Rwanda : Amagambo ya Paul Kagame ahuye n’ayo Adolph Hitler yavuze mu bihe bye bya nyuma byo gutsindwa intambara mu 1945!
Paul Kagame yifashishije isengesho rya Hitler kugira ngo atere impunzi ubwoba!
Kuwa gatandatu taliki ya 09 Mata 2016, ubwo Paul Kagame yagiranaga ikiganiro n’abanyamakuru nyuma y’umuhango wo kwibuka ku ncuro ya 22 wabereye kuri stade Amahoro, abanyamakuru bamubajije ibibazo bijyanye n’ingengabitekerezo ya jenoside ivugwa i Burundi, ingengabitekerezo kuri interneti, umubano w’u Rwanda n’Ubufaransa n’ibindi. Paul Kagame yaboneyeho kugaragaza uburibwe ahorana mu mubiri, aterwa n’uko abanzi be yita interahamwe badashobora gutera u Rwanda ngo abavugutire umuti wa nyuma, Kagame yagize ati : «Uwampa ngo babigire vuba nkwereke. Rwose ndaribwaribwa mpora ntegereje, ariko bamwe bashaka no kubikora ubundi barabizi, bazi ko bitazabahira. Ngira ngo ni nacyo kibatinza. Ariko uwangirira ngo babigerageze!» Birumvikana ko iyo Habyarimana Juvénal aza kuvuga amagambo nk’aya ya Kagame bari kuvuga ko yarimo ategura jenoside, ariko kuri Kagame we ntacyo abantu babivugaho! Ese uyu muti wo kwica ukamaraho Paul Kagame ahoza mu kanwa, ntushobora kuzaba nkawawundi abanyarwanda bita «umuti wa mperezayo » ? Umugabo Adolp Hitler wari uyuboye Ubudage ajya gutsindwa nawe yavuze neza neza isengesho rimeze nk’iri rya Kagame!
/http%3A%2F%2Fwww.igihe.com%2Flocal%2Fcache-gd2%2Fc37d91575982081e9c5d5830f4aa650a.jpg)
Nk’uko intare ikoresha imbaraga nyinshi bigatuma isaza vuba ndetse bikayiviramo urupfu, na Paul Kagame niho ageze ! Kuva ku mupaka w’u Rwanda na Uganda yakoresheje imbaraga nyinshi yica abantu kugera ku mupaka wa Congo n’Angola! Izo mbaraga Paul Kagame yakoresheje nizo zitumye asaza vuba, ubu akaba ari kugaragaza intege nke zituma avuga amagambo yo gutera ubwoba nka ya ntare irwaye yuka inabi izindi nyamaswa ziyegereye ! Dore ingero zigaragaza ko Paul Kagame ari gukangata gusa :
/http%3A%2F%2Fwww.igihe.com%2Flocal%2Fcache-vignettes%2FL572xH273%2Farton40603-b30a1.jpg)
2.Mu kwezi kwa munani 2013 Madame Louise Mushikiwabo yahamagaye abanyamakuru i Kigali, abereka intwaro zikomeye u Rwanda rwiyemeje gushyira ku mupaka w’u Rwanda na Congo kugira ngo ruhagarike ubushotoranyi ingabo za Congo zashyiraga ku mutwe wa M23 no guhagarika ibisasu by’ingabo za Congo byagwaga mu Rwanda. Izo ntwaro zahise zerekeza i Bunagana ahari ibirindiro bikuru bya M23, zigezeyo zashwanyagujwe na kajugujugu z’ingabo zirwanira mu kirere z’Afurika y’epfo ; kugeza ubu ntabwo Paul Kagame cyangwa Mushikiwabo bari batubwira aho izo ntwaro ziherereye n’akazi zakoze kandi M23 yarahise yambuka umupaka ikagera mu Rwanda imaze gutsindwa urugamba ! Ese aho uwo muti wavugutiwe ingabo za Congo icyo gihe siwo ushobora kuzavugutirwa impunzi zigose impaka y’u Rwanda ?
Amateka aduha urugero rwiza rw’umugabo wari usumbirijwe n’intambara yashoje ubwe ; uwo mugabo yavuze amagambo ahuye n’ayo Kagame yavuze! Ibi bikaba byerekana ko amagambo ya Paul Kagame nayo ari ayo mu bihe bya nyuma! Umugabo witwa Adolph Hitler wayoboraga igihugu cy’Ubudage yararwanye agera mu Burusiya hafi ya Moscu, nyuma ingabo z’Uburusiya ziramugarukana zimusubiza inyuma cyane, ubwo ingabo z’Uburusiya zari zimaze kwambuka umupaka zinjiye mu Budage, izindi ngabo zirimo abongereza, abanyamerika n’abafaransa zambutse inyanja mu Bufaransa, Hitler akibemenya yarapfukamye avuga isengesho nk’irya Paul Kagame, yagize ati :«Mana ndagushimira cyane kuba noneho abanzi banjye ubahaye ububasha bwo gutinyuka kwambuka inyanja bakava kuri kiriya kirwa cy’Ubwongereza, ubafashe bambuke bose ntihagire numwe usigara inyuma, bityo mbone uburyo bwo kubarimbura bose nta numwe urokotse ! »
Kugira ngo dushobore kumvikanisha neza uburibwe buri mu mubiri wa Paul Kagame aterwa no kubonera igisubizo impunzi z’abanyarwanda zamuhunze yita abanzi be, turifashisha urugero rutangwa n’abahanga mu bumenyi bw’imibereho y’inyamaswa yitwa intare. Nk’uko abo bahanga babivuga, intare n’inyamaswa ikoresha imbaraga nyinshi cyane mu gukemura ibibazo ihura nabyo. Imbaraga intare ikoresha yica imbogo, nanizo ikoresha yica imbeba. Intare y’ingabo iyo igiye gukorana imibonano n’intare y’ingore ntabwo iguyaguya.
Intare y’ingabo iyo isanze iyo ntare y’ingore iri kumwe n’abana bayo, ya ntare y’ingabo ihita yica abana b’intare y’ingore kugira ngo iyo ntare y’ingore yemere gukora imibonano ntamahane kuko abana yari icungiyeho baba bamaze gupfa, ahubwo ikaba ikeneye kubona abandi. Intare niyo nyamaswa ipfa iri mu bwigunge. Kubera gukoresha imbaraga nyinshi bituma intare isaza vuba,iyo itagishobora guhiga kubera uburwayi cyangwa intege nke, nta nyamaswa nimwe iyegera kuko n’izibigerageje izuka inabi zigahunga kuko ziba zibwira ko ifite imbaraga zo kuzigirira nabi, amaherezo ya ntare ikazapfa iri yonyine ikaribwa n’impyisi !
Paul Kagame ameze nk’intare irwaye !
Nk’uko intare ikoresha imbaraga nyinshi bigatuma isaza vuba ndetse bikayiviramo urupfu, na Paul Kagame niho ageze ! Kuva ku mupaka w’u Rwanda na Uganda yakoresheje imbaraga nyinshi yica abantu kugera ku mupaka wa Congo n’Angola! Izo mbaraga Paul Kagame yakoresheje nizo zitumye asaza vuba, ubu akaba ari kugaragaza intege nke zituma avuga amagambo yo gutera ubwoba nka ya ntare irwaye yuka inabi izindi nyamaswa ziyegereye ! Dore ingero zigaragaza ko Paul Kagame ari gukangata gusa :1.Mu mwaka w’1995 ari ku Kibuye, Paul Kagame yavuze ko abanzi b’u Rwanda azabakurikirana aho bazahungira hose, ko muri Congo (Zaïre) ari hafi cyane, mbese ko ari utera intambwe imwe gusa akaba abagezeho ; ibyo yarabikoze mu mwaka 1996, yica impunzi z’abanyarwanda agera i Matadi ku mupaka wa Congo na Angola. None mu mwaka w’2016 Paul Kagame adukoreye agashya, atubwiye ko izo nterahamwe yicaga zidapfa kandi zikaba zidasaza, ubu zikaba ziri ku mipaka y’u Rwanda, akaba ategereje ko zinjira mu Rwanda ngo azivugutire umuti bwa nyuma ! Kuki izo nterahamwe zamunaniye mu mahanga ubu zikaba zishobora kwinjira mu Rwanda kandi avuga ko afite umuti wo kuzirangiza ? Kuki mu mwaka w’1995 u Rwanda rwari rufite ubushobozi bwo kurenga imipaka yarwo rukurikiranye umwanzi ariko muri uyu mwaka w’2016 rukaba rudashobora gutera ibuye i Goma cyangwa i Bukavu ?
Ibi biragaragaza ko ubushobozi bwo kwica bwa Paul Kagame bugenda butera intambwe busubira inyuma, akaba ariho ubwoba afite buturuka bikamutera kuvuga nabi nk’intare irwaye! Ese aho abo banzi ba Kagame ntibazagera ubwo barenga umupaka, akavuga ko abategerereje i Kigali ? Iyi mvugo ya Paul Kagame yo gucungira abanzi mu Rwanda kandi yarijeje abanyarwanda incuro nyinshi ko azabasanga aho bahungiye, niyo abanyarwanda baciyemo umugani bagira bati : «Genda mpongo urashaje ! » uyu mugani bakaba bawugereranya n’intare irwaye ariko ikabona impongo ziyica iruhande ntacyo zishisha, ikazura umugara gusa ariko idashobora kuzica! Ese kubwira impunzi Kagame yirutseho kugera muri Angola, Congo Brazza… ubu zikaba zaragarutse ziri ku mupaka w’u Rwanda ko nizinjira mu gihugu azazirimbura bizitera ubwoba ? Iyo akigira ubwo bubasha bwo kuzirimbura aba yarabikoze kera, kuko ntizamugarukanye kubushake bwe !
2.Mu kwezi kwa munani 2013 Madame Louise Mushikiwabo yahamagaye abanyamakuru i Kigali, abereka intwaro zikomeye u Rwanda rwiyemeje gushyira ku mupaka w’u Rwanda na Congo kugira ngo ruhagarike ubushotoranyi ingabo za Congo zashyiraga ku mutwe wa M23 no guhagarika ibisasu by’ingabo za Congo byagwaga mu Rwanda. Izo ntwaro zahise zerekeza i Bunagana ahari ibirindiro bikuru bya M23, zigezeyo zashwanyagujwe na kajugujugu z’ingabo zirwanira mu kirere z’Afurika y’epfo ; kugeza ubu ntabwo Paul Kagame cyangwa Mushikiwabo bari batubwira aho izo ntwaro ziherereye n’akazi zakoze kandi M23 yarahise yambuka umupaka ikagera mu Rwanda imaze gutsindwa urugamba ! Ese aho uwo muti wavugutiwe ingabo za Congo icyo gihe siwo ushobora kuzavugutirwa impunzi zigose impaka y’u Rwanda ?3.Paul Kagame yavuze ubwe ko u Rwanda rugomba kuzatabara ahantu hose ku isi hashobora kuvuka jenoside cyangwa se havugwa ko ishobora kuba, none ubu Paul Kagame ari kutubwira ko ari mu Rwanda gusa afitiye ubwo bushobozi ! Kuki Paul Kagame atatubwira aho ubushobozi yari afite mbere mugukumira jeniside n’ingengabitekerezo bwagiye? Ku kibazo cy’ingengabitekerezo Paul Kagame adushyira mu rujijo, avuga ko guhagarika interneti bidashoboka, bityo ko uburyo bwiza bwo kurwanya ingengabitekerezo ari ukwigisha amateka y’u Rwanda; aha Paul Kagame yerekanye ko imbaraga zishingiye ku ntwaro zidakemura ibibazo byose nk’uko akunda kubyigamba! Ariko nk’uko bizwi hashize imyaka 22 isomo ry’amateka y’u Rwanda ryaraciwe mu mashuri bitewe ni uko ayo mateka acira urubanza Paul Kagame, none se Kagame yemeye ko amateka y’u Rwanda yigishwa mu mashuri ?
Amateka aduha urugero rwiza rw’umugabo wari usumbirijwe n’intambara yashoje ubwe ; uwo mugabo yavuze amagambo ahuye n’ayo Kagame yavuze! Ibi bikaba byerekana ko amagambo ya Paul Kagame nayo ari ayo mu bihe bya nyuma! Umugabo witwa Adolph Hitler wayoboraga igihugu cy’Ubudage yararwanye agera mu Burusiya hafi ya Moscu, nyuma ingabo z’Uburusiya ziramugarukana zimusubiza inyuma cyane, ubwo ingabo z’Uburusiya zari zimaze kwambuka umupaka zinjiye mu Budage, izindi ngabo zirimo abongereza, abanyamerika n’abafaransa zambutse inyanja mu Bufaransa, Hitler akibemenya yarapfukamye avuga isengesho nk’irya Paul Kagame, yagize ati :«Mana ndagushimira cyane kuba noneho abanzi banjye ubahaye ububasha bwo gutinyuka kwambuka inyanja bakava kuri kiriya kirwa cy’Ubwongereza, ubafashe bambuke bose ntihagire numwe usigara inyuma, bityo mbone uburyo bwo kubarimbura bose nta numwe urokotse ! » Mu gihe ingabo z’abarusiya zari zitangiye kwinjira mu Budage , Hitler yakoresheje inama ya nyuma, muri iyo nama harimo abana b’ingimbi, nibwo Hitler yavugaga ati : «Nimuhe aba bana bose intwaro kimwe n’abadage bose, kuko abarusiya bari baratwihishe muri kiriya gihugu cyabo kirimo ubukonje none tugize imana baratwizaniye, tugomba kubica bose bakarangira, niba hari umudage wishwe n’umurusiya nta mutonyi n’umwe w’amarira nzasuka kuko azaba ari ikigwari » ! Amateka atubwira ko Hitler ariryo jambo rya nyuma yavugiye mu ruhame kuko yahise atsindwa ruhenu ahinduka amateka ! None se ko ibi byifuzo bya Hitler ku banzi be bihuye n’ibya Paul Kagame hari morale nimwe bitanga ku ntore ze cyangwa ni amagambo y’abicanyi n’abanyagitugu bageze mu bihe bya nyuma!
Amateka azaduha igisubizo.
Veritasinfo.