SUDANI Y'AMAJYEPFO: USA iramagana ibitero byagabwe mu birindiro bya Riek Machar kandi ikaba yatanze ibihano ku mpande zombi !

Publié le par veritas

 

Riek-Machar.png

Muri Sudani y’epfo intambara iraca ibintu, ingabo za leta y’icyo gihugu zateye ku kicaro cy’abarwanyi ba Riek Machar kiri hafi y’igihugu cya Etiyopiya, icyo gitero kikaba cyari gifite intego yo guhitana umukuru w’abarwanya ubutegetsi ariko aza kurusimbuka bituma ibinyamakuru bimwe byandika ko yahunze igihugu !Ibyo bitero byabereye icyarimwe n’ibyagabwe ku mujyi ukomeye wa bentiu ariko kugeza ubu ingabo za leta  ya Sudani y’epfo ntizirashobora kuwigarira ! Ibyo bitero byose byabaye nyuma y’uruzinduko rwa ministre w’ububanyi n’amahanga wa Leta Zunze ubumwe w’Amerika John Kerry wari umaze mwemererwa n’abahanganye kugirana ibiganiro ; iyo mirwano yubuye nyuma y’iyo mibonano yatumye Amerika ifatira abarwanyi babiri bo ku mpande zihanganye ibihano ndetse Jonh KERRY asohora itangazo ryamagana imirwano yongeye kubura muri Sudani y'Amajyepfo ku mijyi irimo ibirindiro by'abarwanya ubutegetsi ya Nasir, Bentiu n'ahandi... .

 

Ibihano bya mbere bya USA kubasirikare babiri bakuru (Généraux):

 

1.Uwambere wahawe ibyo bihano ni Marial Chinoum (cg Marial Chanuong), ni uwo mungabo  za SPLA zishyigikiye  Leta ya Salva Kiir  akaba  ari n'umwe mu ba Komanda b'umutwe urinda umukuru w'igihugu. Yayoboye ubwicanyi i Juba bwakozwe n'ingabo za Leta ya Sudani y'Epfo ari nazo ngabo zirinda umukuru w'igihugu. Hagati mu kwezi kw'Ukuboza 2013, intamabara igitangira muri icyo gihugu, izo ngabo zishe amagana y'abaturage b'abasivili zijugunya imirambo yabo mu myobo rusange.


 2.Undi wahanwe ni Peter Gadet umuyobozi mungabo za Riek Machar zigometse kuri Salva Kiir, yayoboye umutwe w'aba Komando bishe amagana y'abaturage b'abasivili hakurikijwe amoko yabo i Bentiu ubwo izo ngabo zafataga uwo mujyi hagati muri Mata 2014. (Kanda aha usome mu buryo burambuye inkuru ijyanye n'ibi bihano).


Twakwibutsa abasomyi bacu ko intambara yatangiye muri Sudani y’epfo hagati mu kwezi kw'Ukuboza 2013, icyo gihe ingabo za Salva Kiir zavuze ko zaburijemo ihirikwa ry'ubutegetsi, ubundi zitangira kwica abaturage no gufunga abategetsi bakekwa kuba ku ruhande rwa Visi Perezida Riek Machar. Urugero ni amazina akurikira y'abategetsi bane barekuwe bwa nyuma aribo: generari Okiech Pag’an Amum, wahoze ari umunyamabanga mukuru w'ishyaka SPLM riri kubutegetsi, generari Oyai Deng Ajak wahoze ari minisitiri w'Umutekano w'Igihugu, Ezekiel Gatkuoth Lol wahoze ari amabassaderi i Washington na generari Dr. Atem Majak Agoot, wari wungirije minisitiri w'Ingabo.

 Soudan-du-sud.png

                   Ahari ibara ry'icyatsi kibisi niho leta yagabye ibitero icyarimwe


 Kuri liste y'abashyigikiye Riek Machar urwanya ubutegetsi muri Sudani y’epfo twakongeraho Madamu Rebeka GARANG wubashywe cyane muri icyo gihugu kimwe n’umuhungu we. Abakurikiranira hafi ibya sudani y'epfo, batangaje ko bitatu bya kane 3/4 by'ingabo za SPLA byagiye nabyo ku ruhande rwa Riek Machar. ( Niyo mpamvu mwumva Salva Kiir arwanirirwa n'abanyamahanga nk’igihugu cya Uganda kiri kw'isonga, bityo perezida wa Sudani y’epfo akaregwa kugambanira igihugu. NDLR)

 

Ikibazo cy'imishyikirano niho kibereye ingorabahizi, Riek Machar na Salva Kiir bazahura bwa mbere imbonankubone ku wa gatanu 09/05/2014 i Addis-Abeba, ni ukubitega amaso tukumva imyanzuro izava muri iyo nama cyane ko n'ingabo za Sudani zirukanywe Bentiu (kanda aha usome uko ingabo za Sudani y'epfo zirutse amasigamana).

 

Umusomyi wa veritasinfo

Commenter cet article