Rwanda: Bosenibamwe ntashobora gusimbuka iyi dosiye yo gutera ibisasu kiretse Kagame abyitambitsemo!
Ubanza ni Bosenibamwe hagakurikiraho Habumuremyi bari kubyinira icyama cya FPR!
Nsengiyumva Jotham, umwe mu itsinda ry’abantu 15 bashinjwa gukorana n’umutwe wa FDLR, kwinjiza intwaro mu gihugu mu buryo butemewe ndetse n’ubwicanyi, yemereye imbere y’urukiko ibyaha ashinjwa byose ndetse anagaragaza ko uyu mugambi wamenyekanye ari Guverineri w’Intara y’Amjajyaruguru, Bosenibamwe Aimé, wawuteraga inkunga.
/http%3A%2F%2Fwww.igihe.com%2Flocal%2Fcache-vignettes%2FL448xH302%2Fimg-20141211-wa0012-ae524.jpg)
Yagaragaje kandi ko ku ikubitiro Bosenibamwe yabahaye "avance" y’ibihumbi 500, ndetse umugambi nyir’izina ukaba waramenyekanye bamaze guhabwa miliyoni eshatu. Inteko y’urukiko yagize amakenga imubaza niba ataba ari amatakirangoyi no gusebanya, agaragaza ko ibyo avuga abifitiye gihamya, ko n’iyo guverineri yaba ahari yabisubiramo.
Kuri uyu wa Kane tariki 11 Ukuboza 2014, ni bwo Urukiko Rukuru, Urugereko rwa Musanze rwaburanishirije mu ruhame ri tsinda risigayemo 14 nyuma y’aho uwari Gitifu wa Cyuve yashatse gucika abashinzwe umutekano akaraswa. Nsengiyumva wabajijwe bwa mbere ni we wireguye ashinja Guverineri Bosenibamwe kuba yihishe inyuma y’ubwicanyi n’iterabwoba ryakozwe mu Karere ka Musanze mu ntangiro z’uyu mwaka.
Muri uru rubanza rwatangiye ahagana saa tatu n’iminota 45 yagaragaje ko umuzi w’icyaha wose ukomoka kuri miliyoni 10 z’amafaranga y’u Rwanda bemerewe na Guverineri Bosenibamwe kugira ngo bahungabanye umutekano w’Akarere ka Musanze. Yasobanuye ko Bosenibamwe yatanze izi miliyoni ashaka ko Umuyobozi w’Akarere ka Musanze yasigwa icyasha ku mutekano muke w’akarere ayoboye cyangwa akicwa kugira ngo atazamusimbura ku kuyobora Intara y’Amajyaruguru.
Yagaragaje kandi ko ku ikubitiro Bosenibamwe yabahaye "avance" y’ibihumbi 500, ndetse umugambi nyir’izina ukaba waramenyekanye bamaze guhabwa miliyoni eshatu. Inteko y’urukiko yagize amakenga imubaza niba ataba ari amatakirangoyi no gusebanya, agaragaza ko ibyo avuga abifitiye gihamya, ko n’iyo guverineri yaba ahari yabisubiramo.Nsengiyumva yakomeje agaragaza ko kuba ubuhamya atanze butandukanye n’ibyo yavugiye mu kwisobanura kwe kwabanje, ari uko ashaka kweza umutima we. Nsengiyumva yemera ko ari umurwanyi wa FDLR, avuga ko ari we warashe Umwofisiye wa Polisi wari ukuriye Ubugenzacyaha mu Karere ka Musanze, akanatera gerenade mu rugo rw’Umuyobozi w’Akarere, igahitana umwana w’umwaka n’igice.
Yemeye kandi ko ari we wateye igisasu cyakomerekeje abantu batandatu mu Mujyi wa Musanze. Ibi bisasu byose byatewe muri Mutarama uyu mwaka. Urubanza ruracyakomeje, haracyumwa ubuhamya bw’abo bakurikiranyweho ibyaha bimwe.
Inkuru y’igihe