Ni ukwitondera imvugo za Kagame kuko ameze nka wa mwami wa royaume ya Mossi !

Publié le par veritas

Intore-zo-mu-Bufaransa-copie-1.png

Ndlr : ku italiki ya 04/12/2010 Paul Kagame yabonanye n’intore ze mu gihugu cy’Ububiligi, maze asaba abantu bose ba muhunze gutaha kuko amayira yose yo kumukuraho afunze, yabivuze muri aya magambo agira ati : « Babandi rero baba hanze aha bababeshya bababwira ngo n’ushatse gutaha bakamubuza ngo : bazabanza bavaneho Kagame ! Ryari se ? ryari ! Byanyuze muyihe nzira se ? Iya demokarasi se ? iy’intambara se ? iyi he ?

 

Muri uku kwezi nabwo ku italiki ya 04/10/2012 ubwo yatangizaga umwaka w’ubucamanza Kagame yavuze ko abanyarwanda nibamusaba kuva kubutegetsi azahita abuvaho atazuyaje maze abivuga muri aya magambo agira ati « Ntavugira abanyarwanda ko atariko babyumva , niba nibeshya ko ntavugira abanyafurika ko atariko babyumva ; kubanyarwanda icya mbere muzansabe ndeke kubayobora kandi uwo munsi nzabireka ! Uwo munsi niwumva ko ndahagarariye inyungu z’u Rwanda uko bikwiye, njye nubinsaba ntihashira n’iminota ! ». Njye rero nkaba nibaza nti ni iyihe nzira abanyarwanda bazanyuramo kugira ngo babwire Kagame ko adahagarariye inyungu zabo uko bikwiye ?Iya demokarasi se ? cyangwa iy'intambara? twizere ko mu minsi iri imbere Kagame Paul azatubwira inzira imunogeye !

 

Umunyarwanda Nkuliyingoma Jean Baptiste wabaye Ministre w’itangazamakuru mu Rwanda (ku ngomba ya Kagame 1994-1995) arasesengura ijambo rya Kagame muri ubu buryo :

 

Sinabonye akanya ko kumva ririya jambo rya Kagame ariko niba avuga ko yakwegura abantu babimusabye ni ukwitondera ayo magambo. Nta kuri kurimo. Ushaka kwegura ategura uburyo azasimburwa.

 

None se ko visi perezida wa FPR ari Bazivamo urabona Kagame ateganya ko ariwe wamusimbura? Umunsi Kagame yiyemeje gusimburwa uzabibwirwa n'uburyo azashyira mu myanya abantu agamije kubategura. Kandi byose bizatangirira mu buyobozi bwa FPR.

 

Naho iby'ariya magambo yavuze ni nk'ibya wa mwami twize mu mateka wo muri royaume Mossi, bamwitaga MORO NABA. Ngo buri munsi ku gasusuruko yasezeraga ku baturage akababwira ko yigendeye hanyuma bakamwinginga batakamba cyane ngo niyihangane rwose akomeze abayobore. Hari ubwo bamugaruraga yatangiye kugenda rwose akagaruka bamubyinira cyane bavuza n'impundu nyinshi.  Kagame nawe nduzi ashaka kwigira Moro Naba.

 

Umuntu utemera ko banenga imyigishirize yo mu gihugu ayobora yakwemera kwegura babimusabye? Cyokora Imana igira amaboko wasanga ari jye wibeshya.

 

Mukomere !

 

Mushobora kumva aha uko kagame yavuzeko nta nzira yo kumukura kubutegetsi (2010) bikurikirwa n’ijambo yavuze ko bamusabye kwegura atazategereza umuno (2012)

 


 

 

 

 

Nkuliyingoma Jean-Baptiste (DHR)

 

 

 

Commenter cet article