingi zanyu! Ugombe kuba utari igishegu ahubwo uri umugirwa ; peu importe, igihe cyanyu muri ruriya RWANDA RWATUWE KRISTU-MWAMI cyararangiye ; niba ugirango ndakubeshya, soma : www.karabaye.com : ubuhanuzi : "ubutumwa umubyeyi Bikira Mariya tahaye Byishimo ku itariki ya 15/08/2016" ; reba uko avuga uduhugu duto : UBurundi ubungubu, URwanda ejo! Ngirango uribonera ko kumenya ibigiye kuba i Rwanda bidasaba kubogora AMARASO Y' IKIREMWA GIHATAZE KU MAGURU YOMBI, YEWE HABE N' IGITONYANGA N' IKI KIMWE ; NÉGATIF!).<br /> Nkubxire se iby' iriya noti y' amadolari 10? <br /> Ibi bibaze ba Illuminati, Franc-Maçons, Rosicruciens et autres Ekankars barabigusobanurira niba ukibereye mu mugono!<br /> GUPFA KW' ABANTU N' IYO BABA ARI BENSHI GUTE SICYO KIBAZO, IKIBAZO NI UKUBERA IKI BAPFUYE CYANE KO BITINDE-BITEBUKE NTAWE UTAZAPFA!<br /> KUKI BAPFA KARIYA KAGENI?<br /> ESE UZI MURI SPIRITUALITÉ NA THÉOLOGIE, WABA UZI ICYO BITA : "PURIFICATION, EXPIATION?"<br /> Muri buriya Butumwa bw' Umubyeyi, arasaba ABALEJIYO guhagurukira urufamba kuko aribwo rugihinama kandi akizrza ko ABE NTAKIZABAKORAHO nk' uko atahwemye kubihanurira i KIBEHO mbere y' uko MATA 94 yandika amateka! N' ubu niko bimeze : BENSHI BARAGIYE, BOSE BARATASHYE ; ABIGOMETSE BAKANGA KUYOBOKA JAMBO NO KUMVA IMPANURO ZA NYINA ; NI EJOBUNDI, NIBIRANGIRA UKABA UGIHAGAZE TUZABISUBIRAMO, DORE KO NJYE AHO NZABA MPAGAZE MPAZI NEZA NTA SHITI : MU MATONGO Y' IBIGABIRO BYA NYABINGI ; BLAGUE À PART!
N
@ aba ba DMI batukana bakoresheje Ryangombe<br /> Ikibazo abanyarwanda bafite ubu ni Gatindi Kagome . Naho mwe muri za Mukotanyi zambaraga ibitenge bya Kinani ku mabariyeri !<br /> Mwa bashenzi mwe se mushaka gusobanura ko umunyarwanda ayobewe uwamwiciye !<br /> Icyo kinyoma mwicariyeho mu Rugwiro limwe kizabakamana !
Répondre
I
kwica byo twali dusanzwe tuzi ko biliho,aliko ikigaragara ni uko noneho hagiye gupfa benshi kandi mu gihe gito, dore ko uyu mwaka 2016 urangiye,2017 ikaba ili ku muryango. na byo bizitwa itsembatsemba ryatangiye mu 10/1990.
Répondre
M
Iyinkuru nibinyoma, nibyo Kagame agira amayeri menshi yokwica impunzi muri za diaspora, ndumunyarwanda, nibindi. Uyumwanditsi rero kutubwira ngwakora muri presidanse, ibiyavuze nudakora muri presidance yabyandika. Nonese kuki avugango abarihanze bakwiye kutishisha abava mugihugu kandi avuga yuko hari abazagirwa ibyitso kwica abarihanze? sinshyigikira kwanga abantu bavuye murwanda, ariko mukwiye kubagenzura mukamenya ikibagenza. Icyambere umuntu uhunga ubu akubwira yuko ahunze ubutegetsi wumuturage azaba akubeshye. Ibibazo biri murwanda umuntu akwiye guhunga ni nzangano zamoko, ubukene, nokubura akazi. Uzakubwira yuko ahunze adahunze ibyo azaba akubeshya aje kwica impunzi.
Répondre
G
hahahhaha! wari ubikoze byose iyo utazanamo kiriya gisahiranda ngo ni Rukokoma! Izo maneko zasanze ngo abahutu bo hanze n'ab'imbere bakunda Rukokoma umenya zarinze intelligency ikigoroba! Mpamya ko abahutu barenze 80 ku ijana baba abari hanze cyangwa abari mu gihugu nta numwe ucira kiriya gisambo ngo ni Twagiramungu.<br /> Naho ngo kuba abatutsi bifuza umwami muribeshya cyane, n'iyo upfa kubeshya ko bashaka RNC byibura. Njye ndasanga iyi nkuru ari iyo veritas yahimbye igamije kwamamaza igisamba Twagiramungu a.k.a RUKOKOMA
Répondre
@
Rukokoma niba ataragitanze ubu se noneho akirimo ? Ni Prime Minister harya?<br /> Niba nta bifuti yakoze ari guhena mu biki i Buruseli? Ngo ikimwaro ntikica koko!!
R
Aya mabyi atuka twagiramungu avuye mu kabuno kande? Menga ni aka nyiramongi cg ni akabuno kaboze ka nyina? Twagiramungu arakunzwe diiii! Abamwanga ni udukiga twumiye kuri ya ntumva yabo Habyara yanze kumva abajyanama kugeza bamufatanye igihugu. Murandetsa iyo muvuga nta nisoni ngo umubyeyi twagiramungu yatanze igihugu. Ikihe se yari afite? Yari perezida se yari minisitiri se yari ambassaderi se ,,,,,, wapi. Ihihugu cyatanzwe nimbwa zaba kiga zjkomeje ubutagondwa .
D
Niba baraguza baramaze Bizuru wa Kagolyi .
Répondre
B
Mwambwira igihugu kiyobowe n'aba bantou kimeze neza? Nta na kimwe...Reba mu myaka icumi gusa aho bagejeje u Burundi. Imana ibarinde u Rwanda! Puuu! Abantu bakiraguza au 21eme siecle!
Répondre
T
Ntawe urusha Hima-Tutsi kuraguza!
H
ubuhanuzi b'urwanda bwahanurwa naburi wese amaraso yabanyarwanda yamenetse guhera 1990 inyenzi zitera urwanda kugera uyu munsi ntacyahindutse. Byari koroha iyo na nyina wundi atabyara umuhungu. Twese tuva amaraso atukura. nomuri amerika abirabura bari-horera kubazungu kuko baba babona ntawundi wo kubatabara. Abanyamerika bafatanyije ninkotanyi mu guhonya ubwoko bwabahutu babanyarwanda ariko baribeshye cyane ibyo bakorera abirabura nabanyafrika iwabo muri amerika ninabyo bazanye mu rwanda no muri afrika yibiyaga bigali ngo ubwoko bwabahutu bwicwe burimburwe kwisi, hushireho abandi babe abacakara. Uyu munsi 2016 Abazungu bamaze gusubiza inyuma afrika yibiyaga bigali ho imyaka 100 guhera muri 1990 niho babishyize mubikorwa bafadha inkotanyi gutera urwanda hamwe no kwica, kurimbura abahutu babanyarwanda. Igihe kizagera twirwaneho. Ntakitagira iherezo.
Répondre
A
Kurimanganya!!!!!!!!!!!!!!! Barabamenye! Urata igihe! Mu maze imyaka 22 mwica, muroga, muniga, mukubita agafuni,mwohereza Rweru, murasa ku manywa y'ihangu!!!! Hanyuma u Rwanda nubu rutuwe na 12 millions. Muzumirwa! Kandi nawe wanditse iyi nyandiko bizakugeraho! Aya mayeri yanyu yataye agaciro! Harya ngo mufite amayeri 1000!!! You are finished!!!!!!! CSRF urata igihe!!!
Répondre
U
Hari umugabo duherutse kuvugana w'umuhanuzi gakondo ubwo narinamusuye ngo ampanurire ambwire niba bizagenda amahoro muri 2017. Nkuko bisanzwe uwo mugabo yagiye amfasha cyane mu kumenya ibigiye kumbaho akambwira uko ngomba kwitwara rimwe na rimwe akampa n'umuti wo kunywa cg kwisiga bityo ibibazo abanzi bange n'ibindi bigacururuka nkabirenga!<br /> Navuye i Lusaka mu mujyi nerekeza aho yari atuye ni nka mile 6 usohotse muri Lusaka werekeza mu majyaruguru. nahagaze mugatown gato cyane mbanza kugura inkoko n'urupapuro (uru mwita deplicata) narimfite n'amadorali icumi yo kumwishyura doreko ariyo yakira gusa. ubwo narakomeje ngera iwe ninjira mu gikari nsanga yicaye ku gatebe ubwo turasuhuzanya nicara kuri chair yari hafi aho! tuganira nka 5 min nuko ati ngwino mu cyumba sinakubaza ikikugenza kuko nkizi. ubwo twarinjiye nicara ku mukeka maze afata icyuma n'agasorori ati zana "bring the sacrifice" muha ya nkoko arayifata arayikomeza atema agatwe kayo maze acurika ajosi mu gasorori amaraso adudubirizamo<br /> nuko ashyira ya nkoko mu gasanduka gato gakoze mu mbaho arapfundikira anyaka rwa rupapuro n'amadorali ndamuha. ahina urupapuro mo kabiri asesekamo dollars arambika ku mukeka akoza intoki mu gasorori k'amaraso atonyangiriza ku rupapuro nuko arambaza ati ushaka iki? Nange nti "Ndashaka umbwire iby'amatora yo mu Rwanda azaba 2017 niba bizaba amahoro" nuko afata rwa rupapuro rurimo amadorari n'amaraso ararwitegereza atangira kuvuga ibintu byinshi bimwe simbyumve neza agezeho arambwira ati Amatora yo mu Rwanda azagenda neza ariko byakanya gato kuko umwaka utazashira ababyeyi batarata abana babo. nange numva sinyuzwe ndamubaza nti nonese hazaba intambara? ati bwira uriya mukuru wawe ko uko yigaragura mu bagore ariko agiye kwigaragura mu ntumbi niba adashatse inzira. (mfite mukuru wange uhora ashaka buri munsi iyo za Gitarama) nahise menya icyo avuze. arongera ati intambara izaba ntakabuza kandi uzaba ari imbere ntazarenga umupaka. yabisubiyemo inshuro enye zose ati amatora n'amara kuba ibintu bizahindura isura habeho ipfu zidasobanutse abantu bazatangira kuba benshi bashaka kwerekeza i Bugande na Tanzania ariko imipaka yose izafungwa ntacyangombwa cy'urugendo kizitabwaho ngo yewe hari uzatanga ibihumbi by'impiya ariko bange ko yambuka umupaka. ngo amazu azasenywa amaraso atembe kdi ngo ubuhungiro ni inzira iri mu burasirazuba bw'amagepfo. indi nzira ngo irigukoreshwa ariko igiye gufungwa! <br /> <br /> yambwiye byinshi biteye ubwoba ku buryo nawe yagezeho akihanagura amarira mu maso. yabaga amaze nkuri kureba video muri rwa rupapuro
Répondre
S
Munyarwanda, Kanyarwanda, Mwana w' i Rwanda,<br /> Ndashaka kugusobanurira akantu nifashishije BIBILIYA, n' ubwo mbona wahisemo inzira y' ubupfumu, amahembe n' ibitega (ni uburenganzira bwawe ariko ni n' inshingano yanjye yo kugukebura, nkaguhana, nkaguhanura, nkaguhabuura!), ubyihanganire ugerageze kumva icyo nzindukiye kugusobanurira ; OK! Dukomeze.<br /> Muvandimwe, KUMENYA KAZOZA SI IBINTU BIGOYE NA SHITANI N' AMADAYIMONI YAYO ARABIZI, ARABITANGAZA! Ibi nyine tubisanga muri Bibiliya aho amadayimoni yari azi YEZU ARI UMWANA W' IMANA, mu gihe abafarizayo n' abandi baherezabitambo bari bashinzwe kuyobora ubwoko bw' IMANA, batigeze barabukwa kugeza YEZU KRISTU anazuka! Uranyumva? <br /> NIYO MPAMVU UGOMBA KWITONDERA ABAPFUMU KUKO ABENSHI NAKO BOSE ARI ABUZUKURU BA BARIYA BARI BAZI KO YEZU ARI UMWANA W' IMANA ABANDI BAKIGONA.<br /> Ubu ngiye kuguhishurira ibintu biratuma uhita umera urumeza, UKICUZA impamvu izo nshuro zose WAHAYE UWO MUPFUMU IZO ZA SEKAGANDA :<br /> 1/ Kuki agusaba igitambo cy' inkoko?<br /> Iyo umupfumu asabye umukiliya we umushwi w' inkoko, ahita yumva ko nta kibazo kubera ko rusake igura ubusa ; OH, MON OEIL! <br /> Niba utari ubizi, hita ubimenya kandi ntuzabyibagirwe : muri "mysticisme" hakora icyo bita "analogie" ni ukuvuga "ishusho ishya n' ishushanya" ; bityo "INKOKO kimwe n' ibiguruka-inyoni byose, IHAGAZE KU MAGURU ABIRI, mu gihe impene, indama cg se ingavu, imbogo n' inzovu zo zigaze ku maguru ANE ; inzoka zikurunga hasi kimwe n' ibikeri n' ingona, ntiwabara amaguru bihagazeho ngo uzayarangize.<br /> NONE SE NCUTI, NKWIBARIZE : <br /> WAMBWIRA IKINDI KIREMWA GUHAGAZE KU MAGURU YOMBI KITARI INYONI, MAKAKI CYANGWA KANGURU NA ORQUE?<br /> MBWIRA! NI IKIHE KINYABUZIMA?<br /> TEKEREZA GATO NAWE WIBAZE : <br /> NI AYAHE MARASO UMUPFUMU ABA AKENEYE KUGIRA NGO AMADAYIMONI, AMAGINI NA NYABINGI ZE ZIBASHE KUMWEREKA KAZOZA? AY' INKOKO?<br /> MON OEIL!<br /> Rero, uriya mukuru wawe uba i Gitarama nako i Muhanga wirirwa ahinduranya abagore nk' uhindura amasokoreke cyangwa amasogisi, ntuzamurenfanye kubera ko amakosa ari ayawe cg ayanyu niba muri BENSHI mu muryango wanyu MUKIRAGUZA ; MWARANGIJE KUMUTANGAHO IGITAMBO MU BAPFUMU (ZA NKOKO) kandi si we wenyine ; hari n' abandi ukuyemo ABABATANGAHO IBITAMBO. Nugenzura neza, urasanga ko mu muryango wanyu abantu bakunda gupfa mu manzaganya ya za gisida z' imodoka, z' indege se (nduzi ko muri n' ishyanga, donc mukora ingendo mu byogajuru) ... MUBA MWARANGIJE KUBATANGA, BABA BAGOMBA KUGENDA, VAMPAYA NAZO ZIKABONA ZIKIKORA KU MUNWA ; WAGIRA NGO SE?!<br /> 2/ Amaraso ku rupapuro :<br /> Ni sinya-ture yawe uba uhaye SATANI ; WAGIRA NGO SE?<br /> 3/ ...<br /> Reka mbe ndekeye aho kuko narambirabye, njye ndangihe misiyo yanjye, ahadigaye ni ahawe ; uramutse ubishatse wasohoka muri UWO MUCANWA ; nusubiza hano ubisaba, twakwitambaza veritasinfo adminustrator bakaduhuza ariko nabwo ubaye ariyo nzira wahisemo, icyava gisifaye ni ukukubwira nti :<br /> "SAFARI NZULI"!<br /> KWAHELI!<br /> KWAHELINI!
N
Nta nzoga ya Nzonnyo=Nta kiza cya Kagame
Répondre
M
Kizwa,uve mubapfumu.Iby'abapfu biribwa n'abapfumu.kdi nkuko mwene data yaguhuguye iyo nkoko ni bene wanyu uba utanga.Ibya kagame ntibibarizwa mubapfumu.Amaso yawe n'ubwenge bishobora kukwereka aho igihugu kigana.
N
uretse na TF wiyubashye,uzwi,ukundwa,wize,wifite,kandi unasobanukiwe akaba anafitiye urwanda agenda nziza n'uwaduha umuswa cyangwa umusazi ariko ari umuhutu ijwi ryange ntibantunge imbunda mu cyumba cy'itora uyu muhutu nise imbwa bacunze nabi namutora kabiri
Répondre
U
Abo msg igenewe bayumvise .<br /> Niba ushaka abize kwandika no gusiga ; ushobora kubwira Kagame akabafungura bakagukorera cg akakuzulira abo yishe .<br /> Ndi umusomyi ugusubije ku giti cyanjye.<br /> Ndashimira aba batwibukije ko intwaro ya Kagame kuva yiba ubutegetsi bwigihugu ; ni ukwica no kwicisha abantu ! Amaf. Yo muri Panama niyo yishyurwa abamwicira : wa mutesi we uzabaze imilyango ya ba Karegeya ,Assinapol...cg nibikugeraho uzumva !
Répondre
W
Nagusabye kudusobanurira ikigomba gukorwa, sinagusabye kwiriza kuko umugabo yigira, yakwibura agapfa urupfu, yagira amahirwe bakamushyingura, yayabura bakamuhamba, yagira ibyago akagwa ku gasi akazananirwa guterekerwa.<br /> Ndakubaza, kandi nta busizi burimo, nti :<br /> "Ko utubwira ko muri gahunda 'y' umwaka wa 2016 wo gutaha amakwe', hateganyijwe kuzakoreshwa abahuje ubwoko kugandagura bene wabo kandi ukadusaba gusaabana nabo nta kubishisha", ubwo ntubona ko uri kuroha abari hanze mu ruzi barwita ikiziba?<br /> Tubwire : HAKORWE IKI KUGIRA NGO UWO MUGAMBI UBURIZWEMO CYANE KO HARIHO N' ANDI MATSINDA ATAZWI AGOMBA KWICA ABAZAMENA IBANGA? <br /> Nk' uko ubivuga, abo iyi nkuru igenewe, bumvise nabo abasizi barabikabiriza.<br /> TUZA, CURURUKA MWA! Ndabona wagira ngo nibwo ukivumbura ayo mabi ya système RDF-RPF! <br /> ESE KO NUMVA WITAKISHA, UJYA UZIRIKANA ABAMAZE IMYAKA 22 MU MASHYAMBA YA CONGO URWO BAGENDANA ISEGONDA KU YINDI? CYANGWA NAWE URI UMWE MU BAVUGAGA MURI 94-95 NGO ZIRIYA MPUNZI NIBAZIME IBIRYO, ZIRIYA NKAMBI ZUZUYEMO INTERAS NIBAZISENYE?<br /> HAKORWE IKI KUGIRA NGO TUMENYE ABO BAVANDIMWE B' ABACANSHURO KANDI TUBATESHE UMUGAMBI MUBISHA WABO?
T
Umwami Kigeli Ndahindurwa wa v yiteguye gusimbura Pilato Kagome Polo naho RNC nibo bamugaragiye ishyaka RNC niryo shyaka rya Kigeli Ndahindurwa wa v abarizwamo nkuko FPR ariya Shitani Kagome polo na RNC niya Kigeli Ndahindurwa wa v. Ntuye kukabeza byose mbibonesha amaso yange.
Répondre
N
Abantu bavuga kwiyicwa ryabahutu mu rwanda birantangaza cyane kuko nubundi kubaho kumuhutu uri mu rwanda birutwa no gupfa kandi abahutu hafi ya bose barishwe ntabahutu bakibaho mu rwanda nuwo ubonye aba ari abatindi nyakujya, abapfakazi gusa nimpfubyi gusa. Ntushobora kubona abahutu bagera kuri 15% mu rwanda. Barishwe barashize. Abantu batuye urwanda ni abavantara gusa kandi abatuye urwanda ubu nyibarenga 5 million bari hasi cyane. Bahora babeshya ngo urwanda ruratuwe cyane kandi abantu barashize.
Répondre
R
Ariko ko ntacyo muvuga ku mwami Kigeli? Koko se RNC igenda yigisha umwami mu Rwanda? Ni ubwambere mbonye inkuru ivuga umwami na RNC yandikwa kuri veritas!! Ariko ubundi RNC ivuga iki ku mwami?
Répondre
A
Dore akajagari kari muri iyi nkuru :<br /> 1/ "veritasinfo nicyo kinyamateka gisomwa n' abarwandiz benshi mu gihugu" ; nkhuu!!<br /> 2/ "MDR n' andi mashyaka...RDI ..." : ni kabonabose ko ari propaganda y' "INDOTO N' INZOZI NYARWANDA NZIZA" (undi we ngo "Twiyubakire Urwanda Moderne" nk' aho "moderne" nta gisobanuro bigira mu kinyarwanda! None se buriya, masenge azasobanukirwa n' icyo aricyo "Rwanda moderne"? IKINYARWANDA, di!) ;<br /> 3/ ngo "ntitugafate bene wacu bari mu Rwanda nk' intasi za FPR kandi nabo bayanga, bayirwanya...tujye tubafasha nk' abavandimwe, duhurize umugozi umwe..." ; nyamara mu gisoza ati : "...hateganijwe ko abahutu bazakoreshwa mu guhitana bene nyina b' abahutu, abatutsi nabo bakirenza beke se babo..." : none se niba ari uku bimeze, NI GUTE ABARI HAHANZE BAFATA BENE WABO, NTAKUBAKEMANGA KANDI WUMVA NYINE ARIBO BAGOMBA KUBAMESA? HEIN?! GUTE?<br /> Aha, ntibisobanutse, ni akavuyo, agatogo...tout simplement : akajagari! Ou bien?
Répondre
K
Mwitegereze neza uyu wiyita AMABYANKURU ,AMATIKU GUSA,...ni umuntu umwe!ikimenyimenyi yaribeshye hosé yandika mû cyapa!!!Niko DMI zikora ziba zishaka guhuma abantu amaso ku manywa y'ihangu.Ibyo uyu mugabo avuze byose ni ukuri kuzuye kuko twe turi mû gihogu turabibona ndetse birengeje n'uko yabivuze kuko we aba ari i Kigali wenda ntagere mû giturage ngo yihere ijisho.Gusa turamushima kandi tumusaba gukomeza kugira umutima wo gukunda igihugu."Les hommes passent les institutions restent".Naho ureke abirirwa babyinira umwicanyi Kagame ngo niko gukunda igihugu,ni nde wababwiye ko kagame ariwe gihugu?!
Répondre
N
AHO NAWE URATWIFATIYE, KUKO ABANDITSE IZO COMMENTS NTAHO BAHULIYE. NIZERE KO WIGEZE GUSOMA DMI MOZAMBIKE, WAVANYEMO IKI?<br /> NONE SE KOKO TUZAHORA MUBWOBA, AHO TULI HOSE? MUGIHUGU BO NDABUMVA, BABA BAGIRANGO BUCYE, NABATUYE HANZE TUJYE MU MYOBO?<br /> NTAHO MPULIYE NA DMI, ALIKO UBWOBA BADUHOZAMO, NAYO N'INTWARO YAILIMBUZI. NGAHO LIGITA,EJO BATAGUHITANA?
N
Murakoze kubulira abantu ko Kagome yubuye inkota nubwo atigeze na limwe ayisubiza mu rwubati. Naho abavuga ngo ni ibinyoma ni aba DMI babuza abantu kwihungira cg kureba icyo bakora ngo bilinde nababo.<br /> Izo nkozi zikibi zishimishwa nabantu bicwa na Kagome turaziyamye. Zijye kubyinira ku gihe ko zamaze abazunguzayi ; abaganga ; abanyamakuru ; nababuze imisoro babaha ngo bangatwe.
Répondre
S
Rukokoma ahwanya na savimbi. Azarenda ahera
Répondre
K
Oyaaa!!!! Nawe uri umuswa mu kwitegereza : Rukokos ntahwanye na Savimbi kubera ko uyu mutipe wa yari Inyeshyamba y'INTWARAMUHETO mu gihe umuheto wa Vawimusitini wo ari IBIGAMBO, GUSA ; icyakoze bitigiyisha isi y' Urwanda n' Ikinyaga n' Ubusozo n'Ubukunzi ndetse n' Ubunyabungo ; ingabo-inkinzo yo, ntuzayimubaze, habe n' imwe y'umutako nserukana mpamiriza mu NTORE Z' ABARINDANGWE BO MU GASARENDA N' I PINDURA ; Muzehe-Kijyana wacu, Ndaribwaribwa apfa gutontoma gato gusa, Bingwa Twagira akaba yayabangiye ingata ariko anatera yikiriza ngo "kibuno mpamaguru" ; niba ugira ngo ndabeshya cg ndaharabika, baza ulo byagenze nyuma y' amatora ya 2003 ; nako yari yagiye guhezagiza itorwa ry' Umuganji wa Yihanita! Rero, uyu Muzehe iyo bamukanze gatoya, ahita akora "Repli Tactique" itagira ishyerezo kubera ko "moyens de défense" yigirira nka Yonas w' i Pueto na Lunda-Northé ndetse na Luanda (=Rwanda) kuko hari igihe yayikozagaho imitwe ya kalash!<br /> Sigaho gishaka kutwifatira ku gahanga, di! Amakuru n' amateka ya politiki y' Afurika tuyakurikira isegonda ku rindi, turayazi, ntacyo watubeshya :<br /> TWAGIRAMUNGU Faustin AHWANYE NA KISHEKEDI wa MULUMBA :<br /> AMASO YABO YAHEZE MU KIRERE BATEGEREJE KO C.I.A IBICAZA MU RUGWIRO RWO KU KACYIRU NA NJILI!
2
Ndabona abantu hano basinziriye pee! Nkurikije ibyo uyu muntu yanditse ndasanga yavugishije ukuri uretse ko ibyinshi yabinyuze ku ruhande! Njye uri hano mu Rwanda ndasanga umuriro uzaka byanze bikunze mu mwaka w'2017! ku misozi abaturage barimo bifuza intambara ngo n'ubundi barapfuye ngo iyo ntambara nize vuba ikibyimbye kimeneke! None se uzaba wishwe n'inzara, ugafungirwa mu bitaro, ugakubitirwa imbere y'abana ngo ntiwubahiriza gahunda za leta, ukambikwa ubusa imbere y'abana ngo bari kugukarabya umwanda ... noneho ugatekereza ko abanyarwanda bari mu gihugu bitaye kuri ayo mahomvu yanyu y'uturere na politiki!! Rubanda irababaye kuburyo umuriro uzaka kandi ukazatungura benshi, nta nubwo tuzi niba uzashobora kuzima kuko birenze ubwenge! birababaje kubona abantu bari hanze batakambirwa n'abo mu gihugu aho kugira ngo babakomeze bakabazanamo ibitekerezo by'inzagihe! Abantu babaye abarakare kuburyo mudashobora kubyumva!
Répondre
V
ALIKO SE VERITAS NAYO NI NKA GASANDUKU KA POSTE. MUJYE MUSHUNGURA INKURU ZIZA HANO.
Répondre
M
ARIKO SE CYUZUZO CNRD NA WILSON BIGEZE BAVUGWA MURYI NKURU?<br /> INKURU IRABURIRA RUBANDA KO RUGIYE KWICWA NA KAGAME NAWE URAKIBEREYE MUNZANGANO N'AMACAKUBIRI!<br /> <br /> MURI BA BWENGE BUCYE PE!!
Répondre
A
UTABONA KO IBI ALI IBINYOMA GUSA,NI UKO ARWAYE KUTABONA. NI NKABYABINDI BIHERUKA NGO NI DMI MOZAMBIKE.
A
Ibyo uyu muntu avuga ni ukuri kw'amayeri ya FPR ikoresha mukwica abahutu ariko arasa nushaka kugaragaza ko Rukokoma nawe ari FDLR, ese nibyo? Kuki Rukokoma atabyivugira niba koko hari abayoboke afite mu mashyamba kuko FDLR yo yamuteye utwatsi, koko se yifatanyije na CNRD, kuki atabivuga?
Répondre
C
Uyu mwanditsi ndabona ari intumwa ya Fpr na Rukokoma. Uretseko ntagisya avuze ariko ari kutubwira uko fpr yaganje hose ndetse na Rukokoma akaba amaze kugira ingufu zishingiye mwishyamba rya CONGO NKA CNRED UBWIYUNGE YA WILSON!
Répondre
K
Murakoze kutwibutsa ko iyi gahunda yo kwica ; Kagome rusarurira mu nduru niyo agenderaho kuva yatera intambara yurukozasoni ya 90 + isaro lya genosayidi yapanze . Abakozi bumwicanyi mukeka bose nugukomeza kubashyikiliza inzego zibihugu byose murimo . Uretse gapfakare Kagome nta muntu muzi ma wifuza amaraso mu rwamubyaye ! Uyu utubuliye arakoze.Ntibidutangaje kuko "kwica " nilyo funguro lyiliya satani yiyita umuntu.
Répondre
B
Ibyo uyu muntu avuga byo nibyo Kagame afite gouvernement parallèle, ikora ku mugaragaro nidhinzwe ubwicanyi! Iyi ishinzwe ubwicanyi niyo yateguye imvururu zo muri Zambia. Abavuga ngo abakiga ntibiyumvamo Twagiramungu baribeshya kuko mu mwaka w'2003 abakiga benshi nibo bamutoye, ibyo by'abakiga n'abanyenduga ni amatiku y'abantu biryoheye hanze y'ihihugu twebwe tubana n'inyenzi zidukubita nk'abahutu zitarobanuye, uwaduha n'umuhutu uwo ariwe wese wadukiza aba bicanyi b'inkotanyi abaturage bamushyigikira kandi niko bizagenda.
Répondre
A
IBI BINTU BYITWA INTOX .UWABYANDITSE AGOMBA KUBA ALI UMUKOZI WA FPR .BYOSE BABIHIMBYE NGO BATERE ABANTU UBWOBA GUSA.
Répondre
M
Ibyo ni ukuri.ahubwo byaratangiye.
V
ngo abahutu bari abayoboke ba MDR uti nabahutu biyumvamo RDI rwanda rwiza ya twagiramungu rukororombya cyangwa rukokozi. uyu mwanditsi ntakintu nakimwe wanditse cyunga abanyarwanda buretse ubujajwa bwamacyakubiri,nta rukokoma nawe ubwe aziko byamubanye imyase ngo RNC ngo ifite ubukana mumajyepfo ya afrika mbega umwanditsi ufite irondakoko mumutwe, irondakarere ubujajwa gusa niba mwabuze icyo mwandika muratutanze
Répondre
L
Aha ariko muratubeshye ngo abahutu bose biyumvamo twagiramungu...! none se uyu Twagiramungu utagira ningabo yazabarengera gute...? nabariya bakiga se nabo bamwuyumvamo ...abahutu nta vrai leader bagira nabe nabatutsi bafite kagame ..
Répondre
M
Mugihugu cya Afrika yepfo mukwezi gushize nibwo uwitwa Alexis Bimenyi yishwe nizo za maneko zigira inshuti kandi ari abicanyi.uwo nyakwigendera mugihe yakiriye umwe murabo bicanyi nk'inshuti,bamaze gufata amafunguro no kugirana ikiganiro kirekire dore ko umugore wa nyakwigendera ndetse n'abana batari bahari mwayo masaha .uwo mutindi nibwo yasanze Alexi muri douche maze aramurasa ahita agwa aho.Abana n'umugore bageze murugo mumasaha y'umugoroba basanga umurambo ugaramye muri douche uvirirana.Banyarwanda aho muva mukagera cyane cyane abari inyuma y'igihugu mumenye abo mugira amacuti nabo muganira abo aribo.Abambari ba Kagame wo kwica uwariwe wese bibashobokeye waba atavuga neza cyangwa anenga ubutegetsi bwa Bujindiri.
R
Uwababwiyeko Rukokoma nta ngabo afite yarabashutse. Si umuswa bigeze aho.