Umurenge wa Muganza: MUKAMANA Esperance = Umwambari w’ingoma itegekesha IKIBOKO! Padiri Thomas Nahimana.

Publié le par veritas

BugaramaNiko se Selesitini Kabahizi we: uyobora iki mu gihe usuzugurwa n' Abayobozi b'imirenge! Wishuka abo baturage udashoboye no kubarengera ! Mbega Guverineri ! Ikimwaro nticyica !

 

Taliki ya 5 mutarama 2012 twabagejejeho inkuru yerekana ukuntu Umuyobozi w'umurenge wa Muganza (Bugarama) ashyiraho amategeko arenganya abaturage kandi atabifitiye uburenganzira . Iyo nyandiko twayise "IMPURUZA: abaturage bafite inshingano yo gusuzugura amategeko n'amabwiriza abangamiye uburenganzira-shingiro".

 

Icyo gihe amatangazo y’inzego zimukuriye yaracicikanye, ari Mayor wa Rusizi, ari na Guverineri w’Intara ya Ouest, bose bemeza ko imiyoborere nk’iyo mibi itazongera kubaho. Barabeshyaga cyangwa se baribeshyaga. Muri iyi nkuru turashaka kwerekana ko Madame Esperance MUKAMANA yateye intambwe yisumbuyeho yo kwerekana ko ari we ahubwo ufite ijambo muri iriya ntara ritambutse kure n’iry’abo Bategetsi bayobora Akarere ka Rusizi n’Intara ya Ouest.


None se bishoboka bite ko nyuma yo kwihanangirizwa n’abitwa ko bamukuriye, uyu mugore yasubira inyuma akica abaturage urubozo nk’aho ari ibisimba bitagira amategeko abirengera? None se uyu muyobozi wikorera ibyo yishakiye niba atubaha abaturage, ntiyumvire Mayor n’Umuyobozi w’Intara bamukuriye, akorera  nde? Uwavuga ko Esperance Mukamana afite indi ngoma akorera, ingoma itazi icyo amategeko n’uburenganzira bw’abaturage bivuga; ingoma ishingiye ku KIBOKO; yaba abeshye?


Koko rero ibyo Esperance Mukamana akora birenze igipimo. Wagira ngo igihugu cyasubiye mu gihe cy’uburetwa aho abaturage batafatwaga nk’abantu ahubwo bakaba bari ABAJA n’ ABAGARAGU (=Abahutu) gusa. Bwana KARANGWA Chrysologue wateguye(former) abayobozi b’imirenge azabe se ari we wabumvishije ko bashobora gufata abaturage nk’ibisimba? Ni akumiro!


1. Dore uko umwe mu baturage b’umurenge wa Muganza avuga uko babayeho:


 
 

“Mugire amahoro! Hashize amezi make mbagejejeho itangazo ry'umuyobozi w'Umurenge wa MUGANZA, ryamburaga abaturage uburenganzira  bwo gusarura ibigori byabo, habe n'icyokotsa ! Wenda twagiraga ngo ni impuhwe bafitiyeabaturage, nyamara ubugome bwari bubyihishe inyuma ntibwatinze kwigaragaza. Ibigori bategetse ko bikusanirizwa hamwe, ahantu ubuyobozi bwagennye. Ubunyamaswa bwabo babugaragaje hageze gushyiraho ibiciro bazaguriraho abaturage. Barihanukiriye 1kg bayishyira kuri 100f, kandi banashyiraho inshuti  zabo kuba ari bo bonyine bemerewe kugurira abaturage.Icyo nababwira ni uko nta muturage wemerewe kujyana iwe plus de 20kg. Ubu turi gusubira kuri babandi twategetswe kugurishaho ibigori byacu,bakatugurisha 1kg kuri 350f,ni ukuvuga 3,5fois y'ayo batuguriyeho.

 

Kubera iyi nzara yo kubura ibigori kandi tubireba muma dépots,twahisemo koroshya ibintu, mugutera ibishyimbo tuvangamo n'utugori, ubwo twakekaga ko noneho bazatureka tugasarura ibyo bigori,nyamara mw'ijoro ryo ku ya 04/04/2012, ba reserve forces na ba Local defenses forces, baje kuva 02h z'ijoro bajya kuri buri nzu babyutsa nyirurugo,bamujyana aho bari bari kubicaza mukiziba, iyo baburaga umugabo bajyanaga umugore. Ntawigeze amenya ko bari barakoze intonde z'abacanze ibishyimbo n'ibigori mu murima. Bwamaze gucya,babakusanyirije ku kibuga bategekwa kuryama bagaramye bareba mu zuba.

 

Bigeze 12h, umuyobozi w’Umurenge yategetse buri wese ko agomba gutanga amande y'2000f,kandi bahabwa iminsi 2 kuba bamaze kurandura ibigori byose biri mu bishyimbo.Iyo minsi ibiri ishize utararangiza kubirandura agacibwa 20.000f, kandi agafungwa. Nababwira ko ibigori byari bikuru cyane. Ubwotwarinze gushyiraho abakozi duhemba, kugirango badufashe kubirandura mu gihe gitegetswe ».

2. Iyi nkuru iteye agahinda

 

Irerekana ko :

 

(1)Mu Rwanda, umuyobozi wo hasi nk’uw’umurenge afite uburenganzira burenze imbibi ku baturage ayobora : abarenganya uko yishakiye nta cyo yikanga.Muri make arica agakiza, kandi ibi siko byakagombye kugenda.

 

(2)Igihugu cy’u Rwanda ntikigendera ku mategeko ahubwo cyadukanye imikorere nk’iyo mu ishyamba aho inyamaswa ifite ingufu irya izo irusha intege : kwambura abaturage ibyo bihingiye, kwicaza abaturage mu kiziba, kubaryamisha bareba mu zuba, kubaca amande no kubafunga nta tegeko rishingiweho, nta rubanza rubayeho…ni ubwoko bw’ibihano bitangwa n’INYESHYAMBA ariko butemewe mu gihugu nk’u Rwanda cyirirwa kiririmba hose ko gifite imiyoborere myizantangarugero muri Afurika !

 

(3)Bamwe mu bitwa ko ari abayobozi bakuru ni ab’umurato gusa, nta jambo bagira ahubwo basuzugurwa nk’abandi baturage bose ! Ni nde wansobanurira impamvu Umuyobozi w’umurenge nka Esperance Mukamana yakwiha gusuzugura Umuyobozi w’akarere ka Rusizi na Guverineri w’intara ya Ouest bamukuriye, niba koko ibyo batangaje ngo bamugiriye inama bihuje n’ukuri ? Uyu mugore yikanze iki ? Yambariye kuki ? Reka tubisuzume neza : Mayor wa Rusizi na Guverineri w’intara ya Ouest bahuriye ku kintu kimwe: ni Abahutu ! Naho umuyobozi w'umurenge wa Muganza, Esperance Mukamana, we ni umututsikazi ! Aho ikibazo gikomereye igihugu cyacu si aha kiri? Uwakwivugira ko Abayobozi b’Abahutu basuzugurwa bigeze hariya ari udukingirizo gusa yaba afite ingengabitekerezo?

 

(4)Local defenses na reserve forces bashinzwe iki ?


 

Bene aba bantu bitwaje intwaro zigamije kugaragura abaturage mu cyondo, ni ryoBANGA rikomeye ingoma z’igitugu n’akarengane ziba zishingiyeho:ITERABWOBA. Umunsi abaturage baciye akenge, bazisuganya mu ibanga, ubundi bagwe gitumo umwe umwe aba banyagwa bitwaje intwaro zitagira amategeko azigenga. Izo ntwaro zizabafasha kwikiza abayobozi bose baryamisha abaturage b’inzirakarengane mu kiziba bareba mu zuba. Abaturage ba Muganza nibatangira, Nzahaha igakurikira, Bushenge igataho, Shangi na Nyabitekeri igakomeza, Nkungu iti natanzwe...… uwo munsi, ibintu bizatangira guhinduka mu gihugu hose. Bumva, wumvise ?

 

3.Ingoma ziragwira !


Mu gihe hariho ibindi bihugu bya Afurika bituwe n’abaturage b’abanebwe batazi guhaguruka ngo bakorere ingo zabo, bihaze mu biribwa, bagahora bategeye amaboko Leta cyangwa se bakitungirwa n’umuhigo no gusoroma imbuto zo mu ishyamba, Abanyarwanda bo icyo basaba Leta ni amahoro gusa, ubundi bakihingira uturima twabo , bakarya duke bakiryamira!


Biragayitse kubona Leta ya Paul Kagame igeze n’aho yambura abaturageuburenganzira bwabo bw’ibanze bwo kwihingira icyo bashaka mu turimaTWABO no gutungwa n’umusaruro wavuye mu cyuya cyabo… Uwashoye Leta muri uyu mutego umeze nk’uw’imbeba usa na traquenard (=iyi politiki yizwe nabi y’igihingwa kimwe !), nta cyiza ashakira u Rwanda, agamije kurusenya bidasubirwaho. Iyaba Perezida wa Repubulika yashoboraga kunyumva, namugira inama yo gukosora uwo mujinga bidatinze. Ni nde utabona ko aka karengane gashingiye kuri politiki y’abanyenda nini b’abacuruzi bishakira kuzuza ibifu byabo byonyine ariko abaturage bahasize agahanga, igiye kuba imbarutso y’amahindura akomeye mu Rwanda? Igihugu cyabaye icy’abacuruzi b’IBISAMBO gusa, abaturage bahindutse abagererwa babo!Perezida muzima yashyigikira politiki mbisha nk’iyi ihangayikishije abaturage b’ibiguhu cyose kubera inyungu z'agatsiko k'ibisahiranda ?


Umwanzuro


 
 

Reka nsoze nibutsa ko Leta y’u Rwanda igeze kure mu kurenga imbibi: ni ubwa mbere mbona Leta ivuga ko iriho ariko igakora nk’iyeguye (démissionner), mu gihe isa n’iyafashe gahunda yo kutita ku nshingano yayo y’ibanze ariyo : KURENGERA ABATURAGE!


 

(1)Wagira ngo igihugu nta muyobozi kigira, buri muyobozi wa bure azinduka yishyiriraho amategeko, abaturage batayakurikiza bagahatwa IKIBOKO, bakagarikwa mu kiziba bareba mu zuba!


(2)Wagira ngo abitwa abategetsi bakuru bafite ibindi bahugiyemo bidafite aho bihuriye n’inyungu z’abaturage! Abaturage baratabaza, umwuka ukabashiramo, izo ngirwabategetsi zituramiye! Aka si akaga bagenzi !


(3)Wagira ngo utwo tuyobozi tw’imirenge hari uwatubwiye ko kwica abaturage urubozo ari ISHEMA ridasanzwe ku buryo dusa n' uturi mu irushanwa ryo gutwara igikombe cyo guhonyora uburenganzira bw’abaturage!


(4)Twibaze twese: ubu koko iki gihugu cyabuze ucyitoragurira ngo akiyobore mu mutuzo, ahe abaturage amahoro, dore ko nta kindi basaba Leta?

 


Padiri Thomas Nahimana.

Master en Droit

Doctorand en Philosophie politique

 

 

 

Commenter cet article

ngabo@yahoo.fr 12/04/2012 19:07


Wa mupadiri we uri umunyamatiku, niba umuyobozi umwe ari indiscipliné ntukabigereke ku bayobozi bacu. Urata igihe rero, niba utegereje ko Nzahaha, cyangwa undi murenge uzajya mu muhanda amaso
yawe azahera mu kirere. Ndi umunyacyangugu ayo matiku ntaho adufata. Urarata ibidiplome bidafite epfo na ruguru se hari ukwitayeho. Umunyacyangugu se utakuzi neza nk'umupadiri w'umwextremiste.
Byose utekereza mu gihutu, kandi iby'igihutu byararangiye murwa gasabo. Umujeune w'iki gihe unabimukojeje waseba, kandi kera nibo mwitabazaga, nta nterahamwe izongera kubaho murwa Gasabo. Aho
tugeze heza nitwe tuhazi, RUDASUMBWA KAGAME na HABUMUREMYI aho batugejeje nitwe tuhazi, wowe komeza utorengere iyo za Burayi utanditse ibi byo gudebanya ntiwabona iposho. Tuba mu gihugu wa
gipadiri we, nitwe tuzi ibyiza, niba uvugana n'interahamwe nkawe ni ngombwa ko wandika ibintu nk'ibi by'amatiku. Widutesha igihe rero, uburyohe bw'igihugu cyacu pour le moment nitwe tubuzi twe
tuhaba. puuu!!! wamwextremiste we!!!! Witwanduza n'ibigambo byawe. Dukeneye inyandiko zubaka, iz'amatiku zishingiye ku moko ntituzikeneye. Iby'amoko twarabirenze, turi abanyarwanda. NEVER
AGAIN!!!!!!!!!!!!!!