Rwanda: Kuvuga cyane ni icyaha no kuvuga buhoro ni icyaha ! Abanyarwanda bazajya bavuga bate?

Publié le par veritas

Col Tom Byabagamba (wambaye gisirikare) na Brig Gen Frank Rusagara (wambaye imyenda y’icyatsi) yavuze ko arwaye.

Col Tom Byabagamba (wambaye gisirikare) na Brig Gen Frank Rusagara (wambaye imyenda y’icyatsi) yavuze ko arwaye.

[Ndlr : Ubwo imiryango mpuzamahanga yasabaga leta  ya Kigali guhindura itegeko rihana ingengabitekerezo; uwari ministre w’ubutabera Karugarama Tharcisse yagiye kuri radiyo BBC avuga ko ashyigikiye ibyo iyo miryango ivuga bitewe ni uko udashobora guhana umuntu ngo ni uko yatekereje ! Iyo mvugo ya Karugarama yatumye yirukanwa muri guverinema ! Muri iyi minsi leta  ya Paul Kagame iri kurwana n’ibibazo byinshi ariko urugamba rukomeye rukaba ari urwo kurwanya abantu bavuga ! Ntibyemewe kunenga leta, yewe ntibinemewe gusenga ukavuga ubuhanuzi budashimisha leta! Abanyepolitiki bo baracecetse mu Rwanda ariko amadini n’abasilikare basigaye ari ikibazo !
 
Ubu hafashwe ingamba zikaze: umujyi wa Kigali washyizeho amarondo yo kumviriza no gufata abantu batera urusaku ngo bari gusenga (guhanura), niba se urusaku umuntu arwumva ari kure ayo marondo ni ay’iki ? igisubizo turakibona mu birego barega aba basilikare bakuru hasi aha :, «ngo abo basilikare bongoreye inshuti zabo amagambo anenga ubutegetsi!» Birashoboka ko hari abantu basenga banenga ubutegetsi, bityo hakaba hagomba gukorwa irondo ryo kubumviriza, abafashwe bagashinjwa icyaha kitwa : «guhungabanya umudendezo wa leta !» Icyaha giteye gitya ntahandi kiba ku isi uretse mu Rwanda ! Kuvuga cyane ni icyaha, kuvuga buhoro wongoreye inshuti yawe nacyo ni icyaha , none se abanyarwanda bazajya bavuga bate ?]
 
Urukiko rw’ibanze rwa gisirikare rwamenyesheje ko Brig Gen Frank Rusagara, Col Tom Byabagamba na Sergent (Sgt) Kabayiza Francois bazagaruka kumva umwanzuro ku ifungwa cyangwa ifungurwa ryabo, ku wa kabiri w’icyumweru gitaha saa cyenda tariki 30/09/2014. Uyu mwanzuro wafashwe kuri uyu wa gatanu tariki 26/09/2014 nyuma yuko urukiko rw’ibanze rwa gisirikare ruri i Nyamirambo rwumvise impande zombi: ubushinjacyaha n’abaregwa.
 
Brig Gen Frank Rusagara araregwa kwamamaza nkana ibihuha no kugomesha rubanda abangisha ubutegetsi buriho, aho ngo yagendaga abikwirakwiza mu bantu batandukanye; gukora igikorwa kigamije gusebya Leta ari Umuyobozi w’igihugu, ndetse no gutunga imbunda binyuranije n’amategeko, kuko ngo atari akiri mu gisirikare. Mu kwiregura kwe, Brig Gen Rusagara yunganiwe na Me Ntambara, yabwiye urukiko ko atagombye gushinjwa kwamamaza cyangwa gukwirakwiza amagambo yangisha ubutegetsi rubanda, mu gihe ngo abo yayabwiraga ari bamwe mu nshuti ze atari rubanda. Ngo byari kwitwa gukwirakwiza cyangwa kwamamaza ibihuha iyo akoresha inama abaturage, akabivuga mu mbwirwaruhame.
 
Umwunganira yakomeje asobanura ko Brig Gen Rusagara atagomba guhamwa no gusebya Leta ari Umuyobozi kuko ngo ibyo yaba yaravuze byabaye nyuma yo gusezererwa agashyirwa mu kiruhuko cy’izabukuru no gukurwa ku bujyanama bwa ambasaderi mu Bwongereza; ariko ko gutunga intwaro byo ngo yari abyemerewe nk’umusirikare wari ukeneye ubwirinzi.
 
Col Tom Byabagamba we aregwa guhisha nkana ibimenyetso byafasha gutahura ibyaha kuko ngo yahishe imbunda ebyiri yazaniwe na Sgt Kabayiza azikuye kwa Brig Gen Frank Rusagara; kwamamaza nkana ibihuha byangisha abaturage Leta, hamwe no gukora igikorwa kigamije gusebya Leta ari Umuyobozi. Yireguye avuga ko kwakira izo mbunda byari mu bubasha ahabwa n’amategeko nk’umusirikare, ndetse ko amagambo yasohotse mu binyamakuru asebya Leta ngo atari we wayavuze ahubwo ko ari aya ba nyiri kuyandika.
 
Sgt Kabayiza uregwa ubufatanyacyaha mu guhisha nkana ibimenyetso byafasha gutahura ibyaha, kuko ngo yavanye imbunda kwa Brig Gen Rusagara akazijyana kwa Col Byabagamba; yemera ko icyo gikorwa yagikoze, ariko ngo nticyagombye kwitwa icyaha kuko yashakaga kuzigeza ku babishinzwe zikareka kwandagara mu rugo rw’umuntu udahari wari ugiye gufungwa. Abunganira abaregwa basobanura ko izo mbunda ngo zitahishwe, kuko abazifatanwe biyemerera ko bazitanze ku bashinzwe umutekano nta kwinangira kubayeho, ngo bigeze aho hakorwa isakwa mu ngo zabo.
 
Ubushinjacyaha bwasabiye abaregwa kuba bafunzwe by’agateganyo (iminsi 30) kugirango bubanze busoze iperereza, bukurikije ko ngo ari abasirikare bakuru banabaye abantu bakomeye mu buyobozi bw’igihugu, ndetse ngo ibyo bakoraga ntibyabagwiririye; ariko abaregwa bo bakagaragaza ko nta mpamvu ikomeye basanga ngo igomba gutuma bafungwa. Brig Gen Frank Rusagara hamwe na Sgt Kabayiza wari umushoferi we, bavuga ko bafashwe bagafungwa binyuranyije n’amategeko, ndetse bakaba babwiye urukiko ko barwaye.
 
Brig Gen Rusagara, Col Byabagamba na Sgt Kabayiza bari bajuririye icyemezo cyo kubaburanisha ku ifungwa cyangwa ifungurwa ry’agateganyo cyari cyafashwe n’urukiko rw’ibanze rwa gisirikare rw’i Nyamirambo tariki ya 10/9/2014, ariko bongeye kurugarukamo, nyuma y’uko batsindiwe mu Rukiko rukuru rwa gisirikare ruri i Kanombe, tariki 17/09/2014.
 
Source :kigalitoday

Commenter cet article

Ninja 30/09/2014 10:57

Reba neza aka kavideo umbwire icyo wumvisemo,ukarangize gusa

http://www.youtube.com/watch?v=DI1C5DwGOqM

Ninja 30/09/2014 10:48

https://www.hulkshare.com/karasiraaimable/gahoranimana-by-prof-nigga

ukuli 27/09/2014 17:44

Ikibazo namwe mugira ni uko bafunga abagome mugasakuza kdi muzi abantu bose bapfuye kubera abo ,ni ivangura moko ryabo wazasanga muzasakuza umunsim bafunze NZINZA cg Dny Munyuza cg IBINGIRA ..N'abandi ntavuze

KALISA 28/09/2014 19:56

KAGAME N'IGEGERA W'umwicanyi,

KALISA 28/09/2014 19:54

kagame abanyarwanda abamariye kw'icumu abandi arabasogota agata imirambo muri rweru. amaherezo azabiryozwa n'ababari be.

KWIZERA 27/09/2014 12:14

Reka Paul Rukarabankaba rwa Rutagambwa abamare nimwe mwamworoye abasirikare mutazi gufata ibyemezo?Urwo ruzingo rudutobeye igihugu bene aka kagene aruko rubarusha iki?amashuli se?ibigango se?kurasa se?Nabamare nicyo kibakwiye mwanze kurengera urwababyaye.Nabasigaye azabirenza dore aho ndi aha.