Rwanda : Paul Kagame arashishikariza urubyiruko rw’igihugu kwica abarundi bamutuka ko bazamumesa !
Paul Kagame ategereje ko abarundi begera iyi KCC maze akabivuna!
Paul Kagame yategetse ko bazana abana b’urubyiruko mu nzu y’akataraboneka yitwa « Kigali Convention Center » kugirango agaragarize urwo rubyiruko ko yakoze igitangaza kitaba ahandi ku isi, icyo gitangaza cya Kagama akaba ari inzu yubatswe mu mabuye y’agaciro yasahuye mu gihugu cya Congo amaze kwica abakongomani barenga miliyoni 6. Kagame akaba yiyemeje guha urubyiruko rw'u Rwanda isomo ryo kutagira umususu wo kuzica abarundi bazaza gusenya iyo nzu! Uretse leta y'ibyihebe bya isilamu DAECH (Etat Islamique) yigisha urubyiruko kwica abanzi babo, Paul Kagame niwe mukuru w'igihugu kuri iyi isi uha amasomo urubyiruko rw'uburyo rugomba kwica abanzi be (Kagame)!
/http%3A%2F%2Fwww.igihe.com%2FIMG%2Fjpg%2F03-40.jpg)
«N’aba bose ubona birirwa bitaranga hariya hose bavuga ubusa, buriya ibyo babifitiye uburenganzira ariko hari umurongo ntarengwa. Igihe utaragera kuri uriya murongo ndakwihorera ukajya aho ukipfusha ubusa ukigira icyo ushaka cyose, ukabeshya abo ushaka kubeshya bakunda kubeshywa rwose ubwo burenganzira burahari. Ariko igihe utaragira kuri wa murongo ndakwihorera ariko n’uwugeraho ntabwo umenya icyagukubise, rwose munyumve uko niko bimeze.
Ubwo yafataga ijambo imbere y’urwo rubyiruko Paul Kagame yavuze akamuri ku mutima gasesekara ku munwa, yagize ati : « Iyi nyubako wumva ko waza ukayishyira hasi ! Oya, nakwica mbere y’uko uyigeraho, (amashyi y’urufaya)… niba hari abo bitera isoni, njye ntabwo bintera isoni, ndakurasa !! ndakumerera nabi rwose!» Urubyiruko rwahawe aya masomo meza yo kwica rwakomye amashyi biratinda kandi Kagame akaba yarushishikarije kurwana intambara nta bwoba yo kurengera ibyo yagezeho !
Ikibazo gikomeye Paul Kagame afite, ni uko muri iyi minsi asigaye avuga cyane intambara no kwica mu ruhame, abantu benshi bakaba bibaza impamvu asigaye avuga kenshi intambara no kwica mu gihe tuziko u Rwanda rumaze imyaka 22 ruri mu mahoro asesuye. Ubwo perezida w'igihugu cya Bénin yasuraga u Rwanda, Paul Kagame yavuze ko abazungu bagombye kumuha agahenge ; ese hari abazungu biteguye kugaba igitero ku Rwanda ?
Mu ijambo Kagame yabwiye urwo rubyiruko rw’intore nubwo rufite ikibazo cy’inzara, ubukene n’ubushomeri, niho yagaragaraje mu byukuri intambara ari kuruhamagarira kuzarwana iyo ariyo: iyo ntambara ntayindi ni iyo kurwana n’abarundi, akaba ategereje ko abo barundi barenga umurongo utukura gusa maze rukambikana! Paul Kagame ntabwo ashishikajwe n'ibibazo bikomeye urubyiruko rufite by'imibereho, ahubwo araruhamagarira ku mupfira mu ntambara agiye gushoza ku gihugu cy' Uburundi! Paul Kagame akaba yavuze iby'iyo ntambara muri aya magambo :
«N’aba bose ubona birirwa bitaranga hariya hose bavuga ubusa, buriya ibyo babifitiye uburenganzira ariko hari umurongo ntarengwa. Igihe utaragera kuri uriya murongo ndakwihorera ukajya aho ukipfusha ubusa ukigira icyo ushaka cyose, ukabeshya abo ushaka kubeshya bakunda kubeshywa rwose ubwo burenganzira burahari. Ariko igihe utaragira kuri wa murongo ndakwihorera ariko n’uwugeraho ntabwo umenya icyagukubise, rwose munyumve uko niko bimeze.Mbahe n’urugero muzi, njya mbona mu binyamakuru, mu mateleviziyo, abantu begera imipaka yacu bagatukana, bakavuga ko bazatu… bagatuka Kagame Perezida w’u Rwanda, njye nta gitutsi kibi wantuka ngo kimbabaze, kuntuka? Ndakwihorera nkore ibyanjye, ibyanjye bindeba biri hano mu Rwanda ariko ushatse kunkurikirana iwanjye, nibyo navugaga, kuri ibyo nta nzira ebyiri zihari. Naho abaza ku mipaka bagakoronga, gukoronga murabizi? bagatukanaaaa.. numvise amagambo ngo bazotumesa […] ariko nabo barabizi, bagomba kuba babizi ubwo ni wa murongo uba utararengwa ».
Nubwo Kagagame avuga ko abamutuka (abarundi) bavuga ko bazamumesa, ategereje ko barenga umupaka bakamusanga i Kigali akabona kubivuna; abantu benshi batangiye gushidikanya ku mbaraga za Kagame, hari n’ababona iyi mvugo ye ntaho itaniye na cya kivugo k’imbeba ku rubariro yari yarambuye inka nyirurugo yabona izindi nyamaswa zije muri urwo rugo ikazitera ubwoba ivuga ikivugo gikomeye ko igiye kuzirimbura ; uko izo nyamaswa zateraga intambwe ziyegera niko iyo mbeba yasubiraga inyuma kugeza icengeye mu mwobo !
None se imbaraga Kagame yari afite zatumye atera Congo mu mwaka w’1996 akava i Bukavu akagera i Kinshasa mu birometero ibihumbi 2 zagiye he? Ese aho ntabwo izo mbaraga arizo yahabwaga n’abazungu none ubu bakaba barazishubije akaba asigaye akangata gusa ?
Ubwanditsi