Politiki: Gen.Byiringiro Victor yakoze coup d'Etat mu Mpuzamashyaka CPC!

Publié le par veritas

Byiringiro yibagiwe gushyiraho ifoto ye isimbura uwo ahiritse!

Byiringiro yibagiwe gushyiraho ifoto ye isimbura uwo ahiritse!

Nyuma y’aho Impuzamashyaka CPC ikoreye inama ku italiki ya 5/10/2014 ; mu byifuzo iyo nama yashyize ahagaragara ikaba yaramenyesheje ko umuryango mpuzamahanga usaba ko abafatiwe ibihano n’umuryango w’abibumbye batagamba kuba abayobozi mu ishyaka FDLR no mu mpuzamashyaka CPC kugira ngo bashobore gusaba ibiganiro bya politiki na leta y’u Rwanda kandi impunzi ziri muri Congo ntizigabweho ibitero bya gisilikare ; Général Byiringiro Victor yahise agira umujinya, afatanyije na Paulin Murayi uyobora ishyaka UDR ahita ashyira ahagaragara itangazo rivuga ko yirukanye perezida wa CPC akaba ari nawe Fondateri wayo Bwana Faustin Twagiramungu.  Général Byiringiro Victor ahita avuga ko ariwe umusimbuye kuri uwo mwanya w’ubuyobozi !
 
Iyi myitwarire ya Général Byiringiro yo gukora coup d’Etat mu mpuzamashyaka ya CPC ihise yereka abanyarwanda n’abanyamahanga umuco mubi waranze abasilikare mu Rwanda wo guhirika ubutegetsi ! Ibi bikaba byerekana ko nta munyepolitiki w’umusivili ushobora kugira ijambo imbere y’umusilikare, uretse nibyo byeretse abanyarwanda n’abanyamahanga ko urwishe ya nka rukiyirimo, ko nta demokarasi izigera iboneka mu Rwanda, ko n’abaharanira guhindura ubutegetsi bw’umusilikare w’umunyagitugu n’umwicanyi mu Rwanda Paul Kagame ntacyo bazageraho kuko abasilikare bazabahirika, bakabica! Iyi coup d’Etat ya Byiringiro yibukije amaraso y’abanyepolitiki yamenywe n’abasilikare bari bashinzwe kubarinda mu mwaka w’1973 no mu mwaka w’1994 !
 
Iyi myitwarire ya Général Byiringiro irerekana ko asuzugura umuryango mpuzamahanga, akaba yiyemeje kugira igitambo impunzi z’abanyarwanda ziri mu mashyama ya Congo kandi urupfu rw’abacunguzi ba FDLR kuri we akaba ntacyo ruvuze ! Kuri Général Byiringiro asanga agomba gukora nk’ibyihebe by’abarabu akarwana na ONU kandi uvuze ibidahuye n’uko abishaka akaba agomba kuraswa !
 
Ese iyi coup d’Etat ya Général Byiringiro muri demokarasi, idashingiye ku gitekerezo na kimwe izafata ? CPC igishingwa, DR.Paulin Murayi yavuye muri RNC huti huti abantu babibonye bagize amakenga, abandi bo babona azanywe n’urukundo n’impuhwe z’abanyarwanda, none ingeso mbi ntirara bushyitsi dore ikivuyemo ! Abanyepolitiki bibwira ko umusilikare wahindutse umunyepolitiki ahinduka , bahise babona ikitegererezo, Byiringiro arabyerekanye, iyo abuze icyo avuga , yibuka guhirika ubutegetsi kungufu !!  Umenya akazoza k’u Rwanda kaduhishiye ibitangaza byinshi !
 
 
Ubwanditsi.  

Commenter cet article

mahoro 09/10/2014 19:12

mwo kurushywa n'ubusa .agahinda k'inkoko kamenywa n'aho yatoreye.
waba utazi n'aho izo mpunzi ziri ngo ugiye kuzivuganira.
Baziteramo amagrenade na bombe mu makambi ,bzijugunya mu mazi no mu nzuzi uwavuze cyangwa akarohora n'imwe we ashobora kuvuga.
Abagambanyi binda nini bananiranywe na kagoma na fpr Kubera kuyitinya no kutayivugiramo bagombye gushyira ahagaragara amabanga n'amahano yayo yose bakayirega mu nkino no mu mahanga yose bakabona bakavugira impunzi zakijijwa n'asirikari ba fdr kandi nabo bamenyeko iyo hatabaho abaseviri ntibari kurenga Tingi Tingi .mwese mushyire imitwe ku gihe mwigirehamwe icyazana amahoro n'ubumwe mu Rwanda no mu karere mwokwirukira ibyubahiro n'ubutegetsi

Muto 09/10/2014 18:43

Ndagira ngo mujye mwivuga abo muri bo aho kwihisha inyuma y'ijambo ubwanditsi kandi muvuga amakosa. Kuvuga ngo Byiringiro yakoze coup d'État biteye isoni n'agahinda rwose. Itangazo mwashyizeho ngo ni irya CPC ntabwo twigeze tubona hari undi muntu wanditse wari muri iyo nama uretse izina rwa Rukokoma gusa. Ese Twagiramungu = CPC. Mutubwire nibura bake mubari muri iyo nama tubone koko ko hari abari baduhagarariye. Inama ntikorwa n'umuntu umwe kandi ihuza amashyaka menshi. None niba bavuze ko ntawundi mu baduhagarariye muri iyo mpuzamashaka wari uhari , mutangiye gusebanya ngo bakoze kudeta. Ese muzahagarika gucabiranya kugeza ryari? Muzareba kure ryari ngo mureke kwimiriza imbere inda zanyu mutekereze kubababaye? Nibura Byiringiro ari kumwe n'izo mpunzi mwita ko muvugira ariko se uwo Twagiramungu yaretse kumara guhaga divayi yarangiza akaziyitirira noneho akajya kuzireba akabona umubabaro wazo mbere yuko muvuga ubusa. Ngaho rero mugaruye ya mvugo ngo : Niyo Byumba yafatwa.... Harahagazwe. Mureke kumara guhaga ngo nimurangiza mukine kumubyimba impunzi.

INCABIRANYA RUKOKOMA WAMUNZWE NAMACAKUBIRI ASHINGIYE KWIRONDAKOKO NIRONDA KARERE NUBWISHONGOZI NDEN 09/10/2014 17:19

hahaha, rukokoma arwaye indwara bita SCHIZOPHRÉNIE AIGUË. BAVUGIRIJE RUKOKOMA NAZINGE AMABINGA , nawe azashinge ingabo ze, ese ubundi arinda yajya kugaba abasirikare ba fdlr ngo biyahure mumaboko ya onu ibabambe kuki rukokoma ashaka ko abandi bamubera igitambo? ujya gutera uburezi arabwibanza, rukokoma nawe
azatubere intangarugero YISHYIRE MUMABOKOA YA LETA YUBUMWE MURWANDA IMUBAMBE KUKO AGENDA AYISEBYA ? namara kwiyahura nibwo tuzamenya ko akunda abanyarwanda, uùmuntu wumugabo warushijwe ubutwari na Ingabire victoire w’umugore !!!! baca umugani ngo CELUI QUI VEUT CHANGER LE MONDE COMMENCE PAR SOIS-MEME rukokoma rero nawe mbere yogusaba abandi ngo bigire ibitambo, nawe azabanze abe igitambo yishyire mumaboko ya leta y’urwanda kuko imushakisha kubera ibyaha yakoze birimo kubiba ivanguramoko mubanyarwanda, ideologie ya genocide ndetse nogusahura igihugu. Ibyo narangiza kubikora nibwo tuzamenya ko akunda izompunzi agira urwitwazo ngo azirireho, wowe rukokoma uri ntakigenda washatse gufata fdlr nk’ikiraro( bridge) unyuraho ugana munzira ifata ubutegetsi murwanda, ahubwo uwakoze coup d’état si byiringiro uwakoze coup d’état ni umugambanyi rukokoma kuko wagambaniye abo mukorana ubavamo ubasaba nukwishyira mmaboko ya onu, KUKI SE WOWE WANZE KWISHYIRA MUMABOKO YA LETA YURWANDA WACYONTAZI WE ???? njye nsanga rukokoma ari RUTEMAYEZE, arererererereeee, NGO ABANDI NIBIHINDUREMO IBITAMBO MAZE WE ABONE UKO AJYA KUBUTEGETSI,usibye kuba rukokoma ari nikigoryi ubanza ari numusazi, abahanga mubyubuganga bwomumutwe bazamukorere diagnostic barebe neza niba atarwaye ibisazi! yewe rukokoma we, kuki ukunda ibintu byacitse? kuki ukunda kuryanisha abantu? kuki wumva abandi bamena amaraso yabo ngo wowe ukunde ubeho neza? are you crazy? burya sibuno espece d’egoiste, espece de lache, espece de traitre, espece dedeloyal, espece de cupide, ahubwo gira ujye muri nursing home kuko ndabona watangiye kurwara ALZHEIMER urikunda ugakabya kandi ukibagirwa ko n'abandi bazi ubwenge, UZIKO IBYO UVUGA BYOSE NTANYURABWENGE RIBA RIRIMO!!!!! wwe niba ushaka ubutegetsi wagombye kuba malin ugategereza mukabanza mwagera mugihugu ukabona kwiyamamaza, naho kubwira umuntu ngo yiyahure wowe ukire uwo ubibwira akubonamo mwanzi, njyewe rwose sinshigikiye ko abicanyi abo aribo bose bayobora urwanda ariko kubwira umuntu ngo yitange wowe ubone uko ugera kubutegetsi nsanga nabyo ntabwenge burimo! rukokoma urahuzagurika cyane, buriya iyo uza kuba uri MALIN uba warageze kubutegetsi kera ariko kubera to ego surestimé ushaje ntacyo umaze, ntacy wimariye ntanicyo umariye abanyarwanda usibye kuba warateje imidugararo mugihugu !!! mubishe kinani urimo ( usibye ko urupfu rwa kinani ntacyo rumbwiye kuko nawe yishe kayibanda nakayibanda yica abatutsi abatutsi nabo bica abahutu, mwese muricyo kimwe = criminals, stupid and usless people) BURIYA IYO UBA URI KUMWE NA fdlr mumashyamba ya congo uriya mujenerali yari guhita akunyonga dore ko fdlr batagira impuhwe, buriya ntabwo ubazi sha rukokoma we, uzabaze abanyagisenyi nabanyaruhengeri uburyo fdlr yari yarabahahamuye, ikibabaje nuko na fpr yari yarabahahamuye batagire epfo naruguru ! bari hagati yashatse kubukora kuri his exellence PK amutera inshyi rukokoma arinyarira ahita ahunga, none amaze gushyira impumu yongeye kuzana ivogonyo kumucengezi washavuriye mumashyamba ya congo, ese iyo byirngiro arara mumbeho yibirunga rukokoma ntaba yiryamiye mumitamenwa ibulayi, none ngo abandi biyahure we abone uko ategeka., ? dore ibi nibyo yazize muri 95 ubo yasabaga abasoda ba FPR ngo bave kubutegetsi we abe perezida nkibaza nti igihe bararaga mubirunga mumbeho yomurugano rukokoma yari kumwe nabo ? yego ntibibaha uburenganzira bwo kwikanyiza ariko RUKOKOMA NAWE YEREKANA UBUSAHIRANDA NO KWIKUNDA BIRENZE URUGERO ! fdlr niba ishaka kurwanda guérilla muyireke kuko na onu yarayirashe birananirana nirambirwa izataha murwanda NAHO MWESE MUREKE IBYO KWITWAZA ABANYARWANDA NGO NIBO MUVUGANIRA KANDI NTAWABIBATUMYE

Ndayambaje 09/10/2014 17:16

Nk’uko bigaragara mu itangazo ryashyizwe ahagaragara kuri uyu wa Gatatu tariki ya 8 Ukwakira 2014 na bamwe mu bari bashinze impuzamashyaka CPC ( Coalition des Partis politiques pour le Changement), nyuma yo gusanga uwari Umuyobozi wa CPC, TWAGIRAMUNGU Faustin, arangwa n’igitugu kirenze kamere, kivanzemo ubwirasi, kwiyemera, kwishongora n’agasuzuguro bituma atumva inama z’abo bafatanyije mu buyobozi bwa CPC, baratanagza ko bitandukanije nawe.

Muri iri tangazo, abashinze impuzamashyaka CPC ( Coalition des Partis politiques pour le Changement), bavuga ko nyuma yo gusanga uwari Umuyobozi wa CPC, TWAGIRAMUNGU Faustin, arangwa n’igitugu kirenze kamere, kivanzemo ubwirasi, kwiyemera, kwishongora n’agasuzuguro bituma atumva inama z’abo bafatanyije mu buyobozi bwa CPC bitandukanije nawe bityo hakaba nta zindi nyandiko, ibyemezo cyangwa se amatangazo n’ikindi kintu cyose kireba impuzamashyaka CPC, TWAGIRAMUNGU Faustin yemerewe gukora mu izina ryayo.

Iri tanagzo riragira riti :

Abashinze impuzamashyaka CPC (les membres fondateurs) bitandukanyije n’ubugambanyi n’imikorere irangwa n’igitugu bya Perezida wa CPC Faustin Twagiramungu

Dushingiye ku itangazo rya Perezida w’Impuzamashyaka CPC ( Coalition des Partis politiques pour le Changement), Bwana Faustin TWAGIRAMUNGU ryo ku wa 06 Ukwakira hateranye inama nkuru ya CPC, Tumaze gusesengura neza ibyavuye muri iyo "nama baringa" yateranye ku wa 05 ukwakira 2014 tugasanga bigaragaza ubugambanyi,

Dushingiye na none ku mikorere y’igitugu isanzwe iranga Perezida wa CPC bwana Faustin TWAGIRAMUNGU. Twebwe abashinze Impuzamashyaka cpc uretse gusa ishyaka RDI-RWANDA RWIZA rya Bwana TWAGIRAMUNGU Faustin, Turamenyesha Abanyarwanda n’inshuti z’u Rwanda ibi bikurikira :

• Icyiswe Inama nkuru ya cpc yo ku wa 05 ukwakira 2014 yateguwe mu bwiru, itumizwa huti huti, ikanaterana hatitawe ku busabe bwa FCLR-UBUMWE n’ubwa RDU ( RWANDA DEMOCRATIC UNION) bwo ku wa 05 Ukwakira 2014 bugaragaza ibibazo by’ingutu byagombaga kubanza gukemuka mbere y’uko inama iterana, ku bw’ibyo, ntituyemera kandi ntiduha agaciro ibyayivuyemo byose cyane cyane ko ku bayobozi umunani mu bashinze cpc bagombaga kuba bayirimo hari babiri gusa (Perezida wa CPC n’umukomiseri ushinzwe umutungo nabo bo muri RDI - RWANDA RWIZA), Abandi aribo :

• Visi perezida wa mbere

• Visi perezida wa kabiri

• Umunyamabanga mukuru akaba ari n’umuvugizi wa CPC

• Umukomiseri ushinzwe politiki

• Umukomiseri ushinzwe ububanyi n’amahanga

• Umukomiseri ushinzwe umutekano

Ntibayijemo ku mpamvu zumvikana zavuzwe haruguru. Ntawabura rero kwibaza kubo perezida wa CPC yakoranye icyo yita "INAMA NKURU".

• Umuyobozi wa CPC, bwana TWAGIRAMUNGU Faustin, arangwa n’igitugu kirenze kamere, kivanzemo ubwirasi, kwiyemera, kwishongora n’agasuzuguro bituma atumva inama z’abo bafatanyije mu buyobozi bwa CPC.

• Umuyobozi wa CPC bwana TWAGIRAMUNGU Faustin yakomeje kurangwa no gutandukira nkana umurongo fatizo w’Impuzamashyaka CPC wo "GUHUZA IMBARAGA NO KUBUNGABUNGA UBUMWE BY’ABATAVUGA RUMWE N’INGOMA NGOME Y’AGATSIKO KA FPR-INKOTANYI" ahubwo agashishikazwa no kwivanga, kwinjira mu mikorere y’andi mashyaka agamije kubibamo amacakubiri no gushyamiranya abayagize.

• Mu itangazo ryo ku wa 06 Ukwakira 2014, umuyobozi wa CPC, bwana TWAGIRAMUNGU Faustin, wari usanzwe akemangwa n’Abanyarwanda benshi, yishyize hanze maze yigaragariza n’abari bagishidikanya ku bugambanyi bwe bwihishe mu bucabiranya no kwigira nyoni nyinshi yiyerekana ko ariwe wenyine gakiza k’impunzi z’Abanyarwanda cyane cyane abagorewe muri kongo, nyamara agamije kubacuza amaboko y’ababarengeraga,, abashora mu nkiko mpuzamahanga nazo dusanzwe tuzi imikorere yazo. Nta wabura kwibaza icyo apfana n’agatsiko k’abicanyi ka FPR-INKOTANYI kuko imvugo yabaye imwe.

• Kubera izo mpamvu zose tumaze kuvuga haruguru n’izindi tutarondoye muri iri tangazo, twebwe FCLR-UBUMWE na RDU TWITANDUKANYIJE KU MUGARAGARO N’UBUGAMBANYI N’IMIKORERE IRANGWA N’IGITUGU BYA BWANA TWAGIRAMUNGU FAUSTIN TUTACYEMERA NKA PEREZIDA W’IMPUZAMASHYAKA CPC dore ko yanakomeje kuba inzitizi mu kwaguka no kujya imbere mu mugambi wayihagurukije wo gutabara Abanyarwanda amazi atararenga inkombe.

• Bityo rero, nta zindi nyandiko, ibyemezo cyangwa se amatangazo n’ikindi kintu cyose kireba impuzamashyaka CPC Bwana TWAGIRAMUNGU Faustin yemerewe gukora mu izina ryayo.

• Mu gihe hatarajyaho undi muyobozi mukuru wa CPC wumvikanyweho, imirimo ye izaba ikorwa by’agateganyo na Visi perezida wa mbere wa CPC, Gen Maj BYIRINGIRO Victor. Ibindi birebana n’ubuyobozi bushya bwa CPC bizatangazwa mu gihe cya vuba.

• Impuzamashyaka CPC irakomeza gushimangira ko ishyigikiye bidasubirwaho Urugaga FDLR n’Abayobozi barwo bitanze kandi bakomeje kwitangira impunzi z’Abanyarwanda ziri mu burasirazuba bwa kongo.

• Impuzamashyaka CPC irizeza Abanyarwanda ko igiye kugaruka ku murongo fatiro yahagurukanye kandi ko izakomeza guharanira inyungu za Rubanda. Amarembo kandi aruguruye ku bayigana.

Bikorewe i Walikali n’ i Paris ku wa 08 ukwakira 2014

BYIRINGIRO Victor Gen Maj

Perezida wa FCLR UBUMWE akaba na Visi perezida wa mbere wa CPC.

Dr MURAYI Paulin

Perezida wa RDU akaba na visi perezida wa kabiri wa cpc

ABASANGIYE UBUSA BITANA IBISAMBO 09/10/2014 16:04

ABASANGIYE UBUSA BITANA IBISAMBO UMUTUTSI YAVUGA NGO ABAHUTU NI UBUSHYO BW'IMBWA NGO ARABESHYE, YAVUGANGO ABAHUTU BAMEZE NKABWA BURO BWISNSHI BUTARYOSHYA INZOGA NGO ARABESHYE MWIGIZE UDUTEBO NIMUREKE ABATUTSI BABAYOZE IVU RUKOKOMA RWOSE ARWAYE MUMUTWE AHUBUKA NK'UMUSUZI, KUBA YARABWIYE ABANTU AFATANYIE NABO NGO BIYAHURE MUMABOKO YA ONU KANDI WE BYARAMUNANIYE KWIYAHURA MUMABOKO YA KIGALI SINKEKA KO ARI BWO BUGABO, NIBA RUKOKOMA ASHAKA GUTANGA AMASOMO NABERA ABANDI URUGERO YISHYIKIRIZE LETA YA KIGALI NARANGIZA KUBIKORA BYIRINGIRO NAWE YISHIKIRIZE MONUSCO CG SADEC NAHO IBINDI NI IBIGAMBO BYUZUYEMO UBUSA RKOKOMA YIRIRWA ANNYAGAGURA, BURIRINGIRO NAWE GKORA COUP D'ETAT ATAGIRA IGIHUGU BYEREKANYE KO ARAMUTSE AGEZE KUBUTEGETSI YAKORA AMAKOSA ARUTA AYA FPR AHUBWO RERO INAMA NABAGIRA NIMWEMERE FPR IBAYOBORE KUKO MWESE MURIKWIKIRIGITA MUGASEKA, ICYAMBERE NTANGUFU ZA POLITIKI MUGIRA, ICYAKABIRI NTANGUFU ZA GISIRIKARI MUFITE ICYAGATATU NTABWUMVIKANE MUFITE ICYAKANE RONDAKARERE NIRONDAKOKO BYARABOKAMYE, ICYAGATANU NTIMUZI GUFATA IBYEMEZO, ICYKARINDWI NTA ORGANISATION MUGIRA ICYAMUNANI NTIMUZI UWOMURWANYA KO ABARUSHA BYOSE ICYACYENDA NTIMUZI KO UWO MURWANYA ASHIGIKIWE ICYACUMI UWO MUWRANYA AHO GUHEBA IGIHUGU YAKWEMERA AKAHASIGA AGATWE KANDI ABARUSHA INGUFU ZA GISIRIKARI NIZA POLITIKI UBWO SE MURI MUBIKI MWA BITAMBAMBUGA MWE ?

uburo bwinshi ntiburyoshya inzoga 09/10/2014 15:43

ariko uzi ko musetsa!!! ari rukokoma na byiringiro njye nsanga ufite power ari byiringiro: uti gute?
UYUMUNSI BYIRINGIRO ABWIYE LETA YURWANDA ATI NEMEYE GUTAHA ARIKO MUZAMPE UMWANYA UKOMEYE BAHITA BAWUMUHA WABA UTANAHARI BAGAKORA INDI MINISITERI NSHYASHYA NKIYO BAKOREYE RWARA KANDI YARI YARIGIZE ICYIGOMEKE,
ARIKO RUKOKOMA WE ATASHYE BAMUTA MUKAGOZI KUKO NTABWOBA ATEYE LETA MUGIHE BYIRINGIRO WE AFITE KUBA YABANGAMIRA UMUTEKANO W'AKARERE!!! YEGO NTAMBARAGA AFITE ZOKUBA YAFATA N'UMURENGE NGO AWUMARANE UMUNSI UMWE ARIKO IMBARAGA ZOKUYOGOZA AKARERE ARAZIFITE BYIRINGIRO AMEZE NKA ALSHABAB, NTABUSHOBOZI BWOGUFATA IGIHUGU CYANGWA AGACE KIGIHUGU AFITE ARIKO UBUSHOBOZI BWOGUHUNGABANYA UMUTEKANA WAKARERE ARABUFITE MUGIHE RUKOKOMA WE ARI BWEJAGURATION GUSA, NONE SE KUBWEJAGURA KWA RUKOKOMA MWIBWIRAKO HARI UWO BITUMA ARARA ADASINZIYE? ARIKO IYO INGABO ZA BYIRINGIRO ZIGABYE IGITERO AHANTU ZIKICA ABANTU ZIGAHITA ZIYABANGIRA INGATA ISI YOSE IRABIMENYA ABAYOBOZI BAKARERE BAGAHANGAYIKA, RERO MUJYE MMENYA GUTANDUKANYA IBINTU NJYE SANGA RUKOKOMA NTANARIMWE AZIGERA AGERA KUBUTEGETSI ADAFITE UMLUTWE WINGABO KANDI NA FDLR NAYO NTIYAGERA KUBUTEGETSI IDAFITE UMUTWE WA POLITIKI KANDI MURI IYO POLITIKI RUKOKOMA SIWE KAMARA, IKINDI NUKO ABAHUTU BIKIRIGITA BAGASEKA, HARIYA HARI UMWANA W'UMUTUTSI UTAJYA AGIRA UBWOBA KANDI AZI KUVUGA KUBARUSHA AZI KWIRWANAHO KUBARUSHA AFITE NIFARANGA MWE MUTAGIRA UBWO RERO MWEBWE BAHUTU NDUMVA MURI BABANDI BISWE KO BASANGIRA UBUSA BARANGIZA BAKITANA IBISAMBO , RUKOKOMA YARATANDUKIRIYE YAJYA KUBWIRA BYIRINGIRO NGO YIYAHURE

Mbonyingabo 09/10/2014 18:47

Ukobyamera kose ntabwo Byiringiro akwiye guhita yirukira kujya kuba presida wimpuza mashaka. Niba Twagiramungu harinamakosa yakoze hakwiye kuba Amatora bosebagahita bashiraho umuyobozi mushya. Gukora kudeta nurukoza soni.

John Mugisha 09/10/2014 15:36

Imisega yasubiranye mo. Mbega byiza weeee!

Kagembe 09/10/2014 09:26

Aba bagabo barimo gukina comedy, FDRL na CPC na Murayi ntibazi ikibuga barimo gukiniramo yemwe na opposition yose muri rusange.

Aba barwanyi bamwe bahuzagurika no gukora nta gahunda nzima bafite, reba Gen Kabirigi yabataye rugikubita kubera akavuyo kabo, Gen Bizimungu abonye ntaho agana yemera ko ajyanwa Arusha, Col Nkundiye kubera ubwenge buke atsindwa mu amajyaruguru n'abandi benshi bagiye babigwamo amanzaganya. Gen Rwarakabije abonye ko urugamba ariho ari urwa ndanze yemera ikiguzi yahawe na leta ya Kigali aritahira.

Nubwo Leta yu Rwanda ubuzima busharira ariko nanone aho gukomeza ugwa inyuma ya FDRL na opposition iri hanze aha wahitamo ukajya urya utukwa na FPR, kuko byibura bipfa kuruta. iyo ndebye opposition nsanga batazi icyo bashaka ahubwo bahora mu amatiku adashira, tujya tuvuga ngo Kagame na FPR nibo bashirika isoni bakandagaza abatavuga rumwe nabo none ndebera ibyo Gen Byiringiro na Murayi bavuze basebya Rukokoma muri make bamwandaritse kukarubanda.

Hari kimwe tutabona, Kagame ati muzankuraho mute, binyuze muri democracy se binyuze mu amasasu se ati ntibishoboka. ibi Kagame yavuze ndemeranya nawe kuko opposition yamaze kuyireba mu umutwe asanga ntacyo ariho ahubwo irimo kumuvangira gusa no gutuma atarya ibye neza, uretse ko yanavuze ngo urusaku.........ntirubuza gari ya moshi gutambuka. muri make nutakwambuye aragukereza. opposition nayo irimo gukereza Kagame naho ibyo kumwambura ingoma byo ni inzozi.

Kagame na FPR hagati yabo nibo bazisubiraniramo aribyo bizashyira iherezo kuri Leta ya FPR, kuko iyo ingoma isubiranyemo ntiba ikibashishije gukomeza (If the kingdom divides itself it can no longer last) turebesheje amaso yacu tukanasesengura cyane hagendewe ku ibiri kuba FPR izisenya ubwayo naho opposition yo irimo kumara amabuye gusa.

Rukokoma ihangane bibaho ntakundi, Murayi na Byiringiro nabo barimo barashyira iherezo kuri CPC. ngayo nguko

ntwari@hotmail.com 09/10/2014 11:25

Urebakure pe.gukuraho kagame byo nibyo ninzozi.wabonye abantu baryana ntacyo apfa?abanyamashya wagirango bari mwipiganwa gusa.ibaze iyo kagame ahuzagurika nkabo?ese ko mandera yitanze abasigaye bunze ubumwe bagera kuntego,iyo bahuzaguruka. Bari kuramura iki?bayingana baramubajije bati murarwanira iki?ati igihugu kimwe ururimi rumwe.nibirwanye rero ubwabo nibamara kwishungura bazarwanye kagame nahubundi kagame azadutegeka kugeza imana ikoze ibyayo.komera dukeneye abavugukuri nkawe basababanyamashyaka kwishungura.njye amashyaka yacu yaranyobeye pe.

Kwizera 09/10/2014 08:20

Inama ya Jonathan Ramihito niyo rwose naho Roméo Rugerero bagendera kumarangamutima ninabo ahari baroshye Byiringiro bamugira inama y'urukozasoni yo gukora coup d'etat batangiye kwijundika Twagiramungu na mbere ubwo Roméo yahuturaga ibigambo kumbuga bisebya muzehe Twagiramungu,ubu se ibyo barimo birarengera abanyarwanda cg birabamarisha.

Isumaeli 09/10/2014 06:24

Inama Ramiheto Jotham atanga abinyujije Ku Ikaze Ni ikurikizwe.Ryarahoze nawe igitekerezo cye Ni cyo Romeo Ni amagambo atagira inama SI icyo gikenewe .Delegation ijya gusobanura ibintu uko bimeze ,hashakwe n'amafranga Rwamiheto yavuze $20 njye nzayakuba kabili .Mutange ibitekerezo Kagame atadutanga nkuko asanzwe.

Mahuku 09/10/2014 05:54

Bariya bantu bari mashyamba bibereye mu gicuku koko. Udashinga arabyina ? Dr Murayi nawe agomba kuba atareba kure. Reka tubihange amaso. Gusa mbabajwe ninzirakarengane nyinshi zizagwa muri ariya mashyamba kubera gushukwa n`ingirwabayobozi bazo bibereye mu nzozi. Cyangwa yenda nibikomera uriya Byiringiro azamera nka Rwarakabije maze atahuke ajye guhabwa imirimo mu cyama.

Byiringiro 09/10/2014 02:17

Byiringiro aranjwa ntacyo yatwara Twagiramungu. Coup d'etat ye ni nko kwimatriba. Agaomba kuba atazi CPC icyo ari cyo.