TIP: Tutsi International Power yari impuha cyangwa ni ukuri ? (leprophete.fr)

Publié le par veritas

"Usibye les opportunistes, Abanyamurenge ntibabaho, ni Abanyarwanda" ,dixit Kabarebe.

NI KOKO SE U RWANDA RUTUWE NA MILIYONI CUMI N’EBYIRI?

 

Intambara iri kubera mu burasirazuba bwa Kongo, ikibazo cy’umukobwa wa Karegeya wafatiwe Uganda n’imihango yo kwibuka “jenoside yakorewe Abatutsi” ibera hirya no hino kw’isi byanteye kwibaza. Ese koko Abanyarwanda tugeze kuri miliyoni cumi n’ebyiri nk’uko Perezida Kagame n’abamufasha bahora babihamya? Cyangwa hari abitwa Abanyarwanda kubera ko ari Abatutsi aho baba bakomoka hose?

 

1.Intambara yo mu Burasirazuba bwa Kongo

 

Guhera muri 96, hakunze kujya higaragaza abitwa Abanyekongo, ari uko bageze ku butaka bwa Kongo. Bakwambukira mu Rwanda, bagahinduka Abanyarwanda. Nyuma y’aho, byaje kugaragara ko izo ngirwa Banyekongo, mu by’ukuri, imiryango yabo yose yibera mu Rwanda, byaba ngombwa, bakajya gufata ubutegetsi muri Kongo. Ngabo ba Bizimana-Karahamiheto (Bizima-Karaha), ngabo ba Azariyasi Ruberangabo (Azariyasi Ruberwa), ba Nkundabatware (Nkunda) n’abandi ntiriwe ndondora. Abo bose, imiryango yabo yibera mu Rwanda. Sinjya kuvuga abitwa “Abanyamulenge” muri rusange, kuko nyuma y’intambara yo mu Rwanda aribo bigaruriye ubucamanza, iya Kongo itangiye benshi muri bo bisubirirayo.

 

Hari abari bumbwire ngo bagiye muri Kongo muri 59. Ntabwo ari bo benshi, kuko ab’i 59 barazwi. Abenshi muri bo, nk’Abanyamulenge, bari muri gahunda isanzwe y’isuhuka ry’abandi bose bageze mu Karare k’Ibiyaga bigari baturutse mu Ruhembe rwa Afurika. Abo rero, ntibigeze bitwa Abanyarwanda na rimwe. Urugero ni nka Musenyeri Kapangwa, musenyeri Kolini, n’abandi. Bari Abanyekongo, bukeye baba Abazayirwa. Batandukanye n’abitwa ba Bisengimana, ba Gasongo, n’abandi bahunze muri 59.

 

Ikibazo rero, FPR imaze gufata ubutegetsi i Kigali, abo bose bahawe amarangamuntu y’u Rwanda, batanaretse kugumana izo muri Kongo. Iyo bibaye ngombwa bahinduka Abanyekongo, byaba bitabanyuze bakaba Abanyarwanda. Mu Rwanda, ubasanga mu nzego zose z’ubuyobozi, ibyo ntibibabuze kurwanira n’ubuyobozi bwo muri Kongo. Urugero ni umukoloneli witwa Mupenzi uri mu barinda Kagame : iyo bibaye ngombwa ajya gusura ba sewabo batuye i Kinshasa yitwa umukongomani. Agakomereza i Kindu agasura ba nyirarume. Yagera ku Gisenyi akaba ofisiye wo mu ngabo z’u Rwanda !

 

Urundi rugero, ni “impunzi ngo z’Abakongomani” ziri mu Rwanda. Bose bafite amarangamuntu y’u Rwanda. Kagame yatangira guteza amahane muri Kongo, akaba aribo yohereza bitwa Abakongomani. Byabananira, bagakimirana bagasubira mu Banyarwanda.Ibintu nk’ibi nta handi biba kw’isi usibye mu Rwanda honyine!

 

Taliki ya 22/8/2002, muri ULK, James Kabarebe wari Umugaba mukuru w’ingabo z’u Rwanda yavugiye imbere y’abanyeshuri ibihumbi ko , usibye les opportunistes (Baruhurwinda), Abanyamurenge b’abakongomani batabaho ko ahubwo bose ari Abanyarwanda ! Ibyo yabivuze ari kumwe na  Azarias Ruberwa na  Charles Muligande! Azariyasi Ruberwa yabuze uko yifata, ariko ntiyavuguzuje iyo mvugo !

 

2. Umukobwa wa Koloneli Karegeya uherutse gufatirwa Uganda

 

Ibyabaye kuri uyu mwana birababaje, kuko bigumya kwerekana ubugome, inzika n’inzigo by’ingoma ya Kagame. Ariko bigomba gutuma twibaza: Abanyarwanda bavuye Uganda, bagumanye ubwenegihugu bwa Uganda ? Ese ubw’u Rwanda babufashe bate? Mwambwira niba Kagame yararetse kuba Umuganda?

 

Nibyo koko, Abanyarwanda bahungiye Uganda, bagize amahirwe yo kwinjizwa mu nzego z’ubuyobozi n’iza gisirikari by’icyo gihugu. Baratunga, baratunganirwa. Igihe cy’intambara yo muri 90 kigeze, Kaguta afatanije na Kilintoni w’umunyamerika, Blair w’umwongereza, Buyoya w’umurundi na Zenawi w’umunyetiyopiya, babaha ibyangombwa byose, bararwana, barica, baranasahura. Bukeye bafata imijyi y’u Rwanda baratura, bambukira no mu ya Kongo naho baratura.

 

Abenshi mu bagize iyo miryango yavuye Uganda, bageze mu Rwanda ibyaho birabayobera, bisubirirayo. Ariko bahagurukana ubunyarwanda n’ubuganda bataburetse. Reka nibutse abasomyi ko na mbere y’uko intambara yo muri 90 itera, benshi mu mpunzi zari Uganda bari bafite irangamuntu y’u Rwanda, kuko zacapirwaga kwa “SIYEVA” (Rwubusisi Evariste). Igice kinini kikoherezwa Uganda na Burundi, kugira ngo igihe intambara izatangirira, bazashobore gucengeza abana babo nta kibazo bagize. Ibi nabyo ntibikiri ibanga : abategetsi bafashaga  Habyalimana bari bararangaye bihagije, ku buryo abenshi mu bayobozi biberaga mu bizungerezi. Abo bose babarurwa muri ziriya miliyoni cumi n’ebyiri.

 

3.Ikibazo cyo “kwibuka jenoside yakorewe Abatutsi”

 

Maze igihe nibaza kuri ibi bintu bikanyobera. Iyo “Abanyarwanda” bari mu mahanga bibuka “jenoside yakorewe Abatutsi”, abenshi usanga muri iyo mihango baba ari “Abarundi” n’ “Abanyekongo”. Baba kandi bafite ubwenegihugu bwo mu bihugu batuyemo (cg impapuro z’ubuhunzi z’icyo gihugu), bakagira n’iz’iyo baturutse. Nyamara iyo ubabajije ibyabazanye, bagusubiza ko bafite n’irangamuntu y’u Rwanda yanditswemo Uturere batazi aho duherereye. Wababaza uko babibonye, bati : “FPR imaze gufata ubutegetsi, twese baratwiheraga”. Bene abo, bafite ubwenegihugu butatu cyangwa bune : Rwanda-Burundi-Ubufaransa cg Ububiligi cg Canada…; Abandi bakagira Rwanda-Burundi-Uganda-Ubufaransa… Jye ibi bintu byambereye urujijo, bimbera n’uruzongwe. Kubona abantu babaho batyo, umutima wabo ntugire ikibazo, byaba ngombwa ukabasanga no mu bayobozi b’amadini !

 

Umwanzuro

 

Ibi byiciro by’abo navuze haruguru, iyo mu Rwanda habaye amatora, bose baratora. Congo cyangwa Burundi, Uganda se, byaba bifite amatora, naho bagatora. Abo bose kandi ikibahuza ni kimwe : BOSE BUMVA ARI ABATUTSI. Umubare w’Abahutu wongera ibarura iyo bavuga Abatutsi bazize jenoside. Aha niho ujya kumva ngo ku Gisozi hari ibihumbi 350 by’Abatutsi bishwe muri “jenoside yakorewe Abatutsi”.

 

Dore rero bimwe mu bibazo nibaza :

 

(1)Igihe FPR yatangiraga intambara, hakwiriye ibintu byaje kwitwa impuha, ko mu byitso byafashwe, benshi bari banditseho inyuguti eshatu arizo “T.I.P” (Tutsi Internatinal Power). Aho iyo mvugo ntiyaba yari ukuri, nk’uko n’ibindi byitwaga ibihuha ubu bigenda bihinduka ukuri gahoro gahoro ?


(2)Harya ubundi mu mategeko mpuzamahanga n’u Rwanda rwemeye, hari aho umuntu agira ubwenegihugu butatu ?


(3)Amategeko agenga imitangire y’ubwenegihugu, mu Rwanda yifashe ate?


(4)Ese muri rwa rwego ngo rwo “kwihesha agaciro”, kubakira ku kinyoma nabyo byaba ari agaciro?


(5)Umubare nyakuri w’Abanyarwanda nyuma ya jenoside “yakorewe Abatutsi” n’irimburwa ry’Abahutu ni uwuhe?

 


 

Byiringiro Aminadabu

Umukunzi wa Le prophète-Umuhanuzi,

 

 

Commenter cet article

pacis 28/07/2012 18:54


Iyi nkuru yawe ndayishimye, ibyo uvuga ni ukuri. Ntibakirengagize Conference de Belrin yashyizeho imipaka mu 1918. Abari batuye mu gihugu muri uyu mwaka ni bo benegihugu naho abari ahandi
babarirwa ahio bari batuye. Igihe gisigaye ni gito ibi by'abihinduranya nk'uruvu bigasubirwamo, akana iwako akandi iwako.