Rwanda: Taliki ya 17-18/12/2015 iminsi yo kwimika Paul Kagame, umwami w'umwicanyi uzasiga yoretse igihugu!
Banyarwanda, tubiseguyeho, ntabwo italiki ya 17 n'iya 18 Ukuboza 2015 ari amatariki yo kwimika umwicanyi Rwabujindiri Kagame uzasiga yoretse u Rwanda, ahubwo kuri ayo mataliki yombi nibwo Rwabujindiri yemeje ubwe ko azigira umwami w'umwega, uzagwa k'ubutegetsi yoretse imbaga, nta tora rizabimugira kuko yigize we! Twifatanyije n'abanyarwanda bose mu gahinda n'ibyago bikomeye bazaterwa n'uwo mwicanyi ruharwa! INGARUZWAMUHETO z'abanyarwanda ziri mu mahanga zikaba zihamagariwe kuzajya gutora itegeko ry'ubwiru bwa Rwabujindiri ku itali ya 17/12/2015 kandi batazi ibikubiye muri ubwo bwiru, ese ubwo bazajya gutora iki? Abanyarwanda bari imbere mu gihugu nabo ntibazi ibikubiye muri ubwo bwiru, ariko ngo bazatora itegeko ry'ubwiru ku italiki ya 18/12/2015!
Iyi mikorere ya Rwabujindiri ikaba ishoye igihugu mu nzira y'amarira n'agahinda, abanyarwanda bakaba bagomba kwitega inkurikizi mbi zizakurikira ubu bwiru! Ntabwo ari ubwa mbere isi igira umuyobozi wiyemeza kurimbura abaturage b'igihugu ayobora yibwira ko ari kubagirira neza. Kenshi hagiye havugwa umugabo witwa Joseph Staline (Icyuma cy'inyundo) wayoboye Uburusiya, yishe abantu barenga miliyoni 20! Uwo Staline niwe Rwabujindiri w'u Rwanda yarebeyeho ubugome! Muri iyi minsi 2, Veritasinfo yabateguriye filime ya Staline yerekana neza ko Rwabujindiri na Staline ari mahwi!
Ubwanditsi bwiyemeje kubagezaho iyi filimi ya Staline yerekana imikorere ye , murasanga ari mahwi bihuye n'imikorere ya Rwabujindiri! Aho muzajya mwumva bavuga Staline mujye muhashyira Rwabujindiri muzasanga ibikorwa n'imvugo byabo bihuye 100%! Ikibazo giteye amatsiko ni ukumenya niba amaherezo y'abo bagome bombi azaba amwe! Amateka niyo azatanga igisubizo!
Nimwirebere iyi filime kubabishoboye!