TANZANIYA. Kenyatta yasabye imbabazi Kikwete, Kagame na Kaguta bo bazabikora ryari?/NKUSI Joseph

Publié le par veritas

http://3.bp.blogspot.com/-29STDpYRPMM/UoBzpwGjwvI/AAAAAAAAoUk/D9zuLHoannY/s1600/1.jpg

             Ba Minisitiri Membe na Amina bahura n'abanyamakuru

 

Amakuru urubuga shikama.fr rukesha ibinyamakuru binyuranye byo muri Tanzaniya ni avuga ko hari inama yahuje ku cyumeru tariki ya 10/11/2013 Minisititri wa Tanzaniya ushinzwe ububanyi n'amahanga Bwana Bernard Membe na mugenzi we wa Kenya Madamu Amina Mohamed. Iyi nama yabereye muri Hoteli ya Hyatt Regency Kilimanjaro i Dar es Salaam muri Tanzaniya.


Nkuko Minisitiri Membe yabitangarije abanyamakuru nyuma inama ihumuje, mugenzi we wa Kenya Amina Mohamed ngo yaje muri Tanzaniya azanye ubutumwa bwa prezida Uhuru Kenyatta bwo gushimira Prezida wa Tanzania Jakaya Kikwete kubera ijambo yari amaze iminsi ine avugiye imbere y'Inteko Nshingamategeko ya Tanzaniya.


Twabibutsa ko Kikwete yamenyesheje abashinzwe iyo nteko ko nubwo Kaguta, Kagame na Uhuru bagiye bakora amanama ndetse bagapanga n'imishinga bigaragara ko ikigamijwe nyamukuru ari uguha akato Tanzaniya mu muryango w'Afrika y'iburasirazuba(EAC), igihugu cye kititeguye kuva muri uyu muryango. Imwe muri iyo mishinga ngo ni umuhanda wa Gari ya Moshi n'uruhombo rwa peterori nkuko byatangajwe na Kikwete.


Ministiri Amina Mohamed yatangaje ko rwose ibyo bakoranaga na Kagame na Kaguta batari bazi ko biha akato Tanzaniya, umunyamuryango ukomeye wa EAC, mbega Tanzaniya ikaba ari nkaho ari nayo yashinze EAC. Amina yatangaje ko Uhuru yishimiye uwo mugambi wa kigabo wa Perezida Kikwete, anatangaza ko Kenya izakora ibishoboka byose ngo umwuka waranze ishingwa rya EAC ukomeze. Amina hagati aho  yunzemo ko kuba haragiye haba aya manama n'imipango inyuranye  hagati ya Uhuru, Kagame na Kaguta  bikinze Tanzaniya ari amakosa Kenya itazongera gukora.


Minisitiri Amina kandi yari afite n'ubundi butumwa bwo gushimira Kikwete ukuntu yagobotse uhuru muri iyi minsi muri cya Kibazo cye afitanye n'Urukiko Mpanabyaha Mpuzamahanga(ICC).Amina yatangaje ko Uhuru yagombaga gutangira kwitaba uru rukiko tariki ya 12/2/2013, ariko ngo kubera Tanzania ari igihugu gifite ijambo mu ruhando rw'ibihugu byubashywe ku isi, Kikwete ngo yakoze uko ashoboye yumvisha amahanga  nayo yumvishije urukiko ko Uhuru yatangira kwisobanura k'ubwicanyi yakoreye abanyakenya ku itariki ya 5/2/2014. Amina yashimangiye ko nta kindi gihugu cyashoboraga gukora ibi Kikwete yakoze ngo bishoboke. Membe nawe yunzemo ko ahubwo Tanzaniya iriho ishaka uko yakumvisha Akanama gashinzwe umutekano ku isi kugirango karebe uko Uhuru yatangira kumvwa n'urukiko mu mpera z'umwaka wa 2014 kugirango akomeze yite ku miyoborere n'umutekano wa Kenya.

 

Ubwo Kenya yakozwe ku mutima n'iri jambo rya Kikwete, Kagame na Kaguta bo umenya bakomeje kwinangira kuko ntacyo bari batangaza.!Muri make rero, ntawabura kuvuga ko iyi ari iyindi nkota icumiswe Kagame nyuma y'indi yarebewe n'itsindwa ruhenu rya RDF(M23).Aha tukaba twabibutsa ko mu nama yahujije abakuru b'ibihugu byo mu Biyaga bigari ICGL  n'ibyo muri Afrika y'Amajyepfo SADC, iherutse kubera muri Afrika y'Epfo mu cyumweru gishize, Kagame na Kikwete bashobora kuba barahuye bakaganira. Ibi bikaba byemezwa n'inkuru ziriho zihwihwiswa n'ibitangazamakuru ko Kaguta yaba yarunze murya Kikwete agasaba Kagame ko yashyikirana na FDLR. Kagame rero mu minsi iri imbere ashobora gucumitwa indi nkota ya gatatu yumvise Kaguta nawe yohereje umuntu wo gusaba imbabazi Kikwete!

http://www.redpepper.co.ug/wp-content/uploads/2012/12/Museveni-Kagame.jpg

                                               Aba bagabo bazasiga nkuru ki imusozi?


Nkuko buri gihe iyo nanditse inkuru irebana na Tanzaniya nshima ubushishozi, kwicisha bugufi, kwita ku bibazo by'abaturage birangwa mu batagetsi ba kiriya gihugu, ndumva n'uyu munsi ntarangiza iyi nkuru ntaberetse ukuntu Tanzania ifite abategetsi b'indashyikirwa muri Politiki mpuzamahanga. Mubyo ukuri, ibinyamakuru hafi ya byose byo muri Tanzaia byasotse kuri 11/11/2013, byanditse bimwaza binishongora kuri Kenya ukuntu yari imaze iminsi ifatanya na Kagame guha akato Tanzaniya none ikaba ije gusaba imbabazi. Mu itangazo rigenewe abanyamakuru ryasohowe n'ibiro bya Perezida Kikwete, iki gihugu kirihaniza abanyamakuru cyamagana imitwe y'inkuru zasotse mu binyamakuru n'imbuga zitandukanye zimwaza Kenya . Perezidansi iratangaza ko ibyo  Tanzaniya nta nyungu ibifitemo.


Ndakeka ko Kagame yagombye gushaka intumwa ziherekejwe na Mushikiwabo zikajya kwigira kuri Tanzania uko bakora politiki aho kubeshya Rubanda ko igihugu iki n'iki cyaje kwigira ku Rwanda. Abanyarwanda baca umugani ngo utirahuriye ntarahurira undi! Narangiza ngira inama Kagame kujya nawe gusaba imbabazi Kikwete Museveni ataramutangayo kandi akajyayo amuha na gahunda y'uko ateganya kugirana ibiganiro na FDLR.Yewe Abumva? Niba wumva mvuze ngo iki?


 

Nkusi Joseph

shikama.fr

 

 

Commenter cet article