Rwanda: Ingaruzwamuheto z’abadepite zateze umutego Kagame! Ni gute azashyiraho abahindura itegeko nshinga kandi atemera ko rihindurwa?

Publié le 19 août 2015 par veritas

Ese Kagame ashobora gushyiraho itsinda ry'abahindura itegeko nshinga kandi ariwe ushinzwe kuririnda?

[Ndlr : Abanyarwanda bazi ubwenge koko ! Ingaruzwamuheto z’abadepite zagiye zikora ibikorwa zitegetswe na Kagame byo kwica itegeko nshinga none birangiye izo Ngar[Ndlr : Abanyarwanda bazi ubwenge koko ! Ingaruzwamuheto z’abadepite zagiye zikora ibikorwa zitegetswe na Kagame byo kwica itegeko nshinga none birangiye izo Ngaruzwamuheto zegetse urusyo rwo kwica itegeko nshinga kuri Kagame wazitumaga ! Imbere y’abanyamahanga n’abanyarwanda Paul Kagame yagiye avuga ko azubaha itegeko nshinga ; uko iminsi ishira niko yagiye agaragaza imvugo zigaragaza ko ari kurimanganya : Paul Kagame yabwiye abanyamakuru ko uko ameze atari umuntu wo guhindura itegeko nshinga, ubukurikiyeho avuga ko umuryango we wifuza ko yaruhuka akabona igihe cyo kwita ku mirimo yo mu rugo rwe ; nyuma aza kuvuga ko niba hatabonetse umusimbura ubwo azaba yarayoboye nabi akaba agomba kugenda n’ibindi byinshi yavuze. Byavuzwe kenshi ko abadepite badashobora gutinyuka gutangiza umushinga wo guhindura itegeko nshinga Kagame atabibatumye, none izo nkomamashyi z’abadepite nazo zishatse kugaragaza ko Kagame ariwe ushaka kugundira ubutegetsi, ziyambura inshingano zazo zemeza ko Kagame ariwe uzashyiraho itsinda ry’abantu bazadoda itegeko nshinga uko Kagame abishaka ! Niba Kagame yemeye gushyiraho abantu bo kudoda itegeko nshinga rye, ni uko yemeye rugikubita ko ariwe uri inyuma y’ibikorwa byose byo guhindura itegeko nshinga !

Ikinyoma cya Kagame ingaruzwamuheto z’abadepite zikaba zigikubitiye ahareba inzega!]uzwamuheto zegetse urusyo rwo kwica itegeko nshinga kuri Kagame wazitumaga ! Imbere y’abanyamahanga n’abanyarwanda Paul Kagame yagiye avuga ko azubaha itegeko nshinga ; uko iminsi ishira niko yagiye agaragaza imvugo zigaragaza ko ari kurimanganya : Paul Kagame yabwiye abanyamakuru ko uko ameze atari umuntu wo guhindura itegeko nshinga, ubukurikiyeho avuga ko umuryango we wifuza ko yaruhuka akabona igihe cyo kwita ku mirimo yo mu rugo rwe ; nyuma aza kuvuga ko niba hatabonetse umusimbura ubwo azaba yarayoboye nabi akaba agomba kugenda n’ibindi byinshi yavuze. Byavuzwe kenshi ko abadepite badashobora gutinyuka gutangiza umushinga wo guhindura itegeko nshinga Kagame atabibatumye, none izo nkomamashyi z’abadepite nazo zishatse kugaragaza ko Kagame ariwe ushaka kugundira ubutegetsi, ziyambura inshingano zazo zemeza ko Kagame ariwe uzashyiraho itsinda ry’abantu bazadoda itegeko nshinga uko Kagame abishaka ! Niba Kagame yemeye gushyiraho abantu bo kudoda itegeko nshinga rye, ni uko yemeye rugikubita ko ariwe uri inyuma y’ibikorwa byose byo guhindura itegeko nshinga ! Ikinyoma cya Kagame ingaruzwamuheto z’abadepite zikaba zigikubitiye ahareba inzega!]

Kuri uyu wa 19 kanama 2015, Inteko Rusange y’Abadepite yatoye itegeko riha ububasha Perezida wa Repubulika y’u Rwanda Paul Kagame bwo gushyiraho Komisiyo ishinzwe kuvugurura no kunononsora ibizavugururwa mu Itegeko Nshinga. Ibi bikaba byakozwe mu rwego rwo kwihutisha gahunda yo Kuvugurura Itegeko Nshinga ku busabe bw’abaturage.

Itsinda ry’abadepite 7 riyobowe na Hon Musabyimana Samuel, ryamurikiye Inteko Rusange ingingo 25 zigize iri tegeko, aho abadepite bose baritoye ku bwiganze bw’amajwi 74, umwanzuro wavuye muri aya matora bikaba byatangajwe ko uzashyikirizwa Umukuru w’igihugu Paul Kagame, ari na we uzagena Abakomiseri bazaba bagize iyo Komisiyo.

Ku itariki ya 14 Nyakanga, nibwo Abadepite bagize Inteko Ishinga Amategeko y’u Rwanda imitwe yombi bemeje ishingiro ry’ubusabe bw’abaturage ku ivugururwa ry’ingingo y’101 mu Itegeko Nshinga igena umubare wa manda z’umukuru w’igihugu, aho bari banditse basaba ko Itegeko Nshinga ryavugururwa, Perezida Kagame akongera akiyamamariza kuyobora igihugu.

Nyuma yaho ku wa 10 Kanama nibwo iyi mitwe y’abagize Inteko Ishinga Amategeko na none yongeye kwicara inoza ibyavuye muri raporo z’Abadepite bagiye mu turere dutandukanye tw’igihugu baganira n’abaturage batabashije kwandika cyangwa gutanga ibitekerezo byabo, aho aba badepite bahise banatangiza umushinga wo kuvugurura ingingo y’101, kimwe n’izindi ngingo zimwe na zimwe zo mu Itegeko Nshinga bivugwa ko zitakijyanye n’igihe.

Imwe mu ngingo zigize iri tegeko, isaba ko uyu mushinga wakwihutishwa bityo nubwo nta gihe kigenwa bigomba kuba byarangiye, ariko ko Abadepite bavuga ko bazakora ibishoboka ngo ubusabe bw’abaturage bwubahirizwe. Perezida w’Inteko Hon Mukabarisa Donatile yagi ze ati “Nta gihe twatanga cyo kuba ibi byamaze gushyirwa mu bikorwa, ariko icyo tuzi ni uko tuzakora ibishoboka byose tukabishyira mu bikorwa kandi vuba.”

Yongeyeho ko igisigaye ari ugushyikiriza Perezida wa Repubulika y’u Rwanda Paul agame ibikubiye muri iri tegeko ryatowe, hanyuma na we akagena abazaba bagize Komisiyo. Abantu bagomba kuba bagize iyi Komisiyo bazashyirwaho na Perezida Paul Kagame, bakazaba ari impuguke n’inararibonye mu by’amategeko ndetse ko bizaterwa n’abo Perezida yahisemo, atari ngombwa ko baba abadepite.

Makuruki.com