RDC-Rwanda : FDLR yiyemeje gushyikiriza intwaro zayo Congo n’umuryango mpuzamahanaga !
Abasilikare ba FDLR bubira amakamyo abajyana mu nkambi bagomba kurindirwamo
Guhera ejo ku mugoroba izi ni ingabo za monusco zari zitangiye gusesekara i Buleusa mu gutegura aho umuhango urabera
Kuri iyi paje turakomeza kubagezaho amakuru atugeraho kuri uyu muhango.
16H00: Nyuma y'umuhango wo gutanga intwaro, imbere y'abayobozi ba Congo, SADC, ONU, UA,UA n'abanyamakuru banyuranye , abasilikare ba FDLR bashyizwe mu makamyo (nk'uko mu bibona ku ifoto hejuru) yabajyanye mu nkambi bagomba kurindirwamo n'ingabo za SADC. Ijambo nyamukuru muri uyu muhango ryavuzwe n'uhagarariye leta ya Congo na SADC.
10H35: Umuhango wo gutanga intwaro uratangira ku isaha ya saa tanu muri Congo , ubu hamaze kugera abanyamakuru benshi ahitwa Gatiku ari naho umuhango ubera , indege za Monusco ziri kuzenguruka mu kirere zibungabunga umutekano!
«umugabo yihindukizamu kiryamo ntiyihindukiza mu ijambo !» FDLR ikaba yiyemeje gushyira mu bikorwa uyu mu gani imbere y’umuryango mpuzamahanga kuri uyu wa gatanu taliki ya 30/05/2014 kuko yiyemeje gushyikiriza Congo n’umuryango wa SADC intawaro zayo yari yararambitse hasi ku italiki ya 30/12/2013, igakora urugamba rwa politiki.
Kuri uyu munsi mu karere ka Buleusa muri Kivu y’amajyaruguru niho umuhango wo gutanaga izo ntwaro urabera. Muri iki gitondo umutwe udasanzwe w’ingabo za ONU ziri muri Congo, Brigade d’intervention umaze kuhageza imodoka 10 harimo za burende 3 zishinzwe kurinda umutekano w’abitabira uwo muhango.
Intumwa zatumiwe muri uwo muhango n’izi zikurikira :
1.Leta ya Congo irakira intwaro ikazishyikiriza SADC
2.Leta y’u Rwanda
3.Ibihugu bigize umuryango wa SADC, bizabungabunga umutekano w’impunzi
4.Imiryango mpuzamahanga ariyo : Umuryango w’abibumbye ONU, Umuryango w’ubumwe bw’uburayi UE,Umuryango w’Ubumwe bw’Afurika UA
5.Intumwa idasanzwe y’umunyamabanga mukuru wa ONU mu karere k’ibiyaga bigari
6.Intumwa idasanzwe ya Leta zunze ubumwe z’Amerika mu karere k’ibiyaga bigari.
7.Intumwa idasanzwe y’umuryango w’ubumwe bw’iburayi mu karere k’ibiyaga bigari.
8.Uhagarariye ingabo z’umuryango w’abibumbye Monusco muri Congo
9.Abanyamakuru mpuzamahanga banyuranye.
10.Abayobozi ba Kivu y’amajyaruguru banyuranye
Umutekano urabungwabungwa kuburyo budasanzwe n’ingabo za Monusco zifatanyije n’ingabo za Congo. Umuyobozi wa CPC Bwana Faustin Twagiramungu nawe yari yiteguye kujya muri uwo muhango ariko leta ya Congo imusaba kubireka bitewe ni uko Leta y’u Rwanda nayo yatumiwe, bityo Congo ikaba yarasanze byaba byiza Twagiramungu yakwifata kugira ngo bitaba urwitwazo rwo gusiba iyo mihango kwa leta y’u Rwanda. Veritasinfo yamenye kandi ko Leta ya Congo yagaragaje ko kubungabunga umutekano wa Faustin Twagiramungu byayitwara imbaraga nyinshi kurusha izo kubungabunga umutekano w’abaza muri uwo muhango cyane ko inzego zishinzwe umutekano muri Congo zari zifite amakuru ko hari imitwe ikoreshwa na Kigali muri Congo yiteguye kuzaburizamo uwo muhango.
Ubu muri Kivu y’amajyaruguru imitwe yoherejwe na Kigali guhungabanya umutekano muri ako karere, yatangiye gusubiranamo ikaba iri kurwana hagati yayo, imirwano ikaba ivugwa i Walikare ku musozi wa ONINGA aho Maï Maï Cheka iri kurwana na Pareco. Ubwo FDLR ishyize intwaro hasi, umuryango wa SADC wiyemeje kurinda umutekano w’impunzi zose z’abanyarwanda ziri muri Congo noneho FDLR kimwe n’amashyaka atavuga rumwe na leta ya Paul Kagame bigafashwa n’umuryango mpuzamahanga muri gahunda yo gutegura uko impunzi zose z’abanyarwanda zataha mu gihugu cyazo mu mahoro. FDLR ikaba ibaye ishyaka rya politiki risanzwe rititwaje intwaro.
Ubwanditsi.
Uko FDRL yashyize intwaro Hasi