Uganda: Kubera guteza umutekano muke mu karere kose ntabihanirwe, bigeze ubwo Museveni asuzugura USA muri Sudani y'epfo!

Publié le par veritas

Museveni.pngNyuma y’aho Leta Zunze Ubumwe z’Amerika zisabiye ibihugu byose bifite ingabo muri Sudani y’Epfo kuzivanaho byihutirwa, Uganda yateye utwatsi iki cyifuzo ivuga ko ibi itabikozwa.


Ibi bije mu gihe kuri iki cyumweru Leta y’Amerika itangarije ko ingabo zose z’amahanga ziri muri Sudani y’Epfo zigomba kuvayo, gushyigikira abagabo bahanganye nabyo bigaharikwa byihutirwa.


Jen Psaki umuvugizi wa Department y’Amerika yagize ati “Turasaba ivanwa ry’ingabo z’amahanga ziri muri iki gihugu vuba na bwangu, uwo ari we wese zaba zishyigikiye bigaharikwa kandi bizagira ingaruka ku muntu ukomeza guteza amakimbirabe muri aka karere.”


Nubwo Amerika ntawe yatunze urutoki, Uganda nicyo gihugu cyonyine gifite ingabo muri Sudani y’Epfo, zikaba zishyigikiye Perezida Salva Kiir aho ahanganye na Riek Machar umurwanya.


Nyuma y’aya magambo, Uganda mu ijwi rikomeye ry’umuvugizi w’igisirikare Lt Col Paddy Ankunda, yavuze ko Uganda itaha agaciro ibyavuzwe n’Amerika ahubwo icyifuzo cy’ibihugu by’akarere ari cyo gifite agaciro.


Yagize ati “Twagiye gufasha abatuye Sudani y’Epfo kuhagarura amahoro mu gihe amahanga yarimo avanamo akayo karenge, none ubu nibwo baje kuduha amategeko, icyo tuzakurikiza ni ubusabe bwa Afurika yunze ubumwe, turi abanyamuryango ba IGAD (The Intergovernmental Authority on Development) ubwo niwo muryango tuzaha agaciro kurusha Amerika.”


Ibi kandi byongeye kwemezwa na Fred Opolot, umuvugizi wa minisiteri y’ububanyi n’amahanga ya Uganda, wavuze ko igihugu cye kidateze kuvana ingabo muri Sudani y’Epfo kubera umutekano muke uriyo n’inyungu za Uganda.


http://static.lexpress.fr/medias_9086/w_605,h_270,c_fill,g_north/des-soldats-de-l-armee-sud-soudanaise-patrouillent-dans-les-rues-de-juba-le-2-janvier-2014_4652324.jpgYagize ati “Kuba Sudani y’Epfo yagira umutekano muke, byaha abarwanyi ba LRA kuhatera amatako, umutekano wa Uganda ugahungabana, ibyo ntabwo tuzabyemera.


Yakomeje avuga ko ibibazo by’Afurika bireba Abanyafurika ubwabo nubwo baba bafashijwe n’umuryango mpuzamahanga, bityo icyifuzo cya IGAD nicyo ngo Uganda izubaha, ikazavayo ari uko umutekano uzaba wagarutse.


The Daily Monitor kiravuga ko Tamale Mirundi umuvugizi wa Perezida Museveni we yavuze ko ingabo za Uganda zijya kujya muri iki gihugu byemejwe n’Inteko ishinga amategeko ya Uganda, bityo ngo ntazi aho Amerika yavana aya magambo, we abona ako ari ay’ibihugu bikomeye yo gushaka kuyobora ibindi.


IGAD iherutse gusaba ko hakoherezwa ingabo zirenga ibihumbi 5 muri Sudani y’Epfo kuhagarura amahoro, kugeza ubu ntibiramenyekana niba Uganda izaba ifitemo abasirikare.

Machar urwanya ubutegetsi bwa Sudani y’Epfo akaba akunze gusaba ko ingabo za Uganda ziva muri iki gihugu, ngo kuko ari bwo amahoro azaboneka.


Nubwo Uganda yanze ubusabe bw’Amerika, isanzwe ihabwa inkunga ikomeye n’iki gihugu mu butumwa bwo kubungabunga amahoro muri Somalia.


Haratangira icyiciro cya 2 cy’ibiganoro by’amahoro


http://www.tv5.org/cms/userdata/c_bloc/255/255848/255707_vignette_Riek-et-Salva.jpgAmakuru aca mu bitangazamakuru mpuzamahanga agaragaza ko hateganyijwe icyiciro cya kabiri cy’ibiganiro byo guhagarika intambara muri Sudani y’Epfo kuri uyu wa Mbere tariki ya 10 Gashyantare 2014.


Ibiro ntaramakuru by’Abafaransa (AFP) byatangaje ko ibi byatangajwe na IGAD nk’umuhuza w’impande zihanganye.


Icyiciro cya kabiri cy’amasezerano cyubuwe nyuma y’aho guverinoma iyobowe na Salva Kiir n’umutwe w’uwari amwungirije Riek Machar basinye icyiciro cya mbere cy’amasezerano tariki ya 23 Mutarama 2014, bigasa n’aho bivangiwe.


AFP ivuga ko umugambi w’isinywa ry’aya masezerano ari uguhagarika intambara n’umwiryane urambye nubwo bigaragaza ko impande zishyamiranye zidashyiramo ingufu kimwe ngo ikigamijwe kigerweho vuba.


Itangazo ryasohowe na IGAD ku cyumweru tariki ya 9 Gashyantare riragira riti : ‘‘Icyiciro cya kabiri cy’ibiganiro ku bayobozi ba Sudani y’Epfo bahanganye giteganyijwe nyuma ya saa sita i Addis Abeba. Gusa nta gahunda y’uko ibi biganiro biri bugende yashyizwe ahagaragara.


Biteganyijwe ko hari barindwi bitabira ibiganiro nyuma yo kuba barafunzwe tariki 15 Ukuboza 2013 imirwano igitutumba hagati y’izi mpande zishyamiranye bakaba bari bararekuwe ku ya 31 Mutarama 2014.


Ibiganiro byitezweho kuba umusingi wo kurandura intambara yari imaze no gutuma abaturage bagera ku bihumbi 900 bahunga ibyabo.


Muri izi ntambara hagaragayemo ubwicanyi ndengakamere busa n’aho bushingiye ku moko cyane nane mu miryango ya Dinka na Nuer ari na yo yiganje cyane muri iki gihugu.

Salva Kiir avugwaho kuba avuka mu bwoko bwa Dinka mu gihe Machar we agakomoka mu bwa Nuer.

 

Source : igihe

Commenter cet article