Zambia : Leta ya Paul Kagame na HCR byaguye mu mutego mutindi bateze impunzi none byabayobeye!
Urupfu n’ubuhunzi bifitanye isano nini bihuriyeho kurusha itandukaniro hagati yabyo ! Iyo umuntu apfuye asiga byose : Imitungo, inshuti, abavandimwe, ababyeyi, igihugu, umuco n’ibindi byinshi. Iyo umuntu apfuye ntawe umenya uko ubuzima agiyemo bumeze kandi mu gihe umuntu akiri muzima agira ubwoba bw’urupfu kuko ataba azi ubuzima agiyemo uko bumeze kandi agatandukana n’abo akunda n’ibyo yaruhiye byose ; abo asize nabo bagira agahinda ko kutazongera kubona uwo bakunda. Iyo umuntu ahunze nabyo bimera nk’urupfu, asiga byose agatandukana n’inshuti n’abavandimwe kandi ntabwo aba azi neza aho agiye uburyo azakirwa n’ubuzima azaba afite! Itandukanyirizo riri hagati y’urupfu n’ubuhunzi ni uko iyo byombi bigeze imbere y’umuntu amahitamo aba ayo guhitamo ubuhunzi! Iki akaba aricyo gisubizo impunzi z’abanyarwanda zagaragarije HCR, Zambia ndetse n’u Rwanda, bazisaba kuba impunzi cyangwa gutaha mu Rwanda (gupfa).
/http%3A%2F%2Fi.ytimg.com%2Fvi%2F5tBdD1mN7tM%2Fmaxresdefault.jpg)
Nkuko twabivuze haruguru, guhunga ni bibi, ndetse bikaba bigereranywa n’urupfu. Impunzi aho ziri hose ku isi ntabwo ziba zishimiwe n’abenegihugu kuko bazibonamo abantu baje kubatera ibibazo; ku mugabane w’u Burayi ho ni ibindi bindi kugira ngo ube impunzi kuri uwo mugabane uvuye muri Afurika kandi uri n’umwirabura! N’ubwo ubuhunzi ari bubi bwose abanyarwanda barabwemera kuko kuba mu gihugu cyabo kuribo bingana no gupfa! Ubuhunzi bwatangiranye n’iremwa ry’isi, ndetse n’umwana w’Imana Yezu Christu nawe yarahunze, mu gihe yahungaga ntabwo HCR yariho icyo gihe ngo imuhe ubuhungiro akaba ariyo mpamvu kuba abanyarwanda bahunga batabihabwa na HCR! HCR ikaba ifite abakozi bariye ruswa ya Paul Kagame bamubeshya ko bazakuraho ubuhingiro kubanyarwanda none ubu amaso akaba yaraheze mu kirere ! Igihugu cya Zambia kiyemeje gushyira mu bikorwa icyifuzo cya HCR na Paul Kagame cyo gukuraho ubuhunzi none cyarumiwe kuko cyabonye abanyarwanda baranze gutaha. Ese Zambia yaba izi impamvu abanyarwanda bahunga?
3.Mu Rwanda hatowe itegeko ry’uko umutungo w’umuntu wese wahunze igihugu leta ya Kagame igomba kuwufatira. Ese Zambia na HCR baba barahawe icyemezo na leta y’u Rwanda ko abazataha bazahabwa umutungo wabo? Ese bazahabwa n’indishyi z’ibyo iyo leta yakuye muri uwo mutungo n’ibyo yangije?
/http%3A%2F%2Fikazeiwacu.unblog.fr%2Ffiles%2F2013%2F11%2F911293_10151998497019395_512488571_n.jpg)
Iyo uri impunzi, ariko ku mpamvu z’amayeri no kurya ruswa kw’abakozi ba HCR nk’uko byagenze kubanyarwanda, ubuhunzi bwa HCR bugateshwa agaciro kandi iyo mpunzi yambuwe ubuhunzi ikanga kugengwa (gufata ibyangombwa) n’ubutegetsi bw’igihugu yahunze , iyo mpunzi yitwa apatride (utagira igihugu). Iyo impunzi ibaye apatride ntisubizwa mu gihugu yahunze ahubwo igengwa n’amategeko agenga apatride, iyo igihugu irimo kitayishaka HCR igomba gushaka ikindi gihugu kiyakira ariko kitari igihugu yahunze, iki akaba aricyo kibazo gikomeye HCR ifite ku mpunzi z’abanyarwanda zo kuva mu mwaka w’1995 kugeza 1998 yambuye ubuhunzi, izo mpunzi zose yazigize apatrides kuko zanze gufata ibyangombwa by’ubutegetsi bw’u Rwanda, HCR ikaba ifite inshingano yo kuzishakira ikindi gihugu kizakira kitari u Rwanda niba Zambia itazishaka kubutaka bwayo !
Kuwa gatatu taliki ya 25/03/2015, leta ya Zambia, umuryango wita ku mpunzi HCR na leta ya Paul Kagame ihagarariwe na Madame Mukantabana Séraphine, bagiranye amasezerano yo kongerera amezi 3 y’ubuhunzi ku banyarwanda bagera ku 6091 baba muri Zambia bakuriweho ubuhunzi ku italiki ya 30 kamena 2013! Icyo cyemezo cyo kwambura abanyarwanda ubuhunzi kikaba cyarafatiwe abanyarwanda bahunze hagati y’umwaka w’1959 n’1998! Izo mpunzi ziri muri Zambia zarinangiye, zanga gutaha ndetse zanga no gufata ibyangombwa bya leta ya Paul Kagame, bikaba byarabaye ngombwa ko zongererwa amezi 3 kugira ngo Zambia na HCR bakore ibishoboka byose bigishe izo mpunzi kandi bazihendahende, kugirango zitahe mu rwababyaye cyangwa zishake ibyangombwa bizemerera guturayo nk’abimukira ! Ese izo mpuhwe zo kwingingira impunzi gusubira aho zahunze ni amahoro ?
Nkuko twabivuze haruguru, guhunga ni bibi, ndetse bikaba bigereranywa n’urupfu. Impunzi aho ziri hose ku isi ntabwo ziba zishimiwe n’abenegihugu kuko bazibonamo abantu baje kubatera ibibazo; ku mugabane w’u Burayi ho ni ibindi bindi kugira ngo ube impunzi kuri uwo mugabane uvuye muri Afurika kandi uri n’umwirabura! N’ubwo ubuhunzi ari bubi bwose abanyarwanda barabwemera kuko kuba mu gihugu cyabo kuribo bingana no gupfa! Ubuhunzi bwatangiranye n’iremwa ry’isi, ndetse n’umwana w’Imana Yezu Christu nawe yarahunze, mu gihe yahungaga ntabwo HCR yariho icyo gihe ngo imuhe ubuhungiro akaba ariyo mpamvu kuba abanyarwanda bahunga batabihabwa na HCR! HCR ikaba ifite abakozi bariye ruswa ya Paul Kagame bamubeshya ko bazakuraho ubuhingiro kubanyarwanda none ubu amaso akaba yaraheze mu kirere ! Igihugu cya Zambia kiyemeje gushyira mu bikorwa icyifuzo cya HCR na Paul Kagame cyo gukuraho ubuhunzi none cyarumiwe kuko cyabonye abanyarwanda baranze gutaha. Ese Zambia yaba izi impamvu abanyarwanda bahunga?Kuba mu Rwanda ni ugupfa uhagaze !
Mu nama yo gucyura impunzi z’abanyarwanda ziri muri Zambia humvikanyweho ko ngo hazakoreshwa uburyo bwo kuzereka filime zizereka uko u Rwanda ari rwiza nkaho izo mpunzi zitaruzi ! Impunzi z’abanyarwanda ziri muri Zambia ntabwo zahunze ubukene bwari mu Rwanda cyangwa ngo zihunge imisozi y’u Rwanda itameze neza none ubu Kagame akaba yarayiringanije! Impunzi z’abanyarwanda zahunze urupfu ruri mu Rwanda rwazanywe na FPR-Kagame. Muri iki gihe abanyarwanda bari imbere mu gihugu basigaye bambaza (gutabaza) impunzi zahunze kubera ubuzima bubi babayemo ngo nibabatabare, umunsi kuwundi niko abanyarwanda baba bari guhunga basanga izo mpunzi mu mahanga, ese hari filime izarusha amakuru abo bahunze u Rwanda baba bafite ku gihugu bahunze? Impunzi z’abanyarwanda zizabona urwenya rwinshi rw’abazaba baje kuzisobanurira ibyiza by’u Rwanda !
Ni ubwo HCR na Zambia bazi neza amanyanga bumvikanyeho na leta ya Paul Kagame kugira ngo bibonere amafaranga, ntibazabura gusubiza ibibazo impunzi z’abanyarwanda ziri muri Zambia zitarabonera ibisubizo kugirango zishobore gusubira mu gihugu cyazo, bimwe muri ibyo bibazo ni ibi :
1.Umubare w’impunzi z’abanyarwanda ziri hanze (hatarimo iziri muri Congo) n’ibihumbi 71000, kandi inkiko Gacaca zivuga ko zashinje impunzi z’abanyarwanda ziri hanze icyaha cya jenoside zigera ku bihumbi 71; none se ko impunzi zose zagizwe abajenosideri ni iki kigaragaza ko nizitaha zitazahohoterwa?
2.Impunzi z’abanyarwanda zose ziri hanze bazishinja kuba zirwanya ubutegetsi buriho i Kigali, impunzi zose zikaba zitwa ko ari aba FDLR ni ukuvuga abanzi b’igihugu, kandi imbere mu gihugu hakaba hari kubera imanza ziri gukatira abantu igifungo cya burundu kubera gukekwaho gushyigikira ibitekerezo bya FDLR , none se niba abatarahunze bari gufungirwa gukekwaho gushyigikira ibitekerezo by’impunzi, izo mpunzi nizitaha zifite ibitekerezo byazo zizakirwa gute mu Rwanda?
3.Mu Rwanda hatowe itegeko ry’uko umutungo w’umuntu wese wahunze igihugu leta ya Kagame igomba kuwufatira. Ese Zambia na HCR baba barahawe icyemezo na leta y’u Rwanda ko abazataha bazahabwa umutungo wabo? Ese bazahabwa n’indishyi z’ibyo iyo leta yakuye muri uwo mutungo n’ibyo yangije?4.Ese ko impunzi z’abanyarwanda zahunze iyicarubozo, gutoteza abantu, gufungira ubusa, kutagaragaza ibitekerezo byawe n’ibindi, hari icyemezo Zambia na HCR bahawe na leta ya Paul Kagame ko ibyo bibazo byose bahunze ubu bitakiriho mu rwanda? Ese HCR yaba hari icyo yakoze ku mpunzi z’abanyarwanda zatahutse imirambo yazo igasangwa mu kiyaga cya Rweru ?
5.Ese igihugu cya Zambia na CHR bishobora kuzatanga ibisobanuro bigaragaza impamvu kugeza kuri iyi saha abanyarwanda bakomeje guhunga igihugu cyabo kandi ibintu bimeze neza mu Rwanda?
Ntabwo impunzi z’abanyarwanda ari injiji
Ibi tuvuze haruguru ni bimwe mu bibazo byinshi cyane bigaragaza ko mu Rwanda ubutegetsi buriho ari bubi cyane kandi akaba nta kizere gihari ko ibintu bizoroha mu gihe muri miliyoni 11 habuze undi muntu wasimbura Paul Kagame ahubwo ahaba arimo ategura kwigira umwami w’umuperezida bikanandikwa no mu itegeko nshinga ! Impunzi z’abanyarwanda zahunze politiki mbi, ntabwo HCR ishobora kuzishuka ngo izicyure mu mayeri ngo bikunde!
Ubusanzwe ntabwo impunzi isubizwa mu gihugu yahunze ku ngufu (nubwo bitubahirizwa bwose ariko nizacyuwe ku ngufu ziva muri Uganda izashoboye kurokoka zongeye guhunga !), akaba ariyo mpamvu HCR irimo ikoresha amayeri yo kubwira impunzi z’abanyarwanda ngo zifate ibyangombwa by’u Rwanda ariko zigume muri Zambia ! Iyo ufashe ibyangombwa by’igihugu wahunze biba bivuga ko utakiri impunzi ko kandi ugengwa n’ubutegetsi bw’igihugu wahunze,iyo bimeze gutyo igihugu cyaguhaye ubuhungiro kiba gifite uburenganzira bwo kugusubiza mu gihugu cyawe cyaguhaye ibyangombwa! Ayo niyo mayeri ategurwa muri Zambia uretse ko impunzi z’abanyarwanda zayatahuye!
Iyo uri impunzi, ariko ku mpamvu z’amayeri no kurya ruswa kw’abakozi ba HCR nk’uko byagenze kubanyarwanda, ubuhunzi bwa HCR bugateshwa agaciro kandi iyo mpunzi yambuwe ubuhunzi ikanga kugengwa (gufata ibyangombwa) n’ubutegetsi bw’igihugu yahunze , iyo mpunzi yitwa apatride (utagira igihugu). Iyo impunzi ibaye apatride ntisubizwa mu gihugu yahunze ahubwo igengwa n’amategeko agenga apatride, iyo igihugu irimo kitayishaka HCR igomba gushaka ikindi gihugu kiyakira ariko kitari igihugu yahunze, iki akaba aricyo kibazo gikomeye HCR ifite ku mpunzi z’abanyarwanda zo kuva mu mwaka w’1995 kugeza 1998 yambuye ubuhunzi, izo mpunzi zose yazigize apatrides kuko zanze gufata ibyangombwa by’ubutegetsi bw’u Rwanda, HCR ikaba ifite inshingano yo kuzishakira ikindi gihugu kizakira kitari u Rwanda niba Zambia itazishaka kubutaka bwayo !Nguwo umutego mutindi Paul Kagame na HCR bashatse gutega impunzi none ukaba ubashibukanye, Zambia akaba ariyo ibyungukiyemo kuko igomba gutegeka HCR kuyikurira kubutaka bwabo impunzi z’abanyarwanda yahinduye apatrides maze ikazishakira ikindi gihugu izishyiramo, ese bizashoboka? Impunzi y’umunyarwanda izafata ibyangombwa bya leta ya Kagame, Zambia ishobora kuyirekera mu gihugu cyayo ariko Zambia ikaba ishobora kuyirukana igihe cyose ishakiye igasubira mu Rwanda, ariko impunzi y’umunyarwanda yanze gufata ibyangombwa bya leta ya Kagame izaba igomba gushakirwa ikindi gihugu na HCR yitwa apatride, niyo mpamvu HCR mukuvuga ko yongereye amezi 3 ubuhunzi abanyarwanda yabukuriyeho yabitewe n’uko yasanze ariyo ikibazo kigwaho!
Abazi amategeko y’ubuhunzi bazadusobanurire ufite inyungu muri kiriya cyemezo cyo gukura ubuhunzi kubanyarwanda ; gusa impunzi z’abanyarwanda aho ziri hose zikaba zigomba kurushaho gutekereza gusubira mu gihugu cyazo zemye zitububa kandi zigatabara abanyarwanda bamerewe nabi n’ingoma ngome!
Ubwanditsi