Kagame arimo yitera ijeki ngo "aha isi yose iramuramya "!

Perezida wa Repubulika y’u Rwanda Paul Kagame yashyizwe ku mwanya wa 2 mu ba peresida b'Afrika bakomeye kandi bavuga rikumvikana nyuma ya Jacob Zuma umukuru w’igihugu cya Afurika yepfo. Ubushakashatsi bwakozwe n’umuryango w’abongereza The New Statesman watangaje urutonde rw’abantu 50 rubonekaho abantu batandukanye barimo abanyapolitiki, abakinnyi b’umupira w’amaguru, abaririmbyi, abanyemari n’abandi bakomeye ku Isi.  Nyuma y’igihe gito Presida Kagame atoranyijwe na Times Magazine ikinyamakuru gikomeye cyo muri USA nk’umwe mu bantu 100 bakomeye ku Isi, yongeye kugaragara mu kinyamakuru the new statestaman noneho ari uwa 2 mubakuru b’ibihugu by’afurika bavuga rikumvikana.

Ayo ni amagambo ari mu nyandiko yasohotse ku rubuga rwa OFINFOR  mu nyandiko yagiraga iti « Prezida Kagame mu bantu ba mbere ku isi bavuga rikumvikana ».  Nanjye nkaba mpamya nta gushidikanya ko Kagame  agomba kujya ku isonga mu binyamakuru byose  by'Isi,kubera impamvu nyinshi kandi zumvikana:

Kagame niwe muntu wa mbere ku isi wishe aba Perezida babili 2 ( Prezida Habyarimana Juvénal w’u Rwanda na Ntaryamira Cypriano w’u Burundi )n' ibyegera byabo, ntakulikiranywe n’amahanga kandi yarabikoze akoresheje igikorwa cy’iterabwoba cyo kurasa indege ya gisivile. Kagame kandi avugwa no murupfu rw’abaperezida bandi babiri Melikiyor Ndadaye w’u Burundi na Joseph Kabila wa Congo.

KAGAME niwe wambere ku isi wishe abasenyeli 5 b' Urwanda, ukongeraho babili ba Kongo, amahanga akicecekera ntakome, yewe na kiliziya Gatolika tuzi ko ikomeye ku Isi ikaryumaho !Kagame niwe wa mbere ku isi wishe abapadiri barenga 300 b'abanyarwanda, ababikira , abafurere basaga 500 ku isi, ukongeraho abihaye Imana bo mu madini yose barenze 200.

Kagame niwe wa mbere ku isi wishe abantu barenga miliyoni 7(Abanyarwanda n’abakongomani bavanze na nubu akibica ) ; nyuma y’Umuperezida w’Umudage Adolf Hitler ,Kagame niwe wishe Impinja nyinshi ku isi nyuma ya Herodi ,Kagame niwe wishe abasaza n’ abakecuru benshi ku isi batagira intwaro, abaziza ubwoko bwabo, ibitekerezo, imyiyumvire, Kagame niwe wa mbere ku isi watinyutse kurasa abantu barenga 300.000 bari bahungiye ku butaka butagatifu bwa Kibeho, ahantu Imana yihitiyemo, nyuma akahicira abantu basaga 8000, utabaze inkomere.

Kagame niwe wa mbere ku isi, utanditse (kwanika) uduhanga tw’abantu b’inzirakarengane, nkutanditse amandazi, Kagame niwe muntu wa mbere ku isi waremesheje abaturage inama izuba riva(mu isoko rya Muhura)akamishaho urusasu aseka cyanee nk' uwica  utunyamaswa (amasha) ; Kagame niwe wa mbere ku isi mu ba Perezida washoboye kwivuga imyato ko yishe, akaniyemeza ko azaroga izuba riva, agasya, akababura (gutwika) abatavuga rumwe nawe.

Kagame niwe mu Perezida wa mbere ku isi watinyutse gusuka urusasu mu Nkambi zinyuranye, nkaho ari ho bitoreza(killing ground) ku masha.

Uwamuvuga ibigwi, ntiyarangiza, kuko nuwashaka kwandika igitabo kuri Kagame, ntiyabona ingufu zo kukirangiza, kuko yagera hagati akicwa n’agahinda(crise cardiaque) kubera amahano akabije yakoze, kimwe no kwibuka benshi yari azi bagiye badasezeye, ntibanashyingurwe.

Maze kureba umurambo wa Kadhafi, wuzuyeho amaraso, uherekejwe n' ifoto ariho ahagararanye na Tony Blair, bintera kwibaza no kwibuka ifoto ya Kagame na Tony Blair bari munsi y' igiti,.Mpise nsaba Imana ishobora byose, ngo ibibaye kuri Kadhafi, ntibikabe kuri Kagame, kuko abanyarwanda twaba tubuze ukuri kuzubaka amateka nyakuri y' igihugu cyacu.

Ukunda Urwanda wese, asabire Kagame, ngo ahindure imikorere ye mibisha, yicuze ibyaha byose yakoze( kuko amaraso y' inzirakarengane , umunsi azavugiriza)isi ntizabona aho ihungira. Mumfashe gusabira Kagame, yumve ko Perezida w' igihugu abereyeho kurengera abo ashinzwe, ko adashinzwe gusya, kubabura, gutukana, no gufungira inzirakarengane ubusa.

Ukunda ukuli wese, yifuze kuzabona Kagame acyuye igihe, maze akabwira abanyarwanda bose babuze ababo, aho yabajugunye, nabo bakarira, bakihanagura. Ibi bizaba intandaro y' ubwiyunge nyakuli, buzira guhora, guhogora, no kwanga icyatuma abanyarwanda bongera gusubiranamo ku ndi.

Ndasaba ibyegera bya Kagame byose, kumba hafi, bikamfasha kwigomwa kurya, iraha, gusinda, kubyina, tugapfukama twivuye inyuma, kugeza aho amavi yacu abaye nk' ay'ihene, dusabira Kagame ku Mana-nzima, ngo imwereke inzira ikwiye, aho gukomeza kumutererana, akitera ijeki nka Sekibi ngo Isi yose iramuramya.

Niyemere arekure abafunzwe bose, abareke basange ababo barira ayo kwalika. Niyemere ahe abanyarwanda bose agaciro bakwiye, atitaye ku bwoko bwa Nakivala .Niyemere yumve ko abana b' Urwanda bacyeneye kwiga, kuryama, kurya ducye baruhiye, nta ba DMI babali inyuma. Niyemere yumve ko Imfubyi zose ari kimwe, kuko amaraso yose arasa, kandi iyo amenetse , ntayorwa! Ukunda amahoro wese, namfashe dusabire Urwanda na Kagame, maze amahoro y' ukuli atahe i Rwanda. Urwikekwe ruveho, Ubwikubire buveho, maze ubwiyunge buhabwe intebe nyakuli.

Mana ishobora byose, wowe mugenga wa byose, turakwinginze, ngo urebane Impuhwe abana bose b' Urwanda, bagutakira ubudatuza. Ubahe urukundo, ukwizera, ukwemera, dore ko balize ayo kwalika, kugeza aho benshi batangira gushidikanya ko waba utakibaho!.

Erekana ukuboko kwawe kw' iburyo, kurengere bose, ntawe gusize inyuma, maze bose bajye mu cyunamo cy'ababo bagiye, tutazi irengero ryabo. Nitumara kubasabira bose, twicare hamwe twunge ubumwe, tuguhe icyubahiro ukwiye, maze Kiliziya yawe yongere igirirwe icyizere, nta numwe uyihejwemo. Nta numwe wifuza guhôra, kuko amaraso yamenetse ari menshi.

Impuhwe zawe zirengere abanyarwanda, abaturanyi barwo, incuti, abavandimwe, maze ugirire ikigongwe abagucumuyeho bose. Akira abacu bose baruhukire mu mahoro.

Haragasingizwa uje atugana, yitwaje inkoni y' urukundo n' amahoro.

Bugarama City