Burundi: Amashyirahamwe arenga 300 arasaba Perezida Nkurunziza kutaziyamamariza manda ya gatatu!
Mu karere k’ibiyaga bigari haranuka urunturuntu rw’imvururu ziri gututumba mubaturage batuye ako karere bitewe ni uko abakuru b’ibihugu byo muri ako karere bashaka kugwa kubutegetsi basuzuguye amategeko nshinga bishyiriyeho. Abo bategetsi bose bafashe intwaro barwanya abayobozi basimbuye babashinja icyaha cyo kwigundiriza kubutegetsi no kudatanga demokarasi, none nabo bageze mu bihe bimeze nk’ibyo abo basimbuye bari barimo! N’ubwo Joseph Kabila atarava mu bwihisho ngo avuge kumugaragaro ko ataziyamamaza mu mwaka w’2016, abakongomani baryamiye amajanja, babona Kabila nta mugambi afite wo kuva kubutegetsi kuburyo umunota kuwundi imvururu zishobora kongera kubura muri Congo! Muri Uganda Museveni we yavuze kumugaragaro ko ubutegetsi afite atazaburekura ngo butazafatwa n’imbwa! Paul Kagame we ntaragera ku kiraro cyo gusimbuka manda yo mu mwaka w’2017 kandi akaba yizeye ko abanyarwanda yabacecekesheje, ariko akaba atazi ikiri mu mitima yabo! Naho Nkurunziza w’i Burundi yararuciye ararumira nyuma y’aho yagerageje guhindura itegeko nshinga, abadepite bakabyanga kandi amatora muri icyo gihugu akaba ashigaje amezi make ngo abe!
Ayo mashyirahamwe asanga itegeko nshinga ry’u Burundi rishimangirwa n’amasezerano y’amahoro yakorewe Arusha hagati y’abarundi kuko nayo ateganya ko perezida atagomba kurenza manda ebyiri. Umuvugizi w’ayo mashyirahamwe Vital Nshimirimana uyoboye umuryango witwa FORSC yasobanuye ko umukuru w’igihugu Nkurunziza arimo arangiza manda ya kabiri nk’uko biteganywa n’itegeko nshinga n’amasezerano y’amahoro y’Arusha. Nshimirimana arasaba Nkurunziza gukura urujijo mu barundi akavuga hakiri kare ko ataziyamamaza mu matoro y’umukuru w’igihugu azaba uyu mwaka w’2015.
Amashyirahamwe agera kuri 300 ategamiye kuri leta mu gihugu cy’u Burundi yatangiye gahunda yo kwamagana uguceceka kwa Perezida Nkurunziza Pierre ku kibazo cy’uko ashobora kuzongera kwiyamamariza manda ya gatatu. Mu kiganiro ayo mashyirahamwe yagiranye n’abanyamakuru, yagabishije perezida Nkurunziza amusaba kutazahirahira ngo yiyamamarize manda ya gatatu kandi itegeko –nshinga ry’icyo gihugu ritabiteganya. Mu gihe Nkurunzizi yaba yiyemeje gusuzugura itegeko nshinga akiyamamaza yaba akururiye igihugu ibyago bikomeye birimo imvururu zishobora kubyara intambara nk’uko bivugwa n’ayo mashyirahamwe.
Ayo mashyirahamwe asanga itegeko nshinga ry’u Burundi rishimangirwa n’amasezerano y’amahoro yakorewe Arusha hagati y’abarundi kuko nayo ateganya ko perezida atagomba kurenza manda ebyiri. Umuvugizi w’ayo mashyirahamwe Vital Nshimirimana uyoboye umuryango witwa FORSC yasobanuye ko umukuru w’igihugu Nkurunziza arimo arangiza manda ya kabiri nk’uko biteganywa n’itegeko nshinga n’amasezerano y’amahoro y’Arusha. Nshimirimana arasaba Nkurunziza gukura urujijo mu barundi akavuga hakiri kare ko ataziyamamaza mu matoro y’umukuru w’igihugu azaba uyu mwaka w’2015.Ntabwo ari ayo mashyirahamwe gusa arimo asaba Nkurunziza kudahirahira kuzongera kwiyamamaza kuko amashyaka yose y’i Burundi, amadini anyuranye, amashyirahamwe adaharanira inyungu za politiki ndetse n’umuryango mpuzamahanga, bose basaba Nkurunziza kutazongera kwiyamamaza. Igishya cyagaragaye muri iyi minsi ni uko na bamwe mu bayobozi b’ishyaka rya Nkurunziza CNDD-FDD barimo bamusaba kutaziyamamaza nk’uko itegeko nshinga ribiteganya. Bamwe mubayobozi bakomeye ba CNDD-FDD bagaragaje ko badashyigikiye ko Nkurunziza yakongera kwiyamamaza ni nka depite Richard Nimbesha uzwi nk’umwe mu bantu ba mbere bashinze ishyaka CNDD-FDD.
Petero Nkurunziza yavuze ko mu gihe ishyaka rye CNDD-FDD ryashobora kumutanga nk’umukandida ku mwanya wa perezida yakwemera kwiyamamariza manda ya gatatu, hanyuma urukiko rukuru akaba arirwo rwareba niba kwiyamamaza kwe kubahirije amategeko. N’ubwo Nkurunziza atekereza iby’urukiko, abagize ayo mashyirahamwe babwiye itangazamakuru ko nta kizere abarundi bafitiye urwo rukiko kuko rutashoboye kurenganura abadepite 22 birukanwe mu nteko ishingamategeko ntirugire icyo rukora. Abarundi bakaba babona inkiko zo mu Burundi zikorera inyungu z’ubutegetsi buriho kuburyo nta kizere zagirirwa!
Niba rero ikibazo cya manda ya gatatu gitangiye guhwihwiswa i Burundi , Nkurunziza akicecekera, ashobora kuzavuga ko agiye kwiyamamaza hasigaye ukwezi kumwe ngo amatora abe , umuriro ukaba ushobora kwaka!
Ubwanditsi