NDAGISHA INAMA ABIHAYIMANA N'ABALAYIKI : Iyi baruwa Mgr BIMENYIMANA yanyandikiye,mwe murayibona mute?(leprophete.fr)

Publié le par veritas

Mgr-J-D.pngMgr Bimenyimana JD yiyemeje guhagarika Leprophete 

Iyi baruwa ya Mgr Bimenyimana yanteye kwibaza byinshi ! Birasa nk’aho Mgr Bimenyimana ahisemo gukoresha ku mugaragaro ububasha bw’umwepiskopi agamije GUCECEKESHA burundu Padiri Thomas  n’abandi Banyarwanda batari bake bari batangiye kumenyera kuvuga mu bwisanzure icyo batekereza ku miyoborere y’igihugu cyabo no kwamagana akarengane bagirirwa n’Ubutegetsi bw’igitugu , babinyujije ku rubuga www.Leprophete.fr ! None Mgr Bimenyimana aciye iteka ngo uru rubuga niruhagarikwe ! Ariko se uku gufata ibyemezo (prise de position) , gusa n'ukugamije gukingira ikibaba ubutegetsi bwica abaturage n'abaturanyi (Congo) , bugafunga inzirakarengane, bugasahura ibya rubanda..., Musenyeri Bimenyimana arabiterwa n'iki ?


Tuvuge se ko Mgr Bimenyima afite uburenganzira bwo guhatira umupadiri wa Diyosezi ayobora n’Abanyarwanda muri rusange kumvira no kuyoboka buhumyi ubutegetsi bwa FPR-Inkotanyi  butihanganira kunengwa ? None se ubu muri iyi mikorere ya Musenyeri Bimenyimana, nta gutandukira kurimo? Ubu se umuntu yasubiza iki umuyobozi mu by’iyobokamana ukora nka Mgr Bimenyimana, usa n'uwiyemeje kuba igikoresho cy'ubutegetsi, mu gusiribanga uburenganzira bw’abanyagihugu? Ko njye ari uko mbibona,mwe murabibona mute ?

 

 

 

Ngaho nimwisomere: 

 

 

Mgr Yohani Damascène Bimenyimana        

Umushumba wa Diyosezi ya Cyangugu

B.P.05 RCyangugu

République Rwandaise

(Afrique Centrale)

 


 

Cyangugu , le 16/5/2012

 

 

Kuri Padiri Thomas Nahimana,

 

Réf: EV.Cya/189/2012


Impamvu: Kwihanangiriza

 

 

Padiri,

Taliki ya 9/3/2011 nandikiye Nyiricyubahiro Musenyeri Michel Guyard wari umushumba wa Diyosezi ya Le Havre. Namumenyeshaga ibyerekeye urubuga washinze. Namusabye nkomeje ko yagutegeka gufunga burundu urubuga www.leprophete.fr kandi akagusaba ko utagomba kugira n’urundi rubuga wandikaho inyandiko zerekeranye na politiki. Mu gisubizo yampaye, yambwiye ko udahakana ko ibyo ukora bifatanye isano na politiki.


Padiri,

Kuva icyo gihe ntabwo wigeze uhagarika kwandika ku rubuga www.leprophete.frinyandiko ziteza amacakubiri mu Basaserdoti  b’iyi Diyosezi ya Cyangugu nawe ubarirwamo ndetse no mu gihugu cyose. Ndakwihanangirije bwa nyuma nkanagusaba nkomeje ko utagomba kongera kwandika kuri uru rubuga ndetse no ku zindi mbuga izo nyandiko zifite aho zihuriye na politiki kuko zicamo ibice abapadiri  b’iyi diyosezi , zigateza urwikekwe, zikabangamira ubwumvikane n’ubwiyunge. Ndakwibutsa icyo ingingo ya 285§1 y’Igitabo cy’amategeko ya Kiliziya ivuga “Abasaserdodi bakwiye kwirinda ikintu cyose kitajyanye n’imibereho yabo,hagendewe ku amategeko yihariye ”. Ndakurangira  na none ingingo  y’ 110 y’Ibaruwa Africae Munus ya Papa Benedigito wa XVI , aho agira ati :” Nimubeho murangwa n’ubwiyoroshye ,urukundo rwa kivandimwe no kumvira umushumba wa diyosezi yanyu. Kubera icyubahiro dukwiye kugirira Uwadukunze, birakwiye kumvira nta buryarya, kuko usuzuguye uyu mwepiskopi tubonesha amaso, aba ashaka gushuka umwepiskopi utagaragara”(p.91).


Padiri,

Ndakwibutsa ko amasezerano yasinywe n’Umushumba wa Diyosezi ya Le Havre nanjye ubwanjye, agena ubutumwa bwa gisaserdoti ukora muri diyosezi ya Le Havre azarangira ku italiki ya 31/8/2012.


Mu gihe ngitegereje igisubizo cyawe, nkuragije Bikiramariya, Umwamikazi w’intumwa kandi nguhaye umugisha wa Nyagasani.


Musenyeri Yohani Damaseni Bimenyimana

Umushumba wa Diyosezi ya Cyangugu.

 

Bimenyeshejwe :


Musenyeri Jean-Luc Brunin

Umushumba wa Diyosezi ya Le Havre.

 

 

BIRACYAZA....  

Commenter cet article

Narumiwe 02/08/2012 20:52

Veritas na le Prophete muransetsa cyane!! Ubu se murabona igitangaza kiri muri iyi nkuru ari ikihe? mubona ibyo mwandika ari ibintu bikwiye umuntu witwa ko ari umukozi w'Imana!! Imana ibasange!

Rukataza 02/08/2012 15:46


“Abasaserdodi bakwiye kwirinda ikintu cyose kitajyanye n’imibereho yabo,hagendewe ku amategeko yihariye ”.


Urubuga le prophète ruramutse rutajyanye n'imibereho ya Padiri Nahimana n'abandi bihaye Imana barimo na Musenyeri Bimenyimana ubwe, ntacyo rwaba rumaze. Keretse ruramutse
rwandikirwa ku wundi mugabane utari iyi si dutuye.


Noneho ikindi ni uko ruriya rubuga rujyanye n'imibereho y'intama z'Imana mwe abihaye Imana mugomba kuragira! None se Musenyeri yaduha urugero rw'aho iriya ngingo yo muri droit
canon yashyirwa mu bikorwa kuri iyi si koko atirengagije? Imibereho ya buri muntu kuri iyi si ijyanye n'imibereho ya bagenzi be batuye iyi si, ibikorerwa kuri iyi si byose, ndetse n'ibindi byose
biyiriho. Aho siyo mpamvu iriya ngingo irangiza ivuga ngo hagendewe ku mategeko yihariye? Uwanyereka ayo mategeko yihariye yo muri droit canon.


N'ubwo ntize droit canon kandi nkaba ntashinzwe kuyikosora ariko iriya ngingo muzayisubireho rwose kuko iteye urujijo. Abihaye Imana bagomba kwibera mu bireba ubuzima bwabo
gusa? Hanyuma se bakaba baza kudushakaho iki? Nako iyi si bakaba bayikoraho iki?


Musenyeri rero tekereza abo waherewe inkoni y'Ubushumba ugomba kurengera, wibuke kera mutarakorwa mu nkokora na Leta y'igitugu ya Kagame ukuntu mwatabaraga vuba mwandika
n'amabaruwa igihe ibintu byabaga bikomeye muri politiki.


Gera ikirenge mu cy'Abepiskopi bagenzi bawe b'i Congo Kinshasa, abo muri Zambiya n'ahandi maze ufashe Padiri Nahimana urubuga rwe rushobore gusomwa n'intama zose uyoboye maze
urebe ngo Nyagasani arabiguhembera.


Vive le prophète umucunguzi w'abanyarwanda.