Politiki: Zahinduye imirishyo mu ishyaka CNR-Intwari, Théobald Gakwaya Rwaka niwe uyobora iryo shyaka

Publié le par veritas

Politiki: Zahinduye imirishyo mu ishyaka CNR-Intwari, Théobald Gakwaya Rwaka niwe uyobora iryo shyaka
Ndlr : Niko bigenda muri demokarasi, umuyobozi ayobora abantu iyo babyemera ko abayobora, baba batamushaka bakamusezerera cyangwa se uwo muyobozi nawe yabona ko atabishaka cyangwa adashoboye kugera ku ntego ze akegura! Ibyo nibyo byabaye mu ishyaka CNR Intwari ? Birumvikana ko kubanyarwanda ari imihini mishya, ariko uretse no mu mashyaka no kubuyobozi bw’ibihugu byateye imbere muri demokarasi niko bigenda. Bwana Gen. Emmanuel Habyarimana yasezerewe na bagenzi be ku buyobozi bw'ishyaka CNR Intwari, ibyo bikaba byakozwe mu matangazo abiri tubona kurubuga rw'iryo shyaka arirwo : http://cnr-intwari.com/. Ni mwisomere ayo matangazo hasi aha:
 
ITANGAZO RIGENEWE ABAYOBOKE BA CNR INTWARI, ABANYAMAKURU N'ABANYARWANDA BOSE.
 
Nyuma y' icyemezo cya komite nyobozi cyo guhagarika Bwana  Habyarimana Emmanuel ku buyobozi bukuru bw'ishyaka , turamenyesha abayoboke bacu ndetse n'abanyarwanda muri rusange ibi bikurikira:
 
1)Nk'uko amategeko abiteganya,umuyobozi mukuru wungirije  Bwana Theobald Gakwaya Rwaka niwe uhita ahagarira ishyaka imbere y'amategeko  akaba n'umuyobozi mukuru waryo.
 
2)Abandi bagize komite nyobozi bazagumana inshingano  zabo bashinzwe ,ni ukuvuga ko  baguma muri komite nyobozi ku myanya bari basanganywe .
 
Mugire  amahoro, ubutwari no gukunda igihugu.
 
Bikorewe i Paris ku wa 27 Nyakanga 2014
 
Umunyamabanga Mukuru wa CNR intwari
Hakizimana Emmanuel.
 
Bimenyeshejwe: 
Abagize Biro Politiki ya CNR Intwari  (bose)
Bwana Twagiramungu Faustin, Prezida wa CPC
Abahagarariye CNR Intwari mu Rwanda no mu ma fasi yose
 
IBISOBANURO KU MPAMVU ZITUMYE GEN.HABYARIMANA EMMANUEL YIRUKANWA MURI CNR-INTWARI
 
Bwana HABYARIMANA Emmanuel,
Nyuma yo kwitegereza imikorere yawe mibi yazanye umwuka mubi mu ishyaka ryacu, no gusuzuma neza amategeko atugenga uhagaritswe k’ubuyobozi bw’ ishyaka, kubera impamvu zikurikira:
 
1)Kuba ushaka gucamo ishyaka ibice wabigambiriye uheza bamwe ku mpanvu zidasobanutse.
 
Ibi bigaragarira mu nama watumije kuwa 26 Nyakanga2014 aho byagaragaragaye neza ko utifuzaga ko bamwe mu bagize komite nyobozi y’ishyaka Bwana Rwaka Gakwaya, vice-président, n'aba komiseri bamwe na bamwe bagaragaza ibitekerezo byabo. Ibi bikaba bitandukanye cyane n’amahame ya demokarasi CNR intwari iharanira. Ntitwaba turwanya igitugu ngo twimike ikindi mu ishyaka ryacu.
 
2) Kuba ushaka gutatira inshingano, ubwigenge n’amahame by’ishyaka ushaka kubyimurira mu mpuzamashyaka uyobora bityo CNR intwari ikaba yarahatereye agaciro.
 
CNR intwari yabaye nk’ ingwate y'iyo mpuzamashyaka aho itakigira uburenganzira bwo kuba yagira icyo ikora itabanje kubaza .
Ibi byerekana ko ushishikajwe gusa no kuyobora CNCD, ugatera CNR intwari umugongo.
 
3)Gushaka kuba nyamwigendaho kandi hari urwego rukuru ngishwanama rugomba kumenyeshwa ibyemezo mbere y'uko bifatwa.
 
Urugero rufatika ni ukuntu wimuriye inama za komité nyobozi i Bruxelles nyamara incuro nyinshi twagusabye kuba twahurira i Lyon ari naho hafi kuri benshi no kuri wowe, ariko ku cyemezo cyawe bwite warabyanze. Ibi bigaragaza ko inyungu za CNR intwari ntacyo zikikubwiye.
 
4)Kubeshya inzego z'ubuyobozi za CNR intwari
 
Aha twakwibutsa ukuntu wabeshye iby 'umutwe wa gisirikare utabaho kandi byari gushyira mu kaga abayoboke ba CNR intwari, n’abandi Banyarwanda, ukagirana amasezerano ya rwihishwa n’uwo mwagombaga gufatanya witwa MUPENZI kandi uzi neza ko akorana n’ubutegetsi turwanya. Ibyemezo nk’ibi bihubukiwe ntibikwiye mu ishyaka ryacu, kandi byanduza isura y’ ishyaka ryacu ikindi byadutwaye ingufu nyinshi mu gusobanura ibyo tutazi.
 
5)Kutita k'ubukangurambaga:
 
Ibi bigaragarira cyane ukuntu kenshi twagusabye mu ishyaka gukoresha meeting kugirango dusobanurire abanyarwanda umushinga wa politike dufite, nyamara warabyanze kandi byaratwaye ingufu nyinshi  abanyamuryango bitanze batizigamye kugirango ishyaka ryacu ribe koko Intwari.
 
Nk'umuntu nkawe uzi neza ingufu n’ubushishozi ndetse n’ubwenge gutegura umushinga nk’uyu bisaba nyamara byose wabihinduye ubusa. Ibi byose bigaragaza ko inyungu za CNR intwari ntacyo zikubwiye ahubwo wagira ngo hari undi ukorera.
 
Tugushimiye uko ubyakirana ubutwari.
Harakabaho Intwari z’u Rwanda.
 
 Bikorewe i Paris ku wa 27Nyakanga 2014
 
Mu izina rya Komite Nyobozi,
Emmanuel HAKIZIMANA,
Umunyamabanga Mukuru wa CNR intwari.
Bimenyeshejwe:
Abagize Biro politiki ya CNR Intwari(bose)
Bwana Twagiramungu Faustin, Prezida wa CPC
Abahagarariye CNR Intwari mu Rwanda no mu ma fasi yose
 
 
 
 

Commenter cet article

Nyirahabimana 29/07/2014 10:11

Nta Rwaka nta BM Habyarimana!

Iseta 29/07/2014 03:47

Iyi nkuru ntintangaje na mba. Rwose sinigeze menya Rwaka, Habyarimana we nigeze kumubona rimwe mu kigo cya gisirikare yabagamo ari kapitene,ariko ntitwigeze tuvugana na rimwe. Uko mbibona rero,muri aya mashyaka akorera hanze, benshi bashorewe n'inyota y'ubutegetsi n'inda yabo, gusa, batitaye ku kababaro Abanyarwanda bafite kakaba kagiye kubaturitsa umutima.
Ibibereye muri CNR-Intwari mu by'ukuri si uko Habyarimana yitwaye nabi mu ishyaka kurusha abandi, ahubwo ikibazo ni icyo gushaka imyanya n'ibyubahiro n'imbehe.
Ikindi abantu benshi mmwitonde kuko na mbateranye maze mbategetke ipangirwa Ikigali ntiyaburamo, kuko rwose tutaryaryana, abambari ba Kigali ubu babaye benshi kandi bazi kwiyoberanya, ku buryo kenshi wibeshya ngo murafatanije naho akuri inyuma n'ubuhiri ategereje ko uhumbya gake akagukocora. None se koko iki ni igihe cyo kurwanira imyanya mu mashyaka? Bitandukaniye he n'ibya Mugenzi na Lando, Rukokoma na Murego,...?
Bavandimwe murashishoze, amazi ntakiri ya yandi kandi uduhiiga ntaho yagiye.

mavubi 28/07/2014 20:36

Ariko se nka HABYARIMANA ko azi uko yakoranye na HABYARIMANA JUVENAL,akaba yaribagiwe ko yamwambitse impeta nyinshi ko yari umusirikari wemerwaga,nyuma aho gukomeza igihango yagiranye ni ingabo n'umuyobozi wabo,ngo Kagame afashe igihugu ramuyobotse.uwavuze ko ibyo akora akorera Kigali sinamurwanya.Ntawabaye umugambanyi ubireka.Wakorana na Mupenzi uzi uko yakoranye na Kagame,ntibibe aruko bombi bafite umugambi umwe.Uwariye kazutu ntareka myambi.Abarebye kure bakaba bamuhagaritse k'ubuyobozi n'abagabo.Mukomeze ubutwari bwanyu.Mudwanye ikibi cyose mwimike icyiza.Imana ikomeze ibarangaze imbere peeee.

Zaninka 28/07/2014 20:10

Maputo murabe maso twamaze kumenya ko Inyenzi zirikuva hano Zambiya ziri kuza aho. Mu makuru twamenye ni uko zimwe zatangiye kwigira abacuruzi b'impeta. kandi ngo aho hari uwitwa Patrick umaze iminsi yarabaye recruté par Vincent, ngo uyu Vincent ahri undi ucuruza yahaye akazi ko kubershera abntu ngo banga abanyenduga dore ko iri iturufu ryongeye kugaruka muri iyi iminsi. Umwanzi mumwivune ariko! Kuki mugira ubwoba. Nzashaka amazina y'abo bantu ba Vincent ndetse n'amafoto tuzashyire ku mbuga.

Deogratias Karegeya 28/07/2014 17:45

Ubutegetsi bwa Kigali buzavaho biturutse ku kukwinanirwa kwa bwo. Ntabwo iyi opposition y'aba maladroits politiques- b'abanyenzara, bagendera ku nzangano , guhimana no kutemera points forts z'abandi - ishobora kugira icyo igeraho. Ni dilemne itoroshye...FPR aho igeze aha ntibyumvikana kuyiyoboka.Aliko se iyi opposition yo ni meilleure alternative? Wavuga ngo:"oui" ushingiye kuki? Abantu badashobora no kumvikanira muli "vestiaire", bageze mu kibuga se bashyira hamwe bate ngo bakine nka équipe compacte et soudée. En tout cas, ababyumva neza mugerageze kudufasha gusobanukirwa. Mperuka mu ishyaka mbare ya 1994 kuko byali ngombwa ko ngira ishyaka mbalirwamo sans doute...aliko aho bigeze aha ,sincèrement , mbura convinctions kugira ngo mbe najya muli amwe muli aya mashyaka....usanga ali nka twa forum tw'abantu basangiye esprit de revanche, nostalgie du pouvoir no kurwanyana...bapfa ibya kera cyangwa'ibyo bafite muli rêves gusa.

umuvumbuziwintore 28/07/2014 18:04

ibyuvuze nukuri ababagabo bariye aya FPR bananiwe kuyaruka Mupenzi J.D.La Paix arabarangije Bem bamwemereye gutaha ngo bamugire nka Rwarakabije none ntacira nta namira! abanyarwanda ababagabo bicishije abazimu babo barikubatera hejuru!!!! Kagamé azakurwaho nuwamugize ikiraro kijya CONGO ntawundi! ARIKO SIKERA.

umuvumbuziwintore 28/07/2014 14:11

Mubyange mubyemere Habyalimana Emmanueli BEM ni umukozi wa leta ya Kagamé n'abanyamerika kandi arikumurimo ntasinziriye, abagurishije urwanda nanubu baracyarugurisha birantangaza iyombona birirwa babiruka inyuma ngo baze bashyire hamwe nabo mubemaso umwanzi ntarikure, ubu ikigambiriwe ni FDLR ubwo murumva CPC iraba ikiriho? dore na PS Imberakuli irageramiwe bayiciyemo( Ntaganda ntarikubyumva kimwe na Bakunzibake) mukanguke mwajwemo imbaraga oposition yarigezeho zidasubira inyuma ubirinyuma ntawundi ni Kagamé!!!!!!!!!!!!!!!!!!!!!!

humura 28/07/2014 13:02

Nuko nimukomeze muryane iyo muri,muhaze za wiski naho abari mu gihugu ngo bategereje abanyanda nini.
Ntimukajye muvugako muhagarariye abanyarwanda.muhagarariye iyo midigi yanyu.

General 28/07/2014 10:20

Ese nawe yariye ku ntoryi za Kagame? yayayayaya