Rwanda: Uyu musaza nawe agiye kwicwa urubozo ngo yandikiye FDLR !

Publié le par veritas

Ntabanganyimana.png[Ndlr :FPR inkotanyi ikoresheje inkoramaraso zayo nka Mubarak Muganga ikomeje guhinduranya amayeri mashya yo kwica abaturage buhoro buhoro, noneho uyu musaza witwa Ntabanganyimana we ashakiwe icyaha gishya , ngo yandikiye FDLR !! Aya ni amayeri yo kwica umuntu bamwemeje icyaha cyo kurwanya leta  kuko baba bazi ko atemera politiki yabo ! Ngo gihamya y'uko yiyandikiye iyo baruwa ngo ni uko ayisoma adategwa!! Mbega inkotanyi !None se umuntu wize kaminuza, akaba n'umwarimu babona atazi gusoma kuburyo neza kuburyo gusoma adategwa byaba ikimenyetso kimuhamya icyaha? None se amabaruwa yandikirwa FDLR abantu bayanyuza muyihe posita kuburyo ariho uyu musaza yanyujije iyo baruwa yari ageneye FDLR igafatirwamo ? Niba se uyu musaza yaranditse iyi baruwa akayibika iwe kandi Mubarak akaba atarahurujwe yaje gusaka mubigenze bite iyi baruwa ? Yararyamye arota uyu musaza ari kwandika ibaruwa amenya naho ayihishe cyangwa ni ya mayeri yabo yo gutera gerenade ahasigaye bagafata uwo babonye wese mu nzira ngo bafashe aba FDLR ? Iyi baruwa yanditswe na Mubarak Muganga , maze akora urwiyerurutso rwo gusaka uyu musaza ayifite mu mufuka we bakaba barakoze ikinamico, nkuko basanzwe bica abantu bakabambika ibisasu ngo nibyo bari bafite ! U Rwanda rwatewe n’amashitani yitwa FPR Inkotanyi]

 

Ntabanganyimana Yohani w’imyaka 61 y’amavuko ukomoka mu mudugudu wa Kabusagara mu kagari ka Kabere mu murenge wa Kivumu mu karere ka Rutsiro yafatanywe ibaruwa yandikiye FDLR ikubiyemo intashyo, izina rishya yifuza ko FDLR yakwitwa, ndetse ayemerera n’ubufasha burimo kuyishakira abayoboke.


Ntabanganyimana yemera ko iyo baruwa ari we wayiyandikiye, dore ko n’ibyanditsemo abisoma yihuta adategwa. Ntabanganyimana yavuze ko yashakaga ko FDLR yahindura izina ikirwa UFADR (Union des Forces pour Asseoir la Démocratie au Rwanda).


Nubwo Ntabanganyimana inyuma ku mubiri agaragara nk’umuntu ubayeho nabi, abayobozi bo mu gace atuyemo bavuga ko abarirwa mu bantu badakennye cyane, dore ko no mu bihe byashize yagiye akora imirimo itandukanye kandi yamuhembaga neza.


Ntabanganyimana yize i Kisangani muri Repubulika iharanira Demokarasi ya Congo ahakura Licence muri Psychologie du Travail. Yagarutse mu Rwanda mu 1973 akora muri Minisiteri y’Abakozi ba Leta n’umurimo.

Rutsiro.png

Nimundebere uburyo FPR yataye umuco ikaba yirirwa icura bufuni na buhoro abaturage,aha ni mu karere ka Rutsiro.


Haje kujyaho impuzamahuriro y’abakozi mu Rwanda (CESTRAR), ayibera umunyamabanga wungirije ushinzwe ubutegetsi n’imari kandi ngo yakoze no mu cyitwaga PNAS (Programme National des Actions Sociales).


Mu 1994, mu Rwanda habaye Jenoside yakorewe Abatutsi, ahungira muri Congo, agarutse mu 1997 ahabwa akazi k’ubwalimu (professeur) mu kigo cy’amashuri cya Trinité giherereye mu murenge wa Kivumu mu karere ka Rutsiro.


Amasomo yigishaga muri icyo kigo ya Sociologie na Psychologie amaze kuvaho, Ntabanganyimana na we yahise ahagarika ibyo kwigisha, dore ko yari ageze no mu zabukuru. Ntabanganyimana amaze imyaka igera kuri itanu ahagaritse ibijyanye no kwigisha.


Tariki 24/02/2014 ni bwo polisi yageze iwe iramufata ndetse ihasanga n’iyo baruwa irayijyana. Ntabanganyimana avuga ko na we atazi impamvu yamuteye kugira ibitekerezo bishyigikiye FDLR, kuko asanzwe ari umunyamuryango wa FPR-Inkotanyi. Ngo nta n’ikibazo kidasanzwe yaba afitanye na Leta y’Ubumwe iriho mu Rwanda.

http://kigalitoday.com/IMG/jpg/Mu-kiganiro-yagiranye-n_abayobozi-ba-Rutsiro_-Gen--Mubarak-yasabye-abayobozi-gufasha-abaturage-bagifite-bene-iyo-myumvire-kuyihindura-na-bo-bagatera-imbere.jpg

Uyu niwe Mubarak Muganga wahawe ikiraka na Kagame cyo kurimbura abanyarwanda


Nubwo ubu ngo atabayeho neza nk’uko yari abayeho mbere ya Jenoside yakorewe Abatutsi mu Rwanda, ubu ngo nta bibazo bikomeye afite mu buzima bwe. Icyakora asanga amafaranga y’izabukuru ahabwa ari macye atamuhagije, hakaba hari n’andi mafaranga aba agomba guhabwa nk’umwe mu banyamuryango bashinze ikigo cy’amashuri cya Trinité, ariko ngo hashize amezi atandatu atayabona.


Ubwo yaganiraga n’abayobozi bo mu nzego zitandukanye z’akarere ka Rutsiro mu nama ya komite mpuzabikorwa yari yateranye tariki 25/02/2014, umuyobozi w’ingabo mu ntara y’Iburengerazuba, General Mubarak Muganga, yavuze ko bitangaje kubona umuturage usanzwe wihingira, akarya, akaryama afata umwanya wose wo kwandika ibitekerezo nk’ibyo.


Ati “ibi ntabwo byaba bitwubaka nk’Abanyarwanda”. General Mubarak asanga umusaza w’intege nke nk’uwo akeneye gusazishwa neza, aho kugira ngo yirirwe mu bintu nk’ibyo bidashobora kugira icyo bimugezaho.


General Mubarak yabwiye abayobozi ko badakwiriye kuryama ngo basinzire mu gihe hakiriho bene abo bantu basigara inyuma mu rugamba rwo guteza imbere imyumvire y’abaturage, kuko ngo nta mpamvu ihari yatuma umuntu aba umurakare kandi abantu bose bagomba kugerwaho n’ibyiza igihugu kigenda kigeraho.

 

Source : kigalitoday

 

 

 

 

Commenter cet article