Politiki : Impuruza ku banyarwanda mwese muri mu mashyaka ya politiki.Inkomoko ya muzunga mu mashyaka arwanya FPR !

Publié le par veritas

Gen. Jack Nziza niwe mucurabwenge yo kurimbura abatavuga rumwe na Kagame bose!

Gen. Jack Nziza niwe mucurabwenge yo kurimbura abatavuga rumwe na Kagame bose!

Mbanje kubasuhuza, muhorane amahoro y'Imana. Mbanje kubiseguraho bitewe n’ikibazo cy’umutekano wanjye nkaba ntari bushobore kubagezeho umwirondoro wanjye wose kuko ndi mu gihugu cy’u Rwanda kandi nkaba ndi umukozi wo mu rwego rw’umutekano rushinzwe ubutasi, ubwoko bwanjye nkaba ndi umututsi wavukiye mu gihugu cya Uganda.
 
Banyarwanda, banyarwandakazi, nyuma yo kubona ibimaze iminsi bihita mu binyamakuru bivugwa n’abatavuga rumwe na leta yacu, cyane cyane ibyo bikavugwa n’abiyita ko nabo batavuga rumwe n’abari i Kigali, wareba uburyo abo bavuga ko barwanya leta ya Kagame Paul bashyira ku karubanda amabanga y’abandi banyepolitiki batavuga rumwe na leta y’i Kigali bakabisohora mu kinyamakuru nk’«Ikaze iwacu» nacyo kivuga ko kitavuga rumwe na leta y’u Rwanda ; byatumye nanjye negura ikaramu kugira ngo mbwire abakurikira politiki y’u Rwanda ibi bikurikira :
 
Mumpera z'umwaka ushize w’2013 Leta y'u Rwanda imaze kubonako abatavugarumwe nayo barushaho kugira imbaraga cyane cyane nyuma yaho uwitwa  Faustin Twagiramungu ashingiye Impuzamashyaka CPC, byahangayikishije abayobozi bigihugu cyane perezida Kagame ; ibyo byatumye Kagame avuga ko habaye izuka ry'abahutu. Amanama yose yakozwe n’abayobozi mu Rwanda higwaga ikibazo kimwe gusa cyo kumenya uburyo Faustin Twagiramungu yashoboye guhuza amashyaka arwanya ubutegetsi bwa FPR. Mu mazu dukoreramo akazi Gen. Nziza yaje kudukorera inama ; yatubwiye ibyo yagombaga kutubwira bijyanye n’akazi kacu, yadusobanuriye ko bamwe muritwe tugiye kujya gukora urugamba rushya; inama irangiye batumenyesha amazina y’abagomba kujya mu mahugurwa yo gukora urwo rugamba rushya, izina ryanjye naryo rivugwamo.
 
Mu gitondo gikurikiyeho twese abahamagawe kujya mu mahugurwa y’urugamba rushya twahurijwe mu kigo cy’i Kanombe, badukoresheje inama tubwirwa amagambo menshi, ariko icyari kigamijwe mubyo twabwiwe byose ni iki gikurikira : Twese twigishijwe amagambo abarwanya ubutegetsi bwa FPR bagenda bavuga; badusobanurira ko twese tugiye koherezwa mu bice binyuranye byo ku isi tukagenda duhunze ; maze tukagenda tuvuga amagambo ahuye n’ayo amashyaka atavuga rumwe na FPR avuga ndetse tukagerekaho n’ibindi batavuga cyangwa se batazi, tukanerekana n’ingero z’ibyo tuvuga, bityo ayo mashyaka akatugirira ikizere tugashobora kwinjira mu nzego zayo zifata ibyemezo.
 
Mubyo tugomba kuvuga byibanzweho cyane ni ukugenda dusebya cyane Kagame, tuvuga ko ari umwicanyi akaba yarasahuye umutungo w’igihugu cya Congo. Mu gihe tuzaba tumaze kugera mu nzego z’ubuyobozi bw’ayo mashyaka bizadufasha kubona amakuru y’ibintu byose ayo mashyaka apanga gukora ndetse tumenye n’abantu bayarimo bafite ingufu n’ibyo bakora tunamenye ibihugu cyangwa imiryango ikorana n’ayo mashyaka, ayo makuru yose tukayashyikiriza urwego rukuru rushinzwe iperereza mu Rwanda maze hagafatwa ingamba zo kuburizamo ibyo bikorwa by’ayo mashyaka mbere y’uko ayo mashyaka abishyira mubikorwa.
 
Bagenzi banjye benshi boherejwe mu gihugu cya Congo kujya muri FDLR ndetse bamwe bakajya kubana n’imiryango y’abayobozi ba FDLR bakanayifasha kwandika inyandiko ziyimenyekanisha cyane no gufasha abayobozi bayo gukoresha ikoranabuhanga ry’itumanaho, ibyo bikazabafasha kumenya amabanga menshi cyane ya FDLR mbere y’abandi bantu bose. Abandi boherejwe mu nkambi ziri hirya no hino muri Afurika, abandi boherezwa mu bihugu bikomeye by’u Burayi. Twese badusabye ko umurimo wose ayo mashyaka azadusaba gukora tuzawemera ,yewe byaba ngombwa no gutekera abayobozi b’ayo mashyaka tukabikora n’ubwo twaba twarize amashuri menshi ; badusabye kwibanda cyane ku mirimo y’ubwanditsi mu mashyaka tuzaba turimo; badusobanuriye ko akazi k’ubwanditsi n’itumanaho(cyane cyane mu mashyamba ya Congo n’i Burayi) aribyo bizadufasha kugera ku makuru y’amashyaka anyuranye mu buryo bworoshye kandi tukamenya mbere ibikorwa biteganywa gukorwa n’ayo mashyaka bitarashyirwa mu bikorwa!
 
Icyanteye ubwoba cyane kurushaho ni uko abahawe akazi ko gukora mu ngo z’abayobozi b’amashyaka cyangwa kubana n’imiryango yabo cyane cyane muri FDLR babwiwe ko bazongererwa ubutumwa bwo kuroga cyangwa gufasha mu bikorwa byo kwivugana abo ubutegetsi bw’u Rwanda bushaka kwikiza muri abo bayobozi. Mu nkambi zo muri Afurika no mu mashyamba ya Congo hafashwe ibyemezo byo koherezayo abana bafite imyaka mike cyane hagati ya 22 n’imyaka 25 bakirangiza amashuri bo mu bwoko bw’abahutu. Abo boherejwe muri izo nkambi no mu mashyamba ni abari basanzwe bakora ako kazi ko kuneka mu bigo by’amashuri, bakabikora bitwa abanyeshuri. Abo boherejwe mu mashyamba no mu nkambi bari basanzwe bafite abantu bavugana nabo muri FDLR cyangwa mu miryango y’abantu ba FDLR bakoresheje uburyo bwa facebook.
 
Aboherejwe ku mugabane w’u Burayi n’Amerika bahawe inshingano yo gucengera cyane amashyaka bakamenya neza abantu bayarimo bafite ingufu zikomeye zibitekerezo kandi bagakora kuburyo binjira mu buyobozi bw’amashyaka bagafata imyanya y’ubwanditsi cyangwa itangazamakuru. Mu gihe bari muri iyo myanya bagomba gukora uko bashoboye bakagonganisha abantu bari muri ayo mashyaka bafite ijambo rikomeye kuburyo ayo mashyaka avukamo amacakubiri, bakaba barigishijwe tekiniki bazajya babikoramo. Amashyaka abo ba maneko bagomba kwibasira cyane kuko ateye ikibazo gikomeye nk’uko twabihawemo inshingano ni FDLR, RNC na Faustin Twagiramungu.
 
Mu mabwiriza twahawe ni uko aho tuzaba turi hose , no mu myanya tuzaba dufite yose tugomba kumvisha amashyaka turimo ko : RNC yanga urunuka Faustin Twagiramungu n’abayobozi ba FDLR, ko Faustin Twagiramungu yangwa urunuka n’abayobozi ba FDLR na RNC kandi abo nabo bakaba bazi ko Faustin Twagiramungu abanga, kumvisha abayobozi ba FDLR ko bangwa urunuka na Faustin Twagiramungu na RNC, kugeza ubwo abo bayobozi ba FDLR biyumvisha ko babonye abayobozi ba RNC cyangwa Twagimungu babica. Twese twumvishijwe ko icyo gikorwa nitugishobora urugamba tuzaba turutsinze kuko abarwanya ubutegetsi bwa FPR batazigera bagira imbaraga zo kuyirwanya ahubwo bazasigara barwana hagati yabo cyangwa bagahorana urwicyekwe hagati yabo!
Muri RNC hatanzwe inshingano y’umwihariko yo kumvisha Kayumba Nyamwasa kutazumvikana na rimwe na Faustin Twagiramungu kandi uyu nawe akumvishwa ko Kayumba Nyamwasa amwanga urunuka, twasobanuriwe ko aba bagabo bombi bumvikanye ibyagezweho na FPR byose byasibangana, kandi dusobanurirwa ko tugomba gushyira ibi bitekerezo mu mitwe y’abanyarwanda bose bahunze igihugu ko aba bagabo bombi badashobora kumvikana. Mu nama twabwiwe ko hashatswe ibirego kuri Twagiramungu birabura kuko aho yakoze hose muri leta  yaburiwe icyaha, twumvishwa ko tuzajya dutsindagira ko yahaye igihugu inkotanyi kuko nta kindi cyaha abonerwa naho Kayumba tukavuga ko ariwe warimbuye abaturage bo mu majyaruguru  kuko ibindi byose byavugwa ntacyo byatanga !
 
Banyarwanda , banyarwakazi, mbabwiye ibi byose kuko njye babitubwira, tukaza koherezwa mu kwezi kwa gatatu muri ubwo butumwa dusanga bagenzi bacu bagiye mbere narabisekaga cyane, numvagaga ko bitazafata, mbese ko ari ugusetsa imikara, kuva aho mviriye mu butumwa hanze nkagaruka mu gihugu mu kazi kanjye ko kwakira ayo makuru yose aba avuye hirya no hino, naratangaye cyane mbonye ibyo twabwiwe bitanze umusaruro; ariko icyantangaje cyane ni uko ibyo twabwiwe muri iyo nama kandi yari yakozwe mu buryo bw’ibanga mbisoma uko byakabaye mu binyamakuru nk’ «ikaze iwacu» kandi bikozwe n’abavuga ko barwanya bivuye inyuma ubutegetsi bwa FPR na Paul Kagame!
 
Kenshi nagiye nsoma inyandiko mu binyamakuru binyuranye zisubiramo 100% ibyo twigishwaga tugomba kuvuga kuri Faustin Twagiramungu ; muribyo batwigishije ko tugomba kujya tuvuga hose ko Twagiramungu akunda ubutegetsi (tukamushinja icyaha cyo kugundira ubutegetsi kandi ntabwo afite ! Ibyo narabisekaga) ; tukavuga ko ashaje, nabyo nkabiseka kuko muri FPR hari abashaje kumurusha, ko agomba kureka abato akaba aribo bakora politiki kuko tuzi neza ko abato bazagera ku rwego Twagiramungu agezeho muri politiki FPR imaze kuba ubukombe ! Uretse no gutangazwa n’uko ibyo twigishijwe nabonye aribyo bisohoka mu binyamakuru bivuga ko birwanya Kigali ni uko niyumviye ubwanjye n’abanyepolitiki ntazi bavuye mu Rwanda mbere ya 94 bivugira ibyo batwigishije nkaho aribo bari abarimu bacu!
 
Icyakomeje kuntangaza cyane ni uko njye navuye hanze ndwana ndi muri FPR nk’uko nyirimo, twararwanye bikomeye, twapfushije abantu benshi, uriya Twagiramungu sinigeze mubona, nta nubwo ku rugamba yigeraga avugwa ariko nk’ibaza abo bari kumwe mu mashyaka mu Rwanda bamushinja ko yatanze Byumba babihera kuki bikanyobera ! None se ko Byumba twayifatiye ubwacu turwana, ndetse tugapfusha abasilikare benshi, Twagiramungu yatanze Byumba ate ? Kuki se yaba afite ubwo bubasha bwo guha Inkotanyi Byumba ntabe afite ububasha bwo kwiha nibura akagari kamwe k’igihugu ? Abanyarwanda babizi neza bazabidusobanurire ariko nkaba nkomeje gutangazwa n’abantu bitwa abanyepolitiki baba bavuga amagambo nk’aya niba bafite ubushobozi bwo kuyobora igihugu koko baramutse bakibonye cyangwa se twemere ko abo banyepolitiki bavuga ibyo ari abacu bakaba bari kudukorera!
 
Kuba mbabwiye bimwe mu bikorwa dukora mu nshingano zacu zo kuneka si uko nanga FPR, ahubwo ni uko nakomeje gutekereza ngaterwa ubwoba n’aho u Rwanda rugana , ubu igihugu kirayoborwa na Paul Kagame mu buryo bwe ashoboye , ariko nkurikije imikorere y’abanyarwanda b’abanyepolitiki bari hanze aha, kandi nkaba nzi ko igihe kigera umuntu akaba atagishobora gukora imirimo imwe nimwe numva ngize impungenge z’uko abanyarwanda aho gukunda igihugu turwanya ahubwo abafite ubushobozi bwo kugikorera neza baba abarwanya ubutegetsi bwa FPR baba abanyepolitiki bo muri FPR bose bakora politiki yo kugirira ishyari gusa ufite ubushobozi aho gukora politiki yo kuzareba ejo hazaza h’igihugu.
 
Nzakomeza kubaganirira  mbabwira ibyerekeranye na RNC na FDLR kuko uyu munsi nibanze kuri Twagiramungu.
 
Umusomyi wa veritasinfo
i Kigali

Commenter cet article

nintare 15/11/2014 22:34

Basomyi mukomeje gukurikirana iyinkuru nababwirako mugomba kwitondera abantu bigira abanyamakuru.FPR, muzineza ko yatsindiye kugura burimuntu wese ugaragaza ko afite inda nini, ubuhemu cyangwa ushaka gucyira vuba atavunitse.Izi neza guharabika nogucenjyeza ibihuha bibi bisenya.Amagambo nabonye barega Twagiramungu nabonye asa nayo bigeze gukwiza mubugande igihe kagame yashwanaga na Museveni. babanje gukoresha amanama aba officiers burwanda nabandi bantu babanyarwanda bari mubugande bose bababwirako Museveni , arigisambo , yasaze, anashaje, ko arumwanzi wurwanda ananga abanywarwanda. Nibyishi cyane. rero bavandimwe bumva ko mufite gahunda yoguhuza abanyarwanda bababaye, nabasaba ko muva mumatiku ashingyiye mumoko, uturerere, no mubwinshi bwabayokoke; Mube bacye beza abandi bazaza babasanga. Naho FPR irakoresha amafaranga yimisoro yacu kudusenya, tukaryana. Ibi bivugwa kuri Twagiramungu uyu munsi nintwaro isanzwe ikoresha burigihe kumuntu batinya cyangwa bazi ko abazi neza.

bwenge 15/11/2014 20:16

Ahaaaaaaa! Mbega umugabo ufite ubwenge bucye weeeee! Kanombe uvuga ko twese tuhazi hari briefing yahabera , ariko sha urasetsa pe ,ubwo wicaye iburaye utunzwe na commune z' iburayi baguhemba intica ntikize none wirirwa uhimbahimba ibikuri mumutwe, gusa ifite ubwenge buke, sha naho ingisirikare cy'Urwanda cyaba kidatekereza ntabwo cyakora cyango ngo gitume abantu muri buriya buryo.
Mufite ibibazo ,urumva tweagiramungu hari ubwaba yatera abanyarwa ,sha utekereza nkawe pe ,ntawakurenganya ubwenge bwawe niho bugarukira, ubwo wanditse iyi nyandiko wibaza ko hari umuntu ufite ubwenge cyanga utekereza yakumva ibwo uvuga , ubwo n'ubwenge bukem ufite pe.

Kayiranga 15/11/2014 22:01

bwenge, wiyibagije ko muri rdf haba umutwe udasanzwe urwanisha amarozi???

Bush 15/11/2014 11:48

ese iyo CPC yo imaze iki?igejeje iki kubanyarwanda??uteze agakiza kuri 'oppositon' yo hanze we ndamubabariye. Nangwa na Ingabire, Mushaid n'abandi biyemeje kugumya kuvugira muburoko, kuko aho bari bakora politike. Naho abo bamaze guhaga amafiriti n'imfashanyo zabera ubacungiyeho agakiza aribeshya na FPR iziko ntacyo mwishoboroye. Ntampamvu nimweyo kubataho umwanya!!

Mato 15/11/2014 12:25

Ubwo bu FPR uburusha ba Karegeya na ba Nyamwasa ? Uragirango bajye mu muhanda igihe kitaragera se, nibareka intica ntikize yabo uzabagaburira n'imiryango yabo ? Ntibacecetse kubera ko batabona ! Kandi impinduka zizubika imbehe z'abakomeye ntacyo zitwaye umuturage wicira isazi ku jisho . Naho abari hanze ntuteze kubafunga umunwa bari mu bihugu democrate ! Ntabwo ari nkahano wihisha mu rubingo kugirango usome amateka yo kuri net ; kuko bakubonye baguta muri Rweru .

toussaint 15/11/2014 11:39

Jye ndemeranya na kamoto tugomba gushyira hamwe twubaka ejo hazaza hu Rwanda naho twagiramungu;kayumba;fdlr nabo bafite iyo nshingano

Karake 15/11/2014 11:25

L'armée médiatique yakoreshejwe mu ntambara ya 1990 . Irakomeje ; ntacyahindutse . Rukokoma se ni cyo kibazo dufite ? Gusakuriza rimwe kugirango abasomyi bibagirwe ingorabahizi turimo twese !!!!! Mwitegure ejo bundi tuzajya gufata biriya bibunda uriya mushenzi yaguze amaf. yacu tubiguruze ; mutegure imitima yanyu ; igihe kiregereje . N'umuzungu azaduherekeza ntabwo ajya atanga imbehe imyaka irenga 25 . Cyeretse iyo bene igihugu bannyabaritse nk' abariye inzaratsi ; kandi siko turi. Nimukanguke burakeye . Imana izi uko twarenganye iri kumwe natwe !

Monyingabo Jean 15/11/2014 09:48

Iyinkuru ntakintu gishya kirimumo kuko ibya Kagame gutuma abamaneko turabizi. Ikindikandi kuba abanyamashaka batumvikana cyanecyane nni ideology zitandukanye, ntabwo ari abobamaneko baba baratumwe gusa. Nonese ayomazina yababamaneko nikuki byibura utavugamo namake? Uwanditse iyinkuru ararwanya Ikaze iwacu akarengera twagiramungu mubulyo nabobwo budafashe. Nonese uwomuntu uzaza hanze avuye murwanda, agahita yinjira mubuyobozi bwamashyaka cyangwa muri FDLR ninde? Hanyuma agatangira kuyasenya!! iyomutagiye mubeshya?

Kami 15/11/2014 09:45

Iyi nyandiko yawe rero kuri forme naguhaho make naho fond ni zero. Ufite uwo ushaka gutaka gusa ntabwo ibyo uvuga ari ukuri. None ko utavuga abo bant boherejwe na FPR muri FDLR cyangwa mu yandi mashyaka. Ukorera Inyenzi koko! Uku ni ugushaka guteza urwikekane na confusion mu bantu no mu mashyaka usebya FDLR ko igizwe na FPR naho Twagiramungu ari umwere. Ntawe uyobewe uko FPR ikora, ariko tomora wibesha ngo uba i Kigali. Aho bakohereje wasize ukozeyo iki? Wibesha uba hanze ibi nibyabindi by'abantu bakoranye n'inkotanyi byo gutekinika ngo ushigikiye Twagiramungu. None se twagiramungu ko nta nama umuha zo kudahubuka ngo uturagure ibigambo ku izi mbugaga. Twarabamenye sha!

barto 15/11/2014 03:27

Ariko rwose Mana?abanyarwanda bazumvikana ryari?abantu bavuga kimwe ndetse bashakanye kandi bafite byinshi bahuriyeho
MANA agahugu kacu ni gato tabara...
.Nawese turafite abapadiri,abapastoro,Imam ariko byagera ku moko Biblia ikaba imputu cyangwa intutsi,coran nayo ikaba gutyo...MANA tabara...iyo usomye comments zabene wacu wibaza ariya magambo asebanya no gutukana aho bizageza igihugu.Biblia iravuga iti;kunda mugenzi wawe nkuko wikunda"ariko byagera mu byo tutumvikanaho tukibagirwa itegeko.abarimu Rwanda bumvako bageze mw'ijuru ngaho bakoreye ijuru nyaryo.abari hanze bo babonye Kagame urwaho cyangwa ko yagize icyo aba bakoresha iminsi mikuru.Jyewe sinshyigikiye uwariwese wifuriza undi gupfa,ubuzima butangwa ni Imana rero niyo ifite ububasha bwo kubwisubiza.Musenge Imana ubudasiba impinduka izaba kandi nta maraso yongeye kumeneka cyane ko Kagame yumva icyo asabwa.Muribuka mu kwa 4/1994 ababyeyi na abavandimwe,inshuti twabuze.muribuka guhera mu kwa 5/1996impunzi zashiriye Zaire simvuze za Kibeho mbere.

Abo bana b'igihugu bishwe bazira urwango rw'amoko..none abishi ntibarahaga kandi bazi aho roho zabo zizajya....Kadafi.Bongo Omar,Mobutu,Idia Mini,ba bami ba kera ubuse barihe?Ntaruhande rugoma mperereyemo,uruhande rwanjye ni ubumwe,amahoro no kumvikana mu bibazo bya buri munsi...Ese koko niba Jack akora biriya akibaza Kayumba uko yari afashwe yumva we umunsi byamuhindukanye azajyahe?yibuke Lizinde na Habyalimana,Kanyarengwe na Habyalimana,yewe azibuke Blaise Compaore na Thomas Sankara uyu yishwe na mucuti we magara.
.Rero tutsi-hutu-twa ye kuba intandaro yo kwangiza isura yacu.

Kamoto 15/11/2014 02:30

Icyo dukeneye ni impinduka y'ubutegetsi bubi buriho ; naho icyo uricyo cyose : Rukokoma ; Nyamwasa ; Fdlr ; Kigeli ; Padiri ; .......Mwese murakaza neza mu mpinduka z'ubutegetsi bubi bwatugiriye igihugu umunyotwe kandi mubanguke mbere yuko kiba ivu !!!!!!

Kamoto 15/11/2014 02:14

Isanani zizaryana nizirangiza ubwazo tuzimeneho amazi ashyushye tuziminuze . Abahungu bacu bari hose kandi barakora . Mbisubiyemo kubera ko ndi umututsi urambiwe . Abatutsi n'abahutu n' abatwa dushobora kubana ku bundi buryo kandi birashoboka ! Si ngombwa ko umutungo w'igihugu cyacu ukomeza kuribwa n'agatsiko aho kugirango tuwusaranganye twese tubeho . Mushyire ubwenge ku gihe . Ibyo tubayeho ubu c'est du n'importe quoi !!!!!

Ibrahim 15/11/2014 00:44

Yewe, uvuze ubusa kuko nta kintu na kimwe wunguye abantu. Ubwo ko waandika ibi, niba ushaka koko ko umugambi wa Kagame na n'aagatsiko ke uburizwamo, wavuze amazina make y'abo mwajyanye muri mission n'aho mwoherejwe noneho tukikorera iperereza tukareba igihe bagereye mu buhungiro n'igihe binjiriye mu ishyaka runaka tukarushaho kukugirira icyizere tukabona n'aho duhera twikiza umwanzi?

Nawe utanze inkuru ntugasekwe! Gusa iyo ni analyse umuntu wese ushaka ubumwe mu barwanya leta yakora ariko witubeshya ngo woherejwe na Kigali!

suzana 15/11/2014 01:31

ikintu mbona hano muri amerika hari intore nyinshi cyane, biyita ko arimpunzi zivuye mu Rwanda, abanyarwanda batari bamenya ibibagenza bakabegera bahita babroga. izo ntore zirafite amarozi akomeye cyane, abo baroze bahita bapfa.
hano muri amerika hari ibibazo bomeye cyane kumuntu wumuhutu wumunyarwanda.

Semana 15/11/2014 00:19

Twagiramungu afite Umurongo yiyemeje,wo kuvugisha ukuli no kuvuga ikimulimo kuva njye namubona,ese ko muvuga ngo nta Murongo agira Muhere kubamusimbuye guhera kuli Rwigema;Makuza ;Abandi abo se nibo wavuga ko bafite Umurongo mwiyibagije se rwigema ibigambo yavuze agihunga kuli kagame,None se ntimwamubonye ejo bundi none se Murashaka ko Muzehe Twagira nawe azabigenza kuliya,Ndamuzi ntabyo muzabona Azaguma ku murongo we wo kutijandika nkuko abandi byabagendekeye.

Sano 14/11/2014 23:49

Rukokoma yabateye ubwoba koko,naho abilirwa bandika ko atagira Umurongo n'ukubeshya,none se Wambwira kugeza Ubu Ufite Umurongo muzima uwaliwe,Ntawe wabona hazagire Ugira n'Umwe mutangaza hano muvuge n'Umurongo mwiza afite tuzarebe gusa tuzi abandika ibi icyo bagamije,Mwapfa rukokoma.

Rukokoma 18/11/2014 04:35

uyu wiyise Nkurunziza avuze ubusa ahubwo azajye yiyita Nkurumbi, uwo Faustin Twagiramungu wawe ntakibaho muri Politique yarashinguwe niyiruhukire yari anayisaziyemo arimanganya gusa!

nkurunziza 15/11/2014 12:41

Nkurunziza uvuze ubusa
ubwo se CDR MRND ubisomyehe ntimukigire ba Magayane ariko ese aba MDR babanye nawe mu Ishyaka nanjye ndimo ko tutari kumwenawe? ba Gasana,Ndahayo,Nsengiyaremye,Rwigema;Nkiko nabandi benshyi baziko acabiranya
Mbere yuko abo muri MRND;CDR BAMUKURIKIRA NIABANZE YIYUNGE NABO YASENYEYE ISHYAKA BARIBAKUNZE M.D.R
YAHEMUKIYE ISHYAKA intwari Kayibanda aho arikuruhukira arababaye kubera Rukokoma. Igihango kizamukurikirana.

Sano 15/11/2014 12:29

Uranditse ngo rukokoma yateye abandi banyapolitike ubwoba? Hahahaha!!!!!!
Ndagusetse, Twagiramungu niwe muswa mubanyapolitike bose babaho akarimi gatyaye nk'Ubugi bwinkota ko ni Uwambere, abantu bizerako bafataya na Rukokoma bakagira icyo bageraho baribeshya. Ubu nabari baramubabariye bisubiyeho asigaye hagati nk'Ururimi. abumvako rukokoma azabacura Urugendo rwiza.

ngo harya Magayane niwe yavuze ? Muribeshya kandi mukanabeshyera Magayane,
Njye numva uriya mu Padiri Uyobora Vertas yakwiye ahubwo kumusabira akicuza uburiganya niteranya Abanya Rwanda byamwokamye nziko Imyanya arwanira atazayibona
Nibura akanwanira Ijuru.
Naho ubundi abamutaka nubwo ari 2gusa baragosorera m'Urucaca.

Twagiramungu ni Rutsinsibiranya.
Ba Evode na ba Ndengera baramuvuze Gusa bamutanze Umushyi bitahira kare ubundi niwe wagombaga kugenda mbere agakorana na Kagame. bamwicira Gahunda
None Intambara yarwanyije yo kuri Internet nsigaye mbona ariyo akoreshya gusa.
ikibabaje nuko arimo ayishyoza kubo bakwiye gufatanya.

Kuri BBC yaravuze ngo agiye gutaha ngo intambara ya Internet ntacyimaze nonese ari mubiki? Gusaza ni ugusahurwa.

Nkurunzinza 15/11/2014 00:22

Yewe Kagame na FPR nibicare barye igihugu, bice uko bashatse. None se iyo usomye ukuntu abantu bamwe (bakomoka muri MRND-CDR) bahagurukiye kurwanya Rukokoma birerekana ko ariwe ufite ingufu koko. Abantu ntibasinzizira icynaditwe cyose ikivuzwe cyose baheraho baagacika ururondogora bakamoka ngo Rukokoma abatwaye ubutegetsi. Sinarinzi ko impunzi zuzuye mo abanyabwenge buke.
Babishaka batabishaka njye mbona Rukokoma yarabasize kandi iyo urebye abantu bamukunda kandi biyumva mubyo avuga, ntakizamubuza guhirika ingoma ya Kagame dore niyo ba CDR / MRNDbamufasha, bazatsindwa kuko abanyarwanda ubu bamaze kumenya aho inyungu zabo zizri

Niyitegeka Moise 14/11/2014 22:48

Nk'Abanyarwanda dusanzwe tuvugisha ukuri byaba byiza tugiye dutanga amakuru yizewe ese koko ibintu uvuga birimo ibinyoma bingana gucya n'umwana w'imyaka itanu yahita abona utekerezako abanyarwanda bakiri injiji ku buryo umuntu wese yakandika ibyo yatekereje agamije kongera gushuka abanyarwanda akumva ko byakunda? Ntabwo byashoboka abanyarwanda twarasobanukiwe kdi tuyobowe neza na Perezida wacu Paul kagame, abagamije kubeshya no guharabika u Rwanda turabamaganye

Niyitegeka Moise 14/11/2014 22:43

Nk'Abanyarwanda dusanzwe tuvugisha ukuri byaba byiza tugiye dutanga amakuru yizewe ese koko ibintu uvuga birimo ibinyoma bingana gucya n'umwana w'imyaka itanu yahita abona utekerezako abanyarwanda bakiri injiji ku buryo umuntu wese yakandika ibyo yatekereje agamije kongera gushuka abanyarwanda akumva ko byakunda? Ntabwo byashoboka abanyarwanda twarasobanukiwe kdi tuyobowe neza na Perezida wacu Paul kagame, abagamije kubeshya no guharabika u Rwanda turabamaganye

Niyonzima jean de Dieu 14/11/2014 21:50

Mu byo utubwiye ndumva ushaka kutwumvishako ibintu byaba byiza ariko Faustin akoranye na Kayumba. ko icyo aricyo Abanyarwanda batunva. Ntabwo Faustin yigeze yanga gukurana nabo ahubwo yagize amkenge kuko atari uku mukunda bibatera ku mushyishyikariza gukorana na Kayumba.,ahubwo ari uburyo mushyaka ku mwiyegereza ngo mubone uko mu mugirira nabi. uti badusabye gukora ibikwiye byose ngo abantu babone ko murwanya ubutegetsi. ndabona aribyo wakoze . ahubwo watubwira aho woherejwe gukorera kuko nabyo byatuma turushyaho ku kwizera. NtaGISHYASHYA mbonye mu byo uvuze gusa bigaragarako ari igerageza ry'ibyo wize. Iyakremye niyo ikamena" akariro gake na feri.

Mayere 14/11/2014 21:47

Uyu wanditse ibi ni Umuswa, aravanga Ibintu,
Kambibutse gato ,
Abo baRudasingwa batumira abanyamashyaka ngo bakorane, Twagiramungu ava muri Amerique
Ibyo yavuze kuri BBC ndumva ababyumvishye aribenshi yahise Abamagana yivuye Inyuma.
akajya anabibasira burigihe uko abanyamakuru bamubajije.

Hari nkaho yabwiye Umunyamakuru wa Ikondera ngo abishye Ikinani bavuga uko byagenze ngo mugacurira, Nibindi byinshi by'Amateshwa,

None se umuntu azaguharanga Umwihomeho? Reba amateshwa yavuze kuri Radio Impara atuka FDU Inkingi ngo kuko itakurikiye ikigare cye ngo ni CPC ngo bategereje Amaviza da?
Rukokoma yashyatse gusenya Amashyaka byaramunaniye, yewe ntagira isoni atuka abanyapolitike
nkawe bakamurushya Ubwenge ntibamusubize.
None Utaye igihe ngo urandika.
Ntacyo wigisha Abanyarwanda kuri Rukokoma batazi.baramumenye

Kandi amenyeko uko yacabiranyije kwa Kinani ngo azabyongera bikunde? Ntibishoboka Rukokoma yabaye Amateka akawamugani wa Kagame (Pirato)

Ukurikije ibyo Veritas ya Padiri imwandikaho imutabariza byereka buriwese ko asigaye wenyine.
abandika mwandike ibindi mureke guta igihe kuri Rukokoma. Imitwe ye yarashyaje agomba kumenyako tutakiri muri za 90

Meyeriste 14/11/2014 21:57

Bwana Mayere ibyo uvuze ni ukuri kwambaye ubusa. Uyu mupadiri ngo ni Fortunatus aratabariza Faustin Tawgiramungu alias Rukokoma kuri internet, yagiye abiranga no mumisa wenda ko ariho byagira agaciro. Rukokoma yararangiye abaziranye n'uyu mupadiri bazamutubwirire yere gukomeza kuduteza igihe adusubiza mumateka mabi Ya Twagiramungu, dore anarashaje nareke gusaza yanduranyije

Kamana 14/11/2014 19:09

Padiri Fortunatus and Veritas info ye ni ikinyamakuru kiyemeje gukulikira Twagiramungu buhumyi, bityo mu rwego rwo kumwamamaza no kugerageza kumugarulira isura nziza mu banyarwanda bagapanga bandika ibintu bimwe bitabaho. Rukokoma abanyarwanda benshi twaramurambiwe kubera kutagira umurongo ugaragara, kubera guhindura buli munsi ibyo avuga agamije gukorera ba mpatsibihugu aho gukorera abanyarwanda. Veritas info urata igihe cy, ubusa vuga ibindi ureke Twagiramungu kuko mu kanya gato araba umupfu muli politiki nyarwanda mu maso y'abanyarwanda.

Bush 14/11/2014 18:41

Ubu se uyu avuze iki kidasanzwe kizwi???????

Iwacu 14/11/2014 19:11

Padiri Fortunatus and Veritas info ye ni ikinyamakuru kiyemeje gukulikira Twagiramungu buhumyi, bityo mu rwego rwo kumwamamaza no kugerageza kumugarulira isura nziza mu banyarwanda bagapanga bandika ibintu bimwe bitabaho. Rukokoma abanyarwanda benshi twaramurambiwe kubera kutagira umurongo ugaragara, kubera guhindura buli munsi ibyo avuga agamije gukorera ba mpatsibihugu aho gukorera abanyarwanda. Veritas info urata igihe cy, ubusa vuga ibindi ureke Twagiramungu kuko mu kanya gato araba umupfu muli politiki nyarwanda mu maso y'abanyarwanda.

kwetu 14/11/2014 17:17

ikindikandi nuko mu Rwanda ntawe ufite uburenganzira bwo kuvuga amacakubiri ariyo aruta ayabari hanze yigihugu

kwetu 14/11/2014 17:19

ikindikandi nuko mu Rwanda ntawe ufite uburenganzira bwo kuvuga amacakubiri ariyo aruta ayabari hanze yigihugu

Hatali 14/11/2014 17:16

Ndumiwe pee! Iyi nkuru inyibukije ijambo habyarimana yigeze avuga igihe inkotanyi zateraga mu Ruhengeri! Yavuze ko inkotanyi zimeze nk'abajura bagiye kwiba mu gihe abo bajura babakurikiranye bagahirika ikibuye abantu bakakirukaho maze abajura bakigendera! Aya mayeri y'inkotanyi yo kubitanisha imitwe y'abantu bakamarana ni ayakera cyane ahubwo sinzi impamvu abanyarwanda batayabona !!

kwetu 14/11/2014 17:15

nimwitonde iyo méthode irashaje n'imwe muzo twabasigiye ntimuzibagirwe narimwe ko aritwe twasize tuba formye

Kigeli 14/11/2014 19:10

Padiri Fortunatus and Veritas info ye ni ikinyamakuru kiyemeje gukulikira Twagiramungu buhumyi, bityo mu rwego rwo kumwamamaza no kugerageza kumugarulira isura nziza mu banyarwanda bagapanga bandika ibintu bimwe bitabaho. Rukokoma abanyarwanda benshi twaramurambiwe kubera kutagira umurongo ugaragara, kubera guhindura buli munsi ibyo avuga agamije gukorera ba mpatsibihugu aho gukorera abanyarwanda. Veritas info urata igihe cy, ubusa vuga ibindi ureke Twagiramungu kuko mu kanya gato araba umupfu muli politiki nyarwanda mu maso y'abanyarwanda.

Mbonyingabo 14/11/2014 16:09

Iyinkuru ntakintu gishya kirimumo kuko ibya Kagame gutuma abamaneko turabizi. Ikindikandi kuba abanyamashaka batumvikana cyanecyane nni ideology zitandukanye, ntabwo ari abobamaneko baba baratumwe gusa. Nonese ayomazina yababamaneko nikuki byibura utavugamo namake? Uwanditse iyinkuru ararwanya Ikaze iwacu akarengera twagiramungu mubulyo nabobwo budafashe. Nonese uwomuntu uzaza hanze avuye murwanda, agahita yinjira mubuyobozi bwamashyaka cyangwa muri FDLR ninde? Hanyuma agatangira kuyasenya!! iyomutagiye mubeshya?

Mbonyingabo 14/11/2014 16:08

Iyinkuru ntakintu gishya kirimumo kuko ibya Kagame gutuma abamaneko turabizi. Ikindikandi kuba abanyamashaka batumvikana cyanecyane nni ideology zitandukanye, ntabwo ari abobamaneko baba baratumwe gusa. Nonese ayomazina yababamaneko nikuki byibura utavugamo namake? Uwanditse iyinkuru ararwanya Ikaze iwacu akarengera twagiramungu mubulyo nabobwo budafashe. Nonese uwomuntu uzaza hanze avuye murwanda, agahita yinjira mubuyobozi bwamashyaka cyangwa muri FDLR ninde? Hanyuma agatangira kuyasenya!! iyomutagiye mubeshya?

Kigeli 14/11/2014 19:10

Padiri Fortunatus and Veritas info ye ni ikinyamakuru kiyemeje gukulikira Twagiramungu buhumyi, bityo mu rwego rwo kumwamamaza no kugerageza kumugarulira isura nziza mu banyarwanda bagapanga bandika ibintu bimwe bitabaho. Rukokoma abanyarwanda benshi twaramurambiwe kubera kutagira umurongo ugaragara, kubera guhindura buli munsi ibyo avuga agamije gukorera ba mpatsibihugu aho gukorera abanyarwanda. Veritas info urata igihe cy, ubusa vuga ibindi ureke Twagiramungu kuko mu kanya gato araba umupfu muli politiki nyarwanda mu maso y'abanyarwanda.

Kambari 14/11/2014 15:01

Padiri Fortunatus aya matiku wirirwa wandika ararambiranye rwose, uyu Twagiramungu mwene wanyu ukomeza kuduhata ntacyo amaze turakwiyamye niba umurimo wo kwiha Imana wakunaniye shaka umugore n'abana bawe uve mumatiku. Ndabona iyi nyandiko wanditse ari uburyo bwo gushaka ukuntu wagarura Twagiramungu mu kibuga cya Politique ubeshya gusa. Turakwiyamye FDLR na RNC nta kibazo bafitanye, ufite ikibazo ni uyu mugambanyi Twagiramungu wenyine , ntushake kuvangavanga abantu ugamije kugarura Twagiramungu

Kamali 14/11/2014 13:35

Iyi nkuru ni hatari!! Kugonganisha abakurwanya ubashyize muri mpande eshatu , bagasigara bamarana FPR yigaramiye !! ndumiwe kuko ibyo nsomye hano nanjye nibyo mbona buri munsi !!

Kanamugire 14/11/2014 19:10

Padiri Fortunatus and Veritas info ye ni ikinyamakuru kiyemeje gukulikira Twagiramungu buhumyi, bityo mu rwego rwo kumwamamaza no kugerageza kumugarulira isura nziza mu banyarwanda bagapanga bandika ibintu bimwe bitabaho. Rukokoma abanyarwanda benshi twaramurambiwe kubera kutagira umurongo ugaragara, kubera guhindura buli munsi ibyo avuga agamije gukorera ba mpatsibihugu aho gukorera abanyarwanda. Veritas info urata igihe cy, ubusa vuga ibindi ureke Twagiramungu kuko mu kanya gato araba umupfu muli politiki nyarwanda mu maso y'abanyarwanda.

King Kigali 14/11/2014 15:03

Bana banjye ndabasaba gushishoza cyane uyu muntu wandika kuri veritasinfo nawe ni ukumwitondera kuko iyo usomye ibyo yandika ubona ko ari inyuma ya Twagiramungu cga akaba ari Twagiramungu ubwe ubyandika agirango abone uko yongera gucengera amashaka ngho abone uko ayacamo ibice maze ayayobore, mu mwitondere cyane. Uyu musaza agira amayere menshi yo gucamo abantu ibice