Inama y'ibihugu bivuga ururimi rw'icyongereza yari iteganyijwe kubera mu Rwanda uyu mwaka yaburijwemo!

ITANGAZO : INAMA YA CHOGM 2020 NTABWO IZATERANA KUBERA ICYOREZO CYA VIRUSI YA COVID-19

Nkuko mubizi mwese, Umuryango mpuzamahanga wa ONU wita ku buzima (OMS) watangaje ko "Coronavirus" ari icyorezo cyakwiriye ku isi yose (pandémie). Kubera iyo mpamvu, kandi nyuma y'ibiganiro byimbitse byabaye hagati y'ibihugu bigize umuryango w'ibihugu bivuga ururimi rw'icyongereza (commonwealth) kubyerekeranye n'ikibazo cy'ubuzima ndetse n'umutekano w'abagomba kwitabira iyo nama, Umwamikazi w'Ubwongereza, kimwe na ministre w'intebe w'icyo gihugu Boris Johnson ndetse n'abakuru b'ibihugu bigize uwo muryango, dufashe icyemezo gikomeye cyo guhagarika  inama ya CHOGM 2020 (Commonwealth) yari iteganyijwe kubera i Kigali mu Rwanda mu kwezi kwa Kamena uyu mwaka.

Icyo cyemezo cyafashwe bitewe n'impungenge ziremereye kandi zikomeje kwiyongera zijyanye n'icyorezo cya virusi ya COVID-19, twasanze ubwo aribwo buryo bwiza bwo kurwanya iyo virusi nk'uko amabwiriza y'umuryango mpuzamahanga wita ku buzima abisaba. Tubabajwe cyane n'uko tudashobora gukoresha iyo nama ikomeye cyane mu gihugu cy'u Rwanda. Nubwo bimeze gutyo ariko, dusanga kuburizamo iyo nama ari icyemezo kinyuze mu mucyo dukurikije amakuru dufite muri iki gihe.

Turashimira Jenerali Paul Kagame umuyobozi w'u Rwanda kuba yaragaragaje ubushake n'urugwiro bwo kwakira inama ya CHOGM 2020.

Turabashimiye.

I Londres mu Bwongereza

Umunyamabanga wa Commonwealth

Source:medium.com

PS: urubuga twakuyeho iyi nkuru ntabwo rwemeza niba koko iri tangazo ryatanzwe n'urwego rubifitiye ububasha mu muryango wa Commonwealth; amakuru atangwa ku mbuga nkoranyambaga akaba yemeza ko iri tangazo ritaremezwa n'urwego rubishinzwe ahubwo rikaba ryasohowe rwihishwa (fuite) n'abantu batifuza ko iyo nama igomba kubera mu Rwanda cyane ko leta y'icyo gihugu yamaze gufata icyemezo cyo gushyira mu kato abanyamahanga bakinjiyemo no guhagarika inama zose n'imyidagaduro kubera COVID-19!