Rwanda: Urujijo ! N'abacitse ku icumu Kagame yabagize aba FDLR, Kizito na Ntamuhanga nibo babanjirije abandi benshi bagiye gutotezwa

Publié le par veritas

Kizito.png[Ndlr : Ubutegetsi bushimuta abaturage babwo, bukabaniga, bukigira nyoninyinshi ko ntacyo buzi ! Uburyo Ntamuhanga yashimuswe n’ingoma ngome ya Kagame buhuye n’uburyo iyo ngoma yishemo Padiri Nambaje, Kizito we bagombaga kumwica ni uko itangazamakuru ry’abanyarwanda ryakomeje kwerekana aho aherereye, kuva ikinyamakuru inyenyerinews.org cyatangaza amazu Kizito yari afungiyemo natwe iyi nkuru tukayigeza kubasomyi bacu, abicanyi bari biyemeje kwicwa Kizito biyemeje kumushyira ahagaragara , kubera isoni batangaje ko ngo Kizito bamufashe kuwa gatanu ! Les faits sont têtus, abanyarwanda mu moko yose anyuranye nibarebe ikibategereje ! Inshuti za Kizito zose na Ntamuhanga zigiye kwitwa aba FDLR ,ndetse n'inshuti z'abakunzi babo nazo zitwe aba FDLR! Hazarokoka nde ?]

 

Polisi y’Igihugu iravuga ko yataye muri yombi abantu batatu bakurikiranyweho ibyaha birimo gushaka kwivugana abagize Guverinoma.

 

Umuhanzi Kizito Mihigo, umuyobozi wa Radio Amazing Grace, Cassien Ntamuhanga, ndetse n’umudemobe witwa Dukuzumuremyi Jean Paul ngobemereye polisi ko bakoranaga n’imitwe ibiri irwanya Leta y’u Rwanda, FDLR na RNC.

 

Kizito Mihigo ntiyigeze agaragara mu ruhame kuva mbere gato y’uko icyunamo gitangira, ariko Polisi iravuga ko yamufashe kuwa gatanu w’icyumweru gishize (tariki 11 Mata 2014).

 

Polisi itangaza ko, "Kizito, Ntamuhanga na Dukuzumuremyi barakorwaho iperereza ku ruhare mu itegurwa ry’iterabwoba ku Rwanda, gupanga guhirika Guverinoma iriho bakoresheje akaduruvayo, gupanga kwivugana abagize guverinoma no guteza umwiryane mu baturage.

 

Umuvugizi wa Polisi y’Igihugu, ACP Damas Gatare aragira ati, "Polisi ifite ibimenyetso byinshi birimo amagerenade n’ubuhamya yakuye mu bandi bantu mu iperereza ryakozwe. Kizito Mihigo, Cassien Ntamuhanga na Jean Paul Dukuzumuremyi bemeye ko bakorana n’abayobozi bakuru ba RNC na FDLR”

 

Ibimenyetso ngo birashyikirizwa ubushinjacyaha mu gihe iperereza ku bandi bakekwaho gukorana na FDLR na RNC rigikomeje. Hagati aho Polisi irasaba umuntu wese ufite andi makuru ajyanye n’ibi birego aba bagabo bashinjwa, kuyatanga mu rwego rwo gufasha iperereza.

 

Urwego rw’abanyamakuru bigenzura ruranenga ifatwa rya Ntamuhanga

 http://www.igihe.com/local/cache-vignettes/L600xH338/blqik6gcaaamwnm.jpg_large-31e31.jpg

                                                            Cassien Ntamuhanga


Umuyobozi wa Radio Amazing Grace benshi bita Ubuntu Butangaje ivugira ku murongo wa 105,1 FM, Cassien Ntamuhanga, yaburiwe irengero kuva mu ijoro ryo kuwa 7 Mata 2014, ariko Polisi iravuga ko yamutaye muri yombi mu gitondo cyo kuri uyu wa mbere tariki 14 Mata 2014.

 

Umuyobozi w’Urwego rw’Abanyamakuru Bigenzura (Rwanda Media Commission: RMC) yabwiye ikinyamakuru Izuba Rirashe ko banenga ifatwa n’ifungwa ry’uyu munyamakuru.

 

Muvunyi Fred yagize ati, "uyu munyamakuru yabuze ku itariki ya 7 Mata, nta kitwemeza ko yatawe muri yombi uyu munsi, kandi polisi guhera icyo gihe twarayegereye batubwira y’uko batazi aho aherereye, kuba uyu munsi bavuga y’uko bari bamukurikiranyeho gukorana n’imitwe y’iterabwoba bita FDLR na RNC, kuri twebwe turabona ari ibintu bitunguranye kuko dukurikije amakuru twahanahanaga na polisi ntabwo ari icyo ngicyo batubwiraga."

 

Icyo RMC isaba kuri ubu ngo ni uko Ntamuhanga ahabwa ubutabera akwiye, agahabwa abamuwunganira, umuryango we ukamenya aho afungiye, kandi urubanza rwe rukihutishwa kugira ngo ukuri kumenyekane.

 

Source : Izuba

Commenter cet article

Nkoronko 10/05/2014 06:33


Aba batutsi(ndavuga abo agatsiko kita Asope" Gafuni atarabahindamo ubudehe hari uwo mwigeze mwumva arevura iyo yabonaga mugenzi we cyangwa umuturanyi we w'umuhutu inkoramaraso za Kagame zimutwaye
intambike?Ashwi da!Baravugaga ngo "nibabifagiye ibyo biterahamwe"!!!Ubu noneho nkeko ko bagiye bakwemera ko uwo bitaga umucunguzi wabo nabo atabarera izuba iyo bashatse kwitambika mu nzira ye
y'uburiganya n'ubwicanyi!!Koko na Kizito Mihigo ngo akaorana na FDLR?Akumiro ni intongi,imvunja irahandurwa!Uyu musore rwose niwe uzajya avuga ko yarokotse ,naho abandi baba bigiza nkana!Kubona
asongwa n'abakamufashe mu mugongo!Genda Rwanda ugeze ku buce!!!


Umugani wa wa mugabo wari uhetse impyisi ayita "imana".....!!!!!


Ngo "urajye ukenga icyo abagabo babiri bavuze"!Mu yandi magambo,"ruriye abahutu ariko namwe ntimwibwire ko muzaruhonoka,igihe mutarumva ko "inkoni ikubise mukeba uyirenza urugo!


Abwirwa benshi...!!!


 


Nkoronko

janine 09/05/2014 15:20


muribuka mutima muke wo murutiba,inda ningome,kandi niyodupfu muzambwire uwayihahiye ikanyurwa,udufi duto dutunga amanini,(Afrika itunga Amerika n'Uburayi,...)rekabaze barye nutwacu none
kogusangira byatunaniye!Rwanda niwowe ubwirwa!kagame uratekereza iki? KURA INKOTA

kanyange 15/04/2014 03:28


Inkuru yanyu ifite akabazo! Iyi foto mwise iya Ntamuhanga Cassien niyo uwitwa Niyomugabo Gerard, usibyeko yari inshuti ya Kizito hamwe na Cassien akaba nawe yaraburiwe irengero mugihe kimwe nabo!
Gusa namba nabo byamenyekanye ko batarapfa bafunze ariko Niyomugabo we ntagakuru ke! Niba baramwirengeje nawamenye, bajyaga banakora ibiganiro hamwe.

abayo 14/04/2014 22:53

inzoka yararwaye iraremba ibonye itazakira yiruma umurizo.

Dushyigikire Kizito Mihigo 14/04/2014 20:18


TUBABAJWE NO KUMENYA IBIBAYE KURI
KIZITO MIHIGO, TUMUSENGERE TWESE HAMWE - WE ARE SHOCKED TO HEAR WHAT HAPPENED TO KIZITO MIHIGO, LET US PRAY TOGETHER FOR HIM - NOUS SOMMES CHOQUES D'APPRENDRE CE QUI EST ARRIVE A KIZITO MIHIGO,
PRIONS ENSEMBLE POUR LUI. AMEN. https://www.facebook.com/profile.php?id=100008179447830