Abaturage ba Somaliya barushishije abanyarwanda kubaho mu byishimo n’umunezero !

Aba ni abarwanyi bo mu gihugu cya Somaliya, nubwo bahora mu ntambara ariko baranezerewe kurusha abanyarwanda!

[Ndlr : Ku italiki ya 26/02/2016 Paul Kagame yari muri Amerika mu kazi ko gutanga isomo rya politiki muri kaminuza ya mbere ku isi ya Havard. Muri iryo somo yigishaga intiti, umwe mubanyeshuri yamubajije uburyo yiyongeje manda ya gatatu nako yigize umwami ! Mukumusubiza Paul Kagame yavuze ko nta manda ya gatatu ashaka ko ahubwo abanyarwanda aribo bari kumuhatira gukomeza kubayobora kubera ko bishimye ! Ariko se ko ibikorwa byivugira, Paul Kagame azaba umunyakuri ryari ? Koko se abanyarwanda barishimye ?]

Iki cyumweru tariki ya 20 Werurwe,ni umunsi mpuzamahanga wahariwe ibyishimo n’umunezero(Journée internationale du bonheur).Kuri iyo ngingo, « World Hapiness report » igaragaza uko abaturage b’ibihugu bitandukanye bakurikirana mu kwishimira ubuzima n’imibereho mu bihugu byabo (Classement des pays africains selon le Rapport mondial sur le bonheur).

Ibipimo 5 byagendeweho bishyira ibihugu byinshi bya Afurika ku myanya ya nyuma. Muri ibyo bipimo,harimo amafaranga umuturage yinjiza ku mwaka, ubwisanzure mu bitekerezo, imiterere ya ruswa, imyaka yo kubaho, uko abanyantege nke bafashwa(social support). Uretse Uburundi bwanyuma kuri urwo rutonde, ibindi bihugu bihoramo intambara biri ku myanya itari mibi cyane. Nka Somaliya iri ku wa 76 n’amanota 5.440.Naho Somaliland région (intara ya Somaliya) ni iya 97 n’amanota 5.057,Sudani y’Epfo ni iya 143 n’amanota 3.832.

N’ubwo Urwanda rutabaye urwa nyuma,rubarirwa mu myanya y’inyuma.Ku bihugu 157 byakorewemo isuzuma, rwaje ku wa 152 n’amanota 3.515.Byaba biterwa niki? Ese hari icyakorwa kugira ngo Abanyarwanda bakuremo iriya échec? Ab’imena bazavuga ko ntakizananirana kuko tumenyereye gushinyiriza no kwikomeza. Nyamara ibyakorwa si ibyo kuvugisha iryinyo rimwe. Nko mu bihugu 5 bya mbere, ari byo Danemarike,Ubusuwisi,Isilande ,Noruveje na Finilande, umuturage abarirwa ko yinjije nibura 20 000UsD(15 000 000frw)ku mwaka, mu gihe Umunyarwanda atarageza no kuri 1500 UsD (1000 000frw,keretse iyaba yinjizaga cyangwa yahembwaga nibura 75000frw ku kwezi!).

Nanone kandi muri ibyo bihugu, abanyantege nke n’abafite ibibazo by’ubukene bagenerwa amafaranga atuma baramuka(assistances sociales),n’abari mu bushomeri bakitabwaho ngo babashe kwigurira ibintu by’ibanze (aides et indemnités de chômage).Tutavuze no ku bindi,biragaragara ko urugendo rukiri rurerure.

Birashoboka ko hari ibindi bipimo byari gufatirwaho tukaba mu b’imbere. Tutirengagije uko kuri kw’ibyagaragajwe (byadushyize ku mwanya udashimishije) tuzagera kuri ubwo burenganzira bwo kubaho mu munezero ryari ?

(Ndlr) urutonde rugaragaza uko abaturage b’ibihugu by’Afurika bishimye, mu dukubo () hari umubare buri gihugu kiriho k’urutonde rw’isi umwaka w’2016

1	Algeria (38e ku mwanya w’isi)
2	Mauritius (66)
3	Libya (67)
4	Somalia (76)
5	Morocco (90)
6	Somaliland region (97)
7	Tunisia (98)
8	Nigeria (103)
9	Zambia (106)
10	Sierra Leone (111)
11	Namibia (113)
12	Cameroon (114)
13	Ethiopia (115)
14	South Africa (116)
15	Egypt (119)
16	Kenya (122)
17	Ghana (124)
18	Congo (Kinshasa) 125)
19	Congo (Brazzaville) (127)
20	Senegal (128)
21	Mauritania (130)
22	Zimbabwe (131)
23	Malawi (132)
24	Sudan (133)
25	Gabon (134)
26	Mali (135)
27	Botswana (137)
28	Comoros (138)
29	Ivory Coast (139)
30	Angola (141)
31	Niger (142)
32	South Sudan (143)
33	Chad (144)
34	Burkina Faso (145)
35	Uganda (146)
36	Madagascar (148)
37	Tanzania (149)
38	Liberia (150)
39	Guinea (151)
40	Rwanda (152)
41	Benin (153)
42	Togo (155)
43	Burundi (157)

Source: http://kubahonet.com